正當大家等待周星馳作品《長江7號》開畫時,竟然在港片在《長江7號》開畫前兩天開畫當炮灰?
周五晚經過美孚影都戲院時,卻見到上圖的海報,一部名為《黑勢力》的電影在事前沒宣傳的情況下,安排於本月廿九日星期二開畫!
觀看其製作名單,主演的計有陳小春、黃德斌、文頌嫻、梁敏儀、陳寶轅、李思蓓、洪天明及雷愷欣。主演的除了曾演出《黑社會》的王天林外,還有陳鴻烈及煒烈!電影由王晶監製、鍾少雄執導。中國星發行、晶藝攝製不太出奇,不過出品除了常見的思維娛樂外,還有一家名為「積極創作有限公司」,不知是否是另一家空殼公司了。
電影屬第三級別,故此宣傳品亦需送檢,不過觀乎宣傳資料證明書,是次送檢者為Medi Advertising (HK) Ltd.,不過發出日期卻是今年一月廿二日,可見上畫得十分匆忙。
《黑勢力》宣傳口號為「拉唔完 趕唔絕 野火燒不盡 春風吹又生」,大家留意今回顧問除了陳華外,還有一位叫「唔細餅」的人士,實在不知是何方神聖了。
電影標榜是「十年來最真實黑社會片」,說是「真實語言 真實檔案 真實得令你震驚」。不過,既是如斯真實,何以發行卻如此「陽春」?
再看字款,拿回《黑社會》的海報比較,是否似曾相識?難度王晶想將《黑勢力》與杜琪峰的《黑社會》相題並論?
據情報人員報稱,除影都外,紅磡寶石戲院及銅鑼灣總統戲院亦出現《黑勢力》海報。到底最終有多少戲院「逆市支持」?恐怕周二才有答案了。
Ryan
FlyingDonkey:因為要宣傳,所以特地方在「特別介紹」類別的。
Ryan
柯南:很難講,因為如果而家唔排,恐怕要到四月才有期。
Ryan
S:相信看了便有答案。
Ryan
柯南:《黑勢力》原名的確是《學校黑勢力》,去年十二月還有探班。
Ryan
Derek: 大部份播放《愛鬥大》的戲院將於一月三十一日改播《長江7號》,觀乎《愛鬥大》報數唔錯,沒可能相差兩天排於拆場電影來「懾期」。
去年《魔鬼天便》是星期六突然上畫的,同樣由陳小春主演。
Ryan
Paul:有時這類電影質素真係好睇命水。當年《凶男寡女》其實不算太差的。只是看王晶監製下的黑道片又會怎樣。
Ryan
3B:不過觀眾到時看畢震驚,會是因為內容還是水準就不知道了。
Ryan
Norm:鍾少雄的水準不分飄忽,《刀手》唔錯,但《新羔羊醫生》就嚇得死人。
Ryan
杜絲先生:其實發行是中國星。近年中國星有唔少片都係咁發行法,真的要問該公司發生甚麼事了。
Ryan
Nic:當然唔知,不能也不會特地講了。
Ryan
Paul:星期二開畫,到時便知是爛片還是走漏眼了。
Ryan
路人甲:恐怕下場跟去年硬撼《蜘蛛俠3》的《寄生人》相若。
Ryan
董小玥:但觀乎近年陳小春演出電影的素質,又真係好難俾到信心發行。
Ryan
費查:不過這部戲的映期,極其量只會至二月五日,因為當《功夫灌籃》開畫時,便要落畫。
Ryan
董小玥:陳小春已被定型多時了,近年唯一不串的演出之一也許是零六年的《打雀英雄傳》。
Ryan
DMA: 睇埋明天開畫排陣就知情況,現在不少新寶旗下戲院如銀都及豪華也貼出該片海報。
Ryan
華仔:已另文討論,請查閱。
FlyingDonkey
竟然不宣傳王晶個女王子涵!!!
http://big5.xinhuanet.com/gate/big5/news.xinhuanet.com/ent/2006-11/15/content_5332787.htm
柯南
呢套有興趣喎 ~~
只得幾間戲院做 ? 太可惜了
論排場絕對可以排 新寶院線啦…..
S
柯南
仲有, 原名好似叫”學校黑勢力” ?
Derek0505
會唔會係”愛鬥大”叫座力捱唔到咁耐,所以求其搵戲攝期?? 我想問下應采兒套”魔鬼天使”係唔係都係王晶出品?如果係既,lee2套戲既突然上畫方式都幾似。
Paul
中國星發行的”魔鬼天使”是王晶有份製作, 不過credit無掛王晶名字.
其實以「陽春」方式發行的王晶片唔一定衰, 好似”一個爛賭的傳說”絕對唔差.
不過”黑勢力”應該都係衰…. 套野2006年已經拍, 2008年先上, 相信大家入場看就知點解…… btw, 上一套王晶/鍾少雄導演的”凶男寡女”都是以「陽春」方式發行, 水準有目共睹
3B
「真實語言 真實檔案 真實得令你震驚」唔知係唔係拍佢自己既故事?聽講鍾少雄好耐以前o係大陸被標心,仲要2次。
Norm
好懷念以前鍾少雄比較認真的製作,如「刀手」。
杜絲先生
王晶係咪傻左?咁樣送套戲去死
究竟有冇錢賺
Nic
真係唔講唔知有這套戲喎…
點解套戲在無乜傳宣下上映呢?..
因為其風頭冇得同”長江七號”比?..
Paul
因為一套片在戲院上映, 對該片進軍home video市場和賣電視版權都有幫助. 但同時片商又對該片信心不大, 唯有盡量[慳錢]地安排該在戲院上映….
ps: 《黑勢力》的編劇是 司徒慧焯.
路人甲
完全沒有宣傳,咁突然就開畫…
仲要同期有長江七號,就算本身電影有質素,恐怕票房都…
★董小玥★
又係陳小春,發覺佢d戲都係無聲無息下開畫,開始有點擔心套《精舞門》又係咁,希望到時會多d宣傳才好。
費查
就係人人都怕長江7號,唔敢排呢檔,佢而家攝上,反而有著數。
呢段時間,除左長7,同埋飛髮佬,仲有乜新戲?打正旗號既黑社會片幾時都有一定號召力。
一般市民,睇完長7,又唔想睇飛髮佬咁偏,得閒無野做,搵套大路港產片睇下都好正常。
★董小玥★
咁又係吖,而且陳演戲就得一個模式,鍾意扮吊兒郎當的臭串樣(或者就係真實的他?﹗哈~),佢而家拍緊的精片又係d咁既角色(類似啦~),真係令人擔心﹗﹗=”=
DMA電影紀念品平台
除了《長江7號》還有《魔街理髮師》也是31號開畫,《黑勢力》看來是純粹找戲院過過場吧。
華仔
今天看了報紙有十間戲院上映,新寶,總統,豪華,凱都,寶石,影都,ua朗豪坊,megabox,銀都,馬鞍山,據知新寶,總統,凱都都只映四點場,豪華,寶石,影都只映5點半9點半,估計ua朗豪坊,megabox,銀都,馬鞍山都只會拆場上映.