近年王晶電影的類型大致可以分為兩類，除了一些不斷重覆固有元素的低成本娛樂片外，還有認真的製作如《黑白森林》和《黑白戰場》等電影，而他的新作《金錢帝國》則屬於後者，以呈現六、七十年代的貪污情況以至廉政公署成立初期怎去打擊貪污的情況。
電影大致可以分為兩個部份，前半段集中塑造六十年代的貪污帝國，當中包括了梁家輝飾演的 Lak哥、王晶飾演的豬油糕、黃秋生飾演的火麒麟及陳奕迅飾演的陳細九，各人自於這個貪污時代的情況，並且過程中欺凌了方力申飾演的大學生韓志邦，為後半段廉署成立時打擊貪污的決心留下伏線。接近兩個小時的《金》所談的貪污其實也許在九十年代如的人物傳奇類型電影看過，不過今回的主題，主要是集中在廉政公署如何成立的情況多一點，從英文片名「I Corrupt All Cops」簡寫「ICAC」可以看到。
從角色來看，其實《金》片雖然以四大男演員作賣點，不過主要的焦點其實集中於當中兩名男角：火麒麟及細九身上。
「有牌爛仔」火麒麟（黃秋生飾），起初因其好賭及火爆性格一直在警隊鬱鬱不得志，後來被邀加入廉署後如何令廉署得以漸上軌道帶來關鍵；黃秋生在這編、導配合之下，雖然性格不是全面呈現，可是卻達到以一名非正派主線人物牽動劇情的效果。相比之下，陳奕迅飾演的陳細九則跟黃秋生相反，以內歛的方式演繹一名因其抵得諗性格而在警界扶搖直上的年輕探長，在貪污時勢下如何由隨波逐流演變至堅持原則。兩名演員其實在過往電影或已顯現了相關的性格，不過在片中則是恰如其份。
至於（梁家輝）與韓志邦（方力申）兩個角色，則是位於正邪兩方的極端位置，當中梁家輝的老練演繹呈現貪污頭目的性格表現也許算在預期之內，反觀過往在電影裡不算對位的方力申在片中卻恰當地演繹了一名初出茅蘆的大學生如何面對社會上的不公平。王晶在片中運用方力申則比前作《神槍手與智多星》聰明，而方力申在拿捏角色也達到比預期為佳的水準。
在四個主要角色以外，王晶飾演的收租佬豬油糕與林保怡飾演的廉署領導嚴國梁，對電影同樣有其發揮作用；前者縱橫於黑白兩道，後者則表現一份在該年代難得的正直。
在以男性主導為劇本的電影之下，女演員在片中其實能發揮空間不多；幸而當中由徐子珊飾演的阿四，及出爐影后鮑起靜的演出對位。至於「晶女郎」孟瑤及劉洋 – 前者首次用原音演出，後者則繼續以冷艷形象出現；然而效果仍未脫離花瓶性質，但至少沒有像過往電影中出現極為驚人的破壞力。
在場面與節奏方面，當中描述廉署成立初期出現的困難及面對過程可算實感不少，但最令人意外的就是部份突如其來的場面轉變。對白方面，電影裡描述貪污集團的對白粗鄙，卻算反映當時情況。
整體而言，《金錢帝國》秉承了王晶認真劇情製作的優點，在編與導方面做到緊湊、豐富和具戲劇性的目的，人物雖多但尚算條理，再加上一眾演員在預期之上的演繹，實為今年的一部佳作。
Ryan
shtmanhk：不知咁算唔算係商業用途呢？
Ryan
Rat：又關事？
丸仔
可以我人在英国
无缘欣赏厘部戏～望距可以快D出到DVD版本
丸仔
打错字～
系可惜
梁家辉好似好耐无新片出了～
積
《金錢帝國》呢d戲如果遮左王晶個名換上杜sir / 爾sir絕對會變成另一部黑社會或門徙
may
以兩影帝來帶着兩位佔戲不輕的後輩演出,是可喜現像,亦可見王先的用心.
我記得曾志偉說過,(投名狀)已有劉德華,李連杰擔演了,金城武的角色便應給機會新人吧.
對曾志偉這番話,我是十分認同的.
H2O
雷洛傳?
Simon
成功例子: 無間道II, 可惜陳余兩人往後好似無以為繼
CR(appleguy)
劇本計算奇準，演技到家，同埋係少有以「香港」為本體的電影
不過同期對手太強太多，突圍有難度
積
神鎗手最初不被看好到慢慢加院
又睇下呢部點
Tony
Jackie’s next film:
I Criticized All Chinese.
奇峯
好奇想知…唔知金像獎出年比唔比個機會王晶呢???
包子頭
我覺得方力申做戲的確係有進步, 反觀梁家輝可能真係太老練, 全冇驚喜可言…
孟瑤…都係做返背景比較好…
BTW, 你地之前有評論過鮮浪潮D電影, 會唔會評下今屆RTHK搞o個個禁毒短片比賽o既入圍作品呢?
我見中學組有2組唔錯, 1組故事結構謹慎切題, 1組拍攝手法高明, 似足一部電影!
公開組作品更加係落重本之作, 唔知你地又點睇呢? 想知道你地o既專業意見…
ManU
The story look like 廉政第一擊 starring 狄龍, 任達華, 李子雄, etc.
ManU
BTW, this look to be a very good movie.
Both 黑白森林 and 黑白戰場 are very good.
kameyou
我睇過一套余文樂最後自殺的 … 係黑白森林定戰場?
我覺得呢套其實無張家輝套《黑白道》好.
剛剛上星期睇左張家輝套《黑白道》, 劇白咁單一直接。余文樂那套扭橋扭得略嫌太過。
我都知王晶肯畀心機的話會好睇，但會唔會扭橋扭過龍呀？請問睇左的站友可唔可以講下？
咁好睇？等我同女友一齊睇先～～
CR(appleguy)
又唔會扭橋，不過有少少覺得太多野，好多野埋尾埋得無咁好
晞
我覺得描寫ICAC的情節可以多一點, 略感結局對ICAC的收筆太急
若能有多點ICAC與貪污主角們的鬥智鬥力, 也許更有睇頭
不過整體而言本片確是水準之上之本土作品。
takako
真心想問: 我唔like所謂”王晶有心機拍的戲” (包括黑白森林) , 咁我應否入場? 但我鍾意《黑白道》
極速傳說
人在美國所以無法入戲院睇
故事有點像五億探長雷洛傳。
希望不是炒冷飯
記得王晶是雷洛傳的producer?
shtmanhk
陳細九(陳奕迅)的真實原型
http://news.sina.com.tw/article/20090430/1663647.html
shtmanhk
http://news.sina.com.tw/article/20090430/1663647.html
ManU
You are right. 黑白道 is also very good. Actually I like the performance of 張家輝 in that movie even more. But I still glad that he won the best actor this year, though I also praise for the good work of the director, who help building up a very good character
謝拉特
死喇
唔知係唔係我問題呢
我覺得呢套戲唔太合格
一開頭打方力申果度的確係好震撼
但係之後的確冇乜亮點,有點兒散修修的感覺,講下呢度又講下果度,對每一點都著墨唔多夠
秋生做得幾好,d面部表情真係好得
家輝一向做奸角都拿揑得好好
但我想講既反而係eason同埋方力申
先講eason,係我的確覺得eason有佢堅持既一面,但對於角色黎講,我完全感覺唔到佢嬲/慘/傷心;嬲果幕最明顯就係佢想打劉洋果幕,除左舉起手果下,我完全feel唔到佢有幾嬲幾咁想打劉洋…可能你會話佢做唔到,但佢拍過既幾部戲都會交到功課,呢次我feel唔到…
至於方力申,比人打果幕的確幾好睇,但之後呢?佢口口聲聲話會拉哂佢地,係就係拉哂佢地呀,但著墨會唔會真係太少呢?由一張白紙變成拉人既要員,個過程好似黎得太快,冇乜說服力
btw,可能係我個人感覺啦,希望大家比d意見
Carrie
睇完部戲後,我都覺得好似應該著墨的地方只講到邊皮位,騷不到癢處,例如只講到梁家輝於黑白兩面有極大權力,但講當時貪污的普遍程度就吾够多,而講icac當時工作的困難處亦唔够深入,草草了事,反而個人認為重點正是此處。正如片名”I Corrupt ALL Cops”意為貪污是一個普遍現象,而戲軌則只描述梁家輝及王晶的事跡,實欠全面。
此外,我覺得d唔需要講太多的又鬼咁長氣,例如eason個九個老婆,雖然可藉此反應eason的性格、大難臨頭各自飛及徐子珊的情義等,但實在可以用其他前設去取代。
此上純屬個人意見及觀感。
shtmanhk
對一部電影有正反意見其實很平常,言之成理沒甚問題.
路人甲
個人認為玫瑰一角對劇情推進甚或豐富陳細九的性格毫無作用，此角色根本可有可無。另外很多細節是透過V/O來交代，猶於背書一樣，手法低劣。個人認為此片僅勉強及格，距離佳作還差得遠。
荒天下之華懋
又係討好大陸, 強調港英時代貪污之嚴重, 反殖民地”黑歷史”, 絕口不提大陸自己貪污, 肯定遠勝港英. 又可以不用觀看了.
zz1988
比預期中好睇
EASON 的旁白做得非常好
但係老婆同感情線其實真的不太需要
另外晶哥真係好多戲
其實應該係第4位主角
可惜係林保怡比較後段先出
無交代由邊度出來
最鐘意係水塘和秋生一段戲
最後秋生高歌一曲前程錦鏽令人會心微笑
孟瑶真係好60 70 年代肉彈FEEL..
nc
Hi, 我在自己的blog上連結到本篇評論 (http://ncmoblog.blogspot.com/2009/05/blog-post.html)，如版主不同意煩請通知，我會立即移除連結，謝謝。
shtmanhk
金錢帝國報紙廣告刊登了ryan的評語.
漫天西瓜
戲都未睇你又知? 齣戲講明係英國派人搞 ICAC, 親審葛柏都係英國人!!!
Rat
Ryan 主理的 “講鏟片” 早已是全行注目的港片網站
不少萬人敬仰的大導演都keep an eye係呢度 (有冇發言就唔敢講)
shtmanhk
《金錢帝國》內地不到2000萬
shtmanhk
http://news.sina.com.tw/article/20090831/2095917.html
Rat
此片都算係王晶自言 “具風險” 既製作