影碟市場的種類較公映市場為多，故此不少發行公司都會在一些電影上映相近的時期，提供一些片名差不多又或是素材看起來差不多的電影來「混水摸魚」一番。日前介紹便有《午夜靈異錄像》公映時推出的《黑夜靈異錄像》。今回就來介紹一部港產例子。
上圖所見的影碟，在邵氏與無線製作的《Laughing Gor之變節》上映後推出，觀乎片名名為《我愛Laughing》，即時令人感覺跟劇集《學習狙擊》中謝天華飾演的「Laughing哥」有關，可是，實際上完全是兩碼子的事。
細心一看其實封面已很誠實地講述情況，《我愛Laughing》裡的謝天華既不是演「Laughing哥」也不是演警方臥底，而是演一名患有潔癖的闊少，只是遇上來自廟街的李籠怡後，學會「Laughing」而已。至於封面設計上，也跟「Laughing哥」人物相關的劇情與電影一點關係也沒有。要說「混魚摸魚」，又未到像《黑夜靈異錄像》的像真程度。
不過，到底又會有觀眾誤以為跟《學警狙擊》有關而不慎購入或租來看呢？
grace
謝天華個頭key上去架??
好老翻feel…
閒雜人等
套戲原本叫廟街公主, 早幾年阮繼志拍左一堆vcd電影之一,初推出封面係得李籠怡一個,而家呢個《我愛Laughing》只係改名改封面之翻兜作
戲迷情人
當香港出現《歲月神偷》呢類誠意之作嘅時候，原來另一方面亦充斥住一列呢啲爛戲…你話吖！點會無人對上香港電影失望吖！？
aimar
荷李活咪一樣多爛片!咁你咪又再失望!
k
想問下大家琴晚有冇去ifva睇郭子健套新野打擋台
14k
Aimar, 戲迷情人講出香港電影市場失敗. 同荷李活有什麼關係呀??
挑! 什麼!! 講出真道理都拒絕. 拉我,
ps: 樂施會事件證明NGO對中共沉默只是與虎謀皮.
molittlemo
講起D發行出碟”混水摸魚”
最有印象係戲院上
地球停轉日 時出地球停轉”之”日
10000B.C. 時出10000萬B.C.
Simon
當年”人妖打排球”收得, 攪到好多泰國片都被冠以”人妖乜乜乜”或者”人妖物物物”之名黎直出VCDo
之
早幾年有套叫《日本沉沒》的日本片上映,
隔左冇幾耐,
影碟舖就出左套叫做《日本以外全部沉沒》的片
aimar
我都只系講個事實,呢個情況,荷李活都一樣,有好片同時有好多爛片!有幾咁出奇?
呢個唔系香港唯一架問題咯!
花京丸
《日本以外全部沉沒》好似係擺到明惡搞《日本沉沒》,況且套戲別名”日本沉悶”,當年都唔係太收得,係都搵部好d既黎抽水啦
閒雜人等
《日本以外全部沉沒》 的確係响《日本沉沒》之後在日本正式上畫,係小眾右翼份子拍ge大日本主義電影, 並非一般跟風之vcd電影
戲迷情人
其實你講嘅都係事實，只不過荷李活係咁，香港係唔係都要係咁呢！唔係乜都要話人地係咁咁咁…要做好自己至得架！