位於屯門市廣場一期三樓的ＵＡ戲院，雖然還有不足一星期便要開幕，但特派員近日到實地視察，發現戲院外圍仍是被圍板重重包圍，不過卻在上圖中看到戲院的面積。然而，詳情亦有待戲院開幕才能得悉。
雖然戲院未開，不過戲院方面已經盡力催谷戲院，先是向UA Loyalty Club會員發出電郵，說明該戲院於十二月十二日開畫，並附上戲院內部模擬圖片三幀。至於有關主題日前亦於「講。鏟。片」提及過。
新戲院開張，當然要搞優惠，先來的就是推出五款主題的限量版紀念杯，到該院購票四張或購票兩張加十元便可獲得一隻，並於每星期推出一款。換句說話，想要不另花費而獲得全整的杯，至少要購票二十張，而且還要平均分佈在五個星期，實在不易為。
至於另一個優惠，則是跟ＵＡ戲院催谷的爆谷餐有關，觀眾可到網站印其優惠券，於戲院可以四十元優惠價購得原價五十三元的爆谷「情侶套餐」。不過，四十元仍不算便宜，受惠者有多少實在成疑。
然而，大家最關心的票價問題仍未公佈，這點也許令ＵＡ屯門市廣場及毗鄰的巴倫紐米及凱都戲院的入座分佈有所影響。
Ryan
tommyknchan：多謝報料，機房在哪個位置？
五十五元的一票，恐怕跟巴倫紐米及凱都走不同路線了。
Ryan
柯南：絕對同意，其實很多未到過屯門的朋友，也許不知該兩家戲院的「旺場」程度。
Ryan
Alex: 有空也去去另外巴倫紐米及凱都，質素蠻不錯。
Ryan
Benjamin：多謝提供，已另文再談了。
Ryan
柯南：尖東華懋也裝修了。
Ryan
阿橙：指的該是椅子間的手柄位可以拉上吧！
Ryan
ferry：先貼了一篇戲院放映廳外的情況，至於內裡稍後再貼。
Ryan
柯南：沒錯，情侶椅指的是模式而且。
Ryan
路人甲：$55未必算好貴，但比起同區$35的巴倫紐米，似乎相比上貴一點喎。
tommyknchan
今日我去過，圍板拆咗，真係好似設計圖咁靚，靚到無倫!
另外我都機房外面「裝」過，用Christie projector，下壓幕同Dolby Digital解碼。
票價就早場$35，首場、學生、小童、星期二$45，普通$55
That’s all.
柯南
從票價黎睇 凱都 同 巴倫鈕米 仲有一定的吸引力…..
Alex
下周三將會到UA屯門市廣場睇 花鼠明星俱樂部 優先場, 到時可以講講院內如何~~
Benjamin
今日經過屯門UA, 已經開左啦….
柯南
哈…我住左屯門廿年…所以都好清楚屯門區既戲院情況
未裝飾前的 凱都 同 巴倫鈕米 絕對恐怖, 同華懋係 同等level (甚至更差..), 但而家裝修後真係靚過好多百老匯戲院…以凱都為例, 佢好似係採用浮動式票價 (有錯請指正), 大片就貴D , 細片就平D..但點貴都不過 45蚊…..入面仲要全部係 “情侶椅”, 一流 !
阿橙
情侶椅??
咁3個/5個睇咪有一個孤伶伶自己坐??
ferry
其待大家進場後分享內裡是什麼光景^_^小弟最快也要再下一星期才有空「幫襯幫襯」…
柯南
“情侶椅”的意思是 枎手全部可以拉上去 , 當然唔係兩個兩個咁樣 ~
路人甲
回應裝過機房的那位, 我想知你咁勁可以望到機房既? 其實你係咪係個度做架?
同埋我覺得$55票價都唔係貴喎.