對於電影發行的宣傳人員來說，要找到每部電影的賣點及能讓觀眾接受其實難度不低。不過即使找不到合適重點，也該有一點要留意的，就是要避免談一些毫無意義的廢話。
今天，就來了一個反面教材。
韓國導演郭在容執導的日本電影《我的機械人女友》將於八月廿一日開畫，宣傳公司也開始在上映的戲院擺放大型宣傳。就像上圖便是攝於旺角的UA朗豪坊。不過大家細心留意，宣傳賣點之一就是「日本票房超越《我的野蠻女友》」。
也許太多娛樂欄目將日本與韓國混為一談，發行公司也來混淆視聽起來。
《我的機械人女友》除了導演是韓國導演外，演員跟對白也是日語，對日本觀眾而言也當是本土電影。相比之下，《我的野蠻女友》則屬進口片。以日本情況來看，本土電影也不及韓國前作的話，那部電影甚至導演幾乎可在日本「玩完」，故此「日本票房超越《我的野蠻女友》」不是有甚麼特別，而且也是應該的。拿這些句語作賣點，根本毫無意義。
莫非，《我的機械人女友》真的沒有其他賣點才出此下策？希望不會吧。
Ryan
柯南: 其實電影本身不錯，但這個宣傳實在……
Ryan
guest: 如果寫日本開畫票房冠軍都話，但只寫超越《我的野蠻女友》就……
Ryan
JT: 或顯示宣傳公司的技窮。
Ryan
Ohnus: 《赤壁》那個真經典了。
Ryan
Joey：《我的野蠻女友》還是《我的機械人女友》優先場？
柯南
呢套之前睇左 優先場 ….幾好睇~女主角綾瀨遙 表現不錯,男主角(唔知乜名?)都做到野蠻女友入面 呆呆男友的感覺。 有d場面都有點被感動到,無乜悶場(日本片既通病就係多悶場…)。結局有點出人意表同玩野, 值得一看。
p.s. 因為佢未上正場…所以我唔想透露劇情 =)
guest
其實姚明o既高度都超越劉翔
曾經問過某電影公司發行，點解明知「XX開畫票房冠軍」係廢話都照寫？(香港每個禮拜得一兩套大片上，有時美國票房冠軍都冇得上)佢地話如果唔寫，d 人會覺得套戲唔係票房冠軍
普普通通冇乜名氣o既外國片，好多真係唔知佢係乜片黎架，加呢句我覺得有d作用(但作用幾大成疑)
the day after tomrrow 都唔係票房冠軍(6800萬美金，最高開畫non-no.1 weekend record holder，該星期冠軍為Shrek 2)，但香港大收特收
呢句野有冇用，請各位自行判斷
JT
絕對同意….普羅大眾點會諗咁多….眼見日本票房收得就或者會提起興趣架啦
可能有少少誤導嘅嫌疑, 不過”廢無可廢”…..可能只會在熟悉行情者眼中先係喇
Ohnus
雖然你可以解作”廢”, 精明的觀眾亦都應該要諗深一層, 宣傳手法亦都有點混淆視聽.
但係, 如果佢講o既係事實, 都冇呃人呀….若然到時”被騙”, 都係怪你冇用腦諗清楚囉.
總好過”赤壁”, 無論任何宣傳都隻字不提上下集之分呀, 要極之精明的觀眾或極留意電影動態的人才會知道, 宣傳手法之低劣理應被受質疑
Paul
突然想到類似case…..
“黑社會”當初在康城參展和在香港上映, 任何海報都隻字不提上下集之分. 而當時套片在康城參展時, 某電影工作人員更向廣大傳媒宣稱套片絕無下集….儘管當時片商其實已正在康城market銷售此片下集, 而少數靈通人士(如Derek Elley)在那時亦收到風話套片有下集.
這可能解釋到為何”黑社會”在康城參展時劣評如潮?(我覺得”黑社會”作為一個系列的上集會很吸引, 但如作為獨立一套片來看則絕不完整; 反而”黑社會以和為貴”作為獨立一套片來看也會很吸引)
Tony
一個人的奧林匹克大賣廣告，在十院派星期四12時場的票，唉，愛國！！
shtmanhk
黑社會在康城參展時反應欠佳主因是片中人物支線多及複雜,外人睇就會頗為吃力.
個人認為上集獨立來看頗完整,和赤壁情況完全不能相提並論.
Simon
我覺得兩集黑社會可以當兩部獨立故事黎睇, 兩部都係完整地交待左故事o 情形好似以前三集”最佳拍檔”, 或者007咁, 每集獨立睇都可以, 當然連住睇又另有味道o
Paul
shtmanhk: 同意人物支線多及複雜也可能是”黑社會”在康城參展時反應欠佳的原因之一. 反而”黑社會以和為貴”故事重心集中在少部分角色, 在第二年康城參展時便獲得較理想的影評反應.
Simon: 咁個case有d唔同. “黑社會”系列和”赤壁”系列一開拍便預左要拍上下集. “最佳拍檔”系列和007系列係見第一套片收得, 先不斷添食拍n集.
小傻
男主角是小出惠介，也就是《交響情人夢》中的定音鼓爆炸頭男奧山真澄，又或《戀空》中被新垣結衣發好人卡的大學同學
ps兩個造型真相差太遠了
Tony
I have scanned and posted the free ticket ad of 「一個人的奧林匹克」at:
http://www.26fun.com/bbs/viewthread.php?tid=188330&extra=page%3D1&frombbs=1
(in case I don’t go online tonight).
I took ticket at Lanfham UA at 13:30, no one lined up, and lots of ticket to give away. Let’s see how many people really admit.
Zacky
「我的機械人女友」的精華部份，係編劇的創意、男主角的演技，同女主角的身材
至於宣傳部份我真係NO COMMENT
什麼網友leo、秘書mary…..一睇就知係作既
不過電影公司強調結局保密的確明智
Simon
其實西片都有呢類廢話, 今時今日, 有邊度西片冇話自己”美國開畫票房冠軍”?
Joey
之前去左睇《我的野蠻女友》的優先場。
套戲真係有一Ｄ悶，拖得好長，仲要係經典的悶片，不單止電影公司宣傳技窮，套戲的題材都好老掉牙。
宣傳人員的態度很差，雖然優先場唔駛俾錢睇，不過都唔好當來的觀眾係乞丐咁。真係令人吃不消。後生女一點禮貌都冇。
反之，戲院的工作人員態度好得多。