由影王朝製作，葉念琛執導，羅仲謙及周秀娜主演的《婚前試愛》暫定於十二月廿三日上映。正當聖誕檔期各部電影來勢洶洶，《婚》片作為暫時聖誕檔期唯一港片也不敢怠慢，也開始推出了初版預告片，且看是次又會怎樣？
片長一分四十六秒的預告片，其實有著不少的字幕說明，先是描述男與女之時對於愛情的不同看法。
男方代表分別有羅仲謙、洪天明及金剛。留意中文字幕描述李家誠，英文字幕則是威廉王子，可見在英文字幕上是有想過。
女方代表方面，正面向著鏡頭的有周秀娜及方皓玟，當中提供了一句「金句」。
描著，也描述了男女雙方對於婚姻的看法。
結婚真的是戀愛的墳墓麼？
七年拍拖，真的不結就分？
最後，就指出談到「偷食」時，雙方意見一致。
吃飽上路，是行刑前動作？
這句中文字幕精警乎？
觀乎情況，羅仲謙大可以「賣肉」。
相對之下，以裸露程度，周秀娜難免被比下去。
後段揭開了羅仲謙與周秀娜快將結婚，各自「偷食」的秘密。
這一句，看來由葉念琛於金牌年代延續至今。
為免大家不懂，演員名字還要寫出「浸大E神」的說明。
當中還有「萬寧哥哥」。
觀乎《婚前試愛》的預告片，其宣傳模式予人感覺最葉念琛較為成功的「最愛三部曲」相差不遠，仍是以金句為主打。不過是次沒有了方力申與鄧麗欣的組合，換來羅仲謙與周秀娜，再碰上一眾強勢外語電影，看來要看看能否吸納年輕客源，大家又對此片會有甚麼期望？
美麗瑩
淨係睇周秀娜同羅仲謙o既一場鬧交戲就覺得女方做戲非常麻麻地””’
咬字同發音都怪怪”
Tan
周秀娜做主角，宅男齊捧場，收300萬可期？
Ryan
那閣下如何解釋由周秀娜主演的《殭屍新戰士》票房連百五萬也不到?
MJ
同期有兩三套西片﹐係勁野 (Tron, Megamind,﹐對偉大既”葉導演”有一定威脅﹐再講﹐他對上三四套也不太收 ( 絕代雙喬﹐親愛的﹐仲有謝安棋個套 )
之前 alex 同 stephy 個三套每套過千萬﹐alex 同 stephy 居功不少﹐但係已經係好多年前既事﹐以家個D年輕人大個左﹐好難再 buy 同一個結婚偷食劇本又拍多幾次。 畢竟﹐真係沒有創意 ~~
美女係吸引﹐不過拍電影同影令相吾同﹐D 宅男好難係戲院到做他們平日對住本寫真做既野﹐所以他們應該會選擇DL. 其實出埋什麼 E 神﹐擺明居馬就係要 cap 班宅男水﹐但係如意算盤未必打得響。
迷逃小書童華安
其實三步曲除左第一集外，其餘兩套票房既水份幾高…
但第一套「xxx愛」，的確係打開缺口，但好明顯佢完全無諗過之後點行，只想一套駁下又一套…
港人睇港片
但係早排睇報紙話佢家陣o係大陸拍緊另一套戲
男女主角仲係陳奕迅同奶茶喎
一拍完《婚前》就上大陸拍影后，點都有d料子呱
嘖嘖
光看預告，形式以及演員生澀做作的演技，我連download都嫌浪費時間浪費空間，香港新生代導演何時才會覺醒?!學學台灣的樸實創意，學學大陸的寫實批判吧….說真的中港台比較新銳的導演就屬香港的導演就沒才氣，最沒風格，不斷的再貶低香港的水準。
Twister
大把導演都返大陸撈啦，一套爛片都可以收幾千萬，吾拍就苯，lol
柯柏文
婚前試愛>>>>葉念琛近年最失敗之作,,吾睇都罷
tt
雖然看來大家都不太看好，
但今次的預告片真的引起不少年青人關注，
因為很有「愛情三部曲」的感覺，
而「愛情三部曲」亦有一定的年青觀眾支持，
相信《婚前試愛》即使票房不能大收，也能夠成為話題作。
saki
看完預告,我聞到個票房有濃烈的燶味……….
piggieee
由題材到導演到演員都搵唔到令人入場o既理由…
shtmanhk
同一星期仲有 小人國大歷險,早一星期仲有哈利波特7,月底有兩部愛情片守尾門(愛情戀上癮,挪威的森林),前後夾擊炮灰在望.
非誠勿擾2 及 讓子彈飛 寧願放棄聖誕延至1月13日互撼,因為深知今個聖誕華語片根本難以爭到太多場次.婚前試愛 不採用 如果愛,風雲2,投名狀,無間道 聖誕前兩星期上映,選擇正面對撼確實’勇氣可嘉’.
2010年港片暑期檔之慘淡前所未見,2010聖誕檔港片之凄慘更是歷年之最.外語片在這檔將佔有95%以上的 market share,和台灣一比不相伯仲.
洛賢
雖然唔係鄧方配~
但感覺上有番個種feel~
都應該會去睇！
我覺得呢類片算係最有香港風格…
sam
唉！如果是平日,指近兩週,憑葉大導個名,500應ok,但夠胆去這個檔期,咁就提早happy New y law…………
eddie
我唔係幫葉生.
佢冇料就係人都知.
但你提香港新生代導演沒才氣，最沒風格，不斷的再貶低香港的水準.
我就唔可以認同.
我睇港片大.
但前幾年都對港片零興趣.
直至今年.
我見到少少曙光.
今年都有唔少你所指ge新生代導演有好成績.
彭浩翔麥曦恩麥婉欣等等.
冇票房都有口啤.
佢地勝在有膽試.
亦同時冲淡自無間度起之後香港只有黑社會警察邊沿人一大堆題才已拍爛拍霉的電影ge境況.
佢地功不可沒.
唔好沒殺佢地ge努力.
如果你你眼中新生代導演只有葉念琛彭氏兄弟甚至羅守耀.
我就無野好講.
可見得你眼界就真係幾窄.
nbachung
只得周秀娜吸引宅男fans..上套林峰果套都唔得.近年葉導演票房d戲一般.收500粒蚊水d喎..
Sam
Sam
看了卅年港產片, 由80年代至今, 直至2001年「無間道」, 才令我對港產片重拾信心,再不用看屎、尿、屁電影。近年對彭浩翔、麥曦恩、麥婉欣、郭子健、鄭思傑、黃精甫等新生代導演亦十分欣賞, 「福伯」、「烈日當空」、「野狼犬」、「打擂台」、「分手說愛妳」、「六樓後座」、「志明與春嬌」、「伊沙貝拉」、「公主復仇記」、「東風破」、就算係葉生,他亦帶出系列潮流, 恕我直言, 妳有冇看畢他／她們的電影,他們各有风格,而且敢於創新,而且他們還在「成長」中。
回應妳的疑問,港產片確有這些題材。
論「樸實創意」有「分手說愛妳」
論「寫實批判」有「維多利亞一號」、「烈日當空」、「囡囡」
論「論才氣，有風格」有「福伯」、「伊沙貝拉」
誰說他們不可以, 只是欠缺更多機會罷了。
力高
離題一小下
預告片中果首歌，正正係方皓玟既 wont you stand
老實講，歌+詞都比預告片吸引得多~
大咪
主角冇個擔得正。羅仲謙，萬寧哥哥做男主角？咪玩啦。票房收五百萬? 發夢冇咁早。葉大導咁勁，就拍劉華啦！
o靚模霎眼嬌，以胸代樣，冇用的。周秀娜是努力，但個樣真係唔叫靚，唔唱得唔演得，最後唯有拍三級，我話o既。
shtmanhk
今時今日港片能收五百萬非等閒事,憑導演之名本地能收五百萬只有杜琪峰一人.
即使有某四院’鼎力支持’,閒檔收五百萬絕非易事.
shtmanhk
1.「無間道」是2002聖誕
2.新生代導演 生不逢時
Sam
謝謝更正,2002年, 無間道生不逢時? 可能正是機會, 上一代北上掘金, 下一代勞力尋真,這個真空期, 正是上位期。我仍有盼望, 我有香港精神