過了半年，不少傳媒皆嘗試為過去半年的香港電影來個總結。而上期「壹週刊」便有一個名為「中期業績─糞便大電影」的題目。
要做這類專題，必須對電影相關課題有深入理解，不然只會淪為笑柄。「講。鏟。片」就按照該雜誌的報導，跟大家來個「奪命四式」遊戲。
「奪命四式」就是要求大家看過以下與雜誌內容有關或無關，但又息息相關的句子後，推斷是「正確」、「錯誤」、「部分正確」還是「無從判斷」。
題一：《奪帥》向佐加吳京的中港化學作用，換來471萬票房。
題二：董敏莉當上女主角的《七月好風》，電影上畫廿八日實收四萬二。
題三：《助念新星》票房收萬七因一人分飾兩角的李賽鳳大膽以素顏上陣，震驚程度令觀眾嚇破膽。
題四：李賽鳳稱《助念新星》其實唔算正式上畫，只可以每日做一場特別場。
題五：女主角董敏莉明顯未能駕馭角色加上森美正經過龍，無法原著味道搬上銀幕。（按：影評意見沒人看過）
Ryan
guest：弊在連基本資料都錯囉。
Ryan
gear：這個的確是問題。故此，部份內容連基本資料也出現錯誤，各位小心了。
Ryan
g: 請留意文章第一段。
Ryan
CR：這是很多人不去求證亂寫的結果，謬誤多不勝數。
Ryan
switchonann：恐怕只會拿來抄。
Ryan
Paul：創意只是其中一環，成品素質則是另一回事。
Ryan
老馮：弊在現實的奪命四式，係連原文都出現資料錯誤的。但未睇過又可以評，實在能人所不能。
Ryan
AhcheunG：不覺得久之久之會荼毒讀者麼？
Ryan
AhcheunG: 可是唔用腦的觀眾可能為數不少。
guest
糞青之言，不理也罷
gear
影評意見:冇人睇過
既然冇人睇過電影,為何又可以列出電影的死因?當編輯的為何又可以讓這樣的一編報導出街?
好,是時候作答題目了.
題一. 錯誤 (《奪帥》收到471萬,可能與吳京有關,但應該跟向佐無關.)
題二. 錯誤 (《七月好風》上映廿八日實收四萬二,跟由董敏莉擔任女主角無直接關係)
題三. 錯誤 (《助念新星》票房收萬七跟一人分飾兩角的李賽鳳大膽以素顏上陣無關,而且沒有證據顯示觀眾嚇破膽.而雜誌方面亦無人睇過,說服力不足)
題四. 錯誤 (每日只映一場亦算正式上畫,剩餘只是戲院方面的排片問題.)
題五. 錯誤 (女主角董敏莉未能駕馭角色以及森美正經過龍皆為演員的演繹問題,與能否將原著味道搬上銀幕無關,而雜誌方面亦無人睇過,又何以得知未能將原著味道搬上銀幕.)
Ohnus
我的答案：
題一. 無從判斷 (《奪帥》收到471萬,與向佐有幾大關係,這個人在香港有多少fans,實在係無從判斷.)
題二. 錯誤 (《七月好風》上映廿八日實收四萬二,跟誰都沒有關係,每一只放映一場有這個數字的票房,仲想點？況且,雜誌編輯有否想過,票房收得唔好,點解仲會上映28日咁耐？一齣港產片有咁長放映期,係咪匪夷所思？證明編輯的資料搜集嚴重不足.)
題三. 無從判斷 (《助念新星》票房收萬七跟已證明入場觀眾極少,邊個證明到李賽鳳的演出駭人？如果編輯有搵人到銀都戲院作現場直擊,咁會有說服力.)
題四. 部份正確 (每日只映一場仍算正式上畫,但上映時遇上四川大地震,銀都是唯一一間戲院休業默哀,剛巧正是上映之時,少了數場放映,對票房有輕微的影響.)
題五. 錯誤 (既然編輯聲稱冇人睇過, 何以有這麼多口水話人地做得唔好？)
g
請問係邊本 magazine? 呢d 文我覺得除左要來填滿本野, 就無咩大作用.
以往睇影評, 會好期待作者係故事/舖排/鏡頭/選角..各方面提供專業分析 (或者根據經驗), 甚至商業考慮等等, 都係好有趣既資料…
但不知從幾時開始..多左人寫係傳統媒體如radio/magazine/newspaper..(blog 不計la..)寫呢類文, 就發現多左類似呢個post 出來果d”深度”…
CR
篇文好似係壹仔架。
咁多套都無睇，但不能否認觀眾對港產片有negative first imperssion，即係未睇判死刊，壹仔只不過係FOLLOW 大眾口味，寫D野附和下咁解，即係落井下石。
結果？港產片咪死多幾錢重囉。
switchonann
有料就唔會入壹仔做記者啦!
應該叫佢去呢個blog睇下, 學下乜野叫做票房分析, 同埋仲有一班人對港產片有熱誠!
P.S.七月好風其實拍得幾靚,HD拍出電影質感,而且放下對森美的bias, 其實佢都有努力演出, 唔覺得佢俾行貨,不過當然努力亦未必可以有回報…(p.s.剛剛半小時前用fast-forward睇左一下,有d興趣,會再詳細睇一次)
Paul
篇文的確係來自壹周刊.
Paul
未必….
明報的郭繾澂都曾經寫過; 在香港娛樂圈的各種工作中, 以八掛雜誌/報紙的娛樂新聞部門吸引到最多[有創意之人]去做.
老馮
根據老師的教導，奪命四式不過是邏輯性的玩意，與語文無關，同樣道理，有些片子沒有看過，我只能作邏輯推論。
1.錯誤，我覺得電影收得不是因為向佐，而是有吳京與洪金寶，沒有他們，十萬票房也沒有。
2.正確，按照票房紀錄，《七月好風》的確是收四萬二。至於董敏莉的演技是否令電影收皮，從題目看不出這個意思。
3.無從判斷，《助念新星》收得低不是因為李賽鳳素顏演出這麼簡單。題材、放映場數、地點、放映時間也可能與票房有關。
4.錯誤，上映一場都算正式公映。
5.無從判斷。既然沒有看過，從何得知她的演技是否幼嫩?邏輯有問題，其實是錯誤的，但文章沒有証據支持這個說法，所以無從判斷。如果考評局這樣出，一定被人插死。還有「無法原著味道搬上銀幕」，錯漏百出，應該是「無法把原著味道搬上銀幕」呀!
其實批評是一件好事，像「講．鏟．片」辦得有聲有色，有理據令人信服，但那些作者明顯是「作」，毫無事實根據，荒謬得連電影也未看便肆意批評，強把「莫須有」的罪名押在港產片身上，港產片怎會有希望呢!
迷逃小書童華安
森美絕對不適合發展演藝事業，佢果種自覺「擺」出來的靚仔，絕對難頂…
AhcheunG
那片文章只為娛樂大眾而寫
如果真係當影評參考就死得人啦
睇完咪算囉。
AhcheunG
有腦之人都唔會盡信那些文章啦。
佢哋甘心被荼毒又有何辦法呢~~