相比起其他類型的演員來說，喜劇演員的生命周期其實大都十分有限。而且近年產生的喜劇演員，其周期更有越來越短的趨勢。
也許，七十年代的許冠文至今仍有在電影演員，可是他近年於喜劇能發揮作用有多少實在心中有數，但至少他的喜劇時間也有廿多年。九十年代，周星馳的喜劇也算是紅極一時，到了近數年才因為開始轉營，其喜劇效果跟觀眾距離越來越遠。
不過，近十年出來的不少演員，其喜劇生命卻難以有超過十年的時間，當中例子包括每每曇花一現的張衛健、九十年代末曾有段時間以拍王晶喜劇見稱的張家輝，以及自《行運超人》一直走喜劇路線的鄭中基。然而，張氏再演喜劇也只以內地市場為主，張家輝也成功地轉營至演出不同類別電影。至於鄭中基，其喜劇效果在《至尊無賴》已經見底。
至於近兩、三年冒起的詹瑞文及王祖藍，擔當配角也許十分合適，但到了主角的時間，卻效果不理想。詹瑞文自演出《戲王之王》後，近日在電影的演出已經不多，反觀他於舞台有更大的發展。至於王祖藍，現在則要看他繼後擔正的電影。不過，這兩位演員的喜劇周期要保持十年以上，恐怕也十分困難。
喜劇演員要抓住那份效果，每每需要跟現實環境十分接近。近年香港社會可以說是轉得快，也許快得令人吃不消，到底這個情況之下，會否令喜劇演員的周期難以維持呢？
Wong仔
周星馳在90年代都好紅,拍的喜劇起馬有20部以上！可是，2000年至今只有5部左右。難道……!?
ManChoi.
詹瑞文由此至終都係屬於舞台GE人..拍電影相信只係玩票性質..
Lau
如果矮仔都收到900幾萬, 王祖藍都會好似詹爺咁一部收皮, 不過而家唔會囉~
cot
同意.
佢拍戲係想d心最尾會去睇佢舞台劇
nbachung
剛無記重播看鄭中基[我要做model]..真爛得很.鄭生演釋角色全冇夑過..同[家有喜事2009]一樣.十年如一日.
難得黃百鳴重咁看好佢..來緊賀歲片又預佢.
青风
葛民辉搞笑功力其实都不错，当年还是有点星爷接班人的架势。
不过近年由于BUDGET的关系都没有什么双主角一起搞笑的片子，唯一有印象的就是刘青云同古天乐的绝世BRA.
花京丸
講起喜劇演員,其實吳鎮宇同黃秋生既喜劇感都幾好,仲有一個已經唔見左既梁榮忠.
反而就快有戲上既古天樂就…唔知點解會有人搵佢做笑片
obi-den
周星馳當年由電視演喜劇演到電影，成為一代喜劇泰斗，風頭亦超越前輩許冠文，同時更開創無厘頭文化；反之依家所謂喜劇演員只一味行緊周生所行嘅路，完全無一種創造性，如果係咁，我點解唔睇番周生啲舊片啫！？
另外，除咗許氏同周氏外，兩者之間仲有一系列以一大班演員（如曾志偉、馮粹帆、周潤發、洪金寶等）一同擔綱嘅喜劇，好似精裝追女仔系列、最佳損友系列同福星系列，真係喜劇經典！
Wong仔
梁榮忠近十年來很少拍戲,最近見佢一次在幾年前電影《墨斗先生》內。
我亦覺得古天樂唔系幾適合拍喜劇。
heito
張衛健, 鄭中基的喜劇根本不入流
詹瑞文, 王祖藍應該是屬於舞台的
不過王祖藍的可塑性甚高, 就看他夠不夠運
AhcheunG
究竟喜劇是否一定要用浮誇的演譯方法來表達﹖
詹瑞文王祖藍都是這樣。
馮淬帆﹐蕭芳芳都是我覺得很好的喜劇演員﹐但他們一點都不浮誇~
特區劣民星球人
詹瑞文奇就奇在佢未拎過電影獎就可自封戲劇之王, 大把演員搵佢學戲
man
yes,王祖藍是屬於舞台.live觀眾既respond都超好(好像jsg跟leo koo合唱，林峰演唱會唱浮誇和搞gag),係電視睇或者覺得佢誇張,但睇現場反應會feel到佢既energy真係send到俾觀眾.
actually佢係電影既演出都okay,有人話浮誇,有人話好…就算星爺同詹基利也有人buy有人憎。但客觀D,佢should be okay,at least is 演藝 first hon。
man
take a look at 祖藍一份訪問on 矮仔多情:
T：《東TOUCH》
C：王祖藍
T：今次就用浮誇這板斧？
C：對，非常浮誇，喜劇有好多種，例如我做《保持通話》，我是「淡做」，因為我知道這種做法已經有個幽默鰠度，你一定會笑，陳木勝本來想我「誇做」，但我要求試一個淡做先。同期我拍《我的最愛》，角色已經誇做鰦，而我知道這角色一定要誇做。我也想讓人明白喜劇演員不一定只能浮誇，近年好像大家只愛睇浮誇和肉緊，但以前睇周星馳 ，他也不是每一刻都誇張。浮誇是我擁有的一件工具，而不是我唯一的技倆。
T：客串是短時間內引人笑，今次擔正如何令觀眾由頭笑到尾？
C：喜劇有很多不同做法，一是人物，二是情景，三是對白，四是動作。其中一個好叻的喜劇導演是劉鎮偉，他拍《回魂夜》，成班人睇個炸彈究竟邊個爆，這情景就很好笑；「七孔流血還七孔流血，死還死，兩件事。」就是出色的對白。《矮》中我嘗試跟每個對手都用不同演出方式，跟徐子珊 我要認真演一段轟天動地的愛情，這是情景；JJ好正經演一個按摩女郎，以為按摩能夠拯救世界，已經好低能；跟Race有一段跳艷舞場口，動作上可以玩多些。
T：喜劇演員是否一定要有戲？冇戲可不可以演喜劇？
C：一定要有，喜劇不是做小丑，客串5分鐘那種就是小丑，那5分鐘我但求將每句對白變成笑話，我會叫這做「爆gag」。至於喜劇，試回想自己最喜歡的喜劇，當中最深刻的一定是人物，例如諗起周星馳，一定會記得《整蠱專家》的古晶，或者《月光寶盒》的孫悟空。要人物完整就一定要有戲，有戲才可以表達人物的成長，人物有不變的定律，不外乎是男人婆變溫柔女人、型變好man的男人、好懦弱的男人變成充滿自信的男人、好囂張的人變成好脆弱的人，諸如此類。冇戲如何摸索這過程呢？冇一個好穩陣的喜劇基礎是沒可能打造出人物。
— i think 導演同祖藍都係計算過家下o的人要乜去拍呢套劇…at least我入場full house and ppl laugh all the time.
full version:
http://www.hkheadline.com/ent/ent_content.asp?contid=57748&srctype=g&int_split_from=0
杜絲先生
例如我做《保持通話》，我是「淡做」，因為我知道這種做法已經有個幽默鰠度，你一定會笑，陳木勝本來想我「誇做」，但我要求試一個淡做先。
sorry,你響《保持通話》既表現都仲係好浮誇囉
AhcheunG
我明白有時侯演員如何演戲是因應導演要求﹐導演又要因應老闆﹐老闆又要考慮市場。
不是說浮誇不好﹐
但我想講的﹐是現在沒有“幽默”的演員。
我不太知道馮碎帆那種屬於什麼類形﹐我只知道他們唸對白不用配合誇張表情。
在精裝追女仔裡面那種。
大家還記得精裝追女仔2其中一幕﹐他扮革命黨真的很搞笑。
man
咁都叫浮誇?我想知你點define浮誇…
保持通話佢表情無乜,語氣無乜,好笑係佢個對白同情景…同埋佢o個種我話知你死的服務態度真係好似家下好多CS…如果你覺得佢浮誇,咁係你好彩.咪遇過呢D浮誇既CS.
花京丸
咁都叫浮誇?我想知你點define…
插一句咀,唔知arm唔ram, 不過我古所謂”浮誇”,係相對於”生活化”,”平實”既演法,佢將現實中果d”無表情,無語氣”既cs誇張化卡通化,都可以算係”浮誇”啦
Mau
張家輝 ok
AhCheunG
Agree!~~~
Wong仔
我覺得一d都唔浮誇。
Lau
講真《保持通話》冇用佢票房不敢想像
shtmanhk
哈! 真的難以苟同