又到了「周末講鏟片」時候，今回跟大家看看的，就是張家輝的「經典」電影。請不要誤會，介紹的不是《弒兄奇案》，而是介紹一部他以百變形象出現的電影：《賭俠1999》。
《賭俠1999》可算是王晶停了多年後才次拍《賭俠》系列的電影，而劉德華不再是後生靚仔，而是一名中年老千。至於張家輝的作品，則是一個助手化骨龍。
電影後段描述一個騙局，當中包括了一場世界盃巴西對法國的賽事，當中要拍攝部份球賽用以出千，而張家輝便在球賽上飾演朗拿度角色，並且試過「穿崩」。
然而，《賭俠1999》創出的先河並不在此，而是創了近年拿廣告再玩的格局：
廣告之一，就是將原本的生力啤廣告，換成了「生力抽」，而且抄得甚為足版，水中說話或是在泳池品嚐都有出現。
廣告之二，實在記不起是甚麼了，但圖中一幕，大家猜到麼？
廣告之三，就是模仿「益力多」廣告，表現和對白幾乎是完全一樣。
在後，張家輝在不少電影裡，或有「扮廣告」的情況，而且扮到爛，還是看到首個，也許較有印象一點吧。
Ryan
AhcheunG：《娛樂之王》去年五月談過了，爛到爆。
Ryan
Nic：但《中華賭俠》已是較後期的事了。
Ryan
叉燒：那部也是多年前電影了。
Ryan
Sito：稍後會介紹的，放心好了。
Ryan
Simon: 多謝提供。
Ryan
Ah CheunG：還記得那個麥當勞枚麼？
Ryan
egg：抄得太濫，當年還有葛民輝的《賭聖2街頭賭聖》。
Ryan
迷逃小書童華安：鄭中基做喜劇，已經做殘多時。
Ryan
嵐：其實張家輝的戲路算是廣闊的。
Ryan
Simon: 但《龍咁威2之皇母娘娘呢》已經唔掂。
Ryan
華仔：王晶有時用演員若果用得好的話，會有神采的，但一時時。
Ryan
華仔：那幕真的笑死人。
Ryan
爛泥：那《至尊無賴》又怎樣？
AhcheunG
王晶既電影在影評人眼中係爛片。
但娛樂性豐富﹗﹗
《賭俠1999》有d 橋段幾有趣
由其是最後賭波鋤D﹐好正﹗
始中喜歡張家輝演喜劇。
大家有冇睇過 娛樂之王﹖
需然質素麻麻﹐但都幾好笑﹗﹗
Nic
在《賭俠1999》中，雖然硬要張家輝扮演咁多廣告主角係有點爛，但不得不佩服王晶的”創意”，抄考得嚟你又估佢唔到…
賭波嗰一幕，古天樂的《中華賭俠》都有類似橋段~
叉燒
我鐘意張家輝既「流氓師表」
Sito
流氓師表的「地理魯媚」也是一大笑位
Simon
圖片二, 佢應該扮緊”神秘既寧風”
http://hk.youtube.com/watch?v=zKCBpi4vpQ4
Simon
http://hk.youtube.com/watch?v=Ylf2EtA55sE
Ah CheunG
此片未至於爛到爆地部。
仍有可觀之處﹗
當中吳鎮宇潮式口音演譯非常過癮﹗﹗
第一次睇覺得爛。
睇多幾次先有味道 (個人觀點)
egg
王晶想用星爺捧紅張家輝,點知千玊之玊2000失敗.与葛民輝一樣.不過算死草更爛
迷逃小書童華安
張家輝叫做所謂「周氏接班人」來講，算幾好的…
同其餘兩個單位，葛民煇，鄭中基，跟本比都無得比，因為都係靠扮聲，同鬥白痴，跟本同周氏既入形入格，全情投入唔同…
嵐
張家輝和王晶的合作
最深印象是無名小子
除了發現原來張家輝做戲不錯外,
原來王晶的電影(包括他在戲中的演出)可以咁深情:p
Simon
只有谷德昭拍鄭中基先叫做比較好啲啲……
華仔
張家輝在無名小子唱左首假的希望.睇慣佢做笑片突然有一套咁傷感既戲出現.晶哥值得一讚.
華仔
當年在金聲睇賭俠1999,睇到叱幕全場拍晒手掌.抄和記個廣告無論幾遠都聯繫到.寧風在暴雨要拯救番王晶演既老師同班學生.弄得笑料百出.
爛泥
呢首歌仍然係我唱K時必唱飲歌~:P
爛泥
我好遺憾無入場…..
反而入場睇過黑馬王子
爛泥
其實陳嘉上都ok呀….
華仔
中華賭俠張家輝都有份主演
Simon
你講”至尊無賴”? #^^&%@%@$^%&%^*@!!#!$$%^$%^
Simon
好彩當年”賭俠1999″同”賭俠大戰拉斯維加斯”都喺戲院睇, 笑到拍手~~
華仔
好多謝板主開這個標題阿.我由98年開始已經鐘意睇張家輝d戲了.98至2000年係張家輝產量最多之時.差不多一年有五至六套戲上映.縱然好多人話係濫拍爛片.但我都好支持入戲院睇的.當年好多套張家輝戲都在新寶金聲線上.我在金聲同豪華睇最多張家輝既戲.由賭俠1999開始張家輝同王晶開合作拍戲.黑馬王子同賭俠大戰拉斯維加斯仲同劉德華主演.當件呢三套戲都在金聲睇.全場爆滿.
記得99年他主演的娛樂之王在南華睇,化骨龍與千年蟲金聲睇.千王之王2000金聲睇.賭俠大戰拉斯維加斯金聲睇.黑道風雲之收數王嘉樂院線南華睇.黑馬王子金聲睇.強姦終極篇之最後羔羊新寶睇.
2000年的救薑刑警在金聲睇.緣份有Take 2豪華睇流氓師表嘉樂線在嘉禾旺角睇.可惜呢套戲入場人數只有8人.其實好好睇的.中華賭俠在豪華睇.賭聖3無名小子總統睇.好少睇到張家輝演慘情戲.決戰紫禁城之巔在金聲睇午夜場.佢演龍龍九講個句八支半八支令全場拍爛手掌.
2001年完美情人嘉樂線在南華睇.可惜只有五人入場睇.走投有路同殺手假期冇係戲院睇.後來買番vcd.
2002年賭俠2002嘉樂線在ua沙田睇.同盧巧音主演既風流家族在會展睇首映.不過呢套戲好騎呢唔知想講咩.同朱茵演的二人三足嘉樂線在嘉禾旺角睇.賭俠之人定勝天在豪華睇.可惜呢幾套戲票房都唔好.
04年好似同朱茵拍左套心寒.在有線睇番.後來同杜琪峰合作.幾年間拍了大事件嘉樂線嘉禾旺角睇,黑社會,黑社會以和為貴同放．逐.(三套都在豪華睇.)佢改了戲路演一個嚴肅的角色.黑白道演一個邊緣人.上年的寄生人其實係好好睇.可惜戲院上映草草了事.最後只係買番vcd睇.上年佢拍番王晶的提防老千同彭浩翔既出埃及記(兩套都在豪華睇.)真係好耐冇睇佢(提防老千被呃既大輸家,出埃及記冇人信佢講野係差館入面講晒粗口既傻佬.)好耐冇睇過做番喜劇既張家輝啦.所以我老婆係賭聖我一定會睇的.應該會在豪華或者寶石睇的
佢演喜劇抵死既對白真係令人津津樂道呀.始終都係喜歡張家輝演喜劇.
華仔
提起張家輝電影既拍擋.不得不提呢兩個女星.朱茵同關秀媚.
朱茵:同張家輝合作過賭俠1999(兄妹),緣份有Take 2(情侶)中華賭俠(情侶),強姦終極篇之最後羔羊(張家輝,關秀媚,朱茵三人合演.)二人三足(情侶)同心寒.
關秀媚:在早年的王晶電影都有張家輝同關秀媚這對鬥氣冤家情侶組合.黑馬王子,強姦終極篇之最後羔羊(張家輝,關秀媚,朱茵三人合演.)千王之王2000.幾年前的頂包案事件之後關秀媚可算是在坐冷板,去年也只參與王晶監製劇集暴雨梨花.以現今的形勢，看來她要東山再起也不容易.其實我都很喜歡睇關秀媚的戲.多得晶哥.如果唔係她早在2000年已經要退隱了.
Ah CheunG
記得
用猜枚黎選楂FIT人幾幽默丫﹗﹗
睇爛片也有“技巧”。
有時候橋段idea好﹐只不過拍唔好者
原來有好多張家輝既戲未睇過
得閒搵黎褒下至得
阿橙@我愛查之女
無名小子好慘…
個女主角(唔記得邊個)好似俾人姦左…
華仔
個女主角係舒淇,因為佢係睇唔到野.之後俾人強姦左,張家輝又幫唔到,好慘.
Suet
RE: 華仔
你說那幕戲, 張家輝係扮盲ja, 非常自私!
佢當時係不為非不能也
華仔
多謝你指正.
High
版主出多D張家輝0既文章啦!佢真係好正架
HT
張家輝响電視台浸左好多年，演技有一定保證!
至於98-2000年狂接爛片，無計，要為BB賺定奶粉錢
佢又係杜sir成功令人轉型嘅樣版(另一個係林家棟，出身同際遇有相近地方，同樣都有戲)
小黑大王
因為呢套片我差點立毒誓以後不看陳導電影…
Simon
我已經立左誓唔睇……不過唔係毒誓
華仔
戲入面個首死啦d青春痘真係無聊到極.但歌詞就真係幾好笑既.