圖片來源：蘋果日報
香港實施電影租賃權制度已超過一年，可是隨著頭一年的費用上限已成過去後，電影租賃業大聯盟於四月廿七日發起抗議，表示現行條例缺乏機制，令發行商可以濫收租賃版權費用。
電影租賃權制度於去年磋商時，發行商與租賃店舖曾各執一詞，最後在商務及經濟發展局斡旋下，同意首年租賃店先行向代表影碟發行商的香港影視發展基金繳付一次過入會費一千元，然後可向各發行商購買租賃版影碟，而該等影碟售價上限為零售價的130%，並於每年自動續約。
可是，電影租賃業大聯盟表示，月初收到香港影視發展基金單方面通知，新一年的合約加入了額外六百元年費，而租賃版售價則上調至零售價的150%至400%不等。聯盟指自電影租賃權實施以來，已有逾半租碟店因經營困難而結業，而目前全港不足三百間的租碟店中，有九成商店錄得虧蝕。
對於租賃權制度而言，既然在洽商時只訂立了首年的價錢，在制度上其實本身已是影碟發行商主導。因為電影發行商有選擇哪些電影可供租賃及其租賃權費用訂價的能力，而租碟店則只能以被動身份決定是否跟循。對於影碟發行商而言，租碟店減少的話，或會覺得有更多觀眾選擇購買影碟。
可是，現實的情況又未必是這樣。因為有部份觀眾可能眼見因沒有合法的租賃途徑下，選擇了以非法下載的方式去觀看電影。其實影碟租賃在全球市場一直有其佔有率，而有部份地區則選用網上租賃如iTunes形式發放，倘若一味強行固有模式而不嘗試開放其他市場的話，也許只會令觀眾被迫鋌而走險，恐怕亦得不償失。
ＫＩＴ
我想問邊個贊成立法D議員會通過…一到講公平競爭一到製造不公平,咩政治正確就贊成完全冇立場…
pug
，有錢齊齊揾，
何必趕盡殺絕呢？
沒有影碟租賃，
觀眾真的會買多了影碟嗎？
肥
我有d朋友都有租碟習慣
佢租既碟多數都係港產片
老實講 港產片 佢唔會買 只會租
叫佢俾幾廿蚊買一隻港產片 返屋企真係冇可能
路人甲乙丙丁
請大家一齊支持下載，支持BT
仲記得以前睇戲都係HKD 60左右，我已經覺貴，但依家假日戲飛已經去到HKD 80咁上下，佢地續少續少咁加… 然後自己出一堆港產爛片，就話盜版破壞左佢地既行業。有時我租隻碟返屋企睇完都覺比人搵笨…
當大家考慮合法下載，以不同形式收費既同時，有無諗過消費者？答案係「無」﹗﹗﹗
以前1.5MB上網，HKD 150左右已經可以，但依家出親都係10MB / 100MB既計劃，下下收你二百幾，如果唔比人下載，咁我要咁多MB做乜？
要立法禁止人下載，政府先要立法規定ISP公司提供HKD 150左右(1.5-3MB)既服務計劃。所以係我立場，我焗住先左個PLAN，多出既錢係「付費下載」，想拿版權費既唔識問ISP公司拿。
molittlemo
咩說話黎? 咁既野都講得出?
香港租碟市民
法例明顯有問題,對租賃店及市民構成不平衡不公平, 政府應立即作出修正, 否則惡法將成為大笑話.
CD
租碟無得做嫁喇…論活力遠不及那些二手舖 & 影碟回收舖
香港租碟市民
其實外地租賃市場發展得非常健康,只係香港市場太細容易玩壟斷,呢班香港影碟發行商太短視,要殺雞取卵,將呢班原本支持正版的租賃店及仍願意付款租碟的市民趕去非法渠道.
付款租碟其實係教育緊市民支持正版,應該要支持的租賃業唔去支持, 最終恐怕連累左整個電影行業.電影公司老板, 投資者應該要做野, 立即向影碟發行商施壓啦!!!
JJ
其實80和90年代的KPS和快圖美發展租賃業相當成功和健康.如果能回復到當年的情況對香港的電影業都有利.
online
有用な情報を持つ非常に興味深いサイト
S
返到轉頭先算。
當年
– 冇 VCD 、 DVD
– LD 一隻要幾舊水
– VHS 要等二手貨先可以買到
shtmanhk
JJ:百事達(blockbuster)這麼財雄勢大在香港也未能成功.
百事達在台灣反能站得住腳,原因何在?
JJ
租碟在很多先進國家都是一個很大的市場(KPS年代的香港都係),而且顧客已習以為常.自從DVD年代普及後,本應租賃市場理應越來越好的,但香港版的DVD太強調低價促銷,而且出得太快,電影落畫太快出.造成跟租賃市場直接競爭的局面,這個情況對整個香港電影業的生態循環都造成很大影響.
中國大陸,一張正版DVD賣10多元至30元,計埋盜版市場,因此不可能有正版租賃市場在大陸生存.
在市場不同的崗位應有不同的市場效益和角色,各人做好自己的本份,各不超越自身的角色,便減少了利益衝突的局面.
香港租碟市民
台灣市場夠大,租金及工資成本低.
相反香港又細又樣樣都超高(班政府高官亦以人工高,香港租金在全球排三甲沾沾自喜,完全無理會香港營商環境惡劣到如此),又背靠祖國-大陸版自由行, 大陸水貨天天又快又新大量供應香港.
最至命係影碟發行商短視,打壓租賃業以為可以賣多D碟,商務及經濟發展局班高官傻下傻下,仲真係信發行商會配合做好租賃業,天真白痴!!!