戲院開業可算說是不斷地開業和結業，當這邊箱位於尖沙咀的UA iSquare將於十一月開業之時，位於黃埔花園八期的UA黃埔戲院卻將於十月結業。
在UA黃埔結業前，戲院方面為答謝觀眾支持供三重優惠。
UA黃埔結業前提供的優惠，包括由九月十二日起將票價下調至四十元，而周二及首場則為三十五元。並於票房派發小食部優惠券，於十月七日前在小食部消費滿四十元可作十元使用。同時票房亦派發UA iSquare早場優惠券，可以優惠價三十元觀看UA iSquare早場。
UA黃埔開業不經不覺也有廿年的光景，開業時共設六間影院，其中四間設在現有的黃埔廣場（分別為A、B、C及D院），另外兩間則在毗鄰的黃埔號船（一院及二院）。九十年代初屬全城時期，經常於周末及假期爆滿。可是後期卻隨著市道轉差沒落。當中黃埔號的兩間影院於九十年代末結業，曾有段時間為新城租用成新城影院，但不久也結業。
UA黃埔雖然是多影廳格局戲院，但每院的座位數目卻不少，當中最大的A院有570個座位，跟尖沙咀的海運戲院相若，而最小的D院也有451個座位，比起現在一般迷你戲院每影院百多個位大至少一倍。
隨著UA黃埔結業在即，大家又會否把握機會，趁結業前到該戲院一遊緬懷一下呢？
Ric
想不到UA黃埔會結業…真的要去緬懷一下…
Tony
本人心水之一, 由MK坐30X/212來回不用十蚊, 可以順便去新城電台, 奇趣(模型精品), 是暴加票價時的救星, 因此去那裡看007皇家賭場(星期五晚優先場), 其他計有末世凶煞, 海角7號, 優先/贈卷有Z高達戀人們, 長7, 上次去是孟漢娜.
現在是否只是改建??
od3126
我住黃埔，咁多年黎都係去ua睇戲，
e架執左，
都唔知有無戲院lu ＝，＝
唔知果度執左變咩呢？
Eddie
同區只餘下寶石戲院
HIN
果度捱到而家都算好好,太凍,同埋好少人去
nbachung
大獲.我住紅磡附近.真估唔到UA黃埔會結業.
以後看戲很麻煩..印像中UA黃埔都唔係咁少人看..
寶石戲院就話…
Hing
絕對係, 近十年八年不斷積弱
2745
見佢無去裝修更換座位,都知不妙!
nbachung
其實UA黃埔入座率真係咁差嗎?
一
真係好差
我讀polyU
就算星期六日突然想睇戲
去到UA黃埔都一定有唔太差的座位
od3126
梗係吾係啦，
一有新戲上畫，
成間都滿架！
上次體”check big” ，
full 到好恐怖囉
晞
家住附近, 常常去看電影
正正因為此戲院的面積大, 卻又不是海運的那種豪華感覺, 而是一種比較平民feel的戲院, 因此每當遇上大時大節, 接近全院滿座時, 那種熱鬧情況是其他戲院比不上的。我最喜歡農曆新年假期來此看電影, 尤記得早兩年看〈魔法奇緣〉, 是要第二行的。
記得早年在船的那邊也有票房, 每當暑假或是大時大節, 時要觀眾分流到那邊買票, 那年看〈新鐵金剛之明日帝國〉, 人龍長得誇張。
戲院的大電視不斷播放預告也令人難忘, 當年常常吸引觀眾入場前駐足觀看, 可惜今天已變成了轉播電視新聞。
當然, 淡季時候此戲院入座率奇低。我首日看〈潮拜購物狂〉, 觀眾只得五人; 看〈陰容院在〉, 連我在內只有三名觀眾, 配合電影題材, 這電影看得很有feel。
除著一批批舊式大型戲院漸漸消失, 也許見證著本地戲院正式踏入小型影院的時代
shtmanhk
很差
UA東薈城不相伯仲,入座率也很差.
kingman
成個紅磡土瓜灣九龍城區d戲院死曬咁滯，都居然養唔起一間UA黃埔?!我住黃埔，UA黃埔收皮後我肯定更少去戲院睇戲，電影業又少我呢個觀眾…
大戲迷
我住荃灣,但我坐30X直到,幾方便!最近睇冰河3及Laughing! 都很滿!之後再去食鍾記牛器官車仔面,正!
shtmanhk
上次 UA Megobox 開業,UA 就放棄經營同區的UA德福戲院.
今次 UA iSquare 開業,UA 就放棄經營也算相近的UA黃埔戲院.
計埋 UA皇室 結業,UA 似乎不再容許同區有兩間同系戲院.
同是住宅區的同系戲院,UA 太古城的入座率比 UA黃埔 好得多,尤其是前者的同區戲院對手(MCL)強很多.
黃埔居民
荃灣, 葵芳, 青衣咁近你唔去, 山長水遠黎呢間舊戲院?? 我住黃埔, 幾年都唔去一次, 太近冇睇戲feel, 多去海運or elements
movie fans
收到消息, 個位會由嘉禾繼續做~~
shtmanhk
UA iSquare 開業後,不知會否引致更多戲院結業?
JJ
UA黃埔都要結業反映處於非主流消費區的戲院經營越來越式微或邊緣化.80年代曾經是戲院旺區如佐敦,深水埗,土瓜灣等地區越趨老化,根本連一間戲院都容不下.老化區的觀眾大部份流到主流消費區的戲院,如尖沙咀,旺角,銅鑼灣,中環等.主流消費區的消費活動越來越旺,要不斷再開更多新戲院也供不應求.相反,非主流消費區陷入惡性循環.
戲院一個重要的功能是可以帶動區內和區外的人流的消費活動.UA黃埔多年都不改建和UPGRADE設施,已代表戲院經營者都沒有長線的計劃.
Paul ng
THANK YOU.
呢版真係多靈通人士.
JJ
紅磡區出尖沙咀和旺角都十分方便,區內觀眾外流很正常.但個人覺得UA黃埔這個位置不是百分百無得做,但一定要UPGRADE設施,最理想是把4間大戲院分拆成多間更小的戲院,配合現時仍很流行的劇院式座位.若能做到像APM的LEVEL,最起碼可以留得住區內的觀眾.
JJ
UA MEGABOX位置太徧,戲院內設計差,暫時唯一殺食是IMAX.
UA iSQUARE個人十分看好,將會和THE ONE正面交鋒.
obi-den
我住土瓜灣，諗番起以前九龍城，土瓜灣同紅磡真係有好多戲院，間間都睇過咁滯，一間爆咗又可以即刻趕去第二間搵戲睇，真係好方便，估唔到依家得番一間寶石戲院，真係可悲！
kingman
我都住黃埔，完全認同你，黃埔咁大咁多人點會養咁住間戲院，但黃埔d中產可能覺得UA黃埔太cheap，我suggest改6個細house，IFC式坐位，搞高檔
kingman
haha…好消息，咁我去入定嘉禾貴賓會looo
HIN
好ar,好鍾意坐佢地d座位
Charmaine
我本身住九龍城附近，UA黃埔開0左咁耐，我都係去0個度睇過2次戲。第一次是因為在黃埔行街，順便入UA睇戲，另一次是朋友請我睇戲才到UA黃埔。
我住的地方，離黃埔話遠唔遠，話近唔近，如果無特別事搞，都唔會去黃埔睇戲，無謂為了睇戲專程搭車去黃埔，浪費金錢和時間，而且黃埔無乜好搞，又無0野睇，無0野逛，0野又貴，真係適合行中產以上的級數，不適合一般普羅大眾。
如果嘉禾真的接手，應該搞得高檔D，至少吸引住黃埔本區的住客，變成一群長期顧客，才可撐得住。
nbachung
agree.土瓜灣同紅磡人口都唔少.雖然現在係老人區.
想起80年代中期.土瓜灣有[明月戲院]做午夜場專做嘉禾d戲.金門.九龍城道那間[唔記得名].珠江.
依家得番一間極少人流的寶石戲院…
JJ
九龍城道那間叫”嘉城”,曾是嘉樂線的主要成員.
shtmanhk
paul 有很多嘉城 info
晞
嘉城位置非常偏僻, 面對著一條公路兼且人流極少的街道, 結業也是正常
我家住附近, 印象中全盛時期的觀眾也不算多
結業後好像易手做了一陣子色情影院
今天好像是教會, 但仍見昔日戲院的廣告版
Eddie
傳聞UA iSquare開幕後,嘉禾分別將海運及港威結業,轉移陣地接手黄埔UA
Paul ng
對嘉城戲院不太熟(SORRY….), 只知嘉禾曾以嘉城戲院中其中一間放映院作中心, 跟王漢華和楊冠華成立嘉城院線, 專注發行小本三級情慾片.
後來嘉城戲院那間放映院轉投東方院線, 但嘉城院線依然繼續運作. 但後來因為《男與女》發行風波, 令嘉城院線正式玩完.
nbachung
Paul ng.印像中嘉城戲院座位較少.銀幕較細.
加上唏兄說得對.位置非常偏僻.唔執就奇.
如住土瓜灣同紅磡居民冇UA黃埔真唔掂.
例改去海運…華懋戲院看.搭5c巴士去海運起碼4.5個字.就算搭5号巴士快d.2.3個字到尖沙咀.去華懋戲院重要行10分鐘…有冇人咁on居…住土瓜灣同紅磡居民就明幾唔方便.
希望嘉禾接手後open番3.4間house啦.
2745
歷史1:黄埔花園未入伙前,黃埔新村有１間{紅磡戲院}係嘉禾院線,當年啲{福星片}多數係度睇!(位置大約係現萬寧對面)2:紅磡廣場內有間{國華戲院}初開業時非固定院線,中、西片都上,之後曾經係{德寶院線},但最後做了{日活院線}!3:土瓜灣{明月戲院}係邵氏院線,因我曾經在此睇{青蛙王子},最後亦做了{日活院線}!4:嘉城戲院共兩院,如無記錯排片應該同昔日尖沙咀海城戲院一樣,在此睇過{許鞍華:客途秋恨}!5:{珠江戲院}我的記憶中,初時係双南線=銀都院線,間中亦上西片,最後分別成為德寶和嘉禾院線!
晞
國華戲院雖然位於紅磡廣場內, 但商場人流不多, 位置亦非常偏僻. 有心去找這間戲院都要花一點時間, 更何況要吸納一些路過的觀眾
華仔
新柳街金門80年代都是德寶院線,記得好細個來睇過李修賢,萬梓良的兄弟,到後期好一陣子都是一張票睇到笑至結業.現在是教會.
nbachung
thanks.2745補充.印像中80年中期[國華戲院]專播
鹹片..[紅磡戲院}80年中至後期很旺..同[寶石]一樣曾是風光過.
華仔.對.不過印像中80年中期[金門戲院]都唔係咁旺.
有時[金門]會做d嘉禾戲..例[雞同鴨講][賭神1]
就很旺場.
shtmanhk
[雞同鴨講][賭神1] 不是嘉禾戲
HIN
如果住海逸,黃埔就唔同,搭8P,10分鐘之內已經去到
尖沙咀天星果邊
HIN
補充少少,黃埔位址都唔係好得幾多,如果 識搭車既話
去尖沙咀真係快過去黃埔
晞
國華戲院+金門戲院都好似90年代中先播咸片?
佢地變左咸片戲院之後, 結業時似乎都無聲無色咁唔見左, 另外明月戲院都好似係差唔多同期執
nbachung
國華戲院+金門戲院都好似90年代中先播咸片?佢地變左咸片戲院之後, 結業時似乎都無聲無色咁唔見左, 另外明月戲院都好似係差唔…
晞.國華戲院80年代中已播咸片.金門戲院就係90年代中先播咸片..明月戲院印像中90年代中到結業..講開[明月戲院]..記得11.12years時.有時入口d阿伯好好人.比2個人一張飛入架.果時細過無知.週不時看週6午夜場同週日4時場.其實[明月戲院]都幾雜..當年古惑仔蒲點..
JJ
國華戲院應在80年代中已是日活院線播鹹片,而且是龍頭戲院.是早於港產三級片熱潮之前已有的日活院線.明月應也是日活院線一員.日活院線專放映日本三級片,跟90年代初開始流行的港產三級片院線是不同路線.
nbachung
我知..但如住紅磡馬頭圍道土瓜灣果邊就多數要搭5.5c巴士.當然可以選搭van仔.但唔快得幾多..
比
UA黃埔結業後，的確會由嘉禾接手經營．
UA黃埔的結業，並非該區養不起一間戲院．．．總之實屬意外.(跟據坊間傳聞打聽)
shtmanhk
國華與油麻地90年代周末午夜埸會上映金公主院線電影.
珠江結業前似是永高/新一代院線
shtmanhk
90年代初UA黃埔6院全盛時期,分別屬於,嘉樂,金聲,東方,泛亞,安樂,新寶西片六大中西院線.
每週三港片三西片,marketing 頗符合該區定位(西片線上的也是主流片),加上當時仍欠缺具質數的戲院,所以UA黃埔當時生意極好.
另外紅磡區永高院線有珠江戲院,新寶院線有寶石戲院,未至於在該區缺席.
JJ
的確,UA黃埔曾有過風光的日子,全盛期港產片午夜場可以爆足六間院.
UA黃埔在當年還未有太多高質素的新型戲院時,本身的質素算是不錯,有SRD和DTS系統,當年曾是新寶西片線一員,算是在院線內質素較好的.所以當年新寶西片線的電影有部份本人會特別去UA黃埔看.
從地點上看,UA黃埔最大的對手是尖沙咀和旺角區的戲院,但始終要搭車才去得到,情況未致於惡劣到以前九龍灣百老匯或現在的淘大影藝面對的直接區內競爭.
所以,如果嘉禾真的搞好間黃埔戲院,把4間大院重新規劃,分成多間細院,採用劇院式座位設計,再搞好音響系統和座位行距.可以問問樓上一些同區居民的版友,會不會去這間新戲院看電影.
Ju Ju
我都係黃埔之友, 知道UA唔做真係打個突…
其實平時真係幾靜下. 試過得6個人一起睇terminator salvation, 那天是放映的第2天(星期五)的午夜場.
但係有時都OK旺的, 例如第一天放映神探伽里略午夜場, 都有8成滿.
係UA黃埔睇戲好處當然係近, 不過若區外人入來看午夜場都幾濕滯, 因為無太多車出番去. 一定無旺角咁方便. 但對比尖沙咀, 其實情況都差不多. 尖咀太夜時, 若無地鐵, 其實都係得番的士.
其實該院都係放大路片居多, 有時反而覺得不太吸引. 不過可能放冷門的, 以這個地理位置, 死得更快都未定.
可能不是一個要求佷高的人, 對戲院的音响無要求, 反而最重要是座位的斜度,這方面UA黃埔是可以接受的. 反而港威,及百老匯電影中心某些院, 院細,座位無斜度,螢幕又細, 衰過返屋企睇電視.
滔比
希望間戲院真係會有人接手, 亦都希望唔會太貴. 新年同兩老阿哥阿嫂老婆去睇戲差不多以成為指定動作. 睇黎黃埔執左之後, UA Loyalty Club都可以唔駛再續會, o係黃埔睇可以450分換一張飛就話抵睇, 出面要成1000分就都係算啦~
Oscar
據知嘉禾黃埔電影預計10月動工!
obi-den
金門個位現在是桑拿同雀會至真
obi-den
我仲記得明月以前有中女陪睇戲，當然入到去做乜就唔知，而且早年亦被一本便利爆過話明月戲院出面成日泊咗啲貨van，打開車尾箱裡面有張墊槈，佢地有個名叫 “un un戰車”，個司機響戲院裡拉客同睇水！
ANSON
KK
小弟為土瓜灣區居民, 今日也去了UA黃埔趁墟.
90年代成長的我都只是和同學仔去過1,2次, 那時睇戲多數去油尖旺, 因為朋友們大都不是九龍城區居民.
小時候, 家人都帶過我去珠江, 金門, 寶石睇戲
… 現在成個九龍城區得同紅磡有戲院(又一城唔多似九龍城區)
UA九龍城開業10 年左右變摺了…. 仲快
JIMHOIYAN
一個充滿回憶既地方要執笠….
REALYY SAD!*係咪裝修其實///
小女孩
怎麼不等我呀? 我一搬回去, 你就結業了, 我還想回味當年呢…… >_
Fione
真係超唔捨得，黃埔UA可以話係見証住我嘅成長，留比我勁多開心嘅回憶，以前差不多每個星期都會同D同學去睇戲，又去下黃埔號又去下黃埔廣場，經常兩邊走超開心，不經不覺已經十幾年前的事，現在還要結業真係好可惜，永遠都只能懷念了。