位於尖沙咀的百老匯The ONE將於明天開幕，六家影院也於今天起可在百老匯院線網站作網上訂票，可是當大家看到座位表之時，是否有點謎思？
看看上圖的該院二、四、六院的座位表，每隔一行便出現綠色有著黃邊的座位，跟其他百老匯戲院的座位表有所不同。
同樣的情況，亦於一、三、五院的座位表出現，到底為何如此？
再看看圖例，竟然有分「震動座位」與「非震動座位」之分，兩者票價相同。不過，到底「震動座位」指的是像The Grand Cinema的聲效還是有甚他震動效果則沒有另行說明。
更為有趣的是，該戲院首天播放了安樂發行的韓國情慾片《下女》，未知選擇震動座位去看，又會有甚麼效果呢？慶幸該院線不會播放日活的情慾片，不然真的播放《朝搞晚震》的話，恐怕真的有「身歷其景」的味道。
大家到該戲院看戲的話，又會選「震動座位」還是「非震動座位」呢？
MM
聽聞「震動座位」原理係同The Grand既座位一樣~
另外，The One 星期四開幕同時，
UA iSquare (除IMAX院及Phoneix院) 亦都會o係星期四開始減票價，
由以往$70下調到與The One一樣收$65，
而早場亦由$50下調至$40~
華仔
UA iSquare 最煞食都係個IMAX影院同埋現時大攪優惠,星期一至五6點前用三張票尾就可以換一張戲飛睇戲.THE ONE旁邊就是健身室,應該都可以吸引一班客的.不過始終UA iSquare仍佔上風.
小學生
既然相同票價
咁點解唔選震動座位呀?
其實點解唔全院都做震動座位,只係隔行有呢?
明白可能有人會唔鐘意震動效果,如果震動效果可於座位自行調較就PERFECT啦。
Peter
剛剛係The One睇完戲，在印象中d椅覺得好像AMC金鐘的椅，設計好像I SQUARE咁起高了，而所謂的「震動座位」唔知係唔係未睇到像『潛行凶間』這類電影所以無乜感覺，睇『接種』時只感到震動效果不及圓方好。整體覺得不過不失，座位不是太舒服，而且兩側扶手不能拉起，2和4院的銀幕係上下拉幕，當電影係闊銀幕而又坐得高時會感覺有d唔舒服，但係都可以去因為票價相宜，而且早場都係35，不過如果要排我覺得會去i square>the one。
石先生
今晚去坐震動座椅，仲要係升降凶間，唔係會唔會驚啲呢
石先生
呢張震動座位真係正，特別係睇住升降凶間，一到緊張位個個微震，真係嚇死你。