圖片來源：好戲量排練日誌，攝於零六年七月（管理員按：圖片經也失聯）
「講。鏟。片」建立已年多，畢竟很多東西仍在學習階段，有謝一眾讀者留言提供意見。讀者的意見，其實也極之重要，在互動之餘，也是給我們一個警惕。
到底警惕有何重要？今天我們從近日好戲量在旺角表演受到網民非議事件說起。
倘若大家平日晚間或假日行經旺角西洋菜南街的行人專用區，必然看到並不算太暢順，亞皆老街至奶路臣街的一段充滿俗稱「街霸」的寬頻業務推廣員找搜獵目標顧客，山東街至豉油街的一段常有法輪功在展示街板甚至示範，而豉油街至登打士街的一段則有著某健身中心不斷拉客。
可是若果閣下是趕時間的話，相信會發現步速最慢的一段，就是由奶路臣街至山東街的一段。最狹窄的地方，行人迫得水洩不通。如斯擠迫，兩旁的商店其實也未必因此受惠，因為人人趕著走而不光顧。而這段地方，原本三條行車道列為行人專用區，可是其中兩條車道卻舖上了劇團「好戲量」的宣傳品及作街頭表演，兩旁半條原本行車道，則擠滿了圍觀的途人及好戲量的銷售檯面。
換來的結果，一段本屬行人專用區給行人通過的地方，卻仿如沒有完全給了行人，形成了整個行人專區的樽頸，令一些如從港鐵旺角站趕去旺角百老匯戲院卻不能速達，這個亦是「好戲量」受人非議的地方所在。
其實「好戲量」在該地方表演已有數年，起初只佔了一條行車線，連同圍觀觀眾，最多也只佔兩條車道，途人仍有車道可以享用。可是，近年「好戲量」在使用行人道上變本加厲，在享受自己表演之餘，卻沒有照顧到整個地區其他途人的行人流量。
其實說成「阻街」的團體不少，何以「好戲量」最受人非議？也許是沒有人好好地提醒過他們，也許沒有自我警惕。人流不暢順，當中佔用行車道最多的團體，順理成章地成為眾矢之的。這些反對聲音沒有好好疏導和處理，久而久之，便像火山般爆發起來，變得一發不可收拾。此事的導火線之一，也許是好戲量的馮世權在蘋果動新聞的討論時，一句「咁請問你係唔係一步都行唔到？不如我教下你點樣可以行過啦！」也許馮氏不太覺得有問題，可是該句說話卻有著極強的挑釁性，易給人詮譯此言論為間接要人家連一步也行不到才算阻街，跟公眾的期望和標準也許相距太遠。
由此可見，有意見來自我警惕的重要。
自我警惕，也許由讀者的意見而起，不過有關團體也要先有其氣度接受意見，將其意見經過思考來作出調整。當然，也許過程中有些意見並不合理，可是對於合理的意見，卻要多加留意。
故此，我們感謝讀者的意見，讓我們從中更能學習和進步。
Ryan
小黑大王: 但手法和效果則是另一回事。
Ryan
longhair: 無論如何，肯定是對行人流量造成影響了。
Ryan
Jason: 擺街邊賣野是近期的事了，看來他們不知或不想知問題所在。
Ryan
Jason: 的確如此。
Ryan
ERIC: 但總不能是「我有我自由，懶理你感受」吧。
Ryan
guest: 這點倒是不少人認同的。
Ryan
obi-den: 難道兩者沒有必然的關係?
Ryan
花夢蝶: 還望大家也會做才會達到所需效果。
Ryan
yo: 態度的確會影響大眾觀感的。
Ryan
CR: 玩到公眾唔認同時，也會很難有市場吧。
Ryan
starsman: 不如問食環署何以不去處理好了。
Ryan
方潤: 從一個角度看，藝術團體是主，觀眾是客的話，恐怕溝通先要由主出發，不能掩耳盜鈴。
Ryan
經過: 這便是問題所在了。
Ryan
小黑大王: 這點要查證一下了。
Ryan
les deja vu：呢種行為若做到公眾不安，真的值得商榷了。
Ryan
希望：歡迎光臨，近期便在油尖旺區議會有個討論就是取消這個行人專用區了。
Ryan
河馬仔：這點相信是很多行人的觀點吧。
Ryan
賞戲人：其實要針對的未必是他們演出的質量，而是他們的行為已達至跟其他市民對立的程度。這種情況下，恐怕要有大眾市場，看來可能性低得很。
Ryan
自由人：十分認同。
Ryan
SIN：搞藝術或水準如何是一回事，但是間接影響到市民和商戶，恐怕難以受到歡迎。
Ryan
3.0：多謝閣下的認同。
Ryan
鳳林：「我有我自由，懶理你感受」乎？這種心態繼續下去難免只淪為與民為敵吧。
Ryan
HONMAN：組識如何不清楚，但阻礙人流卻十分明顯了。
Ryan
JOJO：獻醜唔緊要，唔好影響其他遊人同市民才最緊要。
Ryan
longhair：恐怕只變成無牌小販吧。
Ryan
聲討好戲量：不妨先致電社會福利署熱線2343 2255看看其籌款狀態好了。
Ryan
真言：這點倒是真的。
Ryan
神舟：不喜歡他們手法是一回事，至於對該劇團其他東西評價也許是另一回事，那些要多點例証才能說出來的。
Ryan
L: 也許閣下要去一趟，因為有去和沒去現場，其印象或者認同度相距甚遠。
任何團體無論理念如何理想也好，去到一個幾乎近與民為敵的極端時，恐怕也難有市場吧。
Ryan
Simon: 甚麼創作自由也好，也需尊重其他市民的需要。
Ryan
澤里野茂: 是不是年少戲盛，少了一份對他人關顧之故?
Ryan
Walker: 不過用這種手法能否獲公眾認同，則是另一回事。
Ryan
Simon: 籌款有獲社會福利署批准，擺賣則有要食環署的小販牌照。
Ryan
行人十三: 當然，所以也說明何以這個情況像火山爆發一樣。
Ryan
史力加: 還是直行便算? 也許這是日前馮先生給我們這種感覺乎?
Ryan
史力加: 要那班人肯做先得囉。
Ryan
yo: 成沒有藝術成份也好，但像近期這種擺檔方法，相信市民認同度不會高了。
Ryan
Oscar: 行為藝術也要尊重途人是否希望參與的意向吧。
Ryan
陳強: 該等行為算不算是將快樂建築在人家痛苦身上呢?
Ryan
Simon: 其實這個涉及到藝術團體自己本身的操守了。
Ryan
CC徐: 這點是他們真的要好好自我檢討之處了。
Ryan
好戲量請滾開: 或者咁講，他們的表演水平如何各人理解不同，但現在大家會認同的也許是他們表演時造成的人流樽頸嚴重影響途人了。
Ryan
HIN：最重要現在出現阻住途人同影響人流。
Ryan
路人乙：每每用上逼害字眼，還以為是患上妄想症的先兆，大家小心好了。
Ryan
CCK：沒顧行人使用而硬將範圍擴張，恐怕難獲公眾認同。
Ryan
CCK：他們自然會將責任指向警方身上。
Ryan
arthurson: 垃圾與否不是重點，是否影響其他行人才更重要。
Ryan
Auntie: 不過這類東西是打不死的。
Ryan
0: 到底是「藝術」還是「偽術」呢?
Ryan
北原怜那: 無故亂想被迫害是否某些病的病癥來呢?
Ryan
foreigner: 也許真的要設立這類場地了。
Ryan
好戲量係烏合之眾：到底係咪非法真係要查，但是否受歡迎大家心中有數了。
Ryan
路過的人: 他們是打不死的，不會自覺悶。
小黑大王
好戲量是行為藝術+表演藝術啊。
longhair
好戲量是行為阻街+表演阻街啊。
Jason
好戲量係以藝術為名o既小販而已~~
成日擺街邊賣野……….
Jason
100000000000%同意！
ERIC
其實在西洋菜街表演?
係自由?
還是要錢OR從咩途徑申請?
guest
同無牌小販無分別。
obi-den
以藝術為名，實則連一丁點的藝術修養也沒有！
花夢蝶
真係好阻街，旺角空氣差人流多，每次行過個度都水洩不通，特辛苦，尤其趕時間時，真的又熱又忟，唯一壓制他們的方法就是不要看他們表演。
yo
我覺得態度才是最主要的問題, 就算係藝術都唔係大哂….之前係旺角同time sq見到佢地已經好唔順眼…一向都好懷疑佢地所謂既行為藝術係咪真係咁「藝術」，成日覺得佢似玩路人娛樂自己多d(個人主觀地認為)。
CR
佢地果種算係即興o既一種。好戲量由playback theatre起家，強調集體創作，演員只係「表演」個體，係一個representation。
佢地捉人，就係要trigger一個performance。
只要有人，佢地就有得玩。除非呢個世界d人死哂。
其實咁做都無壞，但問題係…好戲量而家好似唔同哂…又或者，係人大個左，諗野無咁extreme。
starsman
其實佢地賣野犯唔犯法
方潤
我也希望好戲量看到這一篇文。
總好過一邊晒馬圍攻，一邊我行我素。
無論「踢走」定「阻街」，兩者都不好。
經過
我唔識欣賞佢地既表演, 亦唔覺得周街拉d女仔kiss算係乜野藝術
當然可能因為我冇乜藝術修養既關係啦, 算唔算藝術其實係見人見智
不過有一樣野我十分咁肯定既, 就係好戲量非常阻街, 霸佔既地方仲愈來愈多。冇錯, 而家係冇法例管制行人專用區,但咁係唔係代表好戲量可以隨便咁”霸地盤”呢? 如果係的話, 咁未霸哂成個行人專用區都得?
我睇過個段蘋果動新聞既論壇, 片中馮世權,主持人同毛孟靜夾攻莊永燦, 仲講出不負責任既說話, 我真係好懷疑佢有冇為大眾著想過。
我希望好戲量明白行人專用區係屬於公眾既,既然有要求佢地縮小表演範圍既聲音,佢地好應該聽從。市民好理性,只要有足夠地方俾佢地通過,相信唔會有大問題。
p.s. 上面所講既蘋果動新聞:
http://www.appleactionews.com/site/index.cfm?fuseaction=features.archive&channel_id=543211&program_id=608929#200000
小黑大王
希望佢地會認真考慮觀眾回應。話時話佢地有無藝發局贊助？對藝術的定義政府有指引嗎？
les deja vu
佢地周街搵人kiss, 根本不是甚麼行為藝術, 這是帶有性侵犯的”性行為” “偽術”. 同Jack Rolling有乜分別?
我都好擔心行果條街突然畀人錫, 報警又未必有用(對方一班人聲大夾惡, 得自己一個人邊夠佢地講), 唯有盡可能唔行果條街.
政府應該要正視這些變種的性暴力. 把他們”法辦”.
希嵐
第一次來這留言呢~~
唉,本來是因為迫,才要將馬路變行人專用區
如果比呢d團體霸晒
咁行人專用區就無意思啦
寧願變番馬路好過,起碼唔使搞到星期日所有車都改晒道,唔入得行人區,到頭來只益左呢d團體= =
河馬仔
佢地用得個行人專用區太密太多啦,西洋菜街南已經唔係一條好大的路,其實唔係太適合做咁開放性的表演……….
現在好多人都知道佢地的存在,佢地真係冇乜需要再咁樣做,加上條路唔係佢地專有的,其實佢地唔應該長期用個度,如只係一個星期用一兩天還可接受…….
賞戲人
我也是一個做戲的過來人，可能我做的比較小型，不夠「好戲量」那麼「大」規模。
本人覺得做戲不是掛著一個「勇」字就是戲劇。
他們常常說自己敢於創新，反對的人是不敢面對新事物。
但他們有沒有真正想過，大家反對是因為他們阻街呢?
其實本人覺得他們阻街不特止，還認為他們沒有演技，沒有自知之明。如果他們的戲真的這麼好，我相信大會堂、劇場都會歡迎他們，可必在街上「賣藝」呢?
多數行人都是因為好奇才會去看，有多少人是因為他們戲好而被吸引到成為長期觀眾呢?
如果有實力，是不會被人反對的。
沒有實力的劇團就好好練好才出來表現吧~
自由人
好戲量有表演的自由，但不能剝削或影響別人在路上通行的自由。將整條行人專用線用作表演場地，是霸佔的行為，是強盜的所為，捧着藝術自由的虛假面膜去展示個人的表演慾，甚而達到促銷目的，是可恥可惡，是強詞奪理，是漠視大眾所需，難怪變成千夫所指。
SIN
呢班人一句[藝術]為名成日在旺角作威作福, 真係忍佢地好耐, 有次仲要成班人企在馬路行人安全區呆站, 你可以想像旺角馬路中心是多麼擠迫, 乞人憎到極點,
創作冇料到,拎家駒來過橋引人注意發死人財,身為家駒歌迷的我痛心疾首,呢堆好戲量搞藝術?完全冇佢份,垃圾偽術就真!!
3.0
意見中肯
鳳林
剛剛睇有線新聞，見到楊秉基話「藝術表演係每個人嘅自由」，淨係識得用自由/藝術去迴避阻街問題，令人以為佢地好似俾人迫害咁。
HONMAN
好戲量=垃圾+不知所謂,以為自己大晒,
成個邪教組織咁,
各位行過千萬不要支持,地下有佢地d 嘢 dum 多幾腳.
JOJO
寄語好戲量, 獻醜不如藏拙
longhair
when they start to sell items, it is sure break the laws
聲討好戲量
班”曲街”除咗旺角外, 亦霸佔銅鑼灣, 好好好Q煩.
我有個做警察嘅FRIEND話佢地成日非法籌款, 下次見到班PK籌款, 一定要報警, 仲要影低佢, 同埋做埋證人,
睇佢地仲敢唔敢.
真言
從以他們所謂的藝術，這幾年人們已給與充足的機會去表演，但當其使用一個錯誤表達藝術手法和不能為人接受的藝術，這已是一個失敗和擾民的藝術。
再從自由去看，他們有表達藝術自由，但難道市民沒有使用街道的自由?
神舟
好戲量根本就係邪教
掛羊頭賣狗肉的偽術渣滓
L
香港人跟本不是太喜歡藝術，加上藝術的定義甚廣， 每個人對它的理解與接受的程度也不同。當然作為市民是可以有一定的意見，而這些意見都是寶貴的。但是有沒有想一想，那些藝術表演者全都是香港的市民， 他們也應該有他們的想法吧。
其實，香港人是不是實在太忙太趕呢？各人都需要空間，比較胖的朋友佔有的空間比較大，那是不公平嗎？何謂公共空間，在香港而言，是比較值得去相確的。香港地小人多，能用的公共空間沒有很多；人也往往比較自私，對自己沒有直接利益的事，是真的沒有認同，接納，容忍的空間嗎？如果我們要管實際（有體積）的公共空間，那要管思想和感受上的公共空間嗎？
對於「好戲量」所造成的問題，因沒有在現場經歷過，不能客觀的給予意見。但其實，真的有那麼大的影響嗎？藝術，對我而言，是不可能缺乏的一部份，雖然藝術的品質要有保正，倒也不能沒殺大家想要做的理念和空間。我覺得，不是強制而又商業的東西，這樣的藝術也沒有差。
Simon
藝術真的是需要空間, 但掛著”藝術”品牌, 佔據著原本屬於大眾的空間又是適當嗎?
客觀咁睇, 三條馬路行車線避作行人專用區, 他們在其中一段佔了兩條線做表演, 而在剩下的一條線則放了攤位賣T恤, 幾乎切斷了這條行人專用區, 咁都唔算阻街?
成件事唔係對與錯的問題, 而係程度及容忍度的問題, 現時來看, 相對於法輪功, sell寬頻,信用卡同街頭賣唱的人士, 這批”演員”於珍貴的公共空間的佔據程度, 已超越大家的容忍度o
希望大家認真反思這個問題, 只是一個簡單的阻街問題, 不要無限上綱到創作自由這麼高層次, 這不配o
澤里野茂
講得很好
但係呢班人嚴重自我中心
將自己認為就係對
不滿佢地就標籤成霸權主義,歧視藝術工作者
本人行旺角從未欣賞過佢地既表演
但係本人不反對佢地晌度玩
以前佢地晌百老匯果邊,其實唔佔好多地方
但係佢地玩到走火入魔,亂咁黎仲唔顧人感受真係好離譜
仲要咁囂張,真係唔火滾有鬼啦
果度話晒係公家地方,唔係淨係俾佢地玩,佢可以enjoy urself之餘,俾番D空間其他使用者
佢係有自由表演權利,但亦都有義務去保障其他使用者既使用權,唔係自由表演就大晒,其他人唔駛理,唔係人人都識欣賞或者想欣賞佢地既野,想要人尊重,就先尊重人地「人必先自侮而後人侮之」
Walker
因他們是在街上走動，並非企實，故食環署無法以阻街，警方亦不可用簡易程序治罪條例228檢控
Simon
如果涉及賣買或者籌款情況會否不同?
行人十三
對好戲量不滿的人,不是”網民”.網絡只是意見的出口.我們更是市民—行人.所以”網民”一字不能反映最少18,000位行人對他們的意見.
史力加
-根本都無人睇, 都唔知有乜好睇, 起初以為佢間唔中阻下街, 都唔覺得係乜野, 點知整整下, 搞到成個旺角塞哂人……佢地咪只係哎得大聲d…….喂條路要行ga, 唔該!!
-好心佢地唔好以為自己做緊d 對社會有益既事情先得ga!!! 阻街, 唔趕時間, 都唔想左穿右插都去唔到目的地ga…..
史力加
佢一賣野, 小販隊其實應該可以拉佢
yo
同意到極！講真佢地班人d表演頂多只算係“街頭整蠱節目”，一班阻街兼無禮既人，連素質都有問題，根本講唔上藝術！！個d街頭求婚呀、鬧交呀…etc，恕我膚淺，除左譁眾取寵之外，真係睇唔到有咩藝術成份……
Oscar,
果班自稱玩藝術既雜種真係不知所謂, 擺明掛羊頭賣狗肉, 係真正既偽術家! 阻街不特止, 仲成日捉d途人黎玩! 有次我同個女仔friend行過, 有兩條友走埋黎講完一大堆廢話, 又話咩想唔想表演又剩, 未等我個friend反應就咀佐埋去, 嚇到我個friend大叫, 跟住佢地成班人圍埋黎, 又話咩呢d叫即興表演, 又話咩行為藝術, 其實跟本就係咸豬咀!! 我話佢地咁同非禮有咩分別, 佢地夠膽死話大家年青人唔係玩唔起下嘛, 之後仲要吋吋恭, 最衰我個friend怕事, 唔係我實報警!
陳強
你咪算好囉，嘴你個friend唔係嘴你女友！我仲大鑊呀，我有次同女友經過，佢地無端端有條女走埋來話係我條女，問我做咩一腳踏兩船，又問我揀佢定揀我真正果個女友，又無啦啦橋住我烘埋我塊面度，同我女友講佢同我行埋好耐，叫我女友死左條心，搞到我比女友鬧，佢地又有人扮旁觀者係度搧風點火，擾攘完一論，我女友星左我一巴佢地先走埋來解畫話係演戲，真係X佢個肺！
Simon
好戲量是香港藝術發展局的文化藝術聯網團體之一, 我已在藝發局行政總裁茹國烈先生blog內留言, 並把這篇帖子連結給他, 希望能夠看到他的回覆o
CC徐
其實”阻街”的唔止”好氣量”,如民間電台也在西洋菜街開咪,也沒有聽過有人以阻街為由反對他們
我認為”好氣量”的問題是出於他們過分著重了他們在公眾空間的權益,他們強調了自己在那處表演的自由,卻莫視了行人通過的自由
“好氣量”要改善的或許是學習如何作場地管理,例如派人作人流控制等
好戲量請滾開
好戲量??
你有幾好戲呀??
我有一次經過諗住睇下有咩咁好睇,所來係一班小朋友係度阻街, 首先演戲要令觀眾明白你o地做緊咩先啦,你o地班小朋友淨係識得好似鬧交咁讀d對白出黎,不佑所謂.
我知你地班小朋友好有表演欲,但係你地咁做只會令人所感,反省下啦小朋友
HIN
我認為呢d街頭表演冇咩問題,只要唔阻住人
路人乙
十分同意你的觀點…他們就是少了自省的能力…不同意他們就是逼害他們…
跟本不用提升到甚麼「空間使用…」甚麼甚麼的。就只是要考慮其它使用者的角度。
CCK
“好戲量”既表演我唔識亦無興趣欣賞…..但條街係因為多人行同擠迫先會變成”行人專用區”…..俾佢地阻曬成條街,真係仲衰過有車行o既時候 ……”好戲量”請記住條街係”行人專用區”並唔係”表演專用區”……
CCK
其實我仲有一個問題 — 佢地放在地上D BANNER 好似好危險, 如果落雨時在上面滑倒那麼樣辦??….請佢地顧及行人安全….
arthurson
好戲量是垃圾
Auntie
我本人支持街頭行為藝術，但好戲量既街頭表演欠缺有意義既內容，只係識嘩眾取寵，所以我唔認為好戲量需要收歛，而係需要收檔
匿名訪客
成日阻住條街, 又嘈又賣野…
表演d 野爛都爆, 仲要話自己係藝術,
影衰晒香港藝術工作者…
北原怜那
佢地係話自己比人迫害,抹黑呀,大家冇見到佢地星期六d表演咩?擺筒墨汁係地下,跟住整塊板話咩歡迎抹黑我,將件事宣傳到佢地受迫害咁,哈哈,話唔定遲d佢地會做釘十字架呀,比人迫佢地做獅子老虎食物既劇目出黎…..
我係facebook睇到段片,內容係兩個男子當街同楊生對質,結果比好戲量d靚仔靚妹團員以粗口圍攻+不停大聲叫對方收聲,佢地比我既感覺係連黑社會都不如囉,好似班街童係度潑婦罵街咁
段片唔係好耐之前,就係星期六拍的
foreigner
If they want to perform, they should go to the parks.
“Theatre in the Park” is a very successful theme in various parks of USA and Canada.
It is about time HK should grow up.
好戲量係烏合之眾
好戲量果啲叫表演？仲以為係黑社會做大龍鳳咋！！又成班人圍人，又爆粗，又叫囂，又玩途人，好戲量真係不知所謂！！將行人專用區變成非法表演專用區，好戲量真係無恥！！好戲量影衰香港藝術工作者！
路過的人
第1次接觸好戲量
係n年前情侶鬧交爛劇
係聖誕節…印象非常深刻…
當時只知佢地非常阻街
想不到多年之後仍然用呢d技倆
差唔多每星期都會路過此地
由小小一角
到現在既路霸
我既怒火亦一星期比一星期多
由勉強行到
到而家行都唔行到…
同一劇本表演足5年
難道不悶嗎
(也許不悶，上面也有其他網友話過女性朋友被非禮，有著數喎)
你話你有表演自由
難道路人就無行過條街既自由嗎?
不知反省最後也只會激起其他人更大既怒火…
shtmanhk
思潮作動
嘉賓︰
楊秉基（「 好 戲 量 」 藝 術 總 監 ）
http://www.rthk.org.hk/rthk/radio2/89/20080903.html
shtmanhk
思潮作動
嘉賓︰ 楊秉基（「 好 戲 量 」 藝 術 總 監 ）http://www.rthk.org.hk/rthk/radio2/89/20080903.html
jojo
可能係本年最噴的專訪
Banky 是 好 戲 量 的 創 辦 人 ， 劇 團 於 ○ ○ 年 ， 當 他 還 在 演 藝 就 讀 二 年 級 時 成 立 ，他 成 立 劇 團 是 要 成 就 每 個 演 藝 學 生 的 夢 想 ， 但 除 此 之 外 ， 他 的 另 一 個 目 的 ， 是 要 揭露 社 會 不 公 平 的 一 面 。
自 小 在 屯 門 屋 長 大 的 Banky ， 童 年 就 像 今 天 活 在 天 水 圍 的 兒 童 一 樣 ， 被 別 人標 籤 及 邊 緣 化 ： 「 我 最 唔 鍾 意 就 係 點 解 屯 門 只 係 得 輕 鐵 ， 冇 其 他 交 通 工 具 ！ 點 解 我冇 得 選 擇 ！ 」
原 來 ， Banky 自 細 讀 書 不 叻 ， 小 學 時 已 被 歸 類 為 反 叛 ， 原 因 是 發 問 太 多 ， 及喜 歡 「 出 位 」 ， 「 那 時 上 堂 寫 毛 筆 字 ， 我 見 隔 籬 位 同 學 無 帶 毛 巾 ， 就 離 開 自 己 座 位用 自 己 毛 巾 幫 他 抹 ， 結 果 老 師 話 我 出 位 及 用 污 糟 毛 巾 抹 ， 記 了 我 一 個 缺 點 ， 我 真 的不 明 白 ， 我 是 幫 那 個 同 學 。
「 此 外 ， 當 時 所 有 唔 好 都 發 生 我 屯 門 呢 區 ， 咩 倫 常 慘 案 、 屯 門 色 魔 等 等 全 部都 係 ， 社 會 好 似 將 我 流 放 去 好 遠 地 方 ， 但 係 當 問 題 發 生 後 ， 又 會 忽 然 間 當 我 每 個 人都 有 病 咁 ， 加 以 照 顧 同 關 心 ！ 例 如 當 時 ， 我 會 失 驚 無 神 有 人 帶 我 去 唔 同 地 方 參 觀 等等 。 」
Banky 考 過 三 次 A-level ， 讀 書 成 績 不 好 ， 反 而 增 加 了 他 要 成 功 創 一 番 事 業的 決 心 ， 當 九 九 年 他 就 讀 理 大 工 程 學 系 三 年 級 時 ， 正 因 為 他 不 想 再 受 到 社 會 框 框 限制 ， 連 畢 業 試 也 沒 有 考 ， 便 投 考 了 演 藝 學 院 。
「 我 討 厭 聯 招 下 要 逼 我 讀 工 程 教 育 制 度 ， 所 以 我 要 轉 讀 發 展 我 創 作 演 藝 學 院 。 」