以大堆頭作賣點的電影時有出現，七十年代邵氏便由楚原拍下打破票房紀錄的《七十二家房客》。事隔三十多年後，曾志偉夥拍葉念琛及鍾澍佳合導，同樣由邵氏出品、並獲電視廣播全力支持的《72家租客》，除保留原來多演員演出的特色外，還保留了流水作業式製作及廣告時間，反映出時代進步下製作的退步。
《72家租客》先在七十年代交代一段過去作背景，然而回到現在描述哈公（曾志偉）與石堅（張學友）於西洋菜街手機店的鬥爭，繼而交代了當年兩人為了心儀的小桃紅（袁詠儀）由朋友變成世仇。電影中段則加插了地產商人加租達至收購西洋菜街的疑雲，從而帶出哈公的後代（黃宗澤、鍾嘉欣）與石堅後代（鄧麗欣、王祖藍）之間的戀事等等。
相比起同期的競爭對手而言，《72家租客》於劇情及表現上可說是較為極端一點。在好的方面去看，曾志偉、張學友與袁詠儀的三角關係交代篇幅不多，但三人的演技算能帶到其張力。同樣令觀眾能留下印象的，也許是劉美君飾演的一樓一，及林雪飾演的手提電話顧客，不過這兩個角色已是似曾相識。而不少客串演出，則配合主題重複演回自己舊角色以達到預期效果；當中包括譚真一的疑似衰老症演繹、謝天華的「Laughing Gor」、甚至陳慧琳飾演回歌手陳慧琳等。
可是，正因為沒有甚麼指導之下，演員的弱點亦同樣表露無遺。當中黃宗澤的太郎繼《大四喜》後，雖然演出略有進步，可是仍未能突出太郎那種少男性格，相比起鄧麗欣的里玉更相形見絀。鍾嘉欣的哈女則過於造作，而徐子珊飾演的波波則成為全片演出最差勁的演員。徐子珊今年賀歲檔期兩部電影均有演出，可惜這部表情造作兼無戲可演，令人懷念她於《跟蹤》的亮眼演出。
從劇本去看，電影要擠滿逾百位演員在場，其實大部份演員都以閒角為主，結果劇本上十分參差。主線哈家與石堅兩家的三角關係交代較清楚，不過太郎的人物本來有的多條枝線，包括手機店伙伴及女友，及其家人的關係描述過於表層，到後段要做到化解世仇的效果則甚為兒戲。至於租客間的關係，雖然曾略作交代，但卻只是為拍出人物便算，結果後段張力不足，戲軌甩漏不少。片尾配合賀年氣氛來個大合唱，看起來亦有點只為堆砌而設，不過作為賀歲片這些也在預期之內。
不過，電影嚴重的問題，還是趕拍下的粗疏與應付大量贊助的植入式廣告。
製作方面，也許是趕著推出的關係，電影採用了旺角實景與廠景模擬的方式以後期配合。不過，也許製作未夠考究關係，結果兩者融合度不足，看起來感覺只是電視款式的製作水平，當中街的闊度、地鐵出入口，都出現明顯瑕疵。
從電影海報所見，電影有著廿多家贊助商戶出現，結果電影每每出現礙眼的品牌效應。多家手機店只一味介紹單一牌子手機，還只出現一種牌子的海報與橫額。呈獻的壽司店的品牌及另一贊助的咖啡店，則不斷地充斥於街頭巷尾，仿如洗腦一樣。至於龜苓膏品牌，更由負責人親自演出及大講該品牌特色。雖然片末來個自嘲式的廣告雜誌情節，但跟電影毫無關係之餘，更疑似藉此要觀眾「貼錢看廣告」，實在過分。
總括而言，《72家租客》以大堆頭演員作賣點，結果在急趕的製作下，雖然掛頭牌的三演員功能帶出所需，但其他演員只能靠平日修行演出，結果將各人的優點及劣點均一一呈現。編劇於創本創作上每每考慮大量植入廣告，忽略了應有故事間的完整性，只求洗腦。再配上比今天電視製作水平之下的廠景，令整部電影爛味甚濃，用以向《72家房客》致敬的話，恐怕只能說是向片場制度下流水作業式的拍攝手法、及向昔日具本地化的對白笑料致敬而已。
Alan
令人懷念有誠意的『豪門夜宴』。
obi-den
想當年：邵氏出品，必屬佳品！依家…唉～
Ivan
今天剛看完。沒有預期差，反而覺得有些地方幾好笑。戲院裡觀眾的反應也不錯，無乜悶場。但可以想像到香港以外的人會覺得某些笑位無聊，因為不了解港況。
作為一部賀歲喜劇，已達到效果，起碼沒有馬虎和求其的感覺。演員演出也算落力。至於受到爭議的廠景，的確是幾假和跟實景隔隔不入，但要在真正的西洋菜街拍攝，並非易事。若要在特技CGI和廠景之間二選一，我寧願要廠景。
這是近年難得一見的大型本土電影，真係買少見少。本人尤其喜歡故事諷刺時下的香港市民被大陸富豪玩謝。惜日的凶惡包租婆變成今日的國產有錢佬，真係幾緊貼時事。原汁原味的廣東話也比配音來得親切。
我雖不太認同無線的企業政策，但絕對支持他們製作地道電影。
lok
從板主所言,果然不出所料,真係爛片一套,爛之餘仲要充斥大量贊助商在片中.我真係好憎TVB用咁既手法去拍戲,我覺得觀眾不應該支持咁既態度去拍電影.
球証
鬼叫六嬸成日想搞番成個邵氏咩…
(當年都係由佢成立”大都會”去拍番戲之嘛)
球証
兩套戲無得比,”豪”片集合左多位編劇同導演的製作.同呢套一人搞掂的片唔同…
“變節”邱禮濤都係用左幾個月時間去完成,但效果同呢套劇(我唔可以講係”戲”,你當”電視電影”睇會好感受一點)完全兩回事…
儂儂
真的不曉得問題出在哪裡~~但以前的賀歲片真的都超級好看~~其實不只賀歲片拉~覺得以前的港片都超好看~~
自從被家有喜事2009嚇到對香港的喜劇片全無信心後,對於新版72家房客也只是抱著支持自己愛的明星去看~~還不知我家邵美琪演多少咧~~
Billy
者類大堆頭大雜燴的戲, 間中看一套又幾有趣. 誇張的賣廣告方式, 可看成是笑料的一部份, 看見它一個shot由上至下掃過日本城個招牌, 成個銀幕只得日本城3個字, 我即刻笑左出黎, 見到吳生出鏡賣龜靈膏, 都唔少人笑出聲….
看不同類型的電影, 應該用不同的態度/心態, 看這類電影, 應該放鬆點. 這些時間去研究只出2~3場鏡的客串演員演技好不好, 有點搞錯時間地點吧.
阿拉
不如睇電視把拉
Ryan
的確如此。
ALF
奈何呢個廠景係部戲既重點宣傳之一,仲記得曾生在電視上逐間鋪介紹既台詞,講明有幾真有幾好!但今日一見,除左大大隻字清楚賣廣告之外,其他真係唔覺得好!我好同意笑片唔應該太執著,但佢作為一部打正旗號打救香港賀歲片既電影,最基本要求應該要拍”電影”而不是”電視劇”! 大型本土電影係指大量電視劇演員加上電視劇水準既陳設,大量電視式賣廣告時段,我不如坐屋企睇電視啦,做咩要俾錢買飛??! laughing gor 起碼都叫似部戲,呢部根本就係無線既都市式電視電影!
Billy
近個幾月無記日日硬sale套戲, 個廠景大家都應該見過無數次, 唔駛入場都知佢唔夠寬, 應該有足夠心理準備.
我覺得個寬度似奶路臣街多d.
jk
我覺得起碼好看過大內密探同家有喜事2009先啦
我今日看完 覺得好好睇
搞笑得來有香港味道 甚小大6片味（討厭大6片！！）
有伏線 有意思 有輕微緊張
配樂聲效好
如果有得bt會下載再看
stann
大堆頭電影一向在故事的完整性與連貫性都有所不足，但個人認爲尚算好睇，部分笑料都好到位。近期的熱門話題如山寨手機，鏹水樽，周秀娜現象等都擺入電影裏頭冷嘲熱諷，容易達到共鳴效果。
賀嵗片注重娛樂性，觀衆入場無非想得啖笑，就這點來説此片已經及格了。
lol
Seriously why don;t you guys just stay home and watch TVB ?
球証
如果呢套”劇”收得,証明左無記今期真係無野好睇,D人寧願入場睇”電視電影”算數…
Billy
呢套”劇”收, 同”無記今期真係無野好睇”有何關係 ?
反而係如果收得, 係證明無記平時多人睇, 所以d藝員多fans.
Larry
香港人有的是錢，過年在戲院睇熟悉的藝人演戲，一齊爆笑，一樂也！
Hotaru
而且《豪門》的演員真是豪華好多。雖《７２》人多﹐但大部份都是ＴＶＢ藝員﹐級數低好多。
歐陽汝強
付錢入戲院去看他們賣廣告? 垃圾戲不看也罷.
分析一下
此一個討論下的posts:
批評此片的那一方：
除了作者Ryan，其他的人甚少提及
這部電影的內容，是不是其實沒有看此
電影呢.?
稱讚的那一方：
大部人都能說出一定的內容，可能由於是看了這電影，
因此雙方其實有少許雞同鴨講，right?
比較相信稱讚的那一方的言論，因你們始終有看這部電影，不是dry talk，另外
是其他討論區的評價，大部份是讚的，（Hey! 在其他討論區每看完一個post, 我會看看發post的人是不是新手。）
Dicky
同意,公平的分析
不論讚的一方還是批評的一方,都係睇0左先講啦
P仔
我雖然甚少在此留言,但一直都有留意本版.我上星期已看了本片,其實除了廣告極度兀突,但作為賀歲片本片已絕對達到應有的水準,現場觀眾反應亦比花田2010熱烈得多,不少笑料都係細心度出來兼本地觀眾係會有共鳴而笑得出.老實講,如果我唔係有睇開本blog,睇完呢篇影評再睇埋Ryan兄寫花田2010果篇夾硬搵野讚的影評,我都會認為Ryan兄係無睇過套戲便戴住針對三色台的有色眼鏡去寫本影評,但我相信Ryan兄不是這種人,希望只是大家對電影的要求不同罷了.
Ryan
基本上，未看電影只能談入場意欲多少，要談電影的好壞，入場觀看（並非看盜版）是很基本的要求。
突兀的植入式廣告，會對整個觀影經歷造成很大影響，若果情況嚴重，只是對於有心舖陳的感覺徒然。由於這方面「致命」的，故此無論是任何類型電影，包括《戀愛初歌》還是《絕代雙嬌》，都會同樣在觀感上打了很大折扣。
再起，觀看電影，無論任何時間，讚同或不讚同觀點角度不是最重要，最重要是自己透過觀影過程，立一己之見。
故此，想知電影如何，還是請自行入場判斷。
nelson
有無諗過點解咁多廣告？
就係因為你地班友仔攪到個市道差晒，票房收入不足以令人投資電影！
P仔
其實我覺得話廣告多係扣分地方,但未致於致命.老實講,如果冇廣告間間野都係假名你地又會話條西洋菜街更加假,有廣告又話hard sell,加埋最後王祖藍同黃宗澤唱賀年歌一段都有自嘲自己套戲廣告太hard sell,我係覺得條氣順返一點.
我明白其實寫影評係應該主觀,而未入場前的對套戲的印象亦會對入場時觀看該片的角度造成偏見,但誠如貴blog在網上愈來愈受注視,其實都應該企後一步,客觀地環顧套電影是否乎合觀眾應有期望.如某本地報章石影評起初的影評又是鑽晒牛角尖,但後來被鬧得多都開始識顧及多方面因素,而非主觀地去對自己印象差的電影去逐點捉錯處.
可能不少網友(包括我)就係同時睇完Ryan兄你兩篇同花田的影評,覺得係用兩把完全不同的尺去量度兩套戲,亦知你們下一直對三色台印象甚差,才會覺得兩篇影評係存在嚴重偏見(老實說,我覺得你對花田的影評實在極度鬆手,亦難以認同你當中大部份的觀點),這樣可能會影響貴blog建立專業聲譽.無論如何,我都會繼續支持貴blog,亦祝貴blog在新一年能夠繼續努力,令點擊率繼續攀升!
avatar
why do u change name , 維達 ?
Simon
年三十晚睇左花田喜事2010, 初一晚睇左七十二家租客, 老實講, 兩部都唔係上品,但真係要二選一, 我buy後者多一點, 前者真係笑唔出, 後者都算造到得啖笑,起碼感覺返一啲以港產片有既小聰明, 亦會用一啲令我有共鳴既野黎玩, 例如laughing “G.O.R.”, “我要打十個…….但我得八個jar 喎”, 胡杏兒……蒼井空, stephy ……….. 吉澤明步, 我自己覺得, 如果過往一路有上網(主要係高登), 睇呢部戲會好笑好多……
我覺得製作人都明白到過份既” product placement”係會令人煩擾, 臨尾都要搵王祖藍同黃宗澤黎反諷一下, 唔知係唔係曾志偉對TVB既一次” 公民抗命”o
岑
應該唔係公民抗命，結尾唱晒d贊助商出呢，其實幾好笑，但事實又係再賣多次廣告，廣告商多謝都離唔切，又可以中和d hard sell味XDDD
睇左兩套賀歲片，對我來講兩套都唔夠好笑，但影院反應七十二較好，更適合香港人，presentation亦係七十二新，要睇應該睇七十二。
不過七十二有三兩個地方剪接位好硬，唔知係咪因為乜野因素剪左，變左好突兀。
（P.S.近年真係笑到我反轉既係園子溫既《愛之剝脫》，近年一絕）
KENIX
其實要講0既 好多樓上師兄都講哂~
坦白講 我以前一各好尊重筆者0既影評
今次我好失望
如果計賀歲笑片呢套同花田, 一定呢套嬴
起碼呢套戲真係拍俾香港人睇
花田個D簡直亂黎
我上年已經睇完嬲到爆炸
今年唔係我家姐死話要睇我都唔會再一次俾機會佢—-又再令我爆炸多一次~
睇返筆者讚花田, 我真係冇野好講
兩套戲, 閣下都用左兩條唔同0既尺度去量度
今次留言, 係希望未睇0既人知道事實
同埋 希望筆者可以留意返呢點…影評應該要公平一D 客觀一D 感謝~
kief
大家好，我係馬來西亞人以下哩個評論係我寫係台灣bbs網站ptt度ge。我覺得好好睇又好好笑囉，好耐都無睇個咁熱鬧ge賀歲片囉，唔好咁吹毛求疵啦
72房租客真的是不推不行，很久沒看到這麼好笑的賀歲片了若你是看港片及港劇長大的，每一個梗都很好笑。電影中有很多最近港片的梗，只要細心去看，真的會覺得很機車 =_=
久休復出的張學友在這部戲真的是狀態大勇，跟王祖南的賤父子配搭真的很好笑尤其是婊張學友《愛是永恆》那段，堪稱本電影精華。王祖南的賤樣真的是近期香港新生代諧星生力軍。看到他的臉就想笑，而他說話的節奏也充滿很多演員少有的喜感(保持通話賣充電器給古天樂可見一班)
袁詠儀在茶餐廳與張學友相遇那幕也超好笑，從黎彼得拿起手機講話開始，兩人的表演讓電影院全場觀眾爆笑個不停。當中很多經典抵死的對白，值得玩味。
有去過香港自由行的也會對香港現在的旺角充滿熟悉懷念的感覺而且跟緊香港當今熟悉的脈絡，這才是香港應該延續又創新的脈絡。只要拍出香港現今的在地味道，只要香港人受落，接下來海外其他華人也會溶入這脈絡氛圍中，並從中分享到香港人的幽默與樂趣要知道當年周星馳的無哩頭演出，也是從香港草跟出發結果我這個馬來西亞人也是看到欲罷不能。
可惜，台灣可能也是因為太香港在地幽默而沒在賀歲檔期上這部片。這部戲現在在馬來西亞超夯，各院線大廳都播這部，經過大家口耳相傳說好看，現在場場爆滿，將黃百鳴的花田喜事2010巴假的。話說馬來西亞沒有艋舺看，都是港片、洋片、跟中港合資片
聲
沒有看花田，只看了72家，特別認同及重視一點是，此片是屬於香港人看的電影，覺得此點對於現在合拍片主導的電影市場尤其重要，亦值得讚賞。
另外上面有師兄提到此片與「豪門夜宴」比較，其中豪片卡士強勁，72家大部份是電視藝員，級數低很多。但我覺得電影不是單論卡士的，電視藝員走進大銀幕也不應該存在「畀錢買飛睇電視劇、唔好睇或唔抵睇」等先入為主，沒錯入場意慾可能會減了些，但其實只要演員用心去做，我們亦應該持開放態度支持的。正如之前的laughing gor，開拍之時亦不被睇好，但最終亦算是另眼相看，當中呂慧儀、陳法拉等電視演員表現亦令人滿意。
今次72家亦有甚多電視演員，事實上像王祖藍、Bosco、鍾嘉欣、廖碧兒甚至麥包等，表現即使不算出色亦絕不難看，看得出是畀心機去做的，既然希望電影圈百花齊放，任何背景的用心演員也應該支持的。
阿二
竟有馬來西亞人的評論，just wonderful.
fai
其實相對花田式的喜劇，我都 buy 72 多啲（未睇花田，但係睇咗上年套家有 2009）
套戲如果用賀歲既角度去睇，我覺得唔企合格，仲係可以一看(反而家有 2009 其實睇唔睇無乜問題）有啲位真係好笑。可以話唔合理，但係喜劇有幾可合理？
廣告問題，其實呢啲咁明顯既廣告，我會受落過啲飲品 sponsor，邊有可能支支野飲都向住鏡頭？海天堂老闆出嚟又有咩問題？畢竟佢都係大家生活中既回憶。
套劇係唔係電視劇水準？睇返無記而家兩線劇就真係電視水準，講真，睇劇o個個半鐘我覺得過得好快，我覺得 60 蚊比得值。
老實講句，阿凡達個故仔又好好咩？由外星人打地球變咗地球人打外星人，咁又好有創意？當然，比起無記而家其中一線劇抄得咁足，係好有創意架啦。
最後一句，我會乜都唔諗去睇呢啲喜劇。如果佢係黑色喜劇或者劇情片，呢套當然爛到十足，不過佢唔係。
xoxo
Yeah this one may be more funny than 花田, but both of them are crap anyway.
Crappy movie for crappy people.
BAcon
沒有最爛的,只有更爛的。不要用兩部爛片作比較把!我比覺得晚上重播的花田囍事更好看,起碼不用花錢和不用花錢看廣告。
KLY
影評從來都係主觀架啦，岩睇咪客觀，唔岩睇自然會覺得唔客觀….
路過
逾百位演員, 在戲中的身份跟一般路人甲乙丙無異, 唯一分別是, 你叫得出他們的名字, 站主人想他們交待得有多仔細?
某些似曾相識的角色, 就是一種屬於香港人的集體回憶, 想用一套電影, 表現出一個時代的香港, 我覺得這才是72家真正想做的事情.
拍電影要大量資金, 廣告已是不可避免的事實, 把廣告化成笑料, 那就是香港人創意無限, 靈活變通, 懂幽默自嘲的又一例證.
看似是笑片, 其實又是香港人的一個時代寫照, 看罷, 我真是有點佩服曾志偉 …
網誌當然是主觀的, 站主人對某些演員有極重的偏見, 這也一直不難看出. 評論雖然貌似專業, 其實字裡行間, 顯現而見. 站主人小心, 有了偏見, 就欣賞不到很多值得你去欣賞去細味的事物, 也寫不出中肯的評論.
布魯濤
你b咩t啊?你係咪人黎架?賤格
GARYLISM
終於兩套都睇晒
年廿八睇「七十二」
初七睇「花田」
無論劇情、笑位
七十二家都佔優，兩套都感覺有點趕收場
但七十二家靠貼時代，笑料亦較到‧
花田只玩粗脾，連「吊老母」都講得出…真是無語
相比下，依然覺得近十年，還是喱咕哩咕新年彩最好看
近廿年，則家有喜事(1)最掂
Administrator
你所講的東西全是沒有根據的
一舊雲
我無興趣睇, 因為唔想俾錢入戲院睇一大堆Free TV睇到既電視藝員,哈哈…
不是設計屍
劇情方面,
個人最感動是,片末拆炸彈時英雄救美,眼見兩兄弟情誼幾乎流淚可惜,哈叔好快手拆電芯,整個感動氣氛沒了…..個人覺得拆電之前,加插返老還童配類似情景的少雄救美,帶出觸景啟情的作用,然而在下只是個普通觀眾不是行家,見笑了!
另外,同意徐子山尾末的演技不夠睇頭,或許前置鋪排不足,或許演員狀態不足,又再次再次失望
感到stephy在這次表演比她其他的作品流於平淡,比較喜歡她另外幾部的戲,而網主提及鐘家欣”造作”,本人當她是漫畫主角來欣賞,所以還ok,anyway兩位今次出鏡好靚
而且,看過網主留言後也醒覺1樓1鳳姐的”作用”以及”鋪排”
廣告方面,
片中的廣告尚可接受,硬集中在演員臉上還好,海天堂老闆講半句亦被錢小豪硬cut了,而認同片末廣告雜誌帶來反感,硬插感覺有點低招,時間,內容,都麻麻地,唉,不過農夫砌iphone x nokia x sony ericson電話時的鋪排有笑到出黎,