本周的三部以愛情為主題的電影採用不同的宣傳策略，當中岸西處女導演作《親密》在「暗渡陳倉」播放獲得提名仍開畫低開，下周上映的《保持愛你》高調宣傳兼明天預售優先場反應理想後，另一部港產愛情片《愛得起》雖然下周也在港開畫，不過宣傳卻相對低調。
《愛得起》是馬偉豪與火火合導的作品，主演的包括梁詠琪、陳柏霖、邵兵及Hot Cha等，主要賣點就是近年演出不多的梁詠琪。其實此片早於去年聖誕已在內地開始宣傳，而《愛得起》亦已於今天在內地開畫。可是，香港方面的宣傳除了記者招待會以外，則不太覺眼。
據悉，《愛得起》在港不會作大型發行，不過縱使如此，也許基本資訊也不能欠奉吧，難道美亞今回的宣傳方法又要做到像《烈日當空》的爛，又要製作人主動為自己電影宣傳才可以麼？到底是否市道不景之下，連基本宣傳費用也可以慳得就慳乎？
《愛得起》其實是繼《親密》後另一部獲電影發展基金投資三成製作費的作品，正當《親密》開畫於11院僅收五萬多時，還望《愛得起》不會落得如斯下場好了。
Ryan
CR：上一下先會否賣埠好一點呢？
Ryan
shtmanhk：政府或者又來注資囉。
Ryan
jerrychan：恐怕要多一點時間才看到了。
Ryan
shtmanhk：唔係又顯示所謂支持電影業呢？
Ryan
tintin：可能在港已一早打定輸數。
Ryan
Elmo：點解會咁諗既？
Ryan
路人：第一輪還有其他計劃，也許睇埋可能較易看到成效多少吧。
Ryan
MM：志在參與乎？
Ryan
Elmo：但是投資方面取向是否應以香港市場本位呢？
Ryan
把幾火：但閣下看了電影沒有？沒有又是不是算是未看先評呢？
Ryan
kim：對於新導演來講，很多時渴求的是一個機會。
該片昨天已在深圳看了，坦白說，若果只是一名純新導演拍僅為合格，但合導出來，暇疵位置實在不少，而且太過希望同時討好內地及香港元素，結果進退失據。
稍後將會再詳談該片。
Ryan
把火幾：唔看是閣下觀乎相關消息的入場意慾，跟影片實際質量，則是另一回事，請弄清楚好了。
Ryan
Elmo：多謝補充。
Ryan
tintin：咁個別人士選擇不看，恐怕難以評論該片質量了。
Ryan
MM：咁真係唔知盤數點計了。
Ryan
MM：《愛情故事》的問題，將稍後可另文探討好了。
Ryan
shtmanhk：但一直不定映期，連宣傳也上映前一周才推之時，是否反映片商的信心不強呢？
Ryan
shtmanhk：院商周四試排一下，看到票房再定周末，試水無妨。
Ryan
shtmanhk：等大家估下好了。
Ryan
shtmanhk：睇埋周四排陣便可估了。
CR
咁攪法…發行dvd好過。
shtmanhk
幾大宣傳都好難起死回生,這是眾多港片的先天局
限.
電影發展基金遲早摺得.
jerrychan
很有興趣看電影發展基金盤數，看政府如何倒納稅人的錢落海。
shtmanhk
浪費納稅人的血汗錢
tintin
其實呢套主要都係sell內地市場
不過最初以為會等到3月
避開一眾愛情片
無諗過會咁快靜靜雞上咗佢
Elmo
算把啦, 佢都係賺人仔算啦,
知道火火有份寫就已經唔想睇啦.
路人
絕對贊成，究竟有無人監察他們的成效？請咗美亞之前的高層做CEO，成十皮一個月，又係納稅人的錢，成績so far的確有目共睹！
MM
套戲真係上得神秘，
話上就上，
完全都唔知邊間院會做套戲~
不過今次套戲都有用巴士車身賣 banner 廣告，
為數唔知多唔多，
但係套戲 19 號做，
12 號先至上巴士 banner，
真係唔上好過上~
Elmo
往好的方面睇,
如果大陸有得上,
而院數方面又足的話,
就算是垃圾戲, 都可以封左蝕本門的。
把幾火
又一爛片格局 編/導/演 都完全冇期望兼冇香港市場
果個”火火”臭晒朵架啦 出晒名靠痴上位 d野抄抄改改扮原創 見高就拜見底就小 “西人”一名
政府資助3成 係咪規定要在香港上畫架
如果唔係就上都唔上直賣大陸啦
香港過1球都肯定係篤數
kim
一個新到冇人識咁滯的導演都有人插！奇聞！報導都唔多講佢，又唔見佢有咩新聞都出晒名？出名真易囉。
編劇冇佢個名，又有人會知佢有份寫。新到咁又會臭晒朵，電影寫過一套又未上過，你又咁清楚佢抄抄改改扮原創。見高拜見底就小你都知埋，你地都好留意佢喎。原來佢咁紅！哈！
我只覺又是一班患了紅眼症的狗屎垃圾又作嘢。你地[咁多]不為人知的資料，唔係作嘢都資深行內人啦！(不過行內人有咁留意呢條新人咩？咁佢都幾勁喎！)
我冇覺得呢套戲特別吸引(我非常認同編/導/演都冇香港市場)，不過一睇就知一係就垃圾眼紅人，一唔係就自己人做新聞。再唔係就敵對電影搞嘢！
大佬呀！香港電影就來死啦！大家都正經啲啦！唔該！
呢套戲你要擔心o個個係呢條新仔？我先唔信電影圈新人有得話事lu！你擔心下馬導演會唔會又拍套好過啦！
純粹分享。
把火幾
未看先踩好奇呀, 唔看都係一種態度黎嫁!
Elmo
我淨係知903好多垃圾廣播劇都係佢寫的,
而好多森美小儀歌劇團佢都有份導演,
所以唔算係新導演。
加上此戲的演員又唔吸引,
題材又唔吸引,所以唔會有任何入場意欲去睇。
tintin
睇黎上面分身有術的朋友同火火有血海深仇
BLOG主唔好使再回應佢啦
MM
我又唔覺得佢係志在參與，
如果真係既，
我諗佢都唔會o係巴士度上 banner 廣告 tim，
但係而家又唔係唔上，
不過真係上得太遲~
普通一套戲如果要o係巴士度賣 banner 廣告，
我諗至少都兩星期前就已經會上，
好少好似呢套戲咁一個星期前先上~
所以真係唔知發行想點
搞到而家有兩頭唔到岸既感覺
p.s. 相反 4 月 2 日做既新宿事件都已經o係巴士車身賣 banner 廣告
MM
另外補充少少，
岩岩睇到愛情故事既 12 開 poster，
套戲雖然主角都算係新人，
但係基本上除左平時上開西片多既戲院唔做之外，
即係 Palace IFC、AMCPP、電影中心 etc..
其餘都會上呢套戲，
有少少跌眼鏡
至於一百萬零一夜就好似全部戲院都會上
shtmanhk
近兩星期太多片要上,相信套片是一直排不定映期,而且此片有太多前車可鑑.
shtmanhk
19/2,26/2 這兩星期主流片不足,愛情故事多戲院上並不出奇
shtmanhk
女人本色開畫9萬(12院)
女人不壞開畫6萬(19院)
親密開畫6萬(12院)
且看愛得起票房有何突破,抑或創新低?
kn
我覺得”愛得起”一定唔會創新低 lor~!
MM
今次愛得起會o係 11 間戲院做~
Palace APM、百老匯（葵芳、元朗、嘉湖銀座）
UA（朗豪坊、Megabox）
嘉禾（旺角、荷里活、青衣）
The Grand Cinema
MCL 將軍澳
雖然院數唔多，
但至少今次比起女人本色既戲院分佈好少少，
至少上次女人本色百老匯淨係得一間，
仲要係嘉湖銀座，
今次至少旺區都有上愛得起~
我相信套戲票房唔會差
shtmanhk
MM:女人本色立基發行,UA起碼會全力支持,亦不只兩院.
以百老匯一向現實的做法,究竟會留番幾多場俾愛得起?
相信愛得起以嘉禾最支持.
暫時來看難以樂觀.
MM
我又覺得好多野唔駛講到咁唔樂觀，
百老匯排得套戲去o個幾間院既，
我相信唔會話冇幾多場俾套戲，
正如你都講下兩個星期都冇主流片
雖然套戲唔會話真係好好票房，
但我諗都唔會太差
shtmanhk
但上一兩個星期好多主流片喎!
karen
我都贊成MM的意見,一日未上畫,都唔好咁快打定輸數
MM
暫時睇到既資料，
UA 朗豪坊排 4 場
12 點、5 點、10 點同凌晨 12 點場
Palace apm 排 6 場
11 點、1 點、4 點、6 點、9 點同夜晚 11 點場
元朗百老匯排 5 場
12 點、2 點、6 點、8 點、9 點場
MCL 將軍澳排 5 場
12 點、2 點、4 點、8 點、9 點場
暫時睇落去愛得起既時間都唔係話太差，
同埋大部份至少都做到 5 場~
雖然睇番佢地排既都係以細院為主
MM
再補充小小其他院線時間
嘉禾荷里活排 5 場
12 點、2 點、6 點、7 點、9 點場
嘉禾青衣城排 5 場
11 點、1 點、6 點、8 點、10 點場
嘉禾旺角排 5 場
12 點、2 點、5 點、7 點、9 點場
UA Megabox 排 5 場
11 點、1 點、5 點、7 點、9 點場
MM
嘉湖銀座百老匯排 5 場
12 點、2 點、6 點、8 點、10 點場
shtmanhk
周四場次都算不俗,不過院線line up 及埸數比不上親密,最大考驗是能否避免周末減場?
值得一提的是,親密沒有於嘉湖銀座百老匯及元朗百老匯上映
戀
由馬偉豪、火火執導，梁詠琪、陳柏霖、邵兵主演的電影《愛得起》，以『浪漫、情感、喜劇』幾大元素開篇，演繹了一段『笑著流淚』的愛情故事。記者昨天從片方獲悉，影片上映三天，票房一路飄紅，已過千萬，成為今年情人節檔的贏家