藝人淫照事件事隔一年後，藝人張柏芝終於打破沉默，日前接受有線娛樂新聞台獨家專訪談及事件。無論反應如何，至少她已坦然面對事件，為未來踏出重要一步。
昔日活躍於影壇的張柏芝，其實已有差不多三年沒有作品推出。
張柏芝九八年從澳洲回港拍攝陽光檸檬茶廣告，隨即被周星馳選定為電影《喜劇之王》的女主角，其表現十分落力，並且奠定她的電影事業。可是，也許更重要的電影，來自九九年由馬楚成執導的《星願》，她在片中飾演的女護士秋男感性之餘亦為人動容，當時與任賢齊雖然叫座力一般，但在當年卻能獲得千二萬票房，並為她帶來香港電影金像獎最佳新演員獎項。
其後數年，張柏芝每年至少也有兩至三部電影上映，當時她拍下的片種相當中，從喜劇如《辣手回春》或《絕世好B》，到劇情片如《大隻佬》或《旺角黑夜》也有。當中較深印象的，也許數到零三年由爾冬陞執導的《忘不了》，她飾演一名喪夫並帶有一子的寡婦，硬去繼承夫業當小巴司機，漸漸跟同時小巴司機的劉青雲有著一段感情。當中那份對亡夫的思念及逆緣中的自強，為她贏得香港電影金像獎最佳女主角的殊榮。
在從影多人之中，張柏芝也不只在香港發展，她於零一年成為了韓片《白蘭》的女主角，描述一名偷渡到韓的中國人藉假結婚留下的情況。雖然電影整體表現不俗，可惜在港卻靜悄悄地開畫和落畫。至於零五年拍下陳凱歌執導的《無極》，由於劇本本身極為不濟，結果淪為內地電影笑話一樁。
張柏芝自零六與古巨基合演王晶作品《野蠻秘笈》後，同年與謝霆鋒結婚，翌年誕下男嬰。雖然去年發生藝人淫照事件，但現在卻坦言面對事件。張柏芝過往在電影表演甚佳，倘若能再演出電影的話，也許可為她及香港影壇帶來一個新的開始，但願她也可在影圈站起來。
Ryan
Yuna：相信很多人期望她再次演出電影的。
Ryan
may：要行這一步，絕不容易。
Ryan
地對空飛彈：十分認同。
Ryan
yiji: 還要看她繼後演出水準如何。
Ryan
娛記: 其實事件如何，還是要看她們再演電影表現如何。演得好不愁沒支持者。
Ryan
莎拉：演員斷層的情況，的確十分嚴重。
Ryan
人仔：相信抱這觀點的人為數亦不少。
Ryan
nbachung：且看最終如何。
Ryan
clara: 十分認同。
Ryan
金瓶梅II：不過唔知點解近年流行混為一談。
Ryan
鳥：故此這裡也是文責自負 😛
Ryan
musecat：且看是否真的成事吧。
Ryan
恩恩：畢竟這個關口一定要過，至於手法則見仁見智了。
Yuna
其實我中意睇佢做戲，好想佢可以再拍戲！佢ge回應都好，希望可以有機會重來~~
may
祝願在照片風波裏的所有女子都能站起來.
地對空飛彈
今日柏芝企得出黎同大家講番呢件事, 絕對係非一般人所能及, 衷心希望佢早日脫離成件事帶來的心理陰影, 站起來
yiji
雖然不是柏芝的FAN… 但也很佩服她的勇氣
加油! 港版青霞站起來…
娛記
其實淫照事件中除左兩個edc正印女友bo2同Vixcy係真正值得大眾支持外,其他所有人都只係sex partner,食得咸魚抵得渴,出左事根本就冇得邊個怪邊個,真正勇敢的應該係唔再對這件事作任何回應,盡力做好自己,而唔係一有機會就”撈油水”.
天真嬌當日完全係死在自己公司策略錯晒的關系,如果鷹王唔大大力高調發聲明話d相係流野,之後唔係一錯再錯來個好天真好傻press,天真嬌就唔會搞到咁啦.
PG選擇這個時候”站起來”,咪又係同edc當日”退出香江娛圈press”一鬼樣係”油水計算”.PG勇敢?
咁都叫勇敢的話,就正正係似當年”lemon頂包案”,開頭知衰硬就不停話好有悔意,到判唔洗坐只做社服令,就即時反面上訴話自己冇錯一樣咁無賴！
醒下啦唔該！
莎拉
支持柏芝復出，佢係香港難得一位演技樣貌俱佳GE藝人。
香港女明星/演員已經出現斷層，希望再次係港產片見返D香港女明星GE演出。
人仔
給edison,柏芝及所有同這淫照事件有關人仕們的公開信：
我地市民大眾電影電視觀眾fans們都有阿爸阿媽生架！
我地都受夠你地啦！
拜托唔好再搞咁多花臣以為可以愚弄到人啦！
重有唔該柏芝唔好借小朋友過橋！果個你個仔來架！
為左可以翻出來賺錢竟然咁樣出賣個仔！重係人唔係呀！枉你重口口聲聲話自己都有阿媽生！
如果真正勇敢就應該唔好再提唔好再講！
nbachung
看生果報柏芝重想拍戲.主動打比爾冬陞的御用監制方平看吓有冇戲啱佢..support佢再演戲.. 佢咁好演技.如唔做太可惜了.
望
認同~~~食得咸魚抵得渴
姑勿論佢地係正印女朋友定是性伴侶關係
影得就要預左流出的風險
的確…件事對佢地每個人都好傷
包括左名譽﹑地位﹑金錢各方面
唔理柏芝出黎講野既動機係乜
但客觀黎睇”佢出黎做左呢個訪問
就贏得公眾既支持…撐佢出黎拍返戲
to人仔…唔好咁激動…
可能佢只係想講下自己係呢件事上的想法…
唔好一口咬定佢借個仔過橋
事實上…佢自己一定承受好大的傷害
只不過係對自己的行為負責姐
所以我覺得唔應該同情或者踩邊一個
影係佢地自願…外流係冇人想
p.s.我都支持佢地出返黎拍戲唱歌等
講真…呢d都係「私事」
p.s.2柏芝話由始至終只有陳生傷害佢
傳媒就冇…唔多信
郭宗耀
同情陳冠希 唔明點解張柏芝,天真嬌 甚至大部份傳媒都要擺哂個責任係陳冠希身上.
雖然係d相係陳冠希部電腦流出黎姐 但係從d相入面見到佢地個d女星影既時候好enjoy wo 仲有d係d女星影架添. 係,陳冠希冇keep好d相係唔岩 但佢真係咁大罪嗎?點解佢係世紀大淫魔 其他女仔唔係? 點解一個男同一個女發生關係,影完相後 一定要個男仔負哂責任?,個d女星影得呢d相係咪應該要負番少少責任呢?呀嬌又何來好天真好傻呢?唔通班女星同陳冠希發生關係時唔知陳冠希有其他女朋友? 仲有呀,張柏芝仲話咩陳冠希冇好好阻止相片流傳,大佬點阻止呀,想好似大陸咁整個’防火長城’,令到所有係大陸境內上網既人都睇唔到一d共產黨唔想佢地見到知到既野咁牙?(關於大陸既網絡審查系統:防火長城,呢度有詳細解釋: http://zh.wikipedia.org/w/index.php?title=%E9%98%B2%E7%81%AB%E9%95%BF%E5%9F%8E&variant=zh-tw ),值唔值得為一單咁既淫照事年黎咁做呀,同埋技術上做唔做到又係另一個問題,而且陳冠希都唔係冇做野,佢個時都有搵律師警告話咩再發放佢d相可以告佢侵犯佢版權,講完之後d報紙雜誌即刻淆哂大底唔再登個d淫照啦,連警署署長都話只可私人傳閱,唔可以公開發放,又拉埋人,你仲想點. 同埋你估陳冠希冇瀨野牙,佢個牌子clot個時個勢勁到丫,拍得住日本個d所謂潮brand,又搞crossover又聖,個時星爺套長江7號都有搵佢設計個件波3啦(藍色的).佢個時又諗住大展拳腳,又想開戲,你冇睇錯,係開戲,又話出唱片,間公司旗下隊農夫又比佢搞到要去到暑假先可以係九展開concert,延遲左成半年,本來仲搵埋佢自己一齊rap添.
而總括黎講,我覺得係陳冠希同班女星係自願情況下發生關係同埋影相下 陳冠希同班女星既責任係平等 亦都冇話誰是誰非,陳冠希亦非刻意去發放d相,亦已做好措施(佢拎部電腦去整既時候已del哂d相,點知個維修員用d唔知咩program整番哂出黎,即係佢已盡左力去維護d相唔發放出去,只係佢唔好彩預著個咁既維修員而已),而且,其實影呢d相我個人認為係冇問題的,男歡女愛,又唔係影第2個,影自己同個愛人姐,有幾奇呢? 如果咁樣有問題,咁入戲院睇情慾片既人係咪應該要坐監呢?好睇唔睇睇人做愛.做要唔係睇相係睇片添.係咪咁話呀.
clara
十分同意
我唔明點解講到edc係大淫魔咁
我亦唔覺得佢地有咩做錯
又話要負咩社會責任
哩d係私人相
公眾狂搵人地d私人相黎睇
俾人侵犯私人既反而要向大家道歉?!
公眾有咩損失?我真係唔明
睇哂柏芝訪問
成段訪問猛咁話edc
不過完全搵唔到佢罵的重點
除左一樣唔私下同佢地道歉之外
不過佢真係一位好演員
出黎拍戲就好
金瓶梅II
明星 / 演員真係只適宜大銀幕見，唔好開口講野啦好心！
鳥
為甚麼從來沒有 “受害人” 提過自己應該付的責任?
看過相的人都知道此批相不涉及偷拍, 男女雙方都是你情我願, 甚至擺pose以相就. 為甚麼事前完全不顧後果任人拍照, 出事後就標籤自己為受害者, 彷彿不用為自己輕狂的行為負丁點責任?
我此終覺得呢件事既重點係要點醒時下d後生仔女 “你我行我素吸毒自殘性濫交係你既事, 不過你所言所行既任何後果記得自己最終都要負責”.
musecat
很喜歡柏芝這位演員,她的戲很好,是(個人認為)新一代女演員中最好的一位
作為一個觀眾,我不太在乎演員的私生活/新聞
我只看他/她的戲
只要是好的,我便會支持.
期待柏芝的演出
恩恩
恩恩
唔好意思, 頭先唔記得打字.
我都好同意, 柏芝將 d 責任放晒o係個男o既身上, 自己就喊晒口成為左受害人.
佢話陳冠希可以走去加拿大, 佢地就要留o係香港. 其實柏芝講野真係幾無賴, 將d責任放晒o係人地身上. 咁發生事o既時候到而家, 咪又係陳冠希一條友出黎面對傳媒, 佢都係受害人. 錯只錯在佢係男人, 社會壓力一定認定呢 d 野係男人錯, 女o既通常都係受害人. 非禮案通常都係男人非禮女人, 幾時有見過報導講女人非禮男人o既…
人地面對傳媒果時佢咪又係喱o係屋企避世. 唔好話人啦, 人地都負起左呢個面對傳媒o既責任. 佢就因為想復出, 而家出黎面對o下傳媒, 好多餘咁挖返件事出黎講, 唔係搏同情係想做咩呢. 如果傳媒問o既, 一句話過左去o既野唔想提咪夠囉, 再攞出黎講, 仲嫌煩唔夠屋企人咩, 大家唔再提就算啦, 講真, 我都唔記呢樣野啦, 多得佢又提起, 大家又有 talking point. 佢呢種講衰人地表高自己o既性格真係唔要得.
eee
柏芝個樣斯斯文文咁幾好, 好鍾意睇佢做戲~