香港近年拍攝喪屍類型電影水準已大不如前，去年年底的《有隻殭屍暗戀妳》可謂去年一大垃圾。
不過，若要數到近年喪屍類型的經典港片的話，葉偉信執導的《生化壽屍》相信是榜上有名。
九八年的《生化壽屍》，條橋上其實不算新鮮，描述是一樽類似葡萄適款式的飲料是生化正器，飲用後變成喪屍，然後被咬者又成喪屍等。觀乎整體製作其實是成本不高的作品，如演員便用上當時仍未算是一線的陳小春、李燦森、張錦程、湯盈盈等，當中還有近日憑電視劇人升急升的黎耀祥。選景方面，電影絕大部份情景在炮台山的新時代廣場拍攝，而且也集中於夜間時分。
縱使如此，《生化壽屍》其實仍算是可觀的。可觀之處就是導演葉偉信能充分掌握了商場的環境，在進行喪屍大戰之時，也充分地利用了當年不少演員的形式，令演員能易於投入於電影之中。電影中雖然有著不少搞笑的情節，可是其黑色味道卻十分濃。
值得一提的是，原拍攝《生》片時，共攝得兩個結局，當中尤以較淒美的一個感覺較佳。電影雖然成本不高，並於十一年前的今天上映，但卻錄得620萬的票房。其橋段於後來則被改編成以警署作背景的《生化特警之喪屍任務》，不過成績則遠不及《生化壽屍》。
葉偉信當年擅於拍攝這類低成本作品，近十年則以拍攝大製作為主。雖然《葉問》叫好叫座，但他的小品仍是令人懷念。
仍沒觀看過該片的朋友，不妨先看看預告片好了。
喪星
肯定係香港最佳喪屍片，沙發!!!
山本
當年入場睇..係為左個知道個結尾點收科..
shtmanhk
《生化壽屍》充滿葉偉信的小情小趣,結局的弦外之音令人回味不已.
tim
近兩年Cable 都無重播la,好想睇番!
用嚟拍攝嘅商場在北角,宜家叫「新時代廣場」,依然係個静英英嘅場
森林
當年也有入場看,
我倒想知沒有上映的結局是怎樣的…
now有時也會重播.
路人一個
當年的葉偉信比現在的他更好看
只是往事只能回味…
CR(appleguy)
唔知點解，當年o係有線睇時，硬係覺得有少少cult 味…
熙少
結局震撼，殺觀眾一個措手不及，同意Ryan所說，真的很淒美，不過整齣戲很多情節也很有趣，當年看時覺得很有新意，如快慢必向陳小春及李璨琛兩人問話時的「鏡子戲法」
柯南
呢套唔使講…最主要賣”點”就係湯盈盈啦….. :p
hkw
知有另一個結局係因為無意中係dvd裏面睇到,不過呢套真係經典到爆！
obi-den
我就鍾意睇黎淑嫻 :P，當然黎耀祥飾嘅駒哥都好正！
shtmanhk
黎淑嫻?
謝拉
有冇人知另一個結局係點, 我淨係知道VCD嗰個結局
anf
食…. 食….
迷逃小書童華安
最經典的「土法練鋼」式化裝：
「勞工手套扮爛手」……
奸
當年娛樂版賣這戲的賣點 >>> 湯盈盈真空凸點！
nic
可唔可以講下另一個ending係點？
加南
另一個結局其實係馬拉版結局來,情況差不多等如近年的大陸版
那結局係…..一cut,小春同燦森兩個扮細路(真係扮細路),然後對住個電視,原來係二人在生化危機的遊戲機,然後燦森同小春講 : 再打機媽媽番黎就會鬧架喇,我地唔好再打啦….
(大若係咁)
拍得好求其的…..擺明玩野到當人地係傻的…好有,你要丫嘛,咪俾你囉!!
イ言イ子
你響邊度睇的？
In case DVD 個 alternate ending 唔係咁的。
小熊肥Pooh
呢套對我而言是cult片之一
成套拍得幾好睇, 有d位係幾為感人的
可惜是我隻VCD 唔見左 🙁
熙少
其實處於當時如此盜版猖獗的情況下，生化壽屍仍能收到620萬，實在難得！假如現在香港電影業有齣港產片可以收到此數字，可能要擺慶功宴了。最抵死戲中更對翻版商幽了一默(蜥蝪仔拿算死草向陳小春要求回水，陳小春有句對白：「鐵tanic係我地拍」)狠狠地對當時的翻版盜錄情況嘲諷一番…
obi-den
obi-den
sorry，係黎淑嫻至真！
謝拉
可唔可以講下大約係點?
obi-den
sorry，係黎淑賢至真！
Wong仔
我睇過呢部電影,馬馬,唔系幾好睇,小情小趣。
小影
有喪屍片的味道，有驚喜！
KaKa
結局唔錯﹗