雖然今年仍未完結，可是若果要數到今年的多產男演員的話，相信古天樂絕對可以是榜上有名。
從今年一月開始計算，目前古天樂主演的四部電影已先後上映，分別是一月的《家有囍事2009》、七月底的《竊聽風雲》、八月初的《大內密探靈靈狗》及剛上畫的《意外》，除此以外，暫定十月廿二日上映的《撲克王》也有他的份兒。
上述五片，除了《家》片群戲較多外，其餘四片他也會擔當主角。當中《家》片與《大》片同屬搞笑類型。
近年香港能當主角的男演員買少見少已成事實，不過剩下來的很多都未必希望如斯多產量，結果古天樂便在圈中產量鶴立雞群般勝上。可是，多產量雖然一方面，可以增加一點收入，但是觀眾又會否因為看同一演員主演的電影過多，出現觀影疲勞而不欲再去觀看同一演員的演出呢？實在很難預計了。
迷逃小書童華安
古天樂都叫做（暫時）最後一個在電視跳到出來的電影男星，而無電視味…
最最最可惜既係，古天樂讀對白有很少的痴利根的情況…
shtmanhk
古天樂仲有部一路有你原定十月上映,但巳延至明年.
特區劣民星球人
佢直頭係香港最後一個明星, 默衷~~
nbachung
都估到《撲克王》今年上埋..依d潮流戲唔會拖太耐.
jerrychan
古天樂講野痴利根的問題不止很少吧…
Dash
呢個星期揀戲真係有D難
本來想睇意外 不過一諗到又係古天樂
真係會有D卻步 今年真係太多佢既戲
感覺有D膩 加上收費電視又不斷播佢D戲
睇到有D怕 如果再係咁真係聽到佢個名就會怕
希望唔好咁快拍到佢爛晒 係時候要抖下
不是過路人
覺得古天樂演戲講野嘅節奏好似周星馳
shtmanhk
主要是配合梳打埠賭埸造勢
shtmanhk
近年有時參考 johnny depp
kent
古天樂 最近幾套作品,都有幸跟幾位 實力派前輩 做對手戲,真係幾生修道
球証
自從無記成立了”經理人部”後,連搵電視人拍電影都係經無記接,無記抽水奇高之下果班電影人自然唔會搵班電視人去拍電影…
此外,電影市道唔好,令到果班電視人唔敢跳出去亦係一個原因.以前如果你拍電影唔掂,你都可以過亞記,但依家連亞記都唔拍戲,你又唔敢得罪無記下,咪更少人轉型囉…
特區劣民星球人
佢天份點都好過伊健, 伊健都撈到咁多年, 仲有呢年都唔慌有男演員取代到佢, 佢實有排做~
迷逃小書童華安
伊麵同劉華個情況好係，佢地兩位拍左咁多年都係差唔多款，劉華好彩在個人味力搭夠，伊麵既「長不大的細路」初出道會好有優勢的（而就係這個在當年搶去劉華好多演出），但年複連連仲係咁，就變左好悶，因為有其他「真細路」出現…
好彩既係，古生無這個問題，唯一缺點都仲係「痴利根」問題…
Wong仔
通常唔系古天樂就系吳彥祖,仲有邊位型男演員呢?
香港現在就少了以上這類男演員。
janelamm
近年古天樂的戲路闊了，演技也愈見進步。在影圈青黃不接的時代，對本港影圈確是好事。
特區劣民星球人
再好運d, 佢會係周潤發
小黑大王
古仔好不幸咁講，佢o既成功係靠傾斜o左向大陸o既電影界發展而成的。一年5套片，因為片商不敢用新人，尤其是大片。於是港產片不多的香港，就變成好似套套都係古仔。
你睇佢早前買睇過 1.5 億豪宅就知。
古仔的演技同聲線，係抄鄭少秋的。
歐十十
我雖然也頗喜歡古天樂，但齣齣大片都係古仔，也實在太多了吧？除了那幾位男星，已沒有具份量的男演員嗎？港產片真大鑊！
shtmanhk
古天樂將拍鎗王之王及花田喜事2010,加埋一路有你,起碼仲有三部片要上.
杜絲先生
佢有周潤發既演技先算
nbachung
爾冬升說過現時有市場小生選擇唔多.只得eason.吳彥袓.古天樂..冇計.唔係幾信佢片酬有500粒?
如真有500粒.[一路有你]d製作費咪比哂佢.
obama
應該係模仿(喜劇之王)時ge周星馳