昨天的業界新聞之一，就是得利影視股份有限公司成為華納影視於香港及澳門的獨家發行商。
這件事件，又意味著甚麼？
先會看到的，就是香港影視產品的市場上並不樂觀。過往華納是自行發行的，但也許發現其市場前景不太明朗，自行發行收益不大，於是轉移交給其他本地發行接手。
對於觀眾而言，華納發行其實購了不少港片的影碟發行權，不過部份卻未有推出DVD及VCD，發行權易手後，得利會否將影碟重見天日仍是未知之數。
對於影視租賃店來說，也許是關乎租賃權的安排，倘若之前跟華納達成協議，如何過渡至得利方面呢？而該批影碟的租賃版又如何安排呢？恐怕亦是另一考慮之處。
影碟發行權雖然看似跟觀眾距離很遠，但內裡其實解及哪些影碟會否能夠繼續流通以至影視產品版本等情況，實際上也是與觀眾息息相關。
Ryan
Ben：恐怕十分難講。
Ryan
柯南：希望還有得出吧。
Ryan
Joe：不知過去只有台版的片會否重造港版字幕了。
Ryan
Simon: 希望不會吧。
Ryan
teddy：這就是最令人擔心的地方了。
Ryan
Joe：資源所限，恐怕厚此薄彼難免。
Ryan
Paul：這類問題其實以往不少留言已經談過，何不先自行先搜尋一下？
Ryan
linkin98：這點有待觀察。
Ryan
柯南：真的係「嘩愚」。
Ryan
AVHR: 要佢肯出先得囉。
Ben
以前華納d碟係年代發行，之後收番來自己做，而家又俾人做番……
唔知會唔會順勢提供 “cantonese” 字幕呢…華納而家d dvd全部都台式中文，有時唔係幾知佢講緊乜…
柯南
以前華納o係嘉禾買番黎既片唔知點算了…
Joe
其實對於此消息並不感到意外及可惜，因為此傳聞都流傳了一段時間，加上近月連官方網站都關掉了．
最初華納WHV既香港影視版權是由年代發行的，後來才由華納取回發行權．相信佢唔做，其一原因係香港既影碟市場營業額麻麻．
我自己一向好鍾意買影碟回家看及收藏，基本上對WHV無咩好感，無講之前年代或是WHV發行，其實都只是沿用台版，內容一樣，字幕亦是台灣譯，而且韓國版好多時都同香港，台灣一樣內容，字幕，但包裝優勝很多．可能WHV覺得香港市場細，所以唔願意投放資源在此方面．所以我唔覺得WHV太有誠意．(諗起 [FRIENDS] 那些台譯笑話字幕就好反感．)
其餘那些寰宇，華娛，現代音像．．．簡直不值一提．就算洲立亦愈做愈差，永遠抽起好多 special features．
相反由得利發行可能是好事，因為我自己覺得在香港影碟發行既行業裡，得利係最進取最有誠意既公司，佢會願意為香港市場翻譯港版字幕；又如果外地版本有特別包裝既話，佢亦會引入．（好像變形金剛，當年既 X-MEN，異形頭限量 Boxset．）；而且市場觸覺比較快及前，其他公司唔敢出 HDDVD, Blu-ray時，佢已經推出（坦白講，唔一定賺的）．
不過，而家得利成為香港最大既影視發行商，希望佢愈來愈好，唔好因為壟斷就求求其其推出貨品．
Simon
會唔會攪到好似”邵氏”咁, 要等幾十年先會出碟?
teddy
華納棄卒不是好消息，目前西片發行有實力的得番得利同洲立兩間，再不是甚麼競爭局面，而兩間都有太多版權在手，很多冷門片註定成為犧牲品，排期出分分鍾要等到2046。
得利最唔好係大細超，大片出得好，細片就CUT FEATURES，而且價錢又貴，洲立就更加唔使講，近排根本冇心機做碟，人地FOX，SONY已經主攻藍光市場，距仲猛SELL D5同VCD，迪迪尼咁多高清示範碟，一張都冇出過，真係唔死都冇用。講起死，唔知美亞幾時同哥記玩完呢？哥記一定唔會同美亞續約，到時又係俾得利玩。
Joe
不過正如 teddy 兄所講,一間公司出咁多碟,真係排期都有排等, 呢方面真係比較擔心.
Paul
小弟有白痴問題想問各位版友(sorry….) : 其實近年來香港既影碟市場情勢如何?
之前我諗住近年來很多美國/日本電影在香港的戲院票房也很好, 這些電影在香港既影碟市場也應該有很理想的成績吧? 看來我的想法是完全錯誤? 香港人寧願在戲院看戲多於在家中看戲?
(對不起, 我對近年來香港既影碟市場情勢完全不了解….)
linkin98
得利代理wb有好有唔好,
唔好係可能貴左尤其行版blu-ray,如果得利用番fox既批發價,咁之後wb既行版blu-ray可能貴過依家4/50蚊….
cut features就未必會,可能冷門d索性唔出,不過wb亦唔見得之後多冷門野…
好係可能加番粵語字幕,同埋package會好好多,因為wb出碟一直近乎完全無心做package,字幕又唔做,無心加無誠意,呢方面得利好得多~
至於壟斷後怎樣就難以估計….
柯南
講無心出碟…一定首選 華娛..出親都係 D5..包無 SF….但又硬加 DTS…結果個畫質…@@
teddy
華娛寰宇，難兄難弟
Paul
十分對不起…..
AVHR
正呀！飛虎雄心應該出得返！
shtmanhk
得利代理華納影視：換湯不換藥？
http://moviesoonhk.com/2008/08/28/deltamac-warner-home-video-hong-kong/
willson
得利在台灣也是都壟斷市場大片都在他家裡~
雖然我很喜歡香港影碟生態…不過以歐美電影在香港的價格真的貴了台灣許多,如果你們唔會介意會是看的懂繁體字幕其實非常推薦歐美系列電影買台版是不錯的選擇(這條線台灣價格非常亂同便宜)尤其是舊片,像我就很喜歡買香港版的港片,因為我們這裡的規格包裝真是亂七八糟~