雖然商務及經濟局局長馬時亨已於六月廿四日因健康理由宣告請辭的消息，可是當天某本雜誌卻刊登了一篇致給他的公開聲明。
觀乎標題，何以電影《三國之見龍卸甲》有得賣但無得租？
上述的公開信，於六月廿四日出版的某雜誌刊登，雜誌煞有介事於右下角表明「此聲明不代表本刊立場」。聲明首段指《三國之見龍卸甲》只能賣而不能租。次段則指電影租賃條例令影片發行商有發行租賃版的絕對權利，令發行公司只顧自己利益而漠視香港普羅大眾的選擇權。
查看以千勣企業代理發行的《三國之見龍卸甲》訂購表，已標明是「直銷版／不可租賃」，而通告亦沒有供租賃版本可供選擇。
然而，這個情況已不是首次出現。
翻看四月底由安樂影視發行的荷里活電影《留給最愛的情書》(P.S. I Love You)訂閱通告，同樣標示著「銷售貨品，嚴禁出租」，並且不設租賃版本選擇。故此，《三國》並非首個例子。
請不要以為這些聲明只是得個講字，據聞某間非聯盟公司日前推出某港片影碟，將租賃版價訂得高一高，部份租賃店改購零售版來租給顧客，結果被版權持有人控告。
事實其實反映了租賃店與發行商於本質上的矛盾。
從發行商角度，他們想租賃版的價錢則會比直銷版貴三成，但是可導致觀眾在租看後不購買直銷版，而這個損失比起租賃版與直銷版的差額為大，認為租賃版是雞助一樁。然而，根據條例及協議，當日由發行商組成的香港影視發展基金有限公司(HKVDF)提供的疑問解答中，便有「是否所有影碟都有租賃版」一項，當時答案可算是留了一個註腳，就是「仍需視乎版權及市場情況等因素考慮」。
是次事件，明顯地是發行商行駛自己的選擇權來選擇不提供租賃版，藉此希望觀眾購買直銷版來增加收入。然而，對租賃商而言，他們感到同樣例子繼續出現的話，租賃店只會淪為二輪影碟租賃區，其吸引力與收入便大大減低，故此不得不出來抗爭。
然而，在這件事件中，不提供租賃版，其實是雙輸的局面。
沒有租賃版，租碟商當然沒碟可租，可是發行商未必因此而獲益，因為觀眾看見價錢跟他們往日租碟價錢相距甚遠時，只會選擇不看或以其他途徑觀看，也許是得不償失的表現。
Ryan
b: 一向都有，只是很多人當唔知。
Ryan
董小玥: 野草燒不盡…..
Ryan
路人: 且看一年後租賃版價錢開放會否更多店舖結業。
Ryan
歴蘇: 恐怕機會不細。
Ryan
Simon: 相信大有人在。
Ryan
gear: 且看銷情如何了。
Ryan
迷逃小書童華安: 這些大家心領神會了。
Ryan
nbachung: 其實條例生效後, 已預期租碟店只會買少見少了.
Ryan
mill0606mill: 不過其他都唔算是合法方法黎喎 😛
Ryan
WiNG: 這個情況在或些行租賃權制度的地區亦是如此, 不然直銷版便毫無吸引力了.
Ryan
Simon: 這個做法其實一直存在
Ryan
guest: 不過坦白說, 香港影碟的價錢不算太貴了, 至於跟質量比較如何, 卻是另一回事.
Ryan
obi-den: 片商的思維, 根本跟實際觀眾智慧距離太遠.
Ryan
KK: 要睇睇零售版條文了。
Ryan
阿修: 可以說的是，香港電影發行對於網上付費觀眾的途徑，看來十分忌諱。
Ryan
switchonann: 但個個唔買一手碟的話，二手碟豈不少愈來愈少?
Ryan
租碟佬：而且租版購入後不能放在二手市場賣，舊了租客需要低時如何處理亦是十分頭痛。
Ryan
香港一間最衰發行商：這真的是奇聞了。
Ryan
不明人：發行商對於租賃和網上渠道看來十分抗拒。
b
咁樣做仲衰，令到”老翻”死灰復燃………….. !!!
★董小玥★
抵老翻依然存在…
路人
我家樓下原本有一間租碟的地方，但現在也結束營業了：P而家想搵租碟的店也賣少見少，要睇就要買，不過買碟的店都好似冇以前咁多，而且選擇來來去去都好似係得嗰D……好悶
歴蘇
我代時下某一些年青人仕作埋落去…”有得賣,無得租？… 使乜租, 去單撈。”
Simon
好話唔好聽, 呢個依然係我喺戲院以外另一個主要睇戲來源o
gear
唔俾人租,諗住局想睇既人買碟,只怕會弄巧成拙.想睇唔想買既,一係買老翻,一係就download,再唔係既就唔睇.
由其是三國,口碑唔算好,同類型既戲又太多,真係唔睇都唔覺係損失.
迷逃小書童華安
「令發行公司只顧自己利益而漠視香港普羅大眾的選擇權」？？？
選擇權？咪就係買同唔買囉？
有得租又點？姐係可以試睇，鍾意就買番隻？
如果我租左之後，放入電腦又點呢？而家太方便了！！！
nbachung
咁樣做更加趕絕d影碟店.我feel現在老翻市民已興題唔大.不如bt重放便又唔駛錢.
照咁看.唉!d小型租影碟店遲早絕跡
mill0606mill
有得賣,無得租
有download,無得租
有BT,無得租
有watch online,無得租
有send,無得租
有copy,無得租
by the way..this movie is very BAD..i watch it online and very
hard to finish it .
i have watch over 20movie /year in cenima under 5 is HK film
WiNG
近來也發現有得租既DVD版本與市面出售的版本不同，有些更完全沒有Special Features。
Simon
上有政策, 下有對策o
大不了咪定班人夾份買隻碟, 大家輪完咪攞去二手碟鋪賣左佢一了百了
guest
夾份買一直存在，唔關租碟事掛
再者，dvd 不論零售價 或建議零售價都升左唔少，根本令到睇budget 做人o既觀眾減少甚至唔幫襯，好似見龍卸甲咁，買大陸版唔得咩
obi-den
我依家同D同事都係輪住買碟，跟住每個星期交換來睇，因為夾錢買又好似大陣仗得滯，你估小學生咩！
講真，要睇實有方法，係D片商至會諗埋D以為work嘅方法啫！
KK
我成日係度諗, 以名義話回收舊碟! 以正價賣出,以 -$7-10 同店回收, 咁樣得唔得? haha
阿修
其實以互聯網的發展, 我相信租碟買碟這些行為很快便被淘汰.
現在VCD及DVD的價錢, 已被初初出現時平了很多. 那時一隻VCD要$100.
當然, 近年VCD開始漲價.
我通常等跌價才買, 有時甚至買二手碟.
不過有冇發覺最近D港產片好少跌價?
BTW 好多時一齣好戲, 大家除了入戲院看外, 亦會買DVD. 不過好多戲真係睇一次都嫌浪費時間.
switchonann
最近買左Juno同埋Into the Wild都過一百蚊, 不過無special feature, 好激氣!所以都係唔買碟啦, 二手碟好快就有人賣ga la.
路人甲
呢單野其實個個都輸o左, 電影公司,發行商,代理,租賃店,觀眾.有邊個可以話今次呢件事件自己係有得益?租賃店唔使講都知好難生存,不如做過其他生意.觀眾就肯定睇少左電影.電影公司,發行商,代理既睇法太短視.平既人會租,人會買.貴既人會唔睇(睇少d),會下載.咩理由仲有人冇得輸.電影業同唱片業有個小小共通點,就係你地唔好再想可以用以前方式去搵錢,冇咖喇,死心把啦.仲有幾多人為一兩首歌而去硬食買埋其餘唔知好冇聽o個8首歌呀.港產電影有幾多係值五六十蚊畀人睇幾十分鐘咖?有幾多成既人為睇戲而入場?有幾多成既人係為娛樂一下,拍拖搵節目,成班友仔冇地方去,為某d節日而入場?大家心中有數啦.不過都係同某個人講既一樣,睇市場既反應.我地做觀眾既咪睇下之後變成點囉.我就估發行商得不償失.
路人甲
講得好正確
租碟佬
本人從事租碟行業,首先是有租賃版的,其次問題係我地要同各發行商直接取貨,即是是向安樂取貨(租版),而其他發商只提供(售版)
香港一間最衰發行商
全港有好多間發行商 , 只得一間衰到無人有 ,
安落say , 落單不收傳真,e-mail,唔比親身取貨及致電落貨,只可寄信落order,分明搞鬼,專聽電話果條木咀,黑人憎到無人有,好似要佢攞錢出來買片咁,你都係打工仔,洗唔洗咁樣,外星人….嘆一句,條木咀真係等天收,全港有咁多間租賃店,
巳經一致大合唱衰佢到2030年無運行.我係指木咀
不明人
租賃版不能作二手發售麼 … 那「無限期」租借會否違法﹖
影碟租賃安排十分不清楚，HKVDF連網站也沒有！影碟銷售版批發價又高，零售邊際利潤極低…..
反而，翻版﹑水貨﹑BT﹑非法線上播放隨處可見，未見積極打擊，給人的印象是:發行商不希望觀眾合法租碟﹑買碟，支持侵權行為….
sasa
我本身都係從租賃行業及利潤好低接近零,加上出面市場物價上漲,租金上升,實施最低工資,我哋小商戶開支大左,真係生存好辛苦.另個間安樂次次都出左買版先後出租賃版,起碼相隔6個月後才出租賃版, 到時變舊片點會係新片,佢啲片大部份唔好睇,所以他們出租賃order我會念一念要不要,唔多人租就不入貨,以免浪費金錢.