由邱禮濤執導，黃秋生、吳鎮宇及謝天華主演的《Laughing Gor之變節》將於八月十三日上映，繼較早前推出一款五名主角為主的初版海報後，近日已開始出現第二款海報。
然而，其海報設計跟首款同樣只是「行貨」款式來。
新一款的電影海報，出現的主角大頭數目由五個減至三個，由左至右分別是黃秋生、謝天華及吳鎮宇。觀乎其擺放方法及其色調運作，跟較早前同樣有黃秋生主演的王晶電影《金錢帝國》相若，但相信兩者並無關係。至於海報下方則有多幀小圖來表達電影裡的情況來，這類的設計其實也算是十分常見。值得一提的是，電影的英文片名現在稱為「Turning Point」，內含著轉變的意思。
《Laughing Gor之變節》是邵氏重新製作的首部電影，並且與無線電視合作，題材則是改編是電視劇《學警狙擊》的前傳。雖然電影找來了不少電影演出的演出，不過一眾電視藝人能否達到電影所需的要求，同樣也值得關注。
特區劣民星球人
太電視劇feel
季節咩…
特區劣民星球人
話時話, ryan遲d不如講下龍虎砵蘭街同謝天華舊作呀~
Ryan
有興趣投稿乎?
m
香港電影的poster一向都是創意欠奉，看見那些poster己完全沒有入場的意欲。
Simon
元彪,曾志偉都有份客串?
我對呢部戲其中一個期待係黃日華, 相信佢演到嗰份正氣o
Wong仔
http://www.youtube.com/watch?v=yP_7Ep7wl9U
LAUGHING GOR 之變節 – 電影預告片
Wong仔
海報果個黃秋生都唔似黃秋生,仲有,我第一次見到呢張海報的時侯,嚇得以為呢部系鬼片。
我對邱禮濤的電影都唔系幾有期望,佢執導的電影有好有唔好。
不過我看過預告,都覺得好吸引!
Wong仔
嗯嗯……我發現片中的演員大多數都是TVB的藝人。例如:李思捷、敖嘉年、梁烈唯、呂慧儀等……
Tony
預告和海報就是少了個”五蚊銀”.
有電視台配合, 宣傳攻勢極大, 書展派書簽和記事簿, 本人也不給Laughing簽, 而是給”何詠雯”, 因為本人正是不會吃你選好的A餐B餐的人!!
這是近年來本人絕少看完預告想立即入場看的港片, 有電視台投資, 不用硬加大陸台灣星, 感覺就正確, 希望完成的影片不要令我失望.
Wong仔
系話,成個預告我都見唔到laughing擲五元銀仔！難道編劇和導演忽略左！？
Wong仔
《變節》片的海報的確不太吸引！使我也不想看這部電影。不過看完預告片後，我對這部電影的期望又回來了。
閒雜人等
一見到張海報字款,我真係睇錯做季節!!
唔知邵氏之後仲會將邊套電視劇放上銀幕?
dreaming
請問海報上是否沒有黎耀祥個名?雖然戲份好少,但為何沒有他的名?
UNKNOWN
看似大雜燴….
無乜期望，希望唔會太爛….
Wong仔
你都識講,戲份少丫馬。
或者海報的 特別介紹 果度會有佢個大名囉。
Wong仔
我初頭都系咁,睇完個預告信心番晒黎。
希望有無間道的水準吧。
特區劣民星球人
會唔會似 [兄弟] …
Wong仔
我覺得會比較似《黑白道》……
迷逃小書童華安
黃秋生個樣好似「扮女人既吳鎮宇」…
Wong仔
又真系幾似喎…….
不過我又系TVB個網站度搵到另一張唔同既海報！(其實都系差唔多)
http://b.tvb.com/laughing/files/2009/07/poster_design3-354×500.jpg
大家睇下TVB張海報,黃秋生個樣更加似女人！好似個女人型的大佬－ｖ－””
Wong仔
補充一點點……三個大頭像系咪畫出黎架?謝天華果個就比較鮮明點,但黃秋生同吳鎮宇果個,個樣好似系用蠟筆畫出來的。
兔仔
星期日睇「救參」，睇埋呢套戲既預告，係有黃秋生、吳鎮宇、曾志偉…但係佢剪個預告出唻，我覺得好怪，所有人既對白，都係要搵laughing，唔係話要佢交人，就話佢過唔到十二點…
咁樣即係代表左整戲變左大家為laughing服務，laughing係真真正正既主角…
問題唻啦，但係laughing夠唔夠咩起一套戲？
電視觀眾真係咁想睇laughing？
謝天華真係可以=劉德華？
TVB既所謂既當紅男演員，出去係電影市場既頭果幾部戲，從來都係無票房，周潤發、劉華、古天樂、林家棟…
我想講我雖然未睇套戲，但係預告唔吸引，主角唔吸引，題材唔吸引，我只可以講，唔係我杯茶。
shtmanhk
此片編劇葉天成重返TVB,離開銀河映像.
Vincent
什麼??? 葉天成回無綫而不在銀河映像工作了，我記得當時韋家輝為亞視拍《世紀之戰》時，他已是其中一名編劇，之後便一直留在銀河映像跟杜韋二人的電影寫劇本，其中他編寫的《機動部隊-警例》都幾好的，看來他應頂唔順公司的運作而回到無綫安安定定吧了，真可惜﹗不過，始終人各有志。
看來銀河映像下一位會上位當導演的，應該是歐健兒吧。
我對《Laughing Gor之變節》也不會有什麼期望，太電視feel了，希望在邱禮濤執導會好些。
UNKNOWN
我都覺…
我覺得一套電影，如果太整色整水，會令觀眾好難消化，而且套戲有太多好演員，咁可能突出唔到謝天華主角身份，影響(好/壞)佢發揮，不過套戲未上畫，一切都言之尚早。
UNKNOWN
套戲個名 “变節”，唔通想打開國內同胞市場?
個海報都好似深圳商業城DVD封套…
兔仔
其實跟這套戲，最類近的我覺得係（臥虎），臥虎雖然係晶哥的電影，但一d都唔差，絕對係水準、誠意之作。
臥虎同樣係講搵臥底，但係當中涉及每一個人都一個唔關係既故事，分得散d，無變節個預告咁全世界都搵laughing，好似laughing好重要咁！佢又幾重要呀？要咁多人搵佢？無間道都係搵臥底，但係人地係互搵…係鬥智呀。
非常同意，張海報，好有羅湖商業城feel。哈哈