林超賢與英皇電影的合作可算是十分緊密，繼《証人》與《綫人》後，新片《逆戰》日前已展開前期工作，於下月在約旦正式開拍，並已確定由謝霆鋒及周杰倫主演。
《逆戰》的製作費高達兩億，並會於越南、泰國及約旦等地取景。而導演林超賢早於去年年底親赴約旦先行視察環境。電影將會找來周杰倫與謝霆鋒飾演兩兄弟，當中涉及偵破國際奇案與尋親內容。電影會先由約旦開拍拍攝，當局已答應借出軍機、坦克車及火箭炮等作實景拍攝，而片中女主角則由白冰擔任，預計電影將於今年聖誕檔期上映。
觀乎林超賢的往績來說，零八年他與英皇合作的《証人》可算是導演生涯的重要轉捩點，也在票房上叫好叫座，其後再度合作的《綫人》反應同樣不俗，是次《逆光》沒有了愛將張家輝，改用了周杰倫。周杰倫過去兩部跟英皇與長宏合作的《功夫灌籃》及《刺陵》成績不算理想，且看與林超賢的合作能否會有所突破。
克里斯
呢d咁有個人風格ge導演升呢拍超級大片,
通常都係仆直居多.
雖則”千機變”都算大片,
但都係麻麻,
可況呢套成兩億, 仲要用周姐輪……
希望唔好仆得咁勁啦…
sam
我個人就好担心,佢同吳煒倫的默契侷限於「人性困獸鬥」所以演員的質量就好重要,用周杰倫主要是市場,所以個人覺得內地成為主打,hk冇所謂,聽Ryan咁講成套戲擺明大格局好多,對林導絕對是大挑戰,
babygirl
都好同意樓上o既講法,怕林導handle唔到大制作~另一個擔心係周生…-.-” 佢d演技真係不敢恭維…
Gary
好似有點heavy，無乜趣味….
之
近年的港產片和合拍片大部份都是返內地片場拍，真是很久沒有聽過有港產大作去這麼遠的地方拍攝，反而覺得新鮮。
terence
到現時為止都仲未見過有個香港導演拍套講述「國際關係」的電影能夠成功。
兩億港紙，人仔億八，可能收要三億先回到個本喎。兩位主角叫座力去唔去到呢個票房呀?真係好疑問下。
迷逃小書童華安
周生都經典喇…
都唔知佢賣乜？薯樣扮鄰家男孩…
Gary
故事發生在何處不重要….重要係兩位主角嘅兄弟情有幾好睇???
simon
香港導演一”走出去” 多左啲”千軍萬馬”或者”飛機大炮”就好易迷失, 唔好計成龍或者陳可辛, 當年林嶺東《大冒險家》都係咁o
好擔心林超賢都會為左大場面而放棄劇情o
g
軍機、坦克車及火箭炮..只會浪費咗約旦呢嗰咁特別嘅國家
The Daydreamer
Recent English films that have a Middle East/Iraq setting were shot in Jordan, including The Hurt Locker 拆彈雄心.
shtmanhk
《逆戰》瞄準今年聖誕檔期上映,除了可能要面對陳可辛的《武俠》、王家衛的《一代宗師》和爾冬陞的《大魔術師》外,仲要對撼格食格的 MI4(其他外語片尚有 TWILIGHT 4, 丁丁歷險記,福爾摩斯2), 中外片競爭如此大何不延至賀歲檔期?
Danny
白冰？又係佢，做楊老闆條女有甚前途？唉，係好導演就唔應該向潛規則低頭
小平同志
反正兩個男角都拍過佢, 溝淡d等周董d演技無咁大殺傷力
shtmanhk
《逆戰》春節上映
預告片
http://www.youtube.com/watch?v=abMk-z_RReQ