第十七屆香港電影評論學會大獎頒獎典禮，已於今天下午假香港電影資料館電影院舉行。當中主要獎項得獎者可算是全線到場。
活動於下午三時開始，先由電影評論學會會長張偉雄先生致辭，並且頒發七部推薦電影，分別為《劍雨》、《月滿軒尼詩》、《綫人》、《鳳冠情事》、《人間喜劇》、《如夢》及《志明與春嬌》。
其後便由頒獎嘉賓杜琪峰上台致辭及頒發五個大獎：
最佳編劇：岸西《月滿軒尼詩》
最佳導演：蘇照彬《劍雨》
最佳男演員：泰迪羅賓《打擂台》
最佳女演員：楊千嬅《抱抱俏佳人》
最佳電影：《打擂台》（監製：林家棟）
一眾《打擂台》台前幕後也上台合照一番。
最後，當然是各得獎者合照。
由於香港電影評論學會已於上月公佈結果，故此各得獎者都可以先行預算，也令一眾得獎者可以全數出席頒獎禮。不過，這樣早公佈結果，對獎項得獎的期望度有點減低，只能說是一個取捨了。
kent
記得以前有最佳新人金,銀,銅獎頒發,今屆有無設有此獎項??
nbachung
頒獎嘉賓杜琪峰稀客喎..
東郭
設新人金銀銅獎的，應是導演會的獎，不是電影評論學會大獎。
Kaile
恭喜曬!
楊千嬅實至名歸！
希望佢四月再下一城！拎埋金像影后！
將03-10年連續8年「電影評論學會＝金像影后」既神話延續落去！
Kaile
唔好意思~
係03-09=7年先岩!
希望千嬅今年拎埋金像影后,
做呢個神話既身8年啦!
david
支持神話破滅由薛凱琪封后！
杜sir
近年香港的頒獎禮，越來越派糖制，誰還沒拿就分給誰…今年應該是排到楊千燁，但本身對其＂做自己＂式演技而晉身影后，實在大有保留，香港電影界真是青黃不接到危急關頭了！
東郭
阿杜sir，如果係派糖制，應該輪到劉嘉玲喎。香港女演員青黃不接確係事實。你話“做自己”，薛凱琪咪又係演返自己。
nbachung
[今年應該是排到楊千燁]…錯.今年應該是排到是嘉玲了..佢已提名no.5次..Kaile .呢個神話斷餐士超過9成.起初已為是[抱抱]提名.現在係[志明]…更加蚊水
kent
電影公司之間既對決
如果兩間都細公司,兩個都唔會入唔到圍
杜sir
劉嘉玲在狄仁傑得果十零分鐘,提名已經離奇,點俾佢?
david
嘉玲姐早已是大家心目中的影后啦, 但係提名果部真係拎到都唔實至名歸囉
再者, 我覺得薛凱琪係演緊正宗港女, 丁太係演緊自己, 係有分别架!!~
david
嘉玲姐早已是大家心目中的影后啦, 但係提名果部真係拎到都唔實至名歸囉再者, 我覺得薛凱琪係演緊正宗港女, 丁太係演緊自己, 係有分别架!!~
perry
好笑!
你地呢堆成日話楊千嬅唔識做戲, 對佢有偏見既人,
由《新紮師妹》開始已經話佢演緊自己
到而家《志明與春嬌》仲係咁樣用呢個藉口!
QUOTE FROM CM FORUM 會員”powerful”:
「當《玉女添丁》《新紮師妹》時期的她給人批評是只係做番自己, 毫無演技可言
到《地下鐵》《千杯不醉》時期, 批評是又係做番自己, 毫無演技可言
跟著《天生一對》《每當變幻時》時期, 批評是又係做番自己, 毫無演技可言
現在《志明與春嬌》《抱抱俏佳人》時期, 批評同樣是又係做番自己, 毫無演技可言
然後請回想, 以上四款不同風格的電影, 其角色變化幅度有多大
其人物形象給予你感覺有多不同, 就會知道
“車, 有咩特別姐, 咪又係做番自己!” 其實正是對其演技的最大肯定!」
**如果楊千嬅真係套套戲都做番自己既話, 咁佢一生都幾幻海奇情喎!
nbachung
《天生一對》《每當變幻時》唔係做番自己喎.. 每當變幻時值得有個提名既.可惜佢唔入圉..
至於今年《志明與春嬌》佢演出完全唔feel有咩突破?
[抱抱]演出還好d…
nbachung
上年小紅姐拎咪又係得果十零分鐘..重有羅蘭例子.
金像獎比你知十零分鐘都足夠拎..
perry
乜拎影后一定要突破先拎得既咩?
有突破=/=有演技!
以突破後黎衡量邊個拎影后好唔MAKE SENSE囉!
下下要計突破，咁今年入圍個５個入面，淨係得何超儀值得入圍啦？
影后=演得最好個個=有演技=演得自然=觀眾有共鳴，但=/=有突破。
kent
如果大會肯對每個演員都係一視同仁,奇蹟地使用統一既標準衡量的話
就唔會出現走漏眼,遺珠既情況發生
perry
同意!
楊千嬅都畀人漏眼左好幾屆了。
nbachung
乜拎影后一定要突破先拎得既咩?..當然重有其它因數.
之前已講過唔重複..睇來大家對楊千嬅演技意見很極端.
即菅式目以代
perry
就拭目以代。
還看四月金像獎。