一般而言，外語電影在港發行時，發行公司大都會在上映戲院全線播出原音版本配上字幕。即使出現粵語配音版本也好，至少也會有戲院提供原音版本過來。
可是，明天開畫由一元電影發行的韓片《我女友係零零7》，卻沒有這個安排。
韓國電影《我女友係零零7》是一元發行繼《醜女大翻身》後，自家發行外語電影，電影安排於廿多間戲院上畫，並且以藝人黃子華作粵語配音為主要賣點。雖然大家也會期望電影會以播放粵語版本為主。可是至今為止，從各家戲院預售所見，卻沒有一家戲院能提供原音韓語版本。
當年一元夥拍高先發行《醜》片時，至少也提供原音韓語版本，可是這次連一間戲院也沒有。
其實電影發行要提供原音版本，要的只需拿個含英語字幕拷貝過來，不想花成本的大可播放韓語原音英文字幕版。當日狄士尼電影《熊貓回家路》在港放映時也曾出現這個情況。難道一元發行有錢請人配音時，卻沒錢找個地方放個原音版本版本的《我》片麼？難道是要強迫觀眾收聽粵語配音，還是看到韓國已推出影碟時，鼓勵欲看原音觀眾改看韓版影碟乎？
shtmanhk
醜女大翻身 不只在一家戲院提供原音韓語版本,本人是在又一城看原版,另外港島區 cyberport 也上映原版.
奇峯
如果要淨係出配音版本, 不如直接買版權(或者抄)拍一套算喇….
晞
連AMC Pacific Place 都上粵語版, 好少有
閒雜人等
《我女友係零零7》…其實有冇人會覺得佢係參考港產片?(10年前阮世生套我愛777,雖然質素都頗為粗劣)
小明哥
成日諗住搵明星配音多個賣點,電影宣傳多D傳媒報導!
SillyLoMo
沒有原音韓語版本, 一於唔睇!
kameyou
我十月中看了這套電影配音版。
集中講套戲，好睇，值得睇。
但我要講這套不是喜劇，而是愛情輕喜劇。
大笑位不多，大約五個左右，反而好多章節係講愛情，女人呷醋令人匯心微笑。好適合情侶去同看。
配音不錯喎，子華不錯。
陳樂瑤幾好呀，果然把聲好適合配金荷娜那種又靚又型又cool又惡。金荷娜高大，身型唔錯，面型係潮中見到韓國審美觀的美女（面闊）。韓國妹都幾鬼惡，哈哈。
毓民同蕭若元配好少，反而黃百鳴哥配好多喎，不差喎。
一開場就快艇衝峰，我想起上一個占士邦在倫敦的那一場。大場面，有（雖然不多）。
故事係完整的，可以。但主線係愛情，特務線係配合而矣（但都不差）。匙羹、槌仔、西洋劍都看得出是精心計算的劇本。新意不算多。
特務案情與愛情線交錯無冷場。但最後捉人的追逐就略掩長氣又不好笑。
有個好明顯的缺點，是武指太弱，架鬥場面鏡頭花ｄ就算，十足十90年代港產片粗製濫做的武俠片。這點我好不滿。
這套在韓國贏到 night of the museum 2 是好應該的。電影係地頭虫有優勢，中外皆然。localize好重要。前陣子去吉隆坡同朋友會面，講起電戲，他們好幾個都中意睇星加坡戲多過港產片喇（港產片積弱太甚！）因為星洲戲本土化，背境係星洲同吉隆坡，有華人、印度人同馬拉人，又廣東話又福建話（福建話好重要！），星馬華人睇得好開心。
同一道理，night of the museum 2 在終極大戰時突然冷場，講個南北戰爭的南方將軍如何怕事又如何如何，我們不是美國人，完全不知道這人是誰，完全無法投入，只覺得是反高潮、拖低劇情。
《我女友係007》那個兇惡的金隊長原來最有義氣最愛惜下屬，這類角色係韓國典型吧？軍隊隊長、足球隊教練一模一樣，嚴父。有如柯柏文、長途貨櫃車司機係美國的典型。
《我女友係007》係好成功的娛樂片，睇完開心滿足，男女都適合睇（star trek 女仔不太適合，看不明科幻無法投入）。計算好準確，吸納的觀眾群好廣闊。
買片買得好。接著要看宣傳是否得力。TVB幫到《神探伽里略》都只得一千萬。香港人算接受日劇多過韓劇好多喇。大家覺得《我女友係007》應該有幾多票房呢？
kameyou
我十月中看了這套電影配音版。
集中講套戲，好睇，值得睇。
但我要講這套不是喜劇，而是愛情輕喜劇。
大笑位不多，大約五個左右，反而好多章節係講愛情，女人呷醋令人匯心微笑。好適合情侶去同看。
配音不錯喎，子華不錯。
陳樂瑤幾好呀，果然把聲好適合配金荷娜那種又靚又型又cool又惡。金荷娜高大，身型唔錯，面型係潮中見到韓國審美觀的美女（面闊）。韓國妹都幾鬼惡，哈哈。
毓民同蕭若元配好少，反而黃百鳴哥配好多喎，不差喎。
一開場就快艇衝峰，我想起上一個占士邦在倫敦的那一場。大場面，有（雖然不多）。
故事係完整的，可以。但主線係愛情，特務線係配合而矣（但都不差）。匙羹、槌仔、西洋劍都看得出是精心計算的劇本。新意不算多。
特務案情與愛情線交錯無冷場。但最後捉人的追逐就略掩長氣又不好笑。
有個好明顯的缺點，是武指太弱，架鬥場面鏡頭花ｄ就算，十足十90年代港產片粗製濫做的武俠片。這點我好不滿。
這套在韓國贏到 night of the museum 2 是好應該的。電影係地頭虫有優勢，中外皆然。localize好重要。前陣子去吉隆坡同朋友會面，講起電戲，他們好幾個都中意睇星加坡戲多過港產片喇（港產片積弱太甚！）因為星洲戲本土化，背境係星洲同吉隆坡，有華人、印度人同馬拉人，又廣東話又福建話（福建話好重要！），星馬華人睇得好開心。
同一道理，night of the museum 2 在終極大戰時突然冷場，講個南北戰爭的南方將軍如何怕事又如何如何，我們不是美國人，完全不知道這人是誰，完全無法投入，只覺得是反高潮、拖低劇情。
billybar
我看了，不喜歡，不推介。比差得多了，配了廣東話亦覺得很cheap。用陳樂瑤，蕭若元配音很奇怪，找專業配音員起碼沒反效果吧，有些錢不能省的，如果唔係蕭定一可以自己配男主角啦。反而THIS IS IT 很精彩，一天看兩套電影，一套A，一套D，打個和。
膠神
可能只係買左粵語配音版個right平D呢?
lprhk
一套好快落畫的電影，一套只係俾簫定一滿足個人願望的電影，只果簫定一係幫其他電影公司買片的人，一定俾老細剷到飛起。