聖誕將至，不少戲院希望趕及聖誕檔期前開幕，好讓戲院能夠吸納聖誕期間的觀眾需求，從而增加收入。可是，戲院在開業前，卻應先行測試清楚才作商業營運。
嘉禾於上周開始讓觀眾購票入場的荃新天地及黃埔兩個電影城，便是兩個反面教材來。
嘉禾荃新天地於上周三開業，當中便有「講。鏟。片」讀者在觀看《風雲II》時發現音量出現時大時細的情況，也許反映了戲院在營運時並沒有事前先行調好音量。
可是，這個已並不是最糟的情況。
同屬嘉禾旗下的嘉禾黃埔戲院於上周四開始，將其一、二、三院作商業營運，播放電影《風雲II》，正價戲票為六十大元。「講。鏟。片」情報人員於周末曾於嘉禾黃埔二院的不同場次觀賞《風雲II》。當中其中一場發現戲院音響仿如只有單聲道一樣，而另一場則發現戲院喇趴只有低音與中音，高音只聽到一點電流聲，疑是因高音喇趴接觸不良所致。
上述兩個例子，反映了嘉禾在營運戲院方面，並沒有事先測試妥當。其實一家戲院的基本營運，銀幕投射以至音效是顯而易見的事。就嘉禾黃埔的例子，該戲院在商業營運三天，竟仍出現音效出現問題，反映了除了在營運前沒作足夠測外，戲院職員亦沒有在意其戲院情況，可以讓這個單聲道或接觸不良到周末仍然發生。
倘若戲院真的要靠觀眾作音效測試的話，也許該事先張揚。現在觀眾付出正價戲票到嘉禾黃埔觀賞電影，卻沒有獲得應有的音效。到底觀眾可否因其「貨不對辦」要求退票呢？無論如何，急就章未經測試便作商業營運，換來的也許只是觀眾對其戲院的不滿而拒絕再次光顧，得不償失。
也許，大家也該懇請嘉禾及其他戲院經營者，於商業營運前先自行做好測試，不要再要觀眾付款作戲院效果測試的試驗品好了。
kingman
我今晚會搵佢經理傾下計………….
mark
我在荃新天地看”9″,以乎音響也是麻麻地
(MONO+黑影)
趕住開張,應該要測試下音響效果(MONO)+畫面(黑影)
嘉禾黃埔一院個銀幕係D光位為何見到一條條黑影嘅?!究竟係咪用回上手UA D嘢?!
Projectionist
時大時細聲有可能係數碼聲效SRD解碼出了問題，以至出現了俗稱”跳聲”情況
安素
嘉禾黃埔上手 – 黃埔UA嘅音效已經”好到”不得了！之前晌呢度睇，連低音都變走埋，之細聲，仲衰過晌屋企睇”明珠930″，白白浪費咗個大場及觀眾時間！！
(而家諗起都一肚氣~) 真係…唉
安素
漏咗打，上次係睇<變型金剛>
kitkit??
我可以話你聽佢唔係用番以前ua d機
熙少
叫佢比你睇多次，或者比你揀過第2齣睇啦…
如果呢單野係broadway發生，佢地一定自動自覺散場時通知觀眾保留票尾睇多次
波子
上星期四係旺角嘉禾睇風雲II啲音響都係時大時細, 唔知係乜野原因.
小觀眾
有D咁既經歷，都唔會浪費多次時間去難受多一次。
Tony
正是, 昨晚8:00電影中心”音樂人生”完場時同樣發生,今次職員說是冷氣壞了, 不過本人不大覺得. 本人都係第一次中, 幾乎全滿營業額可不少.
路人
下………係院度望上機房
部機舊到呀媽都唔認得
部機都咁慳 仲會有好畫面 靚聲 ?
個院出奇都黑 入面同條女偷食一流
嘉禾淨係整靚個門面 黃埔同埋city
walk 就裝到靚一靚 但係d院就真係笑
左出黎 係citywalk間所謂5號劇院
個銀幕有d一達達唔知咩黎
唔知有橙天收購左嫁咩 好心科多d水整
下電影質素啦 我地要睇戲 唔係比錢
嘉禾做裝修費 ~ 到現時我都係覺得
銅鑼灣既jp 音響最好
維達
不只GH…我係UA睇風雲2
音響都怪怪地..去到中段一個剪接位..D聲就跳一跳細聲左好多好多…
於是打後既動作場面..音效完全無哂震撼力..
為左補償呢點..明知套戲劇情夠差..都比多次錢..去左另一間院線既戲院睇多次..
維達
另一方面..荃新天地嘉禾..
雖然裝修簡約..亦係嘉禾既裝潢格調..
但個人感覺似乎簡約得滯….
唔睇清楚都唔知個”角落位”有間戲院
kingman
尋晚上去搵個經理同佢反映，佢態度都好好，話俾我補睇，但我話風雲2太爛唔想睇多次，佢話可安排睇星期四開畫既聖誕片
vampirebd
風雲2本身對白錄音有d問題….對白時大時細,有d失真,效果聲音又大聲….
FRANK
係啦….一定用二手野!!! 嘉禾想SAVE $$$ , 但係又想賺最多的錢