談到戲院的小食套戲，相信大家最熟悉的也許是絕大部份戲院均有提供的爆谷餐，而部份院線則提供了熱狗餐、燒賣餐，甚至連魚旦餐也有。
好了，甚麼都推出了後，還有新款式麼？原來還有。
上圖所見的是漢堡包，不過其實現在真的有戲院提供漢堡包餐來。現時新寶院線旗下的總統和新寶戲院，便有提供這個套餐，漢堡包連同飲品也不用廿元，即使再加配肉腸或爆谷亦三十有找，對於部份院線細爆谷餐也要三十大元之時，新寶和總統的套餐真的十分實惠。
更重要的是，這個套餐的漢堡包是即叫即整的，在小食部先行購買，職員會記錄觀眾入座位置，並先行取飲品及其他食品，漢堡包則會於開場後五至十分鐘後由職員送上。「講。鏟。片」特派員日前分別到了新寶和總統戲院嘗試這個套餐，發現漢堡包的熱度和味道還是可以的。
不知道其他院線又有沒有興趣效法呢？
Ryan
Billy: IFC好像可以叫啤酒飲的。
Ryan
Elmo: 相信跟茶餐廳合作模式只像MCL德福的餐廳而已，帶碟意粉入去食，清潔就要命了。
Ryan
ELK: 的確，如果能於播預告片前提供，也許會好一點，而小食部也是戲院的主要收入來源，恐怕改不了。
Ryan
米奇：現時嘉禾真的很看情況，海運的燒賣已不是這樣，但芝士腸則即叫即整。
Ryan
thierry：作為觀眾，進食時也許也要顧及環境吧。
Ryan
littlefans：對於不少觀眾來說，看平日七點半場是很尷尬的時間，放工後去看未有時間進膳，但空著肚子等到九點半難受，看九點半場又太夜時，便會買小吃暫作充飢。
不過，其實不少戲院在開場前數分鐘也讓觀眾進入影廳，若是簡單的小食，也許可善用該時段進食，減少開場後騷擾吧。
Ryan
DV：劃分也是沒太大作用吧，當年非吸煙區也不一定嗅不到煙味來。
Ryan
Switchonann：咁真係好離譜喎。
Ryan
P仔：不過難得文化中心的職員唔理喎。
Ryan
ho_fung38: 多謝提供, 由於近期星島的「巧合」事件太多，我們會另文探討。
Ryan
thierry：職員盡忠職守，也是難得的。
Ryan
x_x：香港恐怕幾難實行勒，不然戲院又會少一筆收入。
Ryan
一峰Fans：的確曾測試那弍貴到嘔的小食，至於酒精飲品則不敢試，因為怕影響觀眾。
Ryan
Billy：還是戲院該想想是否該在戲院可飲酒精飲品？萬一飲到醉昏昏的話又怎麼辦？
Ryan
快樂的：這真的很討厭了。
Billy
前2日去ifc睇悲夢, 旁邊不斷傳來熱狗的酸瓜醬味,爆谷味and最難頂的酒精氣味, 好在套戲少人睇,可以走位.
Elmo
MCL將軍澳與翠華茶餐廳合作,
那裡可能有菠蘿包食。
遲D睇戲,隔離可能會食緊碟意粉。
ELK
我都覺得這個問題都幾兩難，
明白戲院提供食品，既可開源又可滿足觀眾需要，我有時好趕去睇戲都會買戲院的熱狗
但到自己唔想食野想專心睇戲，
又會對於人家食到好大聲，
或者聞到食物味道又會覺得有點反感
對於有人送野，一來係方便，
但若果職員要跨過幾個人去送食品，
就對觀眾好唔方便
不過都明白，做生意係咁，無計。戲院無得賺，仲點有人做？無戲院又點會有戲上？
米奇
我很懷念以前銅鑼灣紐約戲院的燒賣，一樣是即叫即整，送去座位，熱辣辣好好味，比起現在百老匯院線的預製淋pat pat燒賣好食得多.
睇戲的時候,唔知點解就算明明唔肚餓,都想買野食的,所以戲院應該搞好小吃部.
thierry
個人不太支持戲院內可以進食,始終一邊看片一邊聽到周圍的食嘢聲.真係好影響.
littlefans
我到而家都唔係好明白點解要o係戲院入面食野….氣味和食野聲係一種無形的騷擾
有些人到而家更加分唔清楚什麼是popcorn movie, 有時睇文藝片或非商業電影, 有d茂李o係度食爆谷…嘈到冇人有
DV
個漢堡包幾吸引, 而且價錢真係算抵, 引到我好想去新寶試下~ 不過怕且係新寶呢d唔太滿座的場才容易整即製同送埋~
有d人怕食野的味同聲, 亦有人睇戲時趕時間肚餓要食野, 係好難兩全並美的; 一係好似舊時分吸煙區/非吸煙區, 將戲院劃分為食野區/非食野區~
Switchonann
有戲院係不准飲食的,就是灣仔藝術中心的Agnes b cinema.
以前間戲院仲叫林百欣個陣, 做八月照相館好多無去過呢度睇戲的人去, 遲到唔在講, 仲要拆薯片食…
P仔
我見過有人響電影節時響文化中心大劇院入面帶麥記超值套餐x2入去食,亦見過開薯片.
不過商營戲院入面食野真係無可厚非,話晒小食部先係戲院收入真正來源,好多時放工睇7:30場都食唔切晚飯會買野入去食
ho_fung38
雖然文筆有別，但我覺得呢篇野似乎係抄idea，未知以往曾「抄考」講鏟片的報章是否來自同一份。
http://hk.news.yahoo.com/article/090108/3/a4kq.html
thierry
以前影藝都唔准帶食物同飲品入去睇戲,有次睇戲見到吳思遠同張同祖都俾職員攔住,要佢哋食晒d嘢先可以入去,場面都幾好笑.
x_x
其實除左睇笑片同恐怖片,個人認為睇戲食嘢都幾騷擾….
聽聞唔知英國定美國好似話開始有戲院唔賣爆谷
唔知幾時香港可以呢..
可以做到只有笑片呀,恐怖or小朋友種類0既片先可以食嘢就得,哈
一峰Fans
金鐘AMC 係有酒牌,可以賣啤酒同紅白酒,在金鐘區算賣得唔貴
IFC未有酒牌,但係佢隔離的IFC Cafe有賣酒,都可以送入戲院入面食,我試過一次,好香,但係有點貴
Billy
大家不覺得喝完酒的人呼出的口氣(特別是啤酒)很難聞嗎? 還是只有我有這感覺??
希望各位為其他人想一下, 酒是香的, 但喝完再呼出的就完全是另一回事. 我知道不能阻止其他人, 只有自己避開好了 🙁
快樂的
我好記得在百老匯電影中心看《穿越時空的少女》，女主角在空無一人的教室內得到穿越時空能力之時，影片是非常的寧靜，連配樂也沒有，但我隔壁的男人在打開魚柳包的包裝紙，兼吃得津津有味！因為太靜了，連吞嚥進喉嚨的聲音也完全聽到，噁心之極！而且不只我一人聽到，附近幾行的觀眾都轉頭望過來！