正當三色台暗渡陳倉地狂抄外地劇集之時，香港電影卻罕有地明目張膽的將荷里活電影重拍。該片正是《男兒本色》導演陳木勝新作《保持通話》。
《保持通話》改編自零四年西片《駁命來電》(Cellular)，演員組合則又是中、港、台大聯盟，有古天樂、姜文及徐熙媛。電影將由華納及英皇合作，預計十一月開拍。然而，陳木勝在回應時卻十分小心，並表示唔可以正式公佈，充分反映香港影圈向來透明度低的行為與態度。
香港使用手機密度之高，可謂全球數一數二，不過對於手機為主題的電影，卻不流行。其實香港人普遍都會使用手提電話，甚至不少人在搭巴士及小巴時「講足全程」，所以《駁命來電》這類以手機為主題的驚險電影，理應有一定客路。
不過，港版會否因應各贊助商要求而加入大量其他東西，仍是未知之數。
ryanlob
唔公布, 或者佢驚人地話佢擺明抄… 其實呢套西片上畫時不太好收, 無咩人睇過, 唔會容易被人比較… 只要題材好, 翻拍不是壞事, 當然都要佢拍得好先得
Nic
應該係唔想大事公佈係”抄襲”其他人作品”…
或許驚”抄”得太似，而影響影評人或觀眾對此片的評價…
所以低調進行…
不過在我的印象中，好似冇乜邊幾套改篇電影係拍得好..
若然有咁o既作品，請舉例介紹嘛..
歴蘇
好心佢抄都唔好抄Ｄ爛片啦, 個套咁嘅Cellular票房認真麻麻… 咁都翻拍, 唔該叫佢慳0的啦。
不過好難講, 因為拍爛片一向都係黑社會洗黑錢嘅方法。
Ryan
ryanlob: 如果是堂堂正正的購入版權來拍，其實根本預左，也不是問題。要怕，只是自己心虛。
Ryan
Nic: 一早咁諗，已經為自己的改編架上框架，想拍得好都難。
改編排得好的例子之一，由去年西片《無間道風雲》。因為雖然題材相近，但風格同重點已全部轉變。
Ryan
歷蘇：有時細片才有點創意。荷里活的大片，有一定的模式，創意難高得去邊。
★董小玥★
香港人也要抄外國片？仲以為外國人無哂idea一直買香港電影版權，連香港人也要？這套西片上映其實有想過去看的，後來有事沒去看，為什麼沒什麼人看過？不好看嗎？
Ryan
董小玥：天下文章一大抄，實在不足為奇。