在戲院觀看電影，本來是一件不錯的事，但是有個別觀眾的行為，為比起銀幕上的劇情更為「壯觀」，那些「極品」觀眾，也許比觀看恐怖電影還要恐怖。
昨天「講。鏟。片」情報人員在觀賞電影時，便看到一名「極品」觀眾的驚人表現。
「講。鏟。片」情報人員昨天於百老匯電影中心觀賞九時半的《明媚時光》場次，結果前排於銀幕左方通道位置來了一位「極品」觀眾。在觀影時進食麥當勞餐廳的一個套餐，大快朵頤後將所有包裝及垃圾一律沒包好便棄到地下來。
在進食過後，也許電影並不是該名觀眾的杯茶關係，看得開始入睡，扯出鼻索來普且發出聲響，途中有數次，每次又維時約十分鐘左右。
可是，「好戲」還在最後，在散場之時，那位觀眾成為「快閃」一族，垃圾當然遺留到自已的桌下，不過還來表演腳法一番，將膠叉一隻踢進該行的通道內，而熱飲紙杯更踢進通道前方的當眼位置，不是知否有「宣示主權」的味道。
觀看電影，本來是賞心樂事，可是上述那名的「極品」觀眾，可以說是宣示自己主權大於一切。然而，戲院的主權根本是由院商又或發展商所擁有，何來需要宣示主權呢？莫非真的是要將自己的快樂建築於人家的痛苦身上乎？真的難為了坐在該名「極品」觀眾旁的觀眾了。
william
i just don’t get it…關「宣示主權」咩事？
Mike Liu
「宣示主權」只是比喻。
照個人看來，「極品」並非想「宣示主權」。
只係懶。
我就最討厭有些人看電影時腳太長，坐前排的可不要按摩？！
還有一杯飲品放在地面，因為試過離開時被踢翻了，十分不好意思的。
Mike
CR(appleguy)
真係無人能及，極品中的極品
王毓民
呢D人唔死都冇用！！
hii
香港真係乜人都有…..睇戲遇到乞人憎的觀眾真係多不勝數
我每次買飛睇戲時, 都要祈禱, 希望上天唔好安排呢類人同我同場
可惜, 每次個天都聽唔到我講野
唯有聽天收
-(0_0)-
電影中心越來越雜了
Robbin Williams
而家上緊 色迷‧謎, 有心人士不妨入場留意一下d單身客了
CR(appleguy)
又未到咁離譜掛…話哂都叫半套「藝術片」
Wong仔
唉!天下間竟有這種人。真系陰公。呢種人自私自利呀。
Robbin Williams
單身客係特多…唔信睇下預售…laugh
Dony
單身客又點??
唔通只係一個人睇戲o既人先會有呢d 問題??
唔好當左個個單身去睇戲就係怪物先得架~~
我都不知幾enjoy 自己一個人去睇戲~~
唔駛成日有d fd o係隔離嘈住晒~~
可以專心留意劇情~~
你估去打波唱K咩~~唔係咩活動都要人陪架嘛~~
當然睇笑片就例外~~
Robbin Williams
睇黎你唔知bc上某些電影會有特多叔叔伯伯入場呢個傳統~
哈，我有我態度！
ranana
12:30pm 一半滿座? 套戲好得 / 好荀咩?
me
自己睇戲，一定唔去旺角…
戲院內的惡行：(例有的)講電話、後排的脚壓在椅背上、講劇情及估戲跟住的劇情、食d好濃味的食物…等等！
clemensmok
幾個星期前去電影中心睇「英女皇」，隔籬嗰位小姐不停開薯片之類小食，開袋聲嘈、食嘢聲嘈，加埋佢好似有強迫症咁每逢畫面出現英文佢都會跟住讀… 真係嘈到我發癲咁濟