按：圖片由讀者提供
安樂發行的《一百萬零一夜》雖然要到二月廿六日才正式公映，可是近期卻不斷提供推介場次，惟昨晚於AMC又一城的推介場出現「超額」事件。
其實這類「超額」事件不是首次，情況跟優先場處理模式有關。
多名讀者向「講。鏟。片」提供消息，指昨晚AMC又一城一院昨晚九點半舉行了《一百萬零一夜》的推介場，可是有讀者指他於晚上八時四十五分，即開場前四十五分到達時，已見有戲院職員「截龍」，並手持一張紙寫著「《一百萬零一夜》優先場已滿」。結果，向隅觀眾者眾，有讀者嘗試向職員理論，獲得「座滿即止」的通告。
其實優先場超額派出門票是行內慣常的做法，因為一般而言，絕大部份優先場都會出現不足額的情況，當中原因不少，例如獲得門票的觀眾因時間不合而未能到場，又或是獲得門票後希望留為紀念等原因。若只提供等額的優先場門票，很易出現「有人無飛睇，有飛無人睇」的情況。
故此，一般電影宣傳部都會超額提供門票，至於比例則每間不同，據悉部份公司會以超額三成為限，而此舉亦算是可接受水平。為免出現滿座令觀眾向隅，故此優先場戲票均會標明「不設劃位，座滿即止」，也表明了是先到先得兼不保證一定能夠入座。
至於昨晚的情況，也許是超額比例過高而產生的問題。
首先，一般的優先場，觀眾需要早十多分鐘排隊確保入座，並恆之有效，可是昨晚卻早到四十五分鐘亦未能入座，而且在場據報所得，向隅者逾百人，以AMC又一城一院354座位計，相信比例超過三成。
其二，其實《一百萬零一夜》早於一月十九日已提供首場優先場，據悉該場入座亦甚豐。宣傳人員看到情況，也許該理解該片到場觀眾或較一般電影為多，超額情況或不能像以往般高。可是，不少讀者是於昨晚看到有人星期日晚於旺角街頭派發昨晚優先場戲票，事件或反映宣傳人員沒有留意或因應情況，調低超額比例。
向隅者眾，獲得優先場戲票仿如「中空寶」，當然不會高興得那裡。的確，戲院處理是「按本子辦事」，基本上是沒問題。不過，從人文角度出現，其實可以有更佳處理方法。
其實若果發行公司嘗試變通一點，大可選擇先行登記向隅者的資料，如姓名及聯絡電話等，並於優先場戲票做點記認，及後選擇安排多一場優先場給予受影響觀眾，憑原戲票到時入座，也許處理得更佳。不過，要強調的是，這點電影公司不一定要做的，因為戲票寫明「座滿即止」。
據悉《一百萬零一夜》於上映前還有多場優先場，倘若仍出現像昨晚的嚴重超額的情況的話，恐怕戲院職員又會再次慘成發洩對象了。
Ryan
小P：三成只是一般公司的做法，呢場該不是了。
Ryan
Yip：咁都真係浪費時間的。
Ryan
CR：好像某間最常見 😛
Ryan
Yip：不是宣傳公司麼？
Ryan
Alex：真的要寫稿的話就多得佢地唔少了。
Ryan
ryanlob：要票房劃位，恐怕增加戲院職員人手吧，未必可行。而且，還是會出現某個時間前排出人龍。
Ryan
Yip：要放映戲院肯先得囉。
Ryan
CR：部份發行會計住傳媒數目來預留的，不過呢間不覺有。
Ryan
阿修：咁拍真係明顯超派了。
Ryan
Mac：的確幫到宣傳，不過係負面的宣傳 😛
Ryan
shtmanhk：恐怕都係了。
Ryan
大腦電波：且看有何跟進了。
Ryan
him：六千張飛得354個位，假設五成幾人來的話，都超額十倍，真的以為是新股認購。
Ryan
MM：但閣下覺得宣傳公司在一間只有354座位的影院派六千張飛恰當麼？
Ryan
MM：據各消息來源透露，六千的可信性不低。
至於點解送到咁，恐怕要問返安樂的宣傳部有關人士了。
Ryan
凱文：當係排隊買樓乎 😛
Ryan
roadman：今次針對的，不是制度本身，制度本身有一定理由。
今次針對的，就是超額的比例，若果是超額三成，大家未必太介意，而現在超額十幾倍的話，恐怕制度或有違本來目的吧。
Ryan
roadman：但若派到一個唔正常的情況，又係咪問題呢？一間戲院三百幾位，派幾百就算。但派到三幾千，大家又怎去看呢？
Ryan
normalppl：或者咁去睇，如果話到時排隊不派飛的，相信大家會按情況來決定排與唔排。
一般優先場，大家也預期要早十多分鐘排隊，這點不少看慣這類場次的也很正常。
至於早四十五分鐘都未能入座的，恐怕超乎不少觀眾預期，也許這才是問題核心。
Ryan
roadman：但你覺得有乜片會去到幾萬張都會有位坐呢？ 😛
Ryan
roadman：或者咁講，若果幾千屬實，恐怕電影公司宣傳部或需檢討派飛比例。
至於向隅觀眾做法如何，則是個別人士的決定了。
Ryan
MM：電影行業一向傳聞多多，孰真孰假，相信各位讀者會懂自行判斷的。
至於優先場制度本身及實際運作如何，各位亦會觀閱會各有意見。但只能說的是，走向極端並不見得好。
小P
據知這一場電影公司派了幾千張優先場票出街
絕對不只文中所說的超額三成
假如這是電影公司的宣傳手法, 卻拿觀眾的時間來開玩笑, 實在有點過份
當然它寫了一句「座滿即止」, 你吹佢唔脹。
Yip
其實有人講話唔睇套戲都得,但係浪費左觀眾時間係最重
CR
有次仲爆…有次，在某場電影PREVIEW中，記者入唔到場即時話要爛爆發行公司
地點同樣係AMC又一城…發行公司亦係…唔講啦。
Yip
其實我覺得發行公司o既問題
Alex
宣傳部既問題也不只是第一次, 其實有一次睇某部影片既優先場時, 也出現有嚴重超額, 那一場仲要有部份位留起俾press, 當然, 那場既press都過額, 最後該場遲開之餘, 仲要係後面加多一行凳作臨時位. 而入唔到場既觀眾也要離場…… 最後好似係派贈券以作歉意.
ryanlob
我八點半到場, 排到了三百廿幾的籌… 以經驗看, 派票數目一定不只三成，尋晚人好多但不致太亂, 撲個空的朋友當然有理論下… 不過, 我認為可以處理得簡單點, 以九點半開場為例, 其實可以於卷上列明憑卷於某個時間可在票房劃位, 額滿即止。大家明白排隊是免不了，但可以不需要乾等至開場又行不開, 入到院不需要為爭位起爭執 (尋晚的確出現), 且可減輕了院方動用的人手… 真不明白可以搞到尋晚咁誇張
Yip
我都覺得你個方法可行,但係要發行公司肯做先可以……
CR
有記者証唔係大哂…
不過最氣頂係你要趕deadline，而preview當日又有野做，排唔到隊。最後準時入場無戲睇…
結果係︰「點出貨？」
問你死未?
阿修
那些優先場門票是在銅鑼灣派發, 相信起碼派了三倍, 所以我最後放棄了!
Mac
或者做成觀眾不滿周圍投訴, 咁至係成功幫到套戲宣傳
事後的確有人話留低contact send返多場優先場俾觀眾, 到時如果又再搞多獲金, 又引起人注意, 佢又成功宣傳到
可能手法低劣, 但係高招
shtmanhk
這間發行公司一直也是如此,相同情況海城更多,因為院更細更快易full
大腦電波
剛才已致電安樂投訴, 要求解釋事件和提供妥善安排, 包括為受影響觀眾提供優先場.
他們叫我留下聯絡資料, 轉交負責人處理.
我只會等他們兩天時間回覆. 若果本週四仍然沒有合理回覆, 會向其他機構作出投訴.
本人呼籲持有當晚門票, 而未能進場者, 請即致電 2529-3898 向安樂影片有限公司投訴和要求合理安排.
him
昨天問過職員，８點開始有得排，但係我食完飯８點半落到去己經排到２００，聽講佢今次派左６０００張飛
MM
我想問下你話向其他機構作出投訴係指咩?
消費者委員會?
恕我直言，
人地優先場第一o的飛係唔駛錢，
而人地張飛亦都 mentioned 左先到先得，額滿即止既字眼，
咁我睇唔出有咩要投訴~
講真，派幾多飛我唔知道，
但係客觀o的講，
人地 condition 都寫埋，
即係預有人可能因為 full house 而冇得睇既，
咁好坦白講，
就算你去其他機構投訴，
結果都會係一樣~
當然，如果你話優先場係要俾錢既，
你入唔到場要佢開多場優先場既就話o者，
但而家又唔駛錢既，
我唔覺得有咩可以投訴~
亦都唔覺得安樂有必要因為咁而開多場優先場~
roadman
其實我本人都有間唔中收到飛睇優先場, 亦試過早到亦都入唔到場….
平心而論, d飛唔駛錢, 就冇得預人地會俾你人人都有位坐, 亦都預左要好早排隊入場…係街派呢D先到先得座滿即止既飛, 就同係街賣廣告話俾所有人知有免費戲睇一樣, 點會EXPECT人地有得賠丫….人地又冇叫你俾錢買唔俾你入場…
好多時都有D咩唔駛錢既野係街度派, 唔通人人聽到或者睇到廣告去到話拎唔到或者分唔到就話「你冇咁多做乜同咁多人講話有得派, 你浪費我時間排隊呀…」咁咩…人地都講明先到先得…有限數, 你貪著數唔駛錢就預左去到未必有啦…..
總之唔駛錢就有既野, 唔會咁著數囉….你唔想得個吉或者十個鐘前排隊, 就一係唔好去睇囉…咁咪唔駛咁怒氣囉
小影
我昨天也有去排隊睇呢場優先場，入到場，不過都排到好後，坐到勁前，但情況都唔算混亂。
本來打算去戲院隔籬間餐廳食晚飯，之後再入場（上次都係咁，入到場仲有大把位），但我個朋友一睇就話唔對路，話己經有近百五人排隊，我地都係早Ｄ埋位啦！我仲笑佢緊張，話我上次都係開場前十分鐘入場啦。不過朋友唔想miss呢套戲，咁我地咬個飽就去排隊，結果我地都入到場（第二百幾位），無耐就話滿坐了。
其實最初收到張飛，都預左要排隊同有心理準備未必一定入到場，話哂都係免費野。而且，張飛上面有寫明坐滿即止，都己經有哂心理準備。情況有Ｄ似去排入動漫展，唔通排左三個通宵就包你買到你要的精品咩？
我試過排另一Ｄ優先場，入到戲院成個場有一半空位，收左飛又唔去的人，試問又有無開場前退返張飛俾電影公司呢？
可能你會覺得我入到場講風涼話，但我有付出去排隊的時間。如果各位入唔到場的人有早來排在我前面入左場，而我無得入場，我只會怨自己唔夠你早，而唔會怨自己收左呢張飛。畢竟人地電影公司都係做生意的，唔係開善堂的。你可以話佢地派咁多飛唔用腦唔合理，但呢個係電影公司的商業決定，佢又話明坐滿即止，又派籌，佢地呢Ｄ行動都算合理啦。正如你可以話地產商賣到Ｄ樓咁貴，害你置唔到業，完全唔合理，之但係佢同股東交代到，佢Ｄ股東收到合理回報。所以 ”合理”呢個字要在乎你在那一個角度看了。
MM
不過我真係想知，
大家點解會咁 confirm 一定派成六千張飛?
坦白講，
安樂搞優先場/推介場唔係首次，
而係經常都會有，
以amc大院為例
平時頂多都係六七百張飛，
點解寧寧舍舍今次派成六千張飛?
每間公司本身都有佢搞優先場 standard，
就算點 over 都唔會 over 咁多~
我只可以講，
今次或者係大家都低估左套戲入場人數，
因為講真，
次次搞未必一定 full house，
even 派多左飛都係咁，
所以我相信今次佢照派 over 飛唔出奇，
但係咪真係好似有人話派成六千張飛咁我真係有保留~
正如前面有幾位人兄所講，
冇人保證你收到張飛係一定有位，
如果係咁就唔駛寫明先到先得呢樣野~
總之我唔覺得今次amc/安樂有好大問題~
凱文
這類免費優先場開場前10至20分鐘便滿座實在合理不過，可是今次出現早到45分鐘也無法入場的情況，實在太過誇張了。縱使有「座滿即止」的免責聲明，但本人始終覺得此風不可長。假如今次他們派超額十多倍的戲票也沒有人投訴的話，難保他們未來會變本加厲派更多戲票，屆時大家想看優先場的話，恐怕便要提早幾個小時排隊了。
roadman
我同意, 如果次次優先場都係提早45分鐘就入唔到就出事….不過係咪次次優先場都係咁先….就我所知…好似非常罕有先見一次半次….
同埋根據我睇優先場經驗, 真係唔止你地話既安樂安排既優先場先會爆場…相反我近年睇都係岩岩好 (咪最多試過坐第一行囉)…其實其他公司都有爆啦,….我都試過睇唔到…唔通下下又鬧? 根本間間公司都係OVER哂咁SEND D飛…..都唔係次次估到有幾多人黎睇啦…都睇係咩地區、時間…同埋套戲想唔想睇架嘛….
都係果句啦…唔駛錢, 就唔好EXPECT咁多啦
roadman
其實咁講, 6千係大家收風收番黎, 都唔知係咪真既? 係咪? 同埋就算電影公司OVER左3成飛, 到時都係有成百人入唔到, 咪又係話超額好多…而家超十幾倍係大家估既者…
派幾多唔知…今次或者係大家低估套戲既吸引力, 所以咁多人湧去睇…我相信電影公司都有估計先作出OVER既數目…邊有公司人想走出黎俾人指住鬧先, 係咪? 所以我覺得呢D都係靠估去派飛囉….
roadman
同埋D人根本就唔會介意電影公司派多幾多飛, 大家介意既係自己有冇位坐, 有冇得入場….
你派幾萬張飛但係有位坐既話我相信大家唔會理你超額幾多去派囉….
normalppl
嗯… 其實可唔可以咁睇呢…
就好似如果係登咗個廣告話而家幾時幾日幾點係邊度有一場免費電影睇，只要到時大家去排隊就得啦，咁到時如果啲人真係去到入唔到既，係咪又可以要求賠返啲時間同埋戲飛呢? (情況就好似派平安米咁)
咁所以到時去到冇位既話，係冇得話你做乜俾咁多人知呀咁傢喎~免費傢嘛，咁有限數目，梗係先到先得啦。
如果啲飛唔係免費係街度攞咁又可以另當別論喎，我覺得…
roadman
HAHAHA 幾萬張係誇大去DESCRIBE者…你都要睇如佢開FULL HOUSE 又一城派萬張都爆啦…
唔知電影公司點派法, 幾千都係大家睇個情形去估….
我只係覺得, 有人反應過激啦…從來唔駛錢既野就唔係guranteed你一定有架啦…大家又要鬧呢個投訴果個仲話要去唔同organization投訴…又可以點呢? 我睇唔到任何理由去compensate俾你囉…..
學前面小影話, 電影公司唔係善堂…你入唔到只能夠話唔夠人地早到lu….
normalppl
嗯…我有少少唔明…
你都話啦”相信大家會按情況來決定排與唔排。”咁其實張飛都係話俾人知有免費電影睇”，咁其實啲人去到見到咁多人排或者知道已經full咗，係咪就已經可以決定排定唔排呢? 況且戲院都好似即刻截人，冇要啲人排完一大輪先知冇位…
而且據我所知，好似有人好早，7點幾去排喎，咁點解有咁多人會比起平常早咁多去排呢?
你都話8.45pm去排都入唔到，咁即係大家都覺得係街度免費攞既要早啲去排掛?
him
6000張飛係我從我派飛的朋友打探來的，他是做part-time派飛，著住件背心做宣傳派飛果Ｄ，派飛時我知荃灣，葵芳區都有，我相信油尖旺應該都吾小得，所以今次派6000張飛我覺得都可信
仲有，其實排隊果陣，我見戲院職員一直有數人數，方便cut人龍，不過我見有太多人插隊，所以都令一Ｄ人排左隊但係最尾先知吾夠位
不過免費有戲睇就吾好有咁多埋怨啦，香港人覺得拎左飛就理所當然要比個位佢入場睇，雖然拎左飛，不過都應該吾好咁執著吧
obi-den
其實呢類超額派優先場戲票就真係經常發生，而如果發行嗰邊係有誠意為向隅觀眾做番啲野嘅話，就唔好加乜野優先場喇！不如派換票券仲好。
另外，下次搞優先場最好早啲數定人同截人先，唔好要人排成個鐘至話無得入場丫！
cc
喂，有個friend 話我知，n年前batman首映一樣爆到暈，唔止佢個autie無得睇，重睇住有Ｄ明星都要走人。我呢睇過一部中文片瀉咗一倍人，無得睇；啱啱過年前睇咗部合家歡電影優先場，好彩有得坐，睇住有唔少人無位坐走人；都睇過一Ｄ半場人都無既優先場。咁即係呢個industry派飛慣常做法係over，因為一定有人攞咗飛到時又唔嚟，浪費場租。我咁諗，攞咗飛入唔到場要鬧爆人，果Ｄ霸住擺免費飛又唔去嘅人，係咪都要鬧，如果唔係有呢Ｄ飛霸，個個攞咗飛嘅都一定去，各電影公司唔再超派，咁咪人人有戲睇，皆大歡喜！
大腦電波
謝謝以上的留言。
有人說我反應過敏，免費戲票不要要求太多等等的留言。我也知道優先場某程度是用來「做勢」，超額派飛是正常。問題是，超額多少以及如何妥善處理未能入場的觀眾。
我自己以前也有觀賞優先場，以往提早於開場前３０分鐘，也一定有得入場。但今次是提早４５分鐘也未能入場，職員只叫人離開，沒有作出其他安排。
免費票本來不能要求過多，而且戲票有寫明「座滿即止」，本來就此作罷。但當講鏟片報導此事後，有消息指發行公司派了６０００張票，超額派票接近１６倍。我認為此舉有很大問題，發行公司明知需求大，派發過量門票，結果造成未能入場的觀眾多於可以進場的觀眾的局面。
有人指出，派優先場票根本用來「做勢」，製造「多人向隅」的宣傳效果。我想指出，用這等手法宣傳，很易造成負面效果，破壞觀眾對於影商的觀感。很多觀眾在新界偏遠地區居住和工作，提早兩三小時起程，趕去看優先場，但結果換來未能進場，是浪費時間和車錢，亦質疑影商所為。
有人指出發行公司不是什麼「善堂」，我想指出正如劉德華的廣告「今時今日的服務態度是不夠的。」。院商對於未能進場的觀眾只是叫人離開不用排隊，未能安撫受影響觀眾。在場所見，部份人亦不滿院商安排，即場大罵戲院員工。其實，院商和發行公司只要登記未能進場的人士資料，只要觀眾在開場前已經來到，提供贈卷給他們就已經解決問題。
正如凱文所說，即使有「座滿即止」的免責聲明，此風氣實在不可長。假如今次他們派超額十多倍的戲票也沒有人投訴的話，難保他們未來會變本加厲派更多戲票，屆時大家想看優先場的話，恐怕便要提早幾個小時，甚至十幾個小時排隊了。
katy
睇你個樣都似係果d投訴王
或者類似黃細擲, 賣加甲果d網路膠人
MM
我會咁睇呢件事，
大家一路都係聽人地所講既消息人士透露，
話派左六千張飛，
咁究竟大家有冇 prove 過係真先?
講真，我而家夠可以話我o係派飛人士口中得知係派左一千張飛既，
咁大家又會點睇?
點解大家係因為一兩個人士係咁講就信以為真?
再講，
人地一早講左優先場係先到先得，
你話因為 full house 令到其他人入唔到場，
戲院/發行既人員登記番o的客人資料派贈劵俾佢地，
咁我睇唔到出有咁既必要~
唔好成日講今時今日既服務態度係唔夠，
正正就係因為大家成日都口講呢句，
就以為大哂~
如果你係要俾錢既，
that’s fine..
的確佢係要有應有既服務態度，
但而家個 case 係，
佢派既係免費飛，
有埋 condition，
我睇唔出點解要安撫未能入場既人士，
仲要之後俾贈劵佢地~
世界上冇免費午餐呢回事~
我只可以講，
你收到張飛，
你有權選擇去/唔去，
但 once 你去既，
就唔好 expect 人地一定會有位俾你，
你都預左有可能排好耐都未定，
甚至入唔到場 expect 人地俾贈劵/
因為咁而開多場優先場俾你~
講真，點解要為左免費招待一班因為 full house 入唔到場睇既人士而要特別開多場優先場?
要特登再 hold 間院 for 優先場，
而令到其他上映緊既戲因為咁而有一套要 cut 一場?
我只可以講，
優先場唔淨止安樂，
其他發行做法都係一樣，
額滿就通知隊尾既唔駛排，
亦都唔會安排送贈劵/另一場優先場 for o個o的人，
因為人地已經黑字白字寫到明係有咁既可能性~
你都講戲院職員已經同隊尾既人講叫佢地走既，
咁我想問下你想佢有咩安排?
如果佢地冇叫過隊尾既人走，
一路去到入場之後先至出聲既，
我可以話佢安排失當，
但至少佢地已經o係 45 分鐘前通知排緊隊既人，
至少佢唔駛你特登排一輪先叫你走，
我睇唔出佢地有咩問題~
roadman
我又係另一個角度睇, 坐成個鐘車去到結果睇唔到當然唔開心, 但係事實上唔夠人地早真係冇辦法, 我唔知當晚係點, 但係見到話有人7點幾排隊, 咁真係早成兩個鐘就排, 咁佢地真係比早45分鐘到既人更抵入到戲院睇喎….我諗電影公司都估唔到有人早成兩個鐘…都講明先到先得, 仲可以為之後冇咁早到既人點安排呢? 我估電影公司既人都好無奈…
同埋你話「發行公司明知需求大」, 我覺得如果明知就唔會咁派飛啦…係人都想人人有位坐皆大歡喜, 公司職員唔駛俾人鬧就最好, 但係好明顯就係估唔到…所以先會有間唔中吉場或者爆場既情況出現, 我地去睇戲既, 好難明白電影公司每一場派飛既strategy…其實下下估有幾多人黎, 驚個場爆或吉, 做電影公司既都唔係下下估得到的…
同埋「今時今日咁既服務唔得」, 「部份人亦不滿院商安排，即場大罵戲院員工。」 我覺得都要be fair…如果張飛寫明先到先得座滿即止既話佢仲可以點安排…如果呢d只係free ticket係街派既話, 佢亦都真係唔駛俾換票証架喎….只可以話, 鬼叫真係有人早兩個鐘排隊, 早係成個幾鐘…咁冇得睇都冇得怨啦…
當然, 好似之前咁講, 如果次次優先場都係咁就真係火都黎啦, 但係今次睇黎真係一個特別case, 如果大家下次去是旦一個preview又係咁樣, 我就覺得先真係要研究下係咪而家電影公司亂咁派囉…
不過, 如果大家覺得此風不可長, 咪唔好去睇preview囉, 你唔駛錢拎到張飛, 就預左有機會睇唔到, 冇得去話人地既strategy有問題, 唔鐘意佢地咁做法, 咪最多唔去睇囉…係咪? 從來都冇「真正」既著數架啦…
MM
其實我會咁睇，
優先場每一次都會係咁既做法，
而我會咁睇，
係咪成日都會發生好似今次所講派幾千張飛、
45 分鐘前已經要截龍、
有幾百人因 full house 而入唔到場?
我只會覺得，
今次只不過係發行低估左套戲既吸引力，
但當中係咪真係有幾千張飛，
我諗真係要大家要判斷，
正如我所講，
斷估佢唔會零零舍舍今次搞優先場派成幾千張飛，
而之前咁多年搞都係 over 3 成?
我只係唔希望有人因為睇到一o的所謂既傳聞，
就一傳十、十傳百咁，
搞到派幾千張飛係真，
講真，發行派幾多張飛，
我相信佢地會有底線，
唔會貿貿然印幾千張飛 for 一日~
幾千張飛一定有，
但我相信係分幾日、
唔同戲院?
據我所知，
今次搞優先場，
唔淨止又一城、應該奧海城都有，
仲要兩間戲院都有幾日做優先場，
我反而相信所講派六千張飛，
係total兩間戲院幾日優先場既數，
而非只係o個日係又一城o個場派六千張飛~
希望大家明白我講o的咩~
至於你話係咪走向極端，
我會咁睇，
如果因為一次優先場幾百人入唔到場而話係極端既，
咁我會覺得未免太過杞人憂天~
事實上每次優先場都一定會出現有人入唔到場既問題，
但運作左咁耐都冇問題既，
我睇唔出點樣走向極端~
我只可以講，
香港人往往就因為劉德華o個句，
今時今日咁既服務態度，
搞到樣樣野都投訴，
當然..正如我前文所講，
如果你係買飛俾錢入場睇戲受到咁既對待，
呢個我覺得值得投訴，
但今次係人地搞優先場，
o的飛係免費 + 有埋 condition 寫到明座滿即止，
人地 45 分鐘前已經 count 左數，
知道隊尾既入唔到場已經即時同排隊既人士講話 full house，叫佢地走，
而非一路由得佢地排，until 開始入場先 count 人數~
人地已經做左應該做既野
如果咁樣都要投訴既，
咁又有幾合理?
仲要話只等人兩天作合理回覆，
否則會向其他機構作出投訴~
咁難道呢o的又叫應該?
7C
唔係吓嘩!? 請你睇優先場, 你唔夠人早入唔到場仲要有關單位賠番贈卷俾你!? 張飛免費咋喎, 而且一早寫”座滿即止”, 真係無乜好投訴。咁唔通o個d 拎咗飛話唻但又放飛機的人, 戲院 / 主辦單位又claim番錢咩!? 咪咁cheap啦, 香港人, 咁巴閉咪自己買飛睇囉…..
小影
我覺得呢件事應該由市場自動調節。唔理電影公司的市場計劃，去睇優先場的觀眾有兩個purpose：一些人係貪”免費”，一些係有心先睹為快的人。 兩種人都會因應自己有幾想入到場來決定是否到場或者安排到場排隊的時間。誰人訂立 “去優先場只要早XX分鐘排隊” 的訂律呢?
如果你覺得花十小時排隊係浪費時間(假如真係有咁的一日)，大可以唔去取呢Ｄ優先場飛，無人攞支槍迫你攞張飛，迫你去排隊。你大可以等到開畫先去買飛，想慳錢仲可以買早場，買ＶＣＤ，等ＴＶＢ播。
正如去銀行排隊換新銀紙，銀行換哂，你又叫銀行賠返車錢時間或者 “換新銀紙代用劵” 俾你咩？
華仔
我八點二到場排到了227的籌,當我朋友8時45分到場時已經爆滿,佢最後無法入場.聽佢講番電影公司公關拿左佢地地址應承會寄下一場飛番來.
好了入左場又有兩個男人因為座位問題而咬大交差點打交.幸好有名女觀眾大叫先令事件平息之後全場拍手叫好.28日後導演拍得電影血腥場面影像凌厲,音響和剪接一絕.窮人未必一生捱窮,只要有機會茶水仔都可以成為百萬富翁脫離貧窮.
最後就今次事件我同好多觀眾一致認為安樂宣傳部今次真係錯了低估左入場的人數.多年前的我老婆係大佬又是很多優先場飛,結果我有9張飛但是三日不同日子不同戲院,結果在皇室看了4點,旺角百老匯9:40和葵芳百老匯4點先後睇左三次.依家一百萬零一夜都是依個情況.我有16,19和20的奧海城優先場飛.
今晚睇優先場9:30.希望不會出現有人有飛冇得睇戲啦.
華仔
今晚睇朗豪坊毒行公路9點半優先場睇黎真係要做d去先得了.
movie人
咦，你有咁多優先場戲飛既，16，19同20嗰啲係咪係戲院換嗰啲呀，唔係1月8日先截止咩，咁快已經派飛傢啦….唔知我有冇呢…
點解你成日有優先場戲飛既?好似套套都有咁喎，有乜辦法可以成日攞到呀?我都想 @_@
katy
勤力d睇RoadShow
實Q
有D人好專注去刮優先場戲飛,可能仲系full-time,仲有D人放上網賣,好冇良!!!
movie人
Roadshow都有送一百萬零一夜啲飛咩? 毒行公路都有送傢? 我真係唔知 @_@
同埋點樣可以令自己次次抽獎都中呀? 唔該唔該~
movie人
攞上網賣?得傢咩?
我見啲優先場戲飛唔係寫住非賣品傢咩?咁攞去賣或者我去買會唔會有事傢?
實Q
呢班人好pro架,成team人全職刮飛架!
實Q
梗係唔得拉,千祈唔好咁做!
katy
根本就大把做發行既人響網上將呢d飛賣黎賣去, 賺埋唔少!
katy
哈哈, 你估我係神仙咩~~
華仔
個三場是雜誌中的.16號是我中的,19,20朋友俾.因為我睇左了所以送俾朋友睇.毒行公路是朋友俾的.不知是那個途徑的.我有聽晚幽靈奇俠9點半德福特別場是東周刊中的但因為要番工唯有送俾朋友睇吧.我有飛都不會放上網賣的只會送給朋友睇.
偽震
呢排個社會有鋪要人交代癮，有人失戀／有人結婚／有人便秘／有人派多咗飛／有人派少咗利是…..都要發聲明，交代交代、解釋解釋一下。
真有趣！
華仔
剛剛在朗豪坊睇了毒行公路9:40優先場,我9時到達輪侯觀眾不多約十名,在9時10分可以入場.結果9時35分就開場了 早了五分鐘,入場人數只有三分二,最大敗筆是這套全法語對白的電影竟然只有中文字幕,在場見到有外籍人士觀賞,不知他們懂不懂聽法文,不懂的話真的只看畫面了,幸好他們看足全場有忍耐力.11時就散場了不足90分鐘.
一峰Fans
唔知大家有無印像早排有粥舖的東主派粥俾長者食,最後又取消左
唔係因為派太多無錢,而係俾人話佢派得唔公平又LEE樣唔好0個樣唔好
幫人都俾人鬧……
俾派多左飛,係佢處理唔夠好
但係佢送野俾你,送唔到,可以點投訴?
好似新年老闆大叫派開工利是
但係最後你拎唔到封利是…..你會同邊個投訴???老闆娘???
路人
真係很熱”鬧”，沒有上來幾日，就錯過了這些精采的討論，繼上次”教室風雲”試片蝦錄事件避過一劫之後，安樂宣傳部似乎又惹火頭，我都有收到一千零一夜優先場戲票，卻錯過了當天的大龍鳳，我沒有去的原因是：一早已經學精了，這些熱門電影的優先場，就像七月十四派平安米一樣，是電影公司”施捨”給你的，我收到之後唯有當時運高，睇唔到，連轉送別人也不敢，因為真的給朋友罵過，花了時間車費去到戲院，卻因為沒有看額滿即止這幾個小字而換來一肚氣，不過正如MM網友所說，有什麼好投訴，這是免費的啊！！
派了六千飛也好，一千也飛也好，這並不是問題的關鍵，重點是搞優先場的出發點，你是想收到飛的人高高興興入場，欣賞一齣好電影，然後免費為你向朋友宣傳開去？還是希望有一大票專程而來捧場的人，不得其門而入，空歡喜一場，敗興而回，結果把你們閙臭，甚至對這部電影有了不愉快的印象嗎？
說到底，辦事的人真的沒有”錯”，因為有了免責條款，就像雷曼迷債，上了庭也會輸啊，宣傳人員少了的就是一顆 Heart! 以及對優先場觀眾的尊重。看得出有很多相關人士在這裡為宣傳部”護航”，發揮特區政府的死撐文化，卻完全沒有感到她們有丁點歉意，或者善意解釋，這才是令人最失望的地方。
我是過來人，搞優先場的藝術，一定是要派多飛出去，究竟是120%,還是200%,就要憑經驗去拿捏了，最理想的情況是不出席觀眾比例，與多派出去的飛相若，就剛剛好了，就算真的全院滿座，向隅的人數也不會太多，怨氣自然不會太大了，可以真正達到優先場傳口碑的目的了！
by the way, 二月九日在奧海城又有一場這部電影的優先場，究竟要早幾多個鐘頭去排隊呢，敬請有關方面提出建議啊．．．
Charmaine
完全同意路人,講出問題的重點(尊重)。其實最大問題不在乎是否”免費”,而是電影公司怎樣看待觀眾。如果因為是”免費”票,又寫了免責條款,就可以對觀眾不聞不問,難怪政府做錯事可以大條道理卸責。那麼,市民就不應該投訴這投訴那,反正政府不是我們選的,為什麼要追究責任~~~???
之前留言的人認為”免費”票,就不應追究,思維方式非常簡單,只簡單地,從價值角度(功利角度)去看問題,免費就不應該囉囉唆唆,你不早一點去,無位是你的問題。
但有否作更深一層的思考~~~???問題至少有幾方面,第一:是誰導致今次事件???不是那些看優先場的觀眾搞出來的,是電影公司搞的,你可以想一想,如果電影公司不搞優先場,就沒有人投訴啦~~~!!!
第二:觀眾看似是主動的角色(選擇是否去看優先場),但事實上,觀眾是被動的角色,因為觀眾無法控制看優先場的時間,地點及人數,換句說話,就是電影公司要求看優先場的人去電影公司指定的地方,指定的時間,只有人數電影公司無法估計,電影公司可控制的東西比觀眾多,電影公司搞優先場,應該好有經驗,不過是想觀眾幫手宣傳,如果因為想省錢,減成本,選了一個細院或不適合的場地,優先場的場數不足等等,產生一大堆問題,(難道)就應該怪責那些來看優先場的觀眾~~~???而當觀眾投訴,電影公司就毋須理會,當觀眾透明,或hea過就算,這是合理的所為嗎~~~???就是因為”免費”兩個字~~~???這些行為和反應,就可以合理(化)了嗎~~~???電影公司其實在”玩”觀眾,利用觀眾的心理(貪”免費”或先睹為快)幫他們宣傳,但能否入場,就”你死你事”,這種制度(優先場)或文化是否值得觀眾去維護~~~???這種風氣是否就應該維持下去~~~???
第三:只是從功利角度看事情,當然票是”免費”,不能進場的觀眾,根本沒有損失。但事實並非如此,這個世界有種東西叫”無形成本”,不是一元兩角可以計得到。好像之前有留言所說的時間,乘車的車錢,還有電影公司的聲譽……一切一切看不見的東西,都是”無形成本”。如果那天你與朋友開開心心去看優先場,但不得其門而入,你跟朋友的心情已經破壞了。再如果,是你先主動約朋友出來看戲,但最後竟然無得睇,那你在朋友心目中就變成言而無信的人,朋友跟你一樣要付出無形成本(例如時間),是一個雙輸的局面。
P.S.現在的人真的是非黑白不分,道德觀念好有問題,就是因為”免費”兩個字(免費不等於無責任),就覺得不應該追究,完全只在”功利”角度去看事情,最後被人”玩”完,就只會大嘆自己”唔好彩,唔夠人爭”,然後想投訴,就有人話你是投訴王,笑你是”膠人”。不知這類人,如果發生類似情況,被人”玩”完後,會否投訴,會否覺得自己也是”膠人”,咁都會中電影公司的招呢~~~???
Charmaine
一峰Fans,你收錯料啦~~~0個個粥舖東主,暫停派粥一段時間(唔係取消),係因為有個女人(師奶)話佢”博宣傳”,想自己出名,所以搞免費派粥,係個粥舖東主自己講0架~~~!!!
MM
我諗而家是非不分或者道德觀念好有問題o個個似乎係你多o的~
第一，而家冇人話發行冇錯，
的確佢低估左入場人數，
但係而家個針著點在於有人話因為入唔到場投訴，
要求合理解釋/開多場優先場俾受影響既人~
先解釋番你所講
“如果因為想省錢,減成本,選了一個細院或不適合的場地,優先場的場數不足等等,產生一大堆問題,(難道)就應該怪責那些來看優先場的觀眾~~~???”
發行o係又一城、奧海城搞優先場，
已經o係兩間戲院既最大間院搞~
即係又一城o係 1 院，
奧海城o係 5/6 院搞，
我睇唔出佢有幾想省錢，
如果你講既合理，
佢就唔會擺大院做優先場，
唔會預先安排人手去處理排隊問題~
至於你話優先場場數不足，
今次套戲係搞唔止一日，
係好多日都會有優先場，
希望你搞清楚呢點~
至於你話無形成本，
講真，我都可以話每一件事一定會有 oppotunity cost，
我諗讀 econ 應該會明係咩，
你想要o個樣野既一定會有o的野唔見/付出，
但講真，正如前文有人提及，
你收到張飛冇人迫你去睇，
去唔去睇係你個人選擇，
once 你 accept 左話去，
就預左付出時間、去o個個地方既金錢etc..
呢個根本冇得去計，
但我只可以講，
每一樣野點都會有佢既 limit，
唔淨止優先場，
其他野咪又係一樣，
好多時免費既野都會有佢既數量，
樣樣都會寫明先到先得，
唔通o個o的大家排唔到隊/唔夠人地快又嘈?
我只可以講，
我都收到唔少優先場飛，
而我有時都會俾我o的 friend 去睇，
但係我都會同佢地講到明未必有位，
叫佢地早o的去排隊之類，
因為我知道人地寫得呢句就知一定唔會人人有份，
既然係咁既，
就算真係睇唔到既，
我會理解，亦都唔會去怨人地安排唔好，
正如我所講，
我睇唔出佢今次有幾安排唔好，
至少佢一早通知隊尾既人已經 full 左，
唔駛再排，咁至少佢地唔需要花時間排完一大輪先至知自己入唔到場，
咁呢o的唔通叫做安排唔好?
如果你講到唔從功利角度黎講，
要追究，咁你係追究o的咩?
恕我直言，
香港人怨氣重，
係因為而家既人，
往往就諗自身利益，
once 佢付出所謂少少野但係最終得唔到就鬼殺咁嘈，
你咁樣又何嘗唔係從功利角度出發?
因為你只係顧自己有冇得益，
冇得益既就投訴，
迫人地賠你所謂既損失~
亦都正正因為你呢類人，
少少野蝕底左就要追究、投訴，
搞到香港而家個個真係連所謂正確既道德標準、是非不分都冇~
路人
「一百萬零一夜」是一個極富想像力的片名，值得一讚；但要愉快地去看優先場，難道也要等「一百萬零一夜」？
說到底，只是小事一宗罷了，相信投訴人的心聲已經有很多人聽到，這部好片，我建議還是自己掏腰包購票入場吧，應該很好看吧！
normalppl
嗯… 我諗啲宣傳人員都唔想有人入唔到去睇戲，都冇人會想被人指住黎鬧，個個都想皆大歡喜既，不過可能有時個情況真係未如預計一般…
我同意要尊重優先場既觀眾，因為人人都需要尊重，宣傳人員都係，冇人想被人鬧既，而且一口咬定佢地冇heart，唔尊重啲觀眾又好似唔係咁好喎… 就好似你地之前所講咁，可能佢地都有佢地既難處，太多人又會被人鬧，太少人又唔得…
我朋友就去咗琴日既優先場呀，聽佢講好似全部觀眾都欣賞到套戲，佢仲話套戲真係好好睇，所以我都好期待…
katy
D 膠人真係寧舍特出, 仲要開口埋口講思維, 可惜佢寫完一大論, 我只睇得到以下兩點:
1) 想搵著數, 仲要搬出一大堆無形 [成本] , 此為強盜邏輯 – 我搶你野唔駛冒風險險呀? 唔駛出力呀?
2) 將 “投訴王” 等同 “批評政府的人” 仲白痴 – 政府食公帑, 電影公司係百分百媒利唔係開善堂, 兩類人攻擊對象好大分別, 唔好偷換概念.
Dayson the Film Buff
我係有睇開優先場嘅傳媒人，當晚亦都在場。雖然我入到場，不過對嗰晚嘅情況好不滿，所以都有喺自己嘅facebook寫咗篇note宣洩吓情緒:http://www.facebook.com/note.php?note_id=52650071894&ref=nf我只係希望Edko喺咁多次教訓之下，肯認真咁好改善反省一下。
alice
我發覺有d香港人真係痴線既,甘鍾意投訢,唯恐天下不亂甘,(唔知係咪香港人生活壓力太大的影響),係人都知免費野都係”搵笨”居多架啦!我夠成日搵免費美容試用品(雜誌登那些),有時有得拎,有時無啦!唔通我又投訢人地公司點解要登甘多咩!!!唔通投訢仲””曬左我d腳骨力去美容公司取””咩!!!有咪好無咪算囉!!無人叫你拎住張票就一定要去,呢d野你情我願既!我夠成日買6合彩啦!唔中係咪叫馬會俾返錢我呀!?上次見到有個女人買$20野但足足罵個sales三十分鐘…(罵佢拎衫慢,曬左佢d時間)…結果,個sales被人炒左,,,好心啦!香港人,小d怨氣,多點包容啦,個個人工作咪係為生活,邊有人鍾意被人罵呀!但奇怪既讚賞既聲音香港人又無…唉…
Cheap man
排頭位的陳師奶, 1630已在等!
路人
其實你做得好，一定有人讚的，請參考有關同一部電影在這裡的文章：
http://hongkongfilms.mysinablog.com/index.php?op=ViewArticle&articleId=1551960
rickyu
我有今晚2月11日在奧海城的優先場飛，是參加U21答問題而得到的，聽負責人講是包場，唔知真唔真，如果唔係好似上星期又一城咁，要排成粒鐘我就情願等上畫俾錢睇lu…
pug
優先場應該係電影公司睇反應，就好似70~80年代的午夜場。如果真係有消息指發行公司派了６０００張票，超額派票接近１６倍。咁到正式上映，票房就真的不敢想像，電影公司的宣傅無信心，又點可以話比觀衆信心買飛入場睇戲？再如果電影公司用超額派票宣傅，套戲唔好睇，下次就唔會再上當。
shtmanhk
今早看了一百萬零一夜,準時入場坐前二行,如有機會往後數晚在奧海城看優先場,請盡早排隊.
此片被捧得太高,容後再談.
pug
http://appledaily.atnext.com/template/apple/art_main.cfm?iss_id=20090217&sec_id=4104&subsec_id=2753&art_id=12214807
蘋果日報 – 要聞港聞 – 20090217 – 優先場超額派票惹混亂
發行商安樂影片以內部運作為由，拒絕公開當晚優先場門票派發數量。
但否認派發免費門票是刻意吸引大量觀眾輪候以製造聲勢。
此外，當晚有未能入座的人士表現激動，因為他們的優先場門票是從網上拍賣網站競投得來；
如此造勢宣傳是否發行商江郎才盡？
從網上拍賣，電影公司何不自行售賣優先場門票，又有另類收入，又可以看反應，網主之前亦有文章討論(愛鬥大)大量門券網上拍賣！