甚麼，連港產爛片也來推介？沒錯！踏入2009年，幾乎每個電影網誌也來選甚麼好片推介。「講。鏟。片」網站也開始其「2009講鏟電影選舉」提名（記住要玩就要登記做選民！），內部討論一番後，在選與唔選之間，最終還是來個十大爛片推介以示「表揚」兼落實「講戲。鏟戲。片戲」精神！
先此聲明，一些低成本或只在數家戲院只映數場的電影未必一定爛，因為有些大製作可能更爛。看看今年有甚麼推廌？
推介一：《殺人犯》
理由：一部電影在導演及編劇的「合作」下打破歷年下限：對警務工作零認識的空想、處處犯駁的情節、離奇的聲音變動，電影難得地可以由頭爛到落尾，郭富城招牌式演繹為其爛效果加強不少。倘若不幸先行觀看電影預告片的話，恐怕觀畢後有已被殺的感覺。
推介二：《死神傻了》
理由：一個本來不俗的意念，可是受制於製作條件，結果出現紅磡當觀塘、場景來來去去相近。雖然電影有十多名演員領銜主演，但大部份演到不知所謂，當中酒樓一場各位演員演出木訥，足以反映觀看時觀眾反應，看起來也被質量嚇到傻了。
推介三：《刺陵》
理由：朱延平的「功力」，為電影提供了肥腫難分的周杰倫、表情欠奉的林志玲及語無輪次的曾志偉。劇本將一眾盜墓電影、西部電影以至《魔戒》都可以抄得爛透，電影頭尾植入式廣告明顯得令人髮指，剩下的只有犯駁截枝劇情，觀看時還以為是將片名倒轉成「凌遲」處死一樣。
推介四：《花木蘭》
理由：馬楚成傾力獻世之作：片中出現《星願》式騎呢思念、將軍陳坤催淚上更勝裴勇浚，眾人打鬥場面拍得無形無實，巾幗英雄花木蘭陷入韓劇苦戀，以往的愛情與動作強項全部陽萎，也許胡軍張大口的表情足以形容觀眾觀畢的驚嚇反應。
推介五：《怪談》
理由：電視節目拍成電影版本，結果水準還比電視也不如。電影為大家見証了司徒法正的力量，既可將明明沒有話題硬扯至多個話題，又可突然之間毫無先兆下在緊急關頭忽然出現，也許這些怪談，比起電影本來表達的主題更靈異，莫非要為觀眾來個就地「正法」？
推介六：《蕩寇》
理由：除了攝影，電影幾乎達到一無是處之地。黃秋生與小田切讓於演繹上鬥無奈鬥不濟，同時劇本也鬥得過且過兼解拆不了。電影語言不停地轉、畫面不停地轉、演員不停地轉，結果電影玩藝不足但悶偽有餘，可算是今年助眠之選。
推介七：《愛出貓》
理由：七條的六條再次出動，換來一班更不濟的演員，結果即使演員用回自己名字演出卻只提供朗誦式演技。一眾導演各有各拍欠缺默契，結果出來電影拍到一截一截，人物關係忽然轉動，為學生們於開學先行被院商「出貓」，實在無奈。
推介八：《愛得起》
理由：馬偉豪與火火雙人合導的進退失據之作。電影將內地與香港搞到難以分清，邵兵的忽然狂躁固然難看，但遠遠不及陳柏霖欠缺層次的感情戲份。中港融合結果弄到水溝油的田地，花香港納稅人的錢在拍垃圾麼？
推介九：《大內密探靈靈狗》
理由：電影犯上喜劇大忌之一，就是令觀眾點笑也不太笑得出來。舊片重拍竟可一成不變欠缺思維，男、女主角喜感不足，通俗不足又創作力欠奉，到底王晶是否看得內地市場太久，就連創作思維也加上防火長城乎？
推介十：《機器俠》
理由：電影雖然有著不俗的愛情感覺，可惜除上以外爛處更多，片中人物每每不了了之，其造型水平還令人以為看Ａ貨外語片， 鄭中基的不倫不類演出及胡軍不明所以的表達，為電影的爛味平添不少分數。
以上十部爛片「推介」，大家又看過多少？各位今年又有何「爛片推介」，不妨來回覆文章或來個Blog Tag 好了！
brien
All hv watched, except《愛出貓》cos’ either VCD & DVD not launched out yet. Basically, wht comment from the author is agreed; however, hardly nod my head with “Murderer”, seeming to me that the comment so subjective.
kiefer
Hi Ryan, Don’t you have something better to do than to write 5 articles on New Year’s Eve? I guess that’s why so much people love you. Happy new year and do get a life for 2010…..
Wong仔
10套爛片好在只睇了1套–機器俠
753
哈哈!一套也無看過
殺人犯差點看了,
幸好停一停,諗一諗打消了念頭
看來自己選擇電影的眼光也不錯
其中一個電影fans
我睇左2套,愛出貓同殺人犯
風雲2唔係十大…
Ryan
沒法，名額只得十個，「遺珠」要大家補充了。
凡
好野一套都無睇過
不過其實成年睇過既港產片都可能唔過廿套
kafel
竟然沒有家有喜事2009?難看至極！
ManU
I saw 機器俠 only. In fact I love it very much. Same thing happened on Jeff previous movies. I found those movies very interesting but with very bad critic. Perhaps I more focus on it’s story, which I like the “concept” very much and not focus on other aspect.
Erica
講真, 《愛出貓》比《愛鬥大》已來得好, 對比仲有《家有囍事2009》, 《愛出貓》未至於爛片十大吧…
suck
呢堆戲仲有咩需要推介?
Ryan
你唔睇又怎會知有幾爛呢，同埋係咪真係爛呢？
joe
郭富城招牌式演繹為其爛效果加強不少
sorry..睇到尼句真係要回應.. 我諗好多有睇既人都會話套戲爛 但係郭富城既演出反而我多人都讚 我覺得你唔係鬧得就要咩都鬧ka ma?!揸住枝”筆”唔係大晒架 想講咩就講咩ka咩
Ryan
好了，這一句真的要解一下。
郭富城的演出其實款式跟以往相差不遠，其實他是盡了力去演。若果劇本適合他的話，效果絕對跟現在相差甚遠。結果他的演出哉在劇本之上，令到他的落力演出倒為電影後半段刻劇情推進造成不理想效果。
其實演員的演出有時不一定代表電影呈現情況，因為這也取決於劇本是否提供應有的正確詮釋，不然便會出現演得愈好效果愈不理想的情況。
這裡一直以來奉行文章閱後該自己分析以建其一己之見，故此閣下正體驗了這一點來。網上的言談空間其實十分廣闊，每位都可有自己的發表空間。此處亦十分歡迎投稿。倘若希望就相關話題表述觀點，我們十分期待閣下的來稿，先謝。
setsuna118
haha..10套我一套都冇睇過
egg
狼災記?
以太
十套我只看過一套花木蘭
不過花木蘭也不算拍得太爛(結構還是可接受的),
只是戲情實在悶得叫人發慌,
實在想不出為什麼要把一個故事
如斯平平無其重拍一次出來…
另實在十分希望見識一下殺人犯
是如何的爛啊~
suck
你又怎知我冇睇? 雖然回應你既網友, 十居其九都丟低句 “好彩我一套都冇睇”, 呢庭人係咪覺得好smart?
Ryan
其實沒看的倒若想知虛實，該看一下了。
說十部也沒看的，大概未必知道現在港片的下限吧。
Peter!?
爛唔爛都幾睇個人，在我而言套戲睇到瞓著或頻頻睇錶才算是…
《殺人犯》至少整套戲會給我有追看意欲，鬧唔鬧合唔合理見仁見智…
而上面冇List的呢幾套，我就睇得很不耐煩了…
《家有囍事2009》：硬搞過晒時笑料又係咁賣廣告…
《狼災記》：頂咗成粒鐘悶戲，狼群卻一瞬即逝…
《熊貓回家路》: 畫面又黑又暗，悶到頂唔住瞓著…
Dicky
黎緊爛片有..花田喜事2010..財神到…未來警察
Ryan
不用等咁遠了，來周已有《撕票風雲》獻世。
rahul
AGREE!
Instead of 「爛片」, I think it is 「走漏看/被低估電影」
Billy
十套中我只看了《殺人犯》和《大內密探靈靈狗》,
殺人犯整套除了那段揭底牌的戲,其他超過3/4時間我都覺得不錯,它只能說是有缺憾.
以全套戲的整體來說,大搜查之女和撲克王都遠比殺人犯差.
joe
坦白講..佢係尼套既演出 其實個時好多人都讚 香港人好中意鬧一樣野就鬧晒全部 不過個時留意到 係無咩人會鬧AARON既演出 我相信佢盡左力之外,佢係有落力去演尼個角色 到最後已經唔係佢控制到 我只係覺得..唔洗咁一味咁踩套電影 尼個”推介”令人抹殺左佢地既可取之處 咁對電影尼講絕對唔公平 好同唔好既電影都應該睇 但係你簡單幾句就忽略左佢地既好處
仕
其實殺人犯上映期間牽起的話題/爭議一時無兩, 單單是這點也該把它剔出十大讓個位給風雲2了. XDDD
jackal
狼災記 – the worst of all !!
omaga
还好，只看了两步“烂片”。
话说我翻过防火长城看博客，容易吗我
整一年到底有没有让我触动的港片，仔细想想，哎，还真没有，最多四星！杯具！
Ivan
十部推介看了一半。其實爛片不是問題，尤其是擺到明係爛片那些，所以我支持王晶。最大問題是掛羊頭賣狗肉，爛片扮高深，扮大製作。所以絕對認同殺人犯是第一位！
從來未試過係戲院睇到一半就想走人。睇殺人犯真係第一次。驚嚇不足，攪笑有餘
Charmaine
其實，《狼災記》唔入圍，原因是否它不是2009十大”港產”爛片呢~~~???
Tony
有入場觀看計有: 殺人犯, 死神傻了, 蕩寇, 愛出貓, 幸好除了”死”外都有贈劵 (“死”仲要在華懋3院看!!), 死片最惡頂是剪指甲, 和平時口口聲聲講環保的X安琪, 個手袋內有大量濕了的廁紙!! 看完愛出貓, 本人對於現在香港正在讀書的學生們絕望了!!!
華仔
除左殺人犯我無睇 其餘九套我都睇左
2.死神傻了 豪華早場20元
3.刺陵 今朝豪華早場20元
4.花木蘭 新寶 換票証
5.怪談 豪華 換票証
6.蕩寇 新寶 換票証
7.愛出貓 總統 換票証
8.愛得起 UA朗豪坊 45元
9.大內密探靈靈狗 豪華早場20元
10.機器俠 豪華早場20元
我自己心目中的09十大爛片倒數:
10.機器俠
呢套戲在大陸做就大收,但係香港人接受唔到架麻,胡軍無啦啦又攪笑但無表情,劉鎮偉計算錯誤啦.
9.大內密探靈靈狗
別無其他,真係勉強係得啖笑,完全係睇完之後就咩劇情都唔記得晒既戲.第二套古天樂上榜.
8.家有囍事2009
呢集無左星爺成套戲要靠吳君如搞笑,題材有無需要抄返上兩集呢,觀眾都後生晒對周星馳既片段好蕪湖搵古天樂突登去做周星馳,唉,佢根本唔係搞笑人才,唔好當觀眾傻至得架.
7.非常完美
無野好講,唔明章子怡點解咁玩自己拍套咁既戲~
6.狼災記
成套戲都唔知想講咩,拖拖拉拉,狼群剩係出左一齊.
5.復仇
杜SIR失敗之作,故事虎頭蛇尾,好失望,浪費左一大班好戲演員.
4.愛出貓
完全係低能劇情低能故事,拍俾班小學生睇既戲.個班學生笑到抽晒筋咁,班學生有樣學樣架麻.
第三位.風雲2 (爛爛爛)
因為第一集太勁關係呢集已經無咩期望入場,以極度容忍睇到最後散場.無故事無合理劇情交代只係得D花呢碌既特技畫面但其他觀眾無我咁容忍,粗口聲此起彼落.聽講第三集會係以謝霆鋒演既絕心做主線,唉真係為投資者荷包擔心.
第二位.怪談 (爛爛爛爛)
持住香港觀眾鐘意獵奇心態入場找司徒法正同其個靚女仲有成班所謂攝製隊走到泰國又話捉鬼查實係度呃神騙人.兩場虐待動物戲(生咬死條魚,雞,斬死青蛙放血)睇到想嘔.套戲無聊至極好在用換票証睇.
第一位.蕩寇(爛爛爛爛爛)五個爛滿分
收到換票証去新寶戲院睇,入場人數約十六人,觀眾唔係傻架睇到一半知道唔對路,有大約5,6個人睇睇下頂唔順走左,我都有衝動走但因為戲院冷氣舒服所以睇晒全套,成套戲都唔知想講咩,黃秋生本來唔洗死結果又入樹林死埋,嘩浪費左黃秋生呀陰功仲要佢講咁多語言.
頭一, 二名兩部戲都係由驕陽電影發行.
正義
睇晒大部份港片, 《殺人犯》係我們全年覺得其中一套最好睇既港片! 年青導演拍出應有水準, 演員嘗試突破, 本來實屬影圈好事, 也是未來新導演拍商業片起了積極作用。
時常說電影青黃不接, 就是多得某些人老是要亂評擊新人。
岑
來港鏟片，估下片房睇下新聞就算啦，至於d評論啦喎，睇開些少啦
米奇
我都算好彩，只睇過殺人犯．
Mark
唔多認同要讚郭富城所謂既演技…
套套都係個個款, 同佢一樣成日over到過晒火唔識做戲既謝檸檬都比佢進步得多.
睇戲實係主觀架啦, 唔洗搬埋d咩”揸住枝筆唔係大晒架” , 個個都都有發言權, 你一樣可以發言,要迫人認同自己個一套, 同共產黨有咩分別
Mark
唔多認同要讚郭富城所謂既演技…
套套都係個個款, 同佢一樣成日over到過晒火唔識做戲既謝檸檬都比佢進步得多.
睇戲實係主觀架啦, 唔洗搬埋d咩”揸住枝筆唔係大晒架” , 個個都都有發言權, 你一樣可以發言,要迫人認同自己個一套, 同老共有咩分別
Peter!?
太多的兩地合拍片、演員導演又兩邊走…
華語片同港產片界線分類越來越矇糊…
如果《刺陵》《花木蘭》也入選，《狼災記》亦算是吧…
SHH
七天愛上你絕對是十大之選….張堅庭江郎才盡之作
佑
我覺得《殺人犯》好好睇喎, 而且好有主題, 好多幕都好緊張刺激。
我睇完之後有「正」既感覺, 無「被殺」既感覺。
Ma
郭富城有盡力去演, 也提供了一貫肉緊表情演譯,
至於再深層的心理描述,先不談郭有沒有拿捏得到, 根本劇本就在這方面未有良好的設計.
郭富城累積了多年演戲經驗,現時在形態演譯上都做得不錯, 但一個成功的演譯需要與劇本相輔,例如《父子》的角色設計就為郭富城的演譯幫了很大一把.
我想ryan兄都認同郭富城已盡力演譯, 但始終劇本本身有嚴重錯漏缺失, 以致效果甚不理想.
誰都有發言的權利, 大家都在分享個人意見, joe你何嘗不是? ryan今次是介紹爛片, 當然多談「爛」的因由, 你可參考ryan較早前對《殺人犯》的影評, 也有客觀地探討電影的優與劣.
yao
好彩我睇左《殺人犯》, 我反而覺得郭富城演得最成熟, 有明顯突破! 套戲又頭緊張到尾, 真係爛片就做唔到多個突出位啦。
bally
點解無爛片之首”風雲2″,在好多論壇都一枝獨秀,是不是還在上映,怕得罪片商?
bally
nbachung
華仔. 9.大內密探靈靈狗
8.家有囍事2009
王晶重話看好古天樂做星爺接班人.古天樂真行運到極.
2套爛片完全笑唔出..重大把導演找佢喜劇..根本佢毫無喜劇天份..完全唔好笑..
[家有囍事2009]爛片竟收2400萬..黃百鳴真行運到.真唔信[花田喜事2010]又搏到懵.
重有[撲克王]都近爛片..故事只有頭尾..中間支線劇情無聊到極..
Rat
無錯, 三岱口、父子、殺人犯, 都可證明郭富城才華洋溢
小明哥
可能我品味差或者唔識睇戲,殺人犯我覺得幾好睇,氣氛營造,娛樂性都足夠,
死神傻了都唔太差姐,演員都幾好睇,
小明哥
講真睇戲好個人,好主觀,各有不同睇法,唔理爛片定好片推介,實際上意義不大,睇完就算,就算被推介為十大好片,如果自己冇興趣都唔會睇,相反爛片都一樣,
obi-den
我好鍾意佢做C+偵探啊！戲裡佢嗰種心情嘅轉演得好好，好耐都未睇過佢演呢類唔扮型又跳脫嘅角色 🙂
lok
blogger 好唔點wor…
風雲2係近年爛片中既爛片….
一套冇頭冇尾,冇伏線,冇對白, 2/3 時間是處於慢鏡的 CG 效果，片中的演員基本上毫無交流
呢套入唔到十大….你同Ｄ片商好熟ga….
BAcon
xo
《殺人犯》絕對係爛片之最, 反而《孤疑》可算是去年十大佳片.
相似的構思, 水準竟然差咁遠.
xo
遲d又有《72家租客》獻世.
預告片已經爛到不堪.
http://www.sunlife.com.hk/promo_72tenants.htm
fong
我只中了一次伏，《大內密探靈靈狗》，雖然入場時都知佢胡鬧，但有時做嘢做得咁辛苦，都係想唔用腦畀佢娛樂2個鐘。但套片呢…大陸化又老土，莫講話笑，我連笑位都分唔度，見到部戲咁’愚弄’觀眾，越睇越址火。
呢部戲笑料嚴重不足，(眼)火爆有餘!
Aaron
I think Aaron Kwok tried to act his best in Murderer and did not “phone it in”. For someone with multiple films this year, I applaud him for his effort. I think a good performance must be accompanied with a good script. I still remember 10 years ago – when Andy Lau won his Best Actor award for Running Out Of Time. He was not actually great in that, but his role and the good script made him look really good. Fast-forward to the Infernal Affairs films, did Andy Lau really improve in his acting? Yet, why must we fault Aaron Kwok for “not improving” from Father-Son or The Divergence?
shawn
看了两场，杀人犯和花木兰
nbachung
《刺陵》咋晚啇台馮志峰都頂唔順選入爛片系列.朱延平繼[功夫灌藍]後..又一大製作爛片
dcmanman
認同!
司徒法正扮明爛, 好公道
殺人犯…好離譜, 以後唔會入場睇呢個導演/編劇ge 作品
shtmanhk
個人認為復仇不是爛片,新意不大等批評合理,但整體仍保持水準,我覺得比《新宿事件》及《竊聽風雲》更好.