王晶的《大內密探靈靈狗》近日在戲院上映雖然票房看來不差，不過大家看起來，感覺已沒有像以往有著原創的趣味來。
到底，曾幾何時，大家又會懷念那些喜劇呢？
其實十多年前暑期的港產喜劇多的是，就以九二年七至八月上映的港片為例，以喜劇作賣點的便有《審死官》、《92黑玫瑰對黑玫瑰》、《鹿鼎記》、《亞飛與亞基》、《黃飛鴻笑傳》及《丐世英雄》六片，兩部周星馳的電影算是他喜劇創作高峰之時，《亞》片玩黑幫亦有一手，而《92黑玫瑰與黑玫瑰》在初時看淡被主線看淡下，在口碑之下獲多院接力放映達二千二百多萬票房。即使是《黃》片及《丐》效果平平，票房也過千五萬來。
今天先不談票房等情況，純粹從觀看的感覺出發，大家又會懷念那些暑期港片呢？
Simon
賭賭賭賭賭賭賭賭賭賭賭~~~~~~聖!!
Rat
2001年也令人懷念, 少林足球, 瘦身男女, 同居蜜友, 每部都要入場兩次…
nihat
你同我簡既年份一樣
可能因為年齡關係
00年先開始有能力自由地睇戲
不過01年真係正
除左你講果d~仲有全職殺手,蜀山傳,願望樹
冇喇~世界變/.\
以後都冇依d日子喇
shtmanhk
自此以後,港片棄守暑期檔
Rat
Thanks.
我覺得今年好差 / 最差, 你又如何?
神經刀
呢D片”有部份”以當年黎講只係得啖笑，但印像卻是很深，而且選擇又多、又夠地道…
家陣？ 唉！~~~~~~
特區劣民星球人
其實01年當時既港片氣氛都係普通, 就算係少足, 外界都係等住插; 果個暑假, 除左發哥粒粒巨星都有戲出, 今日回顧番就不可思議.
總之要珍惜當下啦
aimar
往事只能回味．地道笑片賣少見少．香港電影業或多或少已大陸市場吞併．好一個ｃｅｐａ．
nihat
今年真係差呀..
過左新年之後
無論3.4.5.6..好既港產真係數得哂
7月先至有套殺人犯同竊聽風雲似樣d
而家過千萬已經係好好既票房..好可悲
唔可以怪冇人support港產
我係投資者…都唔會簡純港產啦
而家咩都飛既演員.差唔多都4字頭
未到40咩到飛既男士我諗得吳彥祖.霆峰
余文樂又多負面野
edison又咁…
港產…只會一年比一年悲..
球証
當年六嬸投資呢套戲真係好成功,香港票房成功外就連星爺都可以拿亞太影帝…
如今,佢投資的”變節”…祝佢好運吧
CR(appleguy)
演員買少見少係雞同雞蛋ge問題…要怪，就要怪無人投資去培訓下一代接捧。點解無人投資，因為無人肯做蝕本生意。點解做純港產片會蝕？你睇下今日觀眾對美國片ge需求同態度就知咩事。
當然，諗得出七日鮮ge人要負上部分責任，不過，拍戲都係為左搵食，無得選擇時，點都要頂硬上。
事實上，今日企穩前排ge一線影星，當年都唔知拍過幾多爛片。讀書時，教本土文化ge教授講過，要有影星，就要有接納爛片ge市場，俾佢地維生…
shtmanhk
杜琪峯先後兩次破了香港最高票房紀錄.
迷逃小書童華安
其實港產片到今時今日既地步唔好怪人喇…
果種「求其」，係諗多少少都唔肯，求其到當人傻！！！
華仔
最記得是在金聲睇戲的年代,有太多睇暑期港片的記憶千王之王當年8月暑假壓軸.在金聲買堂座票的人龍一直排到豉油街.孤男寡女00年6月23日上映,當年在豪華睇7:30大約有二,三百人,連同樓上二院的職業特工隊2約四百人入場真的現在都歷歷在目.01年6月新寶金聲頭炮同居蜜友,記得當年pccw有大量買一送一優惠卷,在金聲睇只是30元2張票真超值.7月6日少林足球上映,和弟弟在金聲超等睇第一次的少林足球,過了兩日阿爸阿媽都想睇於是用pccw買一送一卷在金聲堂座睇第二次的少林足球,兩場都差不多全爆,近千人在戲院一齊笑.7月中少林足球推出加長版.同弟弟用pccw買一送一卷在豪華三十元兩張票睇第三次.少林足球和鐵達尼號都是我在戲院睇了三次的電影.
Rat
Thanks again.
其實我係個人覺得指今個暑假d戲特別唔好睇, 但殺人犯同竊聽風雲, 甚至 “變節” 既市場效應又出奇好, 所以客觀上又唔係最差, 係我feel到o者
Rat
外國演員一樣多負面野, 咪又係咁
港片近年培育不少大中華新人
anyway 睇戲求娛樂o者, 分析咁多做乜
Wong仔
90年代使我覺得最好笑的電影就是王晶同星爺合作果D啦…….
睇吓睇吓,都系估唔到杜SIR都會拍喜劇。
最懷念的當然是《逃學威龍》系列同埋《九品芝麻官》,等等啦!
shtmanhk
杜氏八十年代拍喜劇起家:開心鬼撞鬼,八星報喜
123
‘亞飛與亞基’最正!!
小榮
現在那些”喜劇”….算是喜劇還是鬧劇？
當然還有少數是有心拍的,
但大部份都好爛,當觀眾是傻瓜。
感覺像,有人在旺角街頭
除掉褲子在玩呼拉圈加不斷大聲叫喊…
你問他在幹嗎？
他說他在攪笑。