日前「講。鏟。片」介紹電影《互動殺人遊戲》時,結果很多朋友都頂不住在電影的數十秒定鏡來玩遊戲。今天又來一些比較圖片給大家看看,且看能否找出奇怪之處?
先看上圖,大家留意左方節錄自「港九戲院聯合廣告」的尖東華懋廣場戲院。
好了,再看看另一幀圖片,能看到有何特別麼?
當然,排陣有所不同,不過戲院播出的電影及放映時間大致相若。
然而,留意頂部,有沒有發現奇怪的地方?
沒錯!以往華懋聲稱為六間影院,但近日廣告所見,竟然只剩三家!到底何解?
其實自從去年起華懋戲院由大堂通往四、五院的通道已封閉,原址變成卡啦OK夜總會一部份。至去年下半年一段時間,華懋僅開一、二、六院。當中的六院僅得廿二位,曾於章子怡主演的《藝伎回憶錄》上映時播出「贈慶」電影《春震藝妓館》。
然而,近年就連六院也沒有排出電影來。當天在華懋看《恐懼元素》時,僅開一院及二院,每院每天十場,共有廿場。不過,由於場次較一般戲院為多,才可以「充撐場面」。
大家不妨猜猜,昔日的三院或六院會重開哪間成為三家戲院的華懋?
Ryan
華仔:上回看戲時,三院已圍上圍板,相信重見天日機會不大。
華懋以往服務之差可謂全港之冠。
Ryan
S:的確要看情況,就連售票窗口長期只開一個,因為無乜人去睇。
Ryan
980056:廿二座位已不算很闊落,再闊一點的話,恐怕只能放十個位了。
Ryan
阿橙:但香港戲院趨向細院多囉。
Ryan
MM:近月來已經沒有開六院了。
Ryan
shtmanhk:已有特派員跟進中。
Ryan
^^:要表演用的話,功夫會多好多的。
Ryan
^^:相信仍未到執的地步吧。
Ryan
肥浩Z:同意近年裝修後換了座椅算是舒適,雖然感覺是乳膠質料,但其實不差的。
Ryan
甘魚:華懋門口寫明了票價是介乎三十至五十元。
當然,長者有首場十元的優惠。
華仔
應該開回三院,三間院都是標準的大院,不過近年小弟都已經無去過華懋睇戲了,上一套看的已經是阿sa的了.即使換了新座椅,我不喜歡華懋場次太多,例如一套戲119分鐘都開四點場,太急了,還有個致命傷就是開場前沒有預告片即上正場,散場時字幕一出就cut片了,小弟是個鐘意睇全套影片的人,字幕都是影片一部份,難怪近年觀眾對華懋戲院都望而卻步了.
S
三院 位置於 06年尾已被圍板封著。
另外自去年起 華懋 1/2/6院 曾間歇性播放預告片;1/2 院片尾字幕則視乎情況而停機,要碰運氣。
980056
希望開回三院,聽聞3院的座位不少,6院只得22個位太少了,如果重開,應改為Director’s Club般,個人對華懋戲院感覺不差,提供大銀幕,還有座位也挺舒服,而且片價較一般大型院線平,是本人其中一個偏愛的戲院!
阿橙
6院細到喊…
開唔開都罷
MM
睇番華懋個網頁,
http://www.chinachemgroup.com/index.php?option=content&task=view&id=101
應該 1院、2院同 6院會成為o個 3 間影院。
不過睇番呢排既 schedule,
似乎佢地排片都主要係 1院同2院,
1院做長江7號
2院做魔街理髮師,
6院好似冇放過出黎買飛,
即係變相都係得兩間影院~
shtmanhk
華懋戲院取消日場?最早開6:30p.m
http://www.cel-cinemas.com/cinema.jsp
^^
都唔係呀! 今日都有日場… 今日去睇, 見到佢嚮道裝修緊喎… 天花, 兩邊, 銀幕前加個台… 唔知係咪想改做舞台表演用呢?…
^^
吖也…. 唔想無左呢間院呀!
D CHAIR 換左, 好似無咁高無咁舒服咁…
唔想無左一間$30-40 TICKET 的戲院俾我地呢D平民/窮人去睇呀!! >_
肥浩Z
華懋其實係間好戲院黎, 講真講服務喎, 你睇場戲要咩服務先? 最重要係場地舒適, 價錢既姐..
我大大話話近7,8年都係佢度睇戲最多, 因為第一真係平, 30蚊既下午場次, 平過出面一半有多.
第二, 我唔認為睇場戲需要咩服務囉, 百老x 之類唔比人拎野食,飲品入去先叫態度差…
第三, 佢早2,3年大裝修後, 已經舒服左好多喇, d坐位都換過曬新款既, 每行中間既距離又闊左, 而且最重要, 佢係九龍區僅存既大銀幕戲院之一..
第四, 人流少, 因為好多香港人既偏見 + 地理位置, 佢普遍都係少d人去, 會爆既場次簡直係小之有小, 唔使比錢預訂, 唔使排長龍, 係一件好開心既事..
今年頭開始, 佢地又大裝修左, 減少左幾間院, 其實仲好, 集中番係兩間大院播仲好啦.
甘魚
聽人講華懋有得十五蚊有戲睇@@?
有冇人知道呢件事?
但係而家上網冇呢個消息?