香港的娛樂圈，不少藝人曾試過改名演出。近期的例子，便有前滑浪風帆好手兼入行近十年的王合喜改名為王凱韋。他聲稱有相士朋友說改名有助在娛樂圈發展。
雖然日後「王凱韋」的發展怎樣仍未知曉，但是過往不少紀錄顯示，這點似乎不太正確。而他這段新聞，亦只能在報章不起眼的一角出現。
藝人改名的例子其實有過不少，有些只作少量修改，例如「李麗珍」變成「李驪珍」，不過流通量極低。
至於「麥麗紅」，九十年代曾與方保羅一起於亞視主持電影節目，後來改名「麥景婷」，結果近年只見她於《勾魂惡夢》及《生死拳速》中演出。
更經典的例子，就是「變性」。當年亞視藝人歌手甄楚倩，曾以「夏漫琪」身份出現，六年前未婚懷孕。當年改名，聞說跟她拍了情慾片《滿情十大酷刑II赤裸凌遲》票房不理想有關。
改名換姓，很易被人誤會是想藉此「洗底」居多，實對娛樂圈發展好處不大。
kingmanchoi
我老豆話齋，改左名藝人冇個有得紅。不過有得紅就唔使改，霉到要改可能其本人條件問題，冇得救
天
光良算唔算係比較成功?
Nic
王合喜用番佢個原名，d人睇到佢個名都記得佢係前滑浪風帆好手…
而家過了個新名，個新名又唔係特別好記喎…敢說這對佢的事業冇乜幫助…
Hajime
冇記錯劉德華都改左名，飛輪海4個人都改哂…其實改名真係有人紅有人唔紅，好難判定
Ryan
kingmanchoi: 王合喜一向以來，角色都十分麻麻。沒記得他擔正的，也有如《洗黑錢》的例子。
Ryan
天：光良不俗，不過電影藝人，似乎一般都星運平平
Ryan
Nic: 總覺得新名好像是「洗底」居多。
Ryan
Hajime: 其實也看幾時改同點解改。如果話想轉運，倒不如拿點時間磨練自己演技較佳。
苦樂共賞
我有次坐地鐵好似見到王合喜，我想問佢係咪有好多白頭髮ga？
Ryan
苦樂共賞：其實現在藝人很多都用染髮來掩蓋其實際年齡了。
神經刀
最成功例子莫過於”成龍”!一改此名即紅!~~
不過當年佢既電影實在帶俾觀眾驚喜!~~
李小龍第一套擔正嘅”細路咩”,當時藝名仲係”李龍”,
過後先叫”李小龍”!~~
★董小玥★
我總覺得一個演員要紅就算唔改名都會紅，唔紅既點改都無用。
而且我覺得改名要係仲係小星既時候就改個好名較之後半紅不黑時才改會好，因為大家都記著那個名字了，無啦啦去改過另一個名誰會記得？
像鍾欣桐﹑梁詠琪﹑王菲﹑宣萱嗰d都係未紅時就改定個藝名。
John To
劉德華係真名，劉福榮只是他兒時曾用過的別名。
敢問大家覺得章小蕙是一個成功還是失敗的例子？
tinue
言承旭也是改名的。。
仲有，leslie原名也都唔系“张国荣”黎架
Nic
若然入行的話，應在入前o個陣就用藝名啦…
好似陳淑蘭咁，又有幾多佢改了名叫陳道然呢？..
★董小玥★
仲九袁潔瑩放咗做袁塋。
蘭子的例子應該多些人知道，因為而家報紙雜誌都用佢新的名字陳道然。
★董小玥★
打錯，係仲有…
Ryan
神經刀：但他們改名之餘，也要有自己的努力付出，如果只是改名「等運到」，不知要等到何時何月了
Ryan
董小玥：如果半紅不黑改名，只會給人一種「洗底」感覺，實在不太好看。
Ryan
John To: 怎樣說到好，章小蕙改名後，似乎話題性高了很多，也拍到《桃色》的「生態旅遊」電影。
Ryan
tinue: 一開始用藝名的, 例子實在多不勝數
Ryan
Nic: 相信知道者不多
Ryan
董小玥：改來改去，觀眾不認得，實在意義不大
Paul
連晉/連偉健 是少數改名成功例子….
Ryan
Paul: 連偉健的確在電視紅過