香港人生活繁忙，有時要去戲院看戲也不易。遲入場的觀眾大有人在。對戲院看然如此，對電影節看戲也是如此。
然而，遲到能夠入場，不一定是必然的。
香港舉行的電影節普通對於遲到入場觀眾的處理持較寬鬆的態度，只需出示戲票，遲入場一般仍可進場，還有帶位員替你找個位子給你，可算是體貼。
不過，在外國不少電影節，卻推行另一個規定。
在不少電影節，在購票時已貼出聲明，表明觀眾必須準時入場，遲到者不得其門而入。而有關規定更是嚴格執行，持票者固然不然進場，就算是嘉賓記者拿著証件，也是「冇面俾」。據該等電影的的解釋，不讓觀眾遲到入場是不想遲到觀眾影響準時入場觀眾的觀影情況。至於購票者在這個情況下，也不能退票。
故此，有心到外國影展的觀眾，務請先留心相關條款，並且要戒掉遲到入場的習慣。因為倘若因此而無法進場，在精神和時間上也是損失來的。
Ryan
Ohnus：不少電影節是做了民意調查才實施這套的。
Ryan
迷逃小書童華安：難道不少觀眾忙得連時間觀念放在另一方？
Ryan
Joe：咁搞法當然不是好事吧。
Ryan
維達：這類人為數不少。不過對電影節來說，可能比例低一些吧。
Ryan
HIN：部份家長自己的「家教」呈現出來了。
Ryan
Ben：要睇點推這類政策了，做足民意調查加強宣傳或會好一點。
Ryan
馬田史高西斯：基本常識，要教也不易吧。
Ryan
ming：恐怕有難度吧。
Ohnus
真係好希望香港第時可以做到咁, 免得d香港人成日所有事情都係”老馮”, 咩都係消費者權利….
要做個文化人, 就要認識呢d規矩
迷逃小書童華安
其實套片開左場十分鐘就唔應該再賣飛的！！！
遲到果Ｄ好衰！！！唔知點解，我睇親戲，一定有人遲到！！！仲要遲到遲到剛剛好，剛剛關燈就衝兩三件入來…
Joe
遲到入場已經變成風氣. 除了電影,演唱會亦一樣,為左就觀眾, 搞到愈來愈夜開場…
維達
佢地遲左好耐先入場
個場暗哂..發覺無職員帶位
反而仲走去鬧佢地TIM
其實開場後十分鐘左右都可能會有同事幫手帶位
但無可能死守一個院..
呢樣都算..遲到呢樣野
真係等同你都唔尊重部戲
不過其實都有唔少人純粹無野做..求其搵部戲睇
遲到都無所謂
HIN
最討厭係一d家長,仲施施然咁同d細路仔入場,
右要她好嘈,
我都試過遲到,所以索性唔入場睇,
因為都睇唔曬,仲入場做咩ar
HIN
最討厭係一d家長,仲施施然咁同d細路仔入場,右要她好嘈,我都試過遲到,所以索性唔入場睇,因為都睇唔曬,仲入場做咩ar
Ben
遲到唔俾人入場？難矣！我都想
以d人「俾左錢就大哂」o既性格，你唔俾佢入場佢仲唔鬧爆間戲院？有幾多戲院及其職員可以咁有guts唔俾人入呢？
馬田史高西斯
我覺得在電影節可以實施遲到唔俾入場, 話晒都係(自稱)國際盛事, 順便教育一下公眾要尊重電影都好, 寫到這裡才想起今年電影節的開幕電影發生的事……一個地方的文化水平就是從這些最基本的着眼
ming
正常既，當廣告越黎越多，戲票越黎越貴。消費者點解要比錢睇廣告??
想人準時，想人睇廣告，不如叫佢地減票價，但規定開前五分鐘大家要入去坐定睇一陣廣告，到時D人一定好準時
obi-den
發生咗乜野事！？