按：上圖由讀者提供
近年全熱鬧得熱哄哄的，便是《色，戒》裡的反盜錄手段。當中百老匯院線最為積極，而且花款更是層出不窮。入場觀眾除了感到「附加服務」，還有觀看電影時有如觀看盜版人頭左搖右擺的味道。
「反盜錄」的招式其實很多，何以要這樣做？今天就試探討一下原因。
要看戲院，先來看看戲院的招數，首先便從售票開始。拿出旺角百老匯為例，大家看看上圖的售票情況，是否感到奇怪？最前一行，每行各有六個座位一早被劃去。正當不少以為這是電影公司「粉飾櫥窗」的活動時，原來另有原因。
再看看香港政府勞工處網上的職位空缺，九月二十五日有大量空缺，職位是「反盜版專員」，時薪三十五元，算是高薪。雖然只需小一程度，但卻要略懂英語。每周工作六天，而每天工作約九小時，工作期二至三周。職責是為電影進行戲院巡邏及站崗反盜版工作。職請公司為「安樂影片有限公司」。
再看看百老匯沿線戲院，全線戲院都擺放「反盜版」專櫃。專櫃有「反盜錄專員」掛牌，戲院給觀眾的號碼膠咭，還有大量的密實膠袋。留意該些膠袋並不像機場般，膠邊是「藍加黃變綠」的那種，可謂十分「落本」。
戲院場內方面，有職員站崗之於，還有職員巡邏，而且「班次頻密」，坐在通道旁的觀眾完全仿如觀看「人頭版」電影一樣。
然而，當情報員再到同樣播映《色，戒》的其他戲院時，卻沒有如此的裝備。當中JP銅鑼灣戲院更是「無遮無掩」，只是巡例查核第三級影片的程序，其餘院線亦大致相同。
這類出現了多個問題，第一個問題就是何以香港觀眾獲如此「厚待」？不過想深一層，當其他戲院仍是「態度依舊」之時，何以安樂一系公司，包括安樂發行及百老匯院線施以這方案？
當大家覺得戲院不近人情之時，原來另有苦衷。
江湖傳聞指是回某院線有內部通令，將是次反盜錄工作定為前所未有最高級的高危級別。戲院方面一定要用盡方法反盜錄。倘若真的被查出於某戲院被盜錄的話，有關戲院定必有人「人頭落地」。
任何公司，都有一套由上移下的層壓式制度。戲院經理當然不敢亂來，於是用的方法包括小心搜袋、留空部份座位不賣票以便監察等。留空的座位，可令職員在有懷疑時坐下作近距離監察。
當然，此舉會令戲院收入減少。但何以會有公司肯這樣做？原來又有原因。
反盜錄當然是一方面向片主交代，但另一方面，是一種姿態，於形式上給人看到是有採取適當措施，免得招人口實。同時間，這種做法可以作為日後跟西片公司發行電影長期合作的籌碼。
另一個原因，就是因為《色，戒》本身會在內地發行刪剪版本。倘若足版盜本流入，會嚴重打擊內地票房，因小失大。而香港相對台灣來說，交流更多，流入機會也相繼提高。
然而，只做一半不做一半，看來是姿態多於實際。
poonwinghang
我六七年前都做過反盜版專員，是在新年期間，看的好像是東京攻略（可能記錯），那時已經有三十五元一小時。
S
東京攻略 當年甫上畫即有戲院版 VCD 喎．．．
Ryan
Hang: 真的通縮得咁緊要? 價錢依舊喎
Ryan
S: 當年還有不少一家廠商推出添
米奇
做反盜錄專員幾好喎，有戲睇又有錢收，都算制得過．
大腦電波
這些反盜版專員見到有人盜錄, 點樣處理呢? 佢地會否有機會被人尋仇?
Nic
絕對認同…
若然所有戲院對任何影片也一視同仁，這才是有用的…
聘請反盜錄專員同時可增加就業機會，減低香港失業率，一舉兩得…
歴蘇
咁0寄人供, 我諗我會反轉比錢Ｄ反盜版專員, 幫我整盜版！
神經刀
道高一尺, 魔高一丈.
睇黎成校不大, 分分鐘仲會令到觀眾以後唔去D咁麻煩既戲院睇戲, 得不償失!
Ryan
poonwinghang: 似乎沒有通賬過
Ryan
米奇：有些是要背著鏡頭，最多只能聽聲而已
Ryan
大腦電波：還是建議他們戴上面具上班好一點呢？ 😛
Ryan
Nic: 不過話分兩頭，此舉只會加重成本，或會導致票價調整
Ryan
歷蘇：整到先算啦
Ryan
神經刀：正所謂物極必反，有時真的要取個平衡。
dieman
唔怪得之.. 我睇個座位表時都好奇怪.
以為又玩乜野.
神經刀
我o係荃灣果間睇《色，戒》又唔算太搔擾喎!
佢哋只係靜靜企o係一旁,而且仲有唔錯既”服務”–
有觀衆好細聲講電話，個職員察覺到就慢慢行埋果行，
該觀衆只係再細聲一點以為了事，職員隨即開着小電筒，
這刻該觀衆才立即收線！這算是該等行動唯一對觀眾之恩惠。
但相信坐通道邊位的觀眾就不會習慣被近距離監視喇!…
MySinaBlog
你好！這篇Blog已經被我們選為精選文章！ 請繼續寫更多好Blog和我們分享！
MySinaBlog 分類精選 – 電視電影
Ryan
dieman: 的確，很易被人被會成為票房「粉飾櫥窗」的手法。
Ryan
神經刀：我倒覺得入戲院熄電話，是觀眾的基本禮貌。可惜的是，香港很多人不懂這個應有的禮貌。
MM
唔知大家有冇留意最近 MCL、UA 網頁?
其實由上個星期六、日開始，
UA 同 MCL 等院線都會有搜袋呢樣野出現。
至於點解其他院線會咁遲先出現呢樣野，
搜袋呢樣野一出O個陣係有幾大迴響，
其他院線一來唔知客人反應如何，
所以都唔敢做任何 decision，
不過so far去到而家都仲未有盜版出現，
加上入場搜袋呢樣野o係百老匯做左咁耐都未出現任何客人不滿既情況，
於是其他院線亦都開始有搜袋情況，
而駐院既會係保安人員為主。
另外關於 hold 位既問題，
大家留意到上圖 hold 左好多位，
但係實情係o個o的 hold 位會o係開場前放出黎俾客人買飛，
所以唔存在話 hold 咁多位而令生意額跌，
只不過係將高危坐位唔買住，
去到咁上下先至逐o的逐o的放出黎買，
故此其實個 house 最終都會 full ~
當然原因同發文者都言一樣，
點解百老匯院線會做到咁足係萬一盜版真係出現左，
而睇番又係俾百老匯戲院既 print 既話，
o個間戲院經理部會人頭落地，無一倖免。
所以我諗大家真係要體諒一下點解人地會做到咁足~
Ryan
MM: 感謝補充。其實其他院線始終對有關安排都係觀望。及後發行聘請了保安人員駐場，其他戲院不用另闢人手，自然不會太介意。