這個問題在近期「講。鏟。片」近期一個留言中看到，故此特來探討一下。雖然近年迷你戲院已成主流，不過大家又對於理想的迷你戲院，又應有甚麼的「夢幻組合」？
近年一般的迷你戲院，傾向有著一至兩間戲院提供較多座位，其餘的便是較少座位，有時其中一至兩間甚至座位數目不足一百。這種編排，無非希望戲院可因為不同電影在戲院的票房作出調配。
近年亦有一些戲院，標榜其銀幕數目多。其實銀幕數目多，不止是說可提供多部電影播放，而是即使同一電影在數院播放，或可提供不同的放映時間以供選擇。然而，每每換來的代價，就是除了一兩間座位較多外，其餘便十分細小，有些甚至連銀幕高低、座位距離等也不成正比來。於那些戲院觀看電影，實在不覺得有何享受可言。
對於大家來說，又覺得怎樣的組合才是最佳呢？
Ryan
當下：座位斜度的問題，稍後可以再探討一下的。
Ryan
Alex: 也許有大有小的迷你戲院組合已成趨勢？
Ryan
bbon99: 且看有沒有戲院將來月這個模式了。
Ryan
kjkj：銅鑼灣的BM銅鑼灣又如何？
Ryan
華仔：嘉禾港威明顯是先天不足了。
Ryan
迷逃小書童華安：聞說當年康怡百老匯部份座椅對唔正銀幕，不知係咪真的呢？
Ryan
KK: 上文的戲院選圖，是來自一家台灣的戲院。
Ryan
Alex: 這種質素真係唔掂囉。
Ryan
King: 點解會爬到去銀幕呢? :O
Ryan
Raymond: 改過兩輪了, 稍後另文詳談。
Ryan
Someone：多謝補充，有無興趣舉個例等大家去見識下呢？ 🙂
Ryan
ElleLips: 有時揀戲院都要看片種?
Ryan
idd3580: JP銀幕很闊, 但坐前排卻十分辛苦的。
當下
圓方既院數,設備都合乎心水, 係唔就腳姐. 另外忍唔住要提下裝修後既皇室同時代, 院內座位完全冇改善, 睇戲至忌前面擋視線,呢兩間戲院仍有呢方面既問題
Alex
近年去過不少的戲院, 發覺最差的不確是首映場地 UA時代廣場, 位又差, 又難坐, 最辛苦係… 次次坐邊個位都中.. 頂住前面個位…
仲係百老匯時期的 皇室 都係一樣, 好多年前係 皇室 睇 玻璃之城, 我坐側面行, 同樣頂到前面果行, 就唔覺意阻到後面, 我都唔好意思…
真係要數迷你戲院, 近期好的戲院, 必定要數到高級的 PALACE IFC, 以及 AMC PACIFIC PLACE, 位好坐, 銀幕夠大. 後來的 The Grand 已算是迷你與大銀幕合二之一, 也是一個好選擇.
bbon99(Grand Thief Auto)
座位是好坐了，不過很多戲院都沒有考慮座位建築設計:第一排座位距離銀幕太近，無近視完全睇唔到畫面。坐側邊和後面或會貼住音響，一有開鎗及爆炸場面成隻耳仔無左。座位是風口位，食雪條一定唔會溶。
有些戲院座位如AMC, The Grand,海運，是一級級設計，不過有時一級與一級之間相差太小都會有問題，有觀眾去洗手間就遮晒部份畫面。如果只得一個洗手間，洗手間附近的座位觀察無時安寧。
本人覺得夢幻戲院七間就夠了，一間300人至500人，銀幕前有小小表演台，可以做首映及團體包場。兩間250人至150人，旺季大片不只一套，可以作為吸納，兩間150至100人，給那些非大片及已播映多時的影片。一間100至50人，放小眾電影。一間20至50人，會所影院，給會員或私人活動。
kjkj
已結業多的奥斯卡啲位又差又碧個銀幕又小
華仔
嘉禾港威都係,坐最尾個行都會俾頭幾行既人頭阻住,失敗.樓底矮係敗筆之一.
迷逃小書童華安
講戲院真係有排講！！！！
我自己就好鐘意：海運，jp銅鑼灣，數碼港，ifc百老匯
以上的院都是新式設計，即大樓梯式（有小樓梯式），空間大，上下落差夠！！（小樓梯式就落差又唔夠，空間唔大又要樓梯式…）
又愛又恨的是旺角百老匯，愛的是佢舊式設計，即座位是一大平地，全部人都要「岳」高頭睇，恨的是每院入口是舊式的，又大又重的黑布，每每有人遲就總是唔會有手尾地合上。
好差的有百老匯電影中心，UA MegaBox，九龍灣百老匯。
以UA MegaBox為例，太細，真係太細，我坐到最尾果行先叫緊緊夠距離！！
還有幾間不過不失的，奧海城，apm，時代廣場ua…
最特別係去過，康怡百老匯（已改了經營公司），個洗手間在戲院裡面的，同埋個空間好大，但又無用盡所有地方…
KK
我的至愛當然是PALACE IFC和AMC Pacific Place,因為兩者都是劇院式的設計,座位是一級級的,斜度充裕. 而Grand Cinema的1院和6院(Manhattan Galaxy)都不錯,但其他的house就普普通通,原因是斜度不足,且是”壓幕”設計.
海運的銀幕亦夠大,但衰在行與行之間太窄,經常出現”頂腳”的現象.
另外,Ryan,圖片中是哪一間戲院?
Alex
可以代答, 不只是坐位與銀幕不對稱, 隔音做得好差添, 尤記得當年於2院睇 偷聽女人心, 可以聽得好清楚隔離3院播緊 千與千尋, 1院就無特別留意… 可說是真的”偷聽”了
King
其實JP係舊式設計，即係舊式大戲院的超等座位，置於堂座已變成下層的餐廳了! 記得我爬到JP的銀幕時地皮是軟霖霖的，大力行可能會掉到下層，哈哈! 還有如果播放一些大槍戰的音效，樓下的餐一地會好似地震咁!
Raymond
jp由當年翡翠、明珠戲院的超等位改建而成。
Someone
好多戲院銀幕後面都大有乾坤,
由其是較舊式既戲院, 起碼套音響都係擺銀幕後面啦 :p
ElleLips
小妹分享 ….
若我要看西片的我比較喜歡到銅鑼灣MCL及金鐘
AMC看電映因為銅鑼灣MCL的1號院銀幕真的很大, 記得有一次陪男朋友去看《叛諜追第三集》很滿意臨場感, 另外有一次去金鐘AMC看《暴劫現場》聲音銀幕很滿意,我男朋友說該戲院採用了基準式(SDDR)DolbyDigitalEX聲效請問各位我男朋友說對了嗎? , 另外若要看港產片我男朋友會帶我去新寶院線看他說這樣也有另一種感覺!
重拾八十年代去港產片院線看電映感覺^_^….
他也是和你們各位一樣是一位戲迷我也被他感染了許多
idd3580
jp真是十分好