在今年香港賀歲檔期華語電影中，陳可辛監製、谷德昭執導的《神奇俠侶》被指其「合拍」味道甚濃，有衝著內地票房而來居多。諷刺的是，其實該片不只在香港票房不佳，內地表現也不理想。
內地最近公佈了春節假期一月三十一日至二月六日一周的票房成績。七天票房以《最強囍事》成績最佳，一月三十一日上映七天票房達6,800萬（人民幣，下同），而電影到了二月九日已過億元。至於票房第二至四位都是內地電影，包括電視劇搬上大銀幕的《武林外傳》、下周才於香港上映的《我知女人心》及動畫電影《喜羊羊與灰太狼3》，當中《武》、《喜》兩片於內地累積已過億元。
至於四部在港上映的賀歲華語片中，英皇的《新少林寺》在內地夥拍中影與華誼兄弟發行，賀歲七天票房約2,200萬，而累積則達二億元。相比之下，被不少香港觀眾指合拍味濃以迎合內地口味的《神奇俠侶》可謂中、港兩失，在內地上映四天票房只有千五萬，比起內地製作動畫《熊貓總動員》四天的千七萬還要差勁。至於香港色彩甚濃的《我愛HK開心萬歲》票房最不理想，四天票房收入只有780萬。
值得留意的是，《神奇俠侶》與《我》片在內地發行量明顯較少，反映內地院商不太賣賬。當中《我》片香港風味較濃，不賣賬也很正常。至於《神》片在內地也不叫座，相信跟其水準及同期已有另一同類選擇《武林外傳》不無關係，而《神》片在內地映期由中秋先押至聖誕再到賀歲，也是另一個問題所在。
不少觀眾觀畢《神奇俠侶》後其製作水平搖頭嘆息，也許反映了今時今日內地市場也不能單靠幾個名星低水準獻世製作便可在內地「呃飯食」。雖然《最強囍事》也算是合拍成份，但其色彩或水準至少較過去兩年的「囍事」系列好一點，其「內地味」少一點，反而算是在中、港兩地票房不俗。也許兩片的成績，為不少香港電影製作人帶來啟示。
迷逃小書童華安
由頭到尾都係果個問題！！！！！！
點解要分，香港，中國題材？
Tuss
我想係因為兩地的人政治與創作限制並不一致之餘，兩地不少的大眾對個別地區很「歧視」。
Twister
真係問得幾好笑，你係咪好期待《武林外傳》，好想看無厘頭？你吾覺得out?
haha
谷德昭終於用時間證明左佢執導同編劇既戲係垃圾
男人甲
Peter Chan係監製，即係佢班水拍。
Sandra係佢老婆，情人眼裡出西施好正常。
但要普羅大眾接受一個英俊瀟灑，一個靚到爆炸嘅第二句，真係好難。
有演技不等如靚喎。
當年最佳損友阿叻被君如硬上時更流下經典的一滴眼淚，吳君如其實是90年代的醜女代表。
看她和古天樂含羞答答，打情罵俏令人惡頂。
賀歲片，一般要求不高，君如扮靚應該係主要死因。
陳可辛拍書劍恩仇錄，可能搵老婆做香香公主，黃曉明做陳家洛。
IvanKing
Why君如的號召力不高呢.???
想知原因。
simon
估計可能係無乜budget情況下, 限米煮限飯咁唯有搵君如收”家用價”演出, 有錢的話,以Peter咁機關算盡, 起碼都搵大S拍, 你又唔見佢拍”投名狀”,”十月圍城”呢啲大片會出動佢老婆?
至於呢部戲既結果, 只能夠講句”應有此報”, 求求其其拍啲野出黎呃食呀嗱?
kameyou
黃百鳴真係勁 …
紀陶話齋, 《葉問2》唔係話因為好睇, 而係佢捉到中港合拍片的共同潮流。
今次, 《最強囍事》又中左！真係配服！無人敵！
Aaron
《我》片本來只攻香港市場，《最》片就想進駐埋其他地方，所以雖是港產片，但香港味冇咁濃，反而去搵中港嘅共同潮流。
Chris
黃老闆近5年確係幾爆
因期望低, 估佢唔到
遊人
呆佬拜壽杜琪峰補拍了很多場….劇本也是杜氏出品…
shtmanhk
游乃海居功不少
shtmanhk
內地賀歲合拍片只有大製作《新少林寺》及卡士最強的《最強喜事》較佳,其他《神奇俠侶》《我知女人心》開心萬歲 則不濟, 遠遠比不上主打內地口味的《喜羊羊與灰太狼之兔年頂呱呱》及《武林外傳》, 整體票房也比十二月三部主打內地口味的徹底地拋離了.
Ken Resurrected
Are you going to repeat this statement on every other CNY related post?
AhCheunG
真係唔講唔知~~~
點解套戲擺谷生做導演﹖
~港~
但我記得睇報紙話佢 budget 唔算低, 可能係哂 d 特技到掛
可惜
識睇戲嘅人應該明白最唔惦係邊個啦！梗係谷大導啦!
睇怕陳、古、吳三位真係比谷大導玩鑊金啦!
你睇”最強”同”我愛”都有兩位主角而票房同口碑都好好呀！
谷大導，算吧啦你:(
shtmanhk
春節賀歲檔的兩部港式喜劇影響力依舊強大，院線工作人員稱《最強囍事》和《開心萬歲》在廣州這邊非常吃香。而這兩部電影的時間影響力也非常廣，「起碼有著一個月的影響力。」
《南方都市報》報道，作為票房重鎮的廣州，對於《將愛》的票房貢獻不過1/10，不僅遠遠低於幾個主要城市，甚至敵不過影院寥寥可數的瀋陽。《將愛》受到兩部港產賀歲電影的餘威影響，以及《致命伴侶》(The Tourist)的包抄，外加老廣的南北文化差異，本地排期數量減少，導致票房在廣州失利。《將愛》目前在廣州的票房只1000萬左右。
《將愛情進行到底》在廣州票房不敵港片
http://paper.wenweipo.com/2011/02/19/EN1102190023.htm