若要數到今年的多產導演的話,身兼監製、導演與編劇於一身的羅守耀必定榜上有名。可是,據報章消息指,羅守耀可能短期內不開戲。
有關羅守耀暫不開戲的消息,來自十一月九日的經濟日報「八通天」的欄目,欄目作者東尼引述今年年初訪問導演羅守耀時,他慨歎現時拍戲既難捉摸觀眾口味,又難取得可觀回部,故此短期內不打算開畫。與此同時,未來的開戲也不得不考慮內地的市場。
觀乎過去羅守耀執導的電影,從首部電影《非常青春期》以至剛開畫的《殭屍新戰士》,全部電影其實都是以香港口味為本位,大部份電影都難望可以在內地上映。然而,今年上映的三部電影《滅門》、《惡胎》與《殭屍新戰士》雖然素材獨特,可是無論在整體水準上或是票房上都不算理想。即使像羅守耀可以自資的導演來說,電影一直未獲認同又想不到方向 ,也難免有所洩氣。
像《殭屍新戰士》製作費達千二萬,當中演員的成本其實不算太高,製作算有不少。可是,電影在港票房不佳,賣埠難於有好的價錢的話,最終可能只是「投蝕愈得,蝕得愈多」的境地。觀乎他的幕後情況,其實也是十分勤力的導演,只是每每未能找到合適的方向改善,於是成績停滯不前。
觀乎羅守耀暫時不再拍片及日後或以內地市場考慮的話,也許大家想看他的本地製作的話,還是把握機會看看現正上映的《殭屍新戰士》好了。
N
羅生既精神係好值得尊重
雖然好多人話叫佢唔好再拍.又話唔駛錢都唔睇
我成日覺得.如果真係唔岩自己睇既
大可以唔去支持.冇必要再講依D說話
電影為我地提供好多知識.娛樂.
羅生投資過既殺破狼,黑社會.都係好有水準既作品
雖然佢自己落手落腳既作品未達到水準
但係不斷改善.仲有一日會成功
我有入場支持滅門.
打鬥場面完全唔差.當然要搵缺點實有.
但係因為佢果D缺點.而錯過了之前既優點.咁係一個損失.隨著羅生唔開戲.可能好多唔值得睇既野唔會再出現.但係好多值得睇既野都唔會出現.
希望有一日.羅生會有新既作品
迷逃小書童華安
始終都係一樣野:
「甚麼是香港口味?」
如果香港人睇香港口味,點解荷里活片稱霸香港?
路人一個
其實佢都算有心肯投資咁多
技術方面就不評論
sam
終於放過我地,mr law thank you
shtmanhk
講得好,一矢中的.
香港口味就是荷里活片,這是百分百事實之全部.
某程度上香港比台灣更不堪,一旦口味習慣了難有逆轉.
中港通
me
羅生有錢可以自娛一番,滿足自已的導演…
一試再試…三試、四五六七試;但仍未有成績?
可否自已想想原因何在?
陳舊的思想及概念(在劇本上可見) + 上保守的拍懾手法;只會提供太多可笑的話題給觀眾!
Simon
佢攞自己錢黎過吓導演癮, 影響唔到人, 唔收得又只會話自己”難捉摸觀眾口味”, 佢都算係幾厚度, 好過某啲人攞老細啲錢黎較飛, 唔收得蝕錢又話啲觀眾唔夠水評欣賞o
Gary
同意呀!羅生又無拎住支槍監人睇,覺得佢拍得唔好的,咪唔好睇囉,蝕極都係佢自己錢之嘛!佢又做投資者,自己開戲都養咗唔少幕後人員,對電影界都有貢獻吖!
YEUNG
的確在本地制作之中, 要找出只針對香港觀眾o既”身兼投資者導演,” 可能只淨下王晶,同羅守耀.
我個人又覺得, 佢既制作又唔係真你係太差到”出一套你地罵一套”的程度, 比喻說, “彊屍新戰士”我有在戲院支持,
的確劇情沉悶, 對白老士 但總算打得精彩, 吊威也場面也幾好看,
之前的”套帥”也打得不錯, 有90年代既動作片feel.
覺得, 佢自己拍自己喜歡既片種推出市場, 咸魚青菜各有所愛,起碼, 我行到戲院, 唔係一定只有甄子丹的大片, 或者林峰既戲…..好唔好睇一回事, 起碼有得揀去睇定唔睇,
小黑大王
羅導的電影,我支持。
像短暫的生命,雖然故事短,拍出來像電視單元劇,仍然是少有的本地電影。他的黑社會電影好肯用血,唔理會唔會被剪三級照拍,我覺得好用心。
希望小休一下,同其他人做腦震盪回來會有新的面貌!
John Lo
羅生就好似美國以前個艾活一樣,可能他的作品若干年後會成為cult片,供人研究及欣賞。