由葉念琛執導、方力申、鄧麗欣、曾愷玹、楊愛瑾、唐寧等主演的《我的最愛》，首日開畫於37院共收近67萬，每院平均約萬八元，大勝同日開畫的《遺言信箱》及上周票房冠軍《公元前10,000年》。
《我的最愛》的入場情況十分理想，不單部份上映戲院如Palace apm及葵芳百老匯排出兩院同映外，特派員昨晚於午夜時份到達旺角百老匯戲院所見，發現票房外排出頗長的購票人龍。
該晚午夜後開場的電影，分別為《軍雞》及《我的最愛》，前者入座率約六成，算是不俗。至於《我》片，則在256個座位的旺角百老匯賣出231位，入座率高達九成。
《我的最愛》開畫理想，與其上兩集的口碑不弱有關，不過，卻又有另一個因素。
特派員到旺角的影碟店，發現鄧麗欣新碟《Stephilosophy》上市，特別版本更加送ＤＶＤ，並設《我的最愛》買一送一換票証。製作公司金牌娛樂為催谷電影票房，可謂不遺餘力。
《我的最愛》以年青觀眾為主，提供優惠的情況跟一月開畫的《愛鬥大》情況相若，更為吸引年青觀眾群。不過到底《我的最愛》的策略能否奏效，則視乎本周末及復活節假期的票房走勢了。
Ryan
長期讀者：當然，不過放心，稍後會揭發更多票房「粉飾」活動時，就會是另一回事。
Ryan
路人甲：若入場人次相同，會因票價上調而破紀錄的。
Ryan
shtmanhk：看埋周日走勢，周一將有更詳盡的分析。
Ryan
JUSTIN YIP：其實看回上年的片目，這類電影未必很多，畢竟這類電影未像是為內地市場而設，片商會擔心本地票房能否回本的。
Ryan
Derek0505：其實不是宣傳，也是一種看似很好看的票房「粉飾櫥窗」的方法，當然最終實收多少就不得言之。
Ryan
維達：但講到其「協力」程度，不及當年寰宇的一系列電影了。
Ryan
shtmanhk：其實AMC PP上映的華語片仍有一點，只要看起來有利可圖又合戲院路線便會播。
Ryan
shtmanhk：某天真的要問問麥聖希若要在「《十分。愛》是一部＿＿的電影。」上填充，不知會填上甚麼了。
Ryan
kena：開畫票房是跟印象與宣傳有關的，要看耐力，還是次周走勢。
Ryan
shtmanhk：可惜《迷失愛與罪》上映聲勢平平，還望首周不會太差好了。
Ryan
MM：因為預左傾唔成？
Ryan
MM：懾得來來會希望不會全吉的，不然就真的叫救命了。
Ryan
MM：IFC一向都唔憂做，入座率高得緊要，當然可以「揀擇」。
Ryan
JJ：倒不如問問華語片在港島銅鑼灣以西還有市場麼？似乎這個問題十分有趣。
Ryan
shtmanhk：數碼港臨時上的例子已不少，近期便有《2百萬奪命奇案》，在次周加入。
Ryan
KK：皇后戲院後期，播了不少港片。
Ryan
shtmanhk：海運也是一時時了，去年上《兄弟》，也是想不到。
Ryan
MM：排片真的市場導向。
Ryan
shmanhk: 不過近一年海運排片好像十分奇怪。
Ryan
KC：其實覺不覺香港娛樂圈咁樣是「塘水滾塘魚」？
路人甲
此片有不俗的票房已是意料中事，但不知能否打破前作《十分愛》的紀錄？
shtmanhk
《十分愛》去年開畫單日收77萬,首日連周末優先場共收 135萬.
戰狼300 首八天共收 894萬, 第二個周四單日收 42萬
越空行者 首八天共收 800萬, 第二個周四單日收 34萬
公元前10,000年 首八天共收 832萬, 第二個周四單日收 39萬
JUSTIN YIP
好耐无上来!!!上来坐下先!!!!!!!!
我发觉而家都几多好似我的最爱呢味咁样既轻松电影!!!!
系咪因为香港人大压力要睇呢D野减压???
定系斋拍俾D少男少女睇???
Derek0505
好奇一問:
上網checkcheck，發現港產片稀客AMC Pacific Place今次都選映”我的最愛”，我想知道AMC PP之前一共上過邊D港產片?
另外，買唱片送買一送一卷的確係一個唔錯既宣傳策略，但換票証及買一送一卷並不是每一間戲院都接受，例如一些high-end戲院如:AMC PP/Palace IFC都未必會接受。今次”我的最愛”的換票証/買一送一卷又係唔係可以”暢通無阻”呢??
維達
其實07年”十分愛”,亦曾於AMC pacific place上映。對於一些院商甚有信心/預大收的港產片，就會連AMC、IFC、電影中心也會上映，近期就如”長江七號”、”投名狀”。當然，某時候也由於片源不足而需要上映港片。
雖然買唱片送買一送一優惠卷是雙贏的宣傳策略,尤其Stephy所屬唱片公司與電影”我的最愛”同屬金牌娛樂。
shtmanhk
Derek0505:除了維達提及的長江七號,投名狀,十分愛,過去還有門徒,姨媽的后現代生活,神探,天堂口,導火綫,戲王之王,滿城盡帶黃金甲,傷城,出埃及記,功夫灌籃,不能說的‧祕密 ,色，戒 等華語片在 AMC PP 上映
shtmanhk
維達:AMC PP 對港片的容納性比IFC及電影中心高,而且不只是港片,甚至荷李活電影也如是.
IFC及電影中心對上映電影的質素及品味把關相當嚴謹,也絕少出現因片源不足而胡亂上片攝期的情況.
(電影中心負責人麥聖希曾說過,BC絕不會上十分愛這類電影)
kena
這戲是我近年看過最垃圾的戲，除了王祖藍那段有點意思，其餘觀看的時間都是白白地浪費。這種水平的電影竟能得到如此票房，恐怕要歸功於鋪天蓋地的宣傳。作爲觀衆，我只覺得嘔心，多談也覺浪費時間。
shtmanhk
本周最值得入場是活地阿倫新作《迷失愛與罪》,
喜歡他前作《迷失決勝分》的更不容錯過,年已七＋有二的他寶刀未老.
Kurt
曲線乎?!
長期讀者
我第一次在這裡看到文章的「鱔」味！
看來….？！？！….
MM
如果有留意街上面既”四開/十二開 poster “既話，
會睇到其實原本冇 plan 過o係 AMCPP 上。
不過睇番時間既話，
我的最愛O係 AMCPP 冇一日係 Full show，
睇黎似係冇戲做所以臨時上。
始終 AMCPP 個數唔係話十分好，
同 IFC 比較，IFC 入座率高過 AMCPP 好多，
所以好多時見 AMCPP 會比 IFC 多好多戲做~
黎緊江山美人都係咁，
IFC 唔會上，AMCPP 就反而上~
至於十分愛係咪有O係 AMCPP 度上過，
印象中就好似冇，
反而就好記得 AMC 又一城係將十分愛放O係最大既 1 院放。
MM
睇番我的最愛既換票証，
淨係話 UA Director’s Club、UA IMAX、UA Megabox Cineluxe 同 UA 皇室 Palace（唔知點解仲寫皇室）唔用得，
即係話如果o的客拎我的最愛既換票証到 AMCPP 換飛，
係可以換到~
不過講開換票証問題，
唔知點解食客呢套韓片，
反而就 Mention 埋 AMCPP 唔用得，
即係 UA Director’s Club、UA IMAX、UA Megabox Cineluxe、UA 皇室 Palace、AMC Pacific Place唔用得，
但係成套戲根本就冇o係 AMCPP 度上，
唔係太明佢寫黎仲乜。
如果佢諗住寫定驚真係會上既話，
佢又反而冇寫 Palace IFC 唔用得O個下先奇怪。
MM
不過如果有留意既話，
AMCPP 上親既港產片除非係大片，
否則通常都唔會有 Full show 出現~
好似近期我的最愛、功夫灌籃呢O的淨係開三至四場，
仲要一係o係 39 個位既 1 院、一係就 72 個位既 4 院做，
所以我睇唔出佢覺得係有利可圖又合戲院路線，
反而似搵戲攝時間多o的~
JJ
所以本人一直不贊成,AMC PP和PALACE IFC除西片以外,亂去排片.在金鐘和中環區的人,主要不會是喜歡香港地道文化的人,以前UA金鐘的經驗,港產片的效果一向比西片差很遠.亂去排片的害處是令觀眾無所適從,令自身形象模糊.此兩院適宜上映西片,藝術性高的華語片和外語片,華語大片等.
shtmanhk
MM:除了AMCPP,街上poster 都冇港威 及數碼港.
KK
沒錯,”十分愛”在去年於AMC又一城曾放在最大的1院上映. 至於AMC PP則沒有上映”十分愛”,反映去年結業的皇后戲院亦有上映”十分愛”. 印象中,”十”片上映時(2007年4月中開畫,”蜘蛛俠3″則於5月1日開畫,因而讓”十”片搶灘成功),同期沒有其他大片,故AMC的1院和皇后等專門上映西片的映院或戲院,都同時上映”十分愛”,或許正如Ryan所言,戲院見”十”片有利可圖才會上映.
雖然AMC PP在本周亦有加入上映”我的最愛”,但不是放在只得39個座位的1院,而是有72個座位的4院. 至於穩守1院的是由Steve Carell, Juliette Binoche主演的”真的戀錯了?”,莫非AMC方面認為Steve Carell, Juliette Binoche的吸引力不及小方和Stephy. 我在昨天(3月15日)於AMC PP看”真的戀錯了?”的早場,在只得39個位的1院,觀眾人數不足20人. 看來”真”片的票房真的不太理想!
shtmanhk
其實JP及海運才是港片稀客,AMC PP/IFC/電影中心上映港片數目絕對比這兩間戲院為多.
MM
其實臨時上《2百萬奪命奇案》係因為套戲有獎，
所以就加左幾間院做~
之前其實都試過《愛誘罪》，
呢套仲要係上左幾個星期後先至o係數碼港做~
shtmanhk
RYAN:海運去年上映的港片應只得 門徙,投名狀,兄弟三部,上《兄弟》也是逼不得已,因為同期的西片無一部有叫座力
KC
估唔到呢個topic咁多response.
依家港產片及唱片業咁差，Stephy隻碟送買一送一都唔會幫到好大忙啦。一來都唔會好多人買佢隻碟，二來唔係個個都會用。都係睇下有冇d價錢更下賤的派飛途徑啦。
至於套戲本身，我冇睇過我唔知，不過多一點選擇，我覺得好健康。近期商業片不算太多，港產的更少，多一部”續集”電影，又算收得，何樂而不為呢??