香港新界東的戲院分佈可算是極不平均，當大埔區各家戲院已經結業，華懋營運的粉嶺名都與上水名都也結業之時，新界北區也只餘粉嶺戲院一家。
可是，令人無奈的是，粉嶺戲院已於昨天完成了最後一天播放，無聲無息地結業。
粉嶺戲院也多年沒有光顧，當年光顧的經典便是在該院看只有三百三十元票房的《狂野臥底》。有時有些甚少眾的電影要上映時，粉嶺戲院也許成為該些發行商洽談的戲院。結業前一、兩個月，也會映一下二輪電影，如台灣電影《聽說》等。
早一、兩年曾有傳聞粉嶺戲院會重新裝修再次營業，可是是次低調結業後，據悉放映機已於今天拆除，恐怕復業無期。
據情報人員得悉粉嶺戲院情況後指出，粉嶺戲院最後一天的票房如下：
一院 五場《十月圍城》 收入$ 855
二院 三場２Ｄ版《阿凡達》 收入$ 1,375
兩場《風雲Ⅱ》 收入$ 180
結果，全日票房不足二千五百元。
粉嶺戲院的逝去，也令昔日單幢式戲院再少一員。目前能說上是單幢式營運的戲院，只餘旺角道四號豪華戲院一家。
大家可曾對粉嶺戲院也其回憶？
迷逃小書童華安
改變用途起樓好過喇…
不過，「單幢式戲院」，沙田ua算唔算？
華仔
琴日睇報紙見撕票風雲無粉嶺個名已心知不妙,遺憾未入過粉嶺戲院睇過戲,只係幾年前在大堂睇過劇照,早幾年佢播二輪影片為主,仲有一個院播一張票睇到笑的三級片.至近年和元朗一起一同放新寶院線電影.記得,好可惜香港又少了間單幢式營運的戲院和人手劃票的戲院,以後我會珍惜到豪華戲院看戲的機會,傳聞美孚影都戲院會在新年後結業希望唔會係真啦.
華仔
記得早幾年的鬼馬狂想曲入面一場打劫戲是在粉嶺戲院影廳入面拍攝的.
Ben
應該重建成有外國咁上下大既IMAX最好
PAL
好在早排去影左相者!!!!
歲月神偷戲院場景都係呢度拍攝, 到時可以懷念一下.
呢個cable 節目幾好睇, 訪問呢間戲院,
http://www.youtube.com/watch?v=H2fP0y1UB90&feature=related
avocado
我錄下來上載的… 給人再上載 http://www.youtube.com/watch?v=jJlyJFd8dxE
Tony
可以使用2D版《阿凡達》換票証又少一間!! 本來仲要是今天才可以開始用; 華懋又改在3院播, 真係唔好在華懋3看, 最後都係要入東涌用了張劵.
山本
當年係附近返學, 睇過早場梁祝, 同埋試過同屋企人睇反斗馬騮…….
小山
我以前住開大埔 除左去百老匯電影中心最多之外 就係去粉嶺戲院睇戲
睇見早年聯和墟冇左舊街市之後 幾年前間英兵餐廳又摺埋 依家仲冇埋呢間戲院 D舊建築真係無下無下又一棟
aimar
係粉嶺戲院睇過同兩套都好正!
aimar
係粉嶺戲院睇過[無間道]同[返生侏羅館]同兩套都好正!
Carol
在粉嶺戲院睇過”旺角監獄”同”十月圍城”, 好好feel, 係包場feel, 前者全院不足5人, 後者全院不足10人, 可以隨便轉位, 不怕給人騷擾, 但工作人員多過觀眾, 結業難免. 希望大埔超級城的戲院快0的開啦! (我是大埔人)
Billy
大埔超級城? 仲有下文? 好似冇晒聲氣咁 🙁
李仔
在粉嶺戲院睇過”雷霆喪星”同”新宿事件”, 好好feel….
MMOLO
當年買飛睇芝加哥,買飛時睇到個個floor plan有幾十張已售,入場時卻一個人都無….不以為然…芝加哥無冷場,我雙眼無離開過銀幕…離場時得我一個走…包場..好有豪客feel~
李仔
今日明報戲院廣告顯示”內部裝修”,希望係真就好囉….
Ching
戲院外貼著”內部裝修”的廣告, 是否有重開一天呢?
茵
唉呀~我一月份都有去過諗住睇戲，見到佢話裝修，仲諗緊唔知幾時開返添，原來係結業，好可惜呀…
大埔居民
我有戲想睇, 必然會先選粉嶺戲院,除了最平外, 又唔怕買不到票(不過就是此點才會結業)!我幫趁了好多年, 點算都過20年, 不過靠我就死啦,過咗年才知道已結業, 真好唔捨得, 不過人哋已頂了咁多年冇錢賺, 真係人工都揾唔返, 我都好明白.
shtmanhk
大埔,上水,粉嶺一間戲院都無,北區只餘下嘉湖銀座.
大埔居民
以大埔及北區而言, 梗係去沙田睇就方便一點, 不過超多人, 所以我選擇去Mega Box, 而且較平, 我剛睇完歲月神偷, 星期日2:10場,開場前2小時仲買到飛, 全場正中位, 每張$50, 如果去UA要$55, 其他仲有收$60添.
shtmanhk
沙田只有兩個 screen 真是不堪負荷
小丁
我睇《歲月神偷》見到佢, 仲諗住去睇多次戲添, 我都係一月份先去過睇戲, 點知佢真係咁快執左…T_T…可以保留就好了. 呢種戲院的裝條而家邊度都搵唔到, 簡約, 實用而高貴.
上年映左小小呢間戲院的相片, 放左係今日的blog post 度分享 ^_^
http://www.siuding.com/2010/03/blog-post_24.html