不知是觀眾貴人事忙還是戲院忙於清理準備下一場入場的關係，很多時觀眾在正片放映完畢，開幕顯示台前幕後名單時大都開始離場，部份電影或在這段時間播放一些後繼片段。
不過，有時後繼片段其實不止一段，若只以為播放了首段後繼片段便已為再沒東西可看離場的話，恐怕有機會「走寶」。
（按：內文觸及電影的內容，敬希垂注。）
霍士發行的荷里活電影《變種特攻：狼人外傳》於四月三十日在港上映，電影於正片播放完畢後，一如往常開幕播出幕後名單。約於半分鐘後，出現了一幕一名將軍被扣查的片段。那時畫面繼續播放餘下的幕後人員名單。不少觀眾也許看到這裡，以為片末的片段就此作結，於是放心地離場。
可是，若果閣下也是這樣的話，便會錯過了最終的一幕。
電影在播放長達數分鐘的片段後，就版權相關的項目也播畢。在一般的情況下，整部電影便是播放完畢。可是，就在這時，放映機沒有關掉，畫面卻見到一幕狼人到了一家酒吧飲酒的場面，女侍應以非英語問狼人是否美國人，狼人答道是加拿大人。跟著便說是否想借酒消愁，狼人答道是借酒來找回記憶。電影片段為時約半分鐘左右。
從上述例子所見，片尾片段不一定出現，而且即使出現也不一定只有一段，故此還是觀畢整個片尾製作人員字幕。倘若以為出現一段後繼片段便以為可以離場的話，便會有機會像《變》片這樣漏看了。
Ryan
Dony: 戲院員工也許也是受害者，因為部份戲院每場相隔時間少得可憐。
Ryan
shadowzo: 你要留佢都無乎，除非熄機。
Ryan
Mike: 但其他電影又會不會都這樣呢?
Ryan
阿修: 香港是不是有兩個版本要大家求證了。
Ryan
維達：真的叫人無奈。
Ryan
Zacky：多謝補充，恐怕可另文再談片尾的內容了。
Ryan
迷逃小書童華安：但怎樣長也好，這個安排也許是尊重幕後製作人員吧。
Ryan
HIN：有時也只有這樣才看到。
Ryan
F：排到有時夷匪所思。
Ryan
Billy：真的很難得。
Ryan
bbon99：例子實在不多吧。
Ryan
晞：真的很像連觀畢全片也不能享有。
Ryan
心聲：工作人員都唔知道真係……
Ryan
華仔：百老匯院線每場相隔之間之短，真的是全港數一數二。
Ryan
華仔：但願有點觀眾能看到這幕吧。
Ryan
obi-den：乜唔係《鐵甲奇俠》咩？改了名乎？
Ryan
aimar: 有時就係為了那幾秒。
Ryan
23: 多謝提供。
Ryan
brownie: 還是再看一次乎? 😛
Dony
其實好多時係戲院員工趕人走~~
當套戲一出字幕~~佢地就會大叫”請由前面出口離開”~~當見有人仲唔起身~~又會再叫~~不斷叫不斷叫~~叫到你都唔好意思唔走啦……
又或者~~佢地會o係你附近不斷收垃圾~~不斷俾壓力你等你走~~
shadowzo
之前看魔盜王中過招…我有時想留低,但在清場工作人員勤快工作的壓力下,非走不可…
Tony
本人早已養成這個良好習慣, 不論任何電影 (奪標一出roller即走便是本人的柴台), 也會選不會太趕人走的戲院, 大部份港人, 認為要早5分鐘(至10分鐘)去食肆搶位, 港女多5-10分鐘血拼, 因此, 本人永遠只能獨自去看電影.
Mike
幸好, 本人在委內瑞拉看此電影, 他們將該兩幕放在一起, 不用等至播完字幕(但極可能因為趕下場的關係)
阿修
我通常都會留到最後才走.
去年功夫熊貓亦是留到最後才走, 不過離開時, 被等待進場的觀眾施以仇視目光.
原來美國的片尾有另一片段, 是Deadpool的, 和此段隨機給不同戲院.
看來遲些要等DVD才可看另一片尾, 和童年STORM的被刪鏡頭.
只希望不會在一個月後有導演加長版上映吧!
維達
其實本人都被將軍扣查那幕有少許騙了(哈哈)，還以為這就是完結與留下伏線的一幕。
有些舊式戲院，的確像趕收工、趕播下場一樣，拉字幕便開滿燈，甚至很快便關掉畫面，但身處那些”質素”的戲院，你又無可奈何。
但較新穎或興趣在商業區的戲院，大多都不會這樣。
Zacky
香港既電影觀眾好少會睇片尾
一來冇耐性 + 浪費時間
二來冇野睇
三來冇乜人識應該要睇完trailer以尊重工作人員
而且部分荷里活大片的片尾字幕，差唔多十分鐘長……
趕下場可能性不大 (除非係電影節)，反而霸位食野就真係有可能
論片尾字幕後的片段最長，其中一齣可算係多啦A夢大電影-7人之魔法師
起碼兩三分鐘，交代結局後的後續劇情 (前作都係0係end credit之前)
BTW，片尾字幕後有bonus片段，通常都係由有D真係睇到最後的觀眾在網上將消息流傳
但香港好多睇電影的人都係單靠片名 / 宣傳品選片，呢d消息點會留意……
迷逃小書童華安
其實主要工作人員名單出左之後出附加片，會好過「所有工作人員名單」之後，因為真係好耐的，隨時上十幾分鐘的…
鋼鐵俠就係咁…
（當年無間道二亦是，但港片快Ｄ，唔覺耐…）
HIN
我多數死都唔走睇曬先走,
可能係性格好勝la,真係覺得咁樣好討厭
另外
寰亞的搞笑版《倩女驚魂》屬意由楊千嬅、黃曉明與甄子丹主演,好爛片feel,
暫時得楊千嬅confirm左會拍
F
以前係沙田希爾頓睇二輪戲，字幕唔夠五分鐘就突然 cut 咗 …… 可能係舊戲院的做法？但同時佩服現在的戲院如何安排那麼密密麻麻的場次，e 頭散場就果頭即刻開場，真係難為前線員工，搞到佢地要趕客走，唔係就唔夠時間做野。以前排片邊有咁樣？﹗
Billy
我在第一晚去AMC又一城睇, 睇完第一段片尾片段後, 大部份人(包括我)都開始離場, 不過出口有個職員大聲叫:最後仲有一段片尾的, 結果半數人留下睇埋才走. ^_^
bbon99 (金錢帝國黑色星期五的夜與霧 吃了那女孩回家路)
呢個溫馨提示幾好，相信以香港人唔執輸的性格一定睇埋落去，同時亦為戲院的服務留下好印象。
晞
曾在朗豪坊打算看完片末時
清潔的工作人員跟我說：「先生散場喇」
我回覆：「我知呀」
他繼續說：「散場走得架喇」
如此趕客，我偏要留低。
心聲
那次在嘉禾旺角睇, 將軍那一幕已走了三分一人, 到人狼在酒吧那一幕, 只剩下我和我老婆, 我問工作人員知不知道出完字幕仲有冇片段時, 他們都不知道(不過, 今次的片段不看也不是損失)
華仔
我正是在朗豪坊的,有一半人都知道結尾有野睇留低.我通常都唔會理職員的最多坐前幾行唔阻佢地清理.ua比較好較多時間清理百老匯真係唔得趕你走)(不過電影中心同葵芳例外)
記得我上次在豪華睇鐵甲奇俠時都有留守到最後一刻睇畢字幕因為片尾仲有精彩片段,在豪華睇戲散場時都有望上放映室的,放映員會望落來睇觀眾走晒未,上次睇龍珠我都留守至最後一刻睇畢字幕因為片尾仲有精彩片段(笛子魔童未死)好多時放映員都唔會cut片反而係帶位在下面打手勢上去叫放映員熄機,如果我堅持唔走放映員係唔會強行熄機,最多都是冇畫面而仲有聲.
華仔
昨天在嘉禾旺角睇反轉豬腩是王子1:15全場7人散場時想聽晒主題曲所以留座到最後竟然仲有老西公司班人的片段出現真是一大驚喜.
obi-den
我睇鋼鐵奇俠就係無睇roller後嗰幕，真係唔抵！
aimar
完全無野睇架,唔使可惜,得果幾秒鐘.
23
我在東京睇過好幾次戲,絕大部分觀眾都睇完晒字幕至走,其實係一種尊重.
brownie
Oh shit！我以為係將軍被拉一幕就是大家所說的那幕！