今年一月起，新寶院線旗下的寶石戲院和影都戲院不再提供每天的三級片早場，改為於周末及周日提供十五元的廉價正片早場。到底實際體驗如何？
事隔多月後，昨天「講。鏟。片」情報人員終於到了寶石戲院體驗該處的十五元早場。
問題來了，何以要事隔多月才來體驗呢？當中的原因之一，便是希望拿部開畫數字低一點的電影體驗。今年新寶院線開畫電影中，《蕩寇》可算是票房較不理想的一部，該片於周四及周五於寶石戲院全日僅分別錄得三十及廿三人次。
十五元的票價，其實是十分吸引的，因為星期六的《蕩寇》早場，入場人次竟超過廿人，人次竟是周五全日五場的人次總和。也許戲院一向以來入座情況不算常滿關係，售票員只是隨意在座位表劃個位便算，而票根亦沒顯示座位數目。也許該戲院已播放多年三級電影早場關係，縱使《蕩寇》不是三級電影，可是票根卻有三級的標誌。
入到場內，基本上是可以自由選擇座位。也許大家或會問，寶石戲院早場十五元，其他場次也只是三十大元，是否真的「超值」呢？實情是一分錢一分貨。
銀幕一開播放電影之時，大家即時明白為何要以廉價作賣點。首先，銀幕可算是污漬處處，整個銀幕仿如舖上了一層霧一樣，當中也許《蕩寇》是以闊銀幕播放，而該戲院平日甚少播放該等電影，結果左右兩方均有特別灰黑的痕跡。更為大煞風景的，就是銀幕正中央出現一條黑線由上至下貫穿畫面，未知是否用來教導學生甚麼是垂直線。而右方銀幕亦有一條類似的黑線。
余力為的《蕩寇》雖然以畫面漂亮見稱，可是在寶石戲院觀看並不如此。未知是否播放器材年事已高的關係，投映播放的光度不足，較暗的地方只會全黑起來。而且，投射起來亦矇矓一片。十五元的早場，觀看電影的感覺就仿如觀看九十年代於戲院現場拍攝的盜版影碟相若。
不過，十五元的確是具吸引力的。因為有觀眾在放映前便曾說現在五十元一票都太貴，也許他們不介意畫質的話，這類廉價但低質量的戲院仍有一定的存在價值。
nbachung
ryan.都有2年冇去寶石戲院看戲..寶石戲院銀幕真是幾差吓.[投映播放的光度不足，較暗的地方只會全黑起來。而且，投射起來亦矇矓一片]..很認同.2年前看[神探]己有這情況.
平又點..寶石戲院看戲真毫無氣氛..環境差.情願貴20元去UA黃埔看好過..
passby
夠膽坐落去已經好叻
nbachung
passby. 夠膽坐落去已經好叻…咩意思?
Wong仔
《蕩寇》這部是什麼類別的電影?人家對此片有戒心，不敢去看，因此入場人次這麼少？
matt
其實UA黃埔都唔係好
阿樂
本來今日捻住去寶石睇早場，最係做GYM係無時間，咁而係咪得番官涌有成人電影睇？
Tony
How bad is Whampoa? Just watched Hannah Montana this morning there (morning preview no choice of cinema). To my low standard, it’s acceptable.
大頭仔
你意思係咪戲院d座位舊 夠膽坐落去已經好叻 其實我覺得寶石個男廁清潔ok,有廁紙同肥皂供應,豪華呢兩樣都無.
阿樂
我都坐過呀，都Ok，不過就未入過廁所
大頭仔
說起寶石的銀幕,我真係未見過佢開過闊銀幕.上次睇東邪西毒諗住闊銀幕.點之無不特止仲要係簡體版,全場都無立體聲的.反而上兩個月在影都睇短暫的生命時賣神鎗手預告銀幕都有拉闊,拉闊個時仲有d 支支聲.都有d立體聲,總括影都個銀幕比寶石好d但座位深度就唔夠寶石.
nbachung
說起寶石戲院..唔明到現在重未清拆結業原因?
近幾年寶石戲院看戲..未試過多過20人看.記得週日看[黑社會]時都有20人到.open晝看[以和為貴]已得唔夠5人..相信平日出現零票房都已成習慣.
之前ryan說[東邪西毒]寶石有幾千票房..真搞笑.
篤數都揀第2間啦..
召阝弓虽
最驚就係…..
呢類戲院Ｄ櫈，可能染有大量陳年「飛機油」！
睇完戲玩下手「一褲都係」！
williams
唔係射向前面椅背既咩
Raymond
寶石戲院並非獨立建築，怎樣拆，除非整幢大廈重建。
Billy
非獨立建築都可以改建的, 當年大埔中心都係上面有幾座樓, 一樣可以將戲院改為2層商場租比吉之島.
問題係寶石個位值唔值得做改建.
召阝弓虽
梗可以射向前面椅背，但因各人身體機能而異啦。
未必個個都係射個喎……特別係睇開三級早場果班用家，年齡層普遍比較大。。。。
仲有「滴」，「滲」，「漏」，「洩」，「噴」…. 等無限個可能……
如果戲院方面清潔功夫比較馬虎，觀眾坐呢Ｄ櫈，都幾大機會沾有殘留物。。。
哇卡
記得以前讀POLY,
真係會放左學,同同學去包場睇架!
(TOTAL4個人啦)
記憶中睇過都10套8套架!
(果陣仲有住HALL,諗唔到做咩咪過去睇囉~)
入場前去隔離X仔記食碗$10麵,
跟住去裕記買D $5內野飲~
學生嘛,仲要住HALL,
要慳得一蚊得一蚊~ 🙂
華仔
戲院都有半年無播過三級早場啦,飛機友應該絕跡.可以放心坐吧,寶石的座椅有絨.有點像以前金聲超等的座椅.
KK
在今天(星期日)早上去了豪華看20元的早場(矮仔多情),我看的是1院,銀幕近中間的位置,有一條垂直的粗灰色線(邊),極為大煞風景.(情況與寶石的銀幕非常相似).而銀幕下方的黑布已發莓了,有不少灰白點,頗為嘔心.正所謂一分錢一分貨,20元的早場也不能要求過多.
不知道2院的情況是否一樣? 戲院大堂說2院有杜比立體聲的系統,此話是否當真?
而我購票時,賣票的阿嬸問我有沒有興趣看”變形金剛-狂派再起”的12點場(因為每天的12點半場是優惠價30元)? 她說該院沒有因為片場而加票價,50元就可以看2部電影(20元早場加30元12點場),非常抵看. 當我聽到她的話,就立刻”O咀”.
2745
寶石一定無杜比,因旁邊無喇叭,效果咪好似以前佐敦的’快樂’戲院!至於’豪華”早幾年啲音响都OK,但呢一兩年係人聲方面(銀幕後面的喇叭)就好細聲,幾乎聽不到!唔該校番大聲啲!