未知是否荷里活流行開拍續集關係，現在港片也有這個趨勢來，繼《風雲2》、《花田囍事2010》後，近期便傳出電影《龍虎門》也要開拍續集來。
然而，細心一看報導，也許疑點重重。
《龍虎門2》開拍的消息，由內地光線影業於六月中旬宣佈開拍計劃時傳出，表示電影投資達八千萬元人民幣，並由陳嘉上監製、林超賢執導。另一邊廂，則傳出黃玉郎有意開拍《龍虎門2》，並有意找來模特兒胡心諾飾演馬小靈一角。
《龍虎門》原名《小流氓》，為黃玉郎所原創的漫畫，零六年由東方電影製作電影《龍虎門》，當時由甄子丹、謝霆鋒及余文樂主演，並由葉偉信執導，上映時錄得逾千萬票房。觀乎黃玉郎與東方電影出品人黃百鳴一向關係良好，就連《家有囍事2009》中黃玉郎也要來客串一下之時，實在難以想像為何《龍虎門2》不由東方開拍，並找回葉偉信執導。
即使真的由陳嘉上與林超賢合作，大家又會期望三角男主角會由誰擔當呢？這個也許是一個好的問題。
從上述情況看來，《龍虎門2》是否真的開拍，恐怕仍需觀望。
召阝弓虽
玉郎開拍《龍虎門2》….. 應該唔會喇！
呢排跌書都跌死佢，有時間佢用嚟諗計搞返好自己間公司Ｄ漫畫先啦！
仲有，當年批佢命…..「一字記之曰 “電” 沾不得！」
有關電字嘅生意…..佢都係唔好再掂喇！
早輪佢搞Ｄ卡通片…..都唔之幾時先收得返個本！
況且漫畫龍虎門個版權都唔係佢嘅！
佢要拍龍虎門２，都要同人買版權先拍得。。。。
revenge
反而想知套電視劇有咩消息
revenge
嗯..有d人只識宜做paper work / 出版生意, 唔到你唔信邪
風水鴨
『”電”沾不得！』就真係好多現代生意都唔搞得啦！
咁都係出番D 1:1 刀槍劍棒炒買算啦！
Wong仔
06年的龍虎門由葉偉信執導，反應唔錯，動作利害。拍第二集既話……如果真系陳嘉上監製、林超賢執導，應該都會拍出水準。另外，我正在擔心，第二集會否再由甄子丹、余文樂、謝停風擔任三個男主角呢？仲有，拍這種武打片，唔知搵邊個黎擔任動作指導呢？甄子丹OR袁和平？OR是其他人？
5454321
係囉
我都想知
電視劇拍完未
有無係上海上過?
無名民
>並有意找來模特兒胡心諾飾演馬小靈一角
呢條o靚妹講野已經一o舊o舊，懶音又重
又淨係識靠屈男藝人造緋聞是非上位
如果真係搵佢拍，到時班男演員想甩身專心拍戲都好難
Simon
黃玉郎話有意開拍《龍虎門2》,我估都係搵返黃百鳴合作居多, 佢喺電影圈既朋友除左黃百鳴同成龍之外無乜邊幾個……
其實《龍虎門》故事同人名既版權唔屬於黃玉郎, 係屬於文化傳信公司, 依家黃玉郎出既《新著龍虎門》, 都係黃玉郎間公司同文傳買版權黎畫同出版, 講到底, 《龍虎門2》邊個有得拍好似唔多關佢事, 佢既參與似乎係出於對原作者既尊重, 情況好似Jim Lee經常客串同監製Marvel漫畫改編的電影咁樣o
其實今次會唔會繼”葉問”之後另一次鬧雙鮑? 對於黃百鳴黎講, 算唔算…….剃人頭者,人亦剃其頭?
revenge
都係煲水多ga喇…最終咪一部都開唔成
“神兵”夠話有電影版咯, 挑…
極速傳說
種有”阿鼻劍”
Simon
仲有劉偉強講左十年既”風雲2之再見無名”, 同埋講左三年既”頭文字D2阿爾卑斯山賽道”
revenge
仲有黑豹列傳, 有埋poster ga…
Wong仔
如果真系上映既話….大家會唔會去睇呀?
我錯過左06年的《龍虎門》,下次我一定會去戲院睇!