經濟情況欠佳，令到更多人看戲時也要精打細算。各大院線的三十五元的早場仍不夠平，到底正場電影在沒有任何優惠的情況下的最低票價又是多少呢？
明年開始，這個票價又再創新低了。
過往一些舊式戲院如寶石和影都戲院播放的正場電影全日票價只需三十大元，而豪華戲院的周日及公眾假期正場片更低至廿元。可是，這個底價又再被打破。
上圖所見，便是紅磡寶石戲院近日貼出的通告，該院由明年一月一日起，逢星期六、日及公眾假期放映早上十點八正場新片，優惠票價十五元正。
十五大元，票價等同豪華或官涌的三級片早場的票價，絕對是「廉價早場，正片播放」。一月一日適逢該院線排上新片《大搜查之女》，未知會否有觀眾會專程前往寶石戲院盡享優惠呢？觀乎近日票房數字顯示，《葉問》在寶石戲院的票房竟較同區的UA黃埔為高，不知此舉會否令寶石戲院的入座率進一步推高呢？
Ryan
華仔：可能播三級片要找片源，正場片不用另找片源 😛
Ryan
shtmanhk：四個字：十分認同。
Ryan
華仔：那真的是一個死穴。
Ryan
obi-den：七月底在影都看過《女人我最大》，戲院是不俗的。
Ryan
Xmas：何以會有？公眾假期。
Ryan
DMH：相信未去到咁地步卦 😛
Ryan
nbachung：全日十五元的話恐怕谷唔到數 😛
Ryan
華仔：但豪華以往亦有周日廿元優惠正場片早場吧。
Ryan
華仔：今天有沒有去送別乎？ 😛
Ryan
華仔：看來開始有點變陣了。
華仔
一直想找天去光顧寶石，看看這間聽聞多時的影院，好多時又去番豪華睇，事情拖拖拉拉.今年四月決定首次進場睇愛情萬歲，五月睇了青苔.六月睇過深海尋人.入到場發覺戲院由以前超等改建的.一級級上，好似以前金聲超等佈局.放映廳呈橫向長形，座位的斜度大，銀幕位於欄河以外.原先的設計係供遠睇的，依家銀幕一下子逼近眼前，不過都唔覺有影響.令我想番起以前去金聲坐超等既睇戲日子，我諗住戲院冇任何廣告就上正場，但驚喜係上映前播了一班外國人拍的你不會偷車…你又怎會偷一部電影這個防止盜錄廣告，大家記得呢個廣告嗎，另一個廣告係兩個卡通父子到戲院睇戲，之後播空氣清新睇好戲更開心這說話，之後再賣新寶院線-新寶娛樂有限公司發行.這個廣告依家只有豪華會賣，前兩個廣告其他戲院已經冇賣，上兩年嘉禾戲院都有賣過依家唔知仲有無?睇青苔那次開場前放影片那位伯伯不時探頭睇有幾多觀眾.個時我都驚套戲唔播.之後零星有兩個單身男人入場再有三個女人合共六人，電影播放途中放影片那位伯伯外出買飯盒.記得以前金聲都見過這情況.散場時去戲院的廁所.在放映室旁邊.驚喜係廁所乾淨.仲有肥皂同廁紙.廁所的格局同以前新蒲崗麗斯類似.都係以黃色為主.
到寶石有一個唔錯的觀賞體驗,所以在此同大家分享.在往後繼豪華後寶石我都會多去睇新寶院線電影.趁他仲健在時要多多支持.
寶石和影都戲院有幾分相似，收縮左的大堂只有一個小舖位咁大，一道樓梯直登二樓的售票大堂，四壁都鋪上雲石和淡粉紅色紙皮石，典型八十年代街坊戲院模樣.值得一讚係寶石好乾淨.由廁所到放映廳.可能觀眾唔多冇咩人用所以好乾淨.但諗諗如果戲院位處於旺角實俾人反轉都似.
不過寶石的銀幕細同埋好似沒有立體聲的.這個優惠不知影都會否效法呢?當放映如深海尋人這些零票房電影時不知戲院又會否臨時改播回三級影片挽回票房呢?
shtmanhk
《葉問》在寶石戲院的票房竟較同區的UA黃埔為高
四個字:耐人尋味
華仔
我都好想在一間充滿人氣的寶石睇一場戲.找回以前坐超等睇戲的感覺.本來想去寶石睇葉問的.但想過銀幕唔夠闊和無立體聲的緣故最後又去番豪華睇了.
obi-den
如果可以有裡面啲環境相睇下就好，當係幫佢宣傳下！不過我諗影都會旺啲，因為有始終有班美孚客！
Xmas
請問有無聖誕檔票房?
DMH
播三級片其實都唔駛搵片源, 同一套戲隔幾日再拎番出來放都未必有人發現.
nbachung
《葉問》在寶石戲院的票房竟較同區的UA黃埔為高
四個字:耐人尋味….寶石戲院真係甚少人看喎.唔知為何?除非佢全日做15元.都有少少可能嘅..夲人近年去過寶石戲院2.3次.以我保守估計.平日唔多過10人看攞..最記得看[神探]no.1 5點30.得我一個包場看哂.
華仔
今天到豪華戲院睇早場.在三級早場表中看到和寶石差不多的宣傳紙上面說(本院由零九年一月一日起取消三級早場.逢星期六,日,公眾假期放映早場正場電影票價二十元正.)豪華的三級早場有一班穩定的長者觀眾支持.如今取消會否對票房購成影片.要一月一日後先知道了.
華仔
一月一日起取消三級早場,即表示以後星期一至五豪華都沒早場了.這個收入來源竟然自己放棄喎.
華仔
剛剛經過豪華,明天星期六日都沒有早場,取而代之第一場11:30 11:45為頭場票價30元 其餘場次45元