上周四開畫的電影強弱懸殊，由奇洛李維斯主演的科幻電影《地球停轉日》順利成為本周日票房冠軍，於86院錄得262萬，累積四天票房達1,056萬。
相比之下，另外兩部電影雖然周末票房未能有奇蹟出現，可是兩片卻於周末票房爬升上較為明顯，當中開畫十萬的《我的大鑊假期》周日26院錄得23萬，累積票房達81萬。徐克執導內地背景為題電影《女人不壞》於18院錄得近11萬，累積約40萬票房。雖然《地》片看似橫掃，但若細心觀看，卻見到電影開始呈現的票房危機。
從票房微觀角度去看，《地》片於周四至周五約提供430場左右，到周末達至520場高峰，可是周五票房較周四為低，即使到了周末，票房也只較周四上升53%，而周日票房更只較周四上升24%，顯示電影爬升幅度不足。相比起周四與周日《地》片票房，每院平均僅微升10%，而每場平均更下跌1%。至於《我》片及《女》片，除了周五票房較周四上升至少四成外，周日票房也較周四分別上升115%及81%。值得留意的是，《我》片及《女》片周末時僅維持約130場及86場，與周四開畫時場次為少。
從上述情況去看，《地》片未有像一般高票房般周末有顯著爬升，而周日跌幅更為明顯，反映了電影在早段票房已開始受壓，而最明顯的受壓因素則是受到劣評所拖累。《地》片並非高成本製作，但卻以高成本大片方式發行，結果觀眾在期望大場面及製作心態下入場，對其電影內容及製作失望引起的劣評隨之而起，不過相信發行也未必料到劣評的影響已開始在周日出現。隨著其他電影於本周後期開畫，恐怕《地》片要達到二千五百萬也未必是保證。
《我的大鑊假期》雖然是荷里活的聖誕檔期電影，可是這類片種在聖誕氣氛不太濃厚的香港作用有限，加上男主角在港的認知度及吸引力低，影響了票房水平。徐克執導的《女人不壞》票房欠佳，跟其執導的過去作品於水準上欠佳及本地女性題材較難吸引觀眾不無關係，觀乎情況恐怕百萬票房也不一定達到。
在《地》片衝擊下，仍在上映的電影均錄得較下的票房跌幅，當中林超賢執導的《証人》周日收近20萬，累積至昨天剛好超過750萬，相信800萬或有機會。台灣電影《海角七號》受到場次減少影響，周末收12萬，較上周近40萬票房錄得近七成跌幅，上映25天後累積728萬票房，相信票房最後僅能以八百萬作目標。金牌娛樂的兩部電影《狼牙》及《絕代雙嬌》於周日分別錄得七萬八千及四萬六千票房，累積分別達207萬及310萬，相信也在預期之中。至於《非常爆…內幕》則在十院錄得三萬二千，累積僅61萬，成績並不理想。
反觀一些較小型發行的電影，受到《地》片的影響較少，表現反而不弱，當中日本電影《死亡預告》次周日於三院仍收三萬七千，累積11天達44萬，劉美君奪得金馬影后的電影《我不賣身，我賣子宮》周日播放11場錄得二萬二千，累積達43萬多。不過另一得獎電影《九降風》票房未有起色，周日映三場僅收六百九十元，累積僅四萬三千，反觀《烈日當空》周日於百老匯電影中心播放一場卻收近三千四百，累積已達20萬多。獲得教會支持的《美麗．人生》周日於兩院播三場仍有一萬票房，累積32天達160萬，可算是甚有耐力。
Ryan
呀面：多謝指正。
Ryan
Uni：唉，這類電影可能當觀眾唔識這個語言。
Ryan
shtmanhk: 純看數值是真的，但計算場數及院數因素則是另一回事。
Ryan
小黑大王：只能說，包裝太佳，令觀眾期望太高。
呀面
第四段既《我》片唔係指地球停轉日咩?
定係我理解錯?–
Uni
尋日睇完<地球停轉日>，真係覺得王晶既戲比佢好
首先成套戲劇情麻麻，所表達還保、話人類破壞地球、想話地球唔係淨係屬於人類… 但真係表達得唔太好…
套戲內有一段奇講普通話，需然係可以令觀眾笑一笑。但細心留意內容，佢係咪侮辱緊我地中國人？
佢搵個中國人話留意左人類70年，發現人類係野蠻、唔講道理、錯唔會改個時就用普通話講，呢一刻奇講出攪笑既普通話令氣氛輕鬆少少。但當讚美人類既時候、講緊人係有感情時即刻轉返英文，呢個表達手法係乜意思？
編劇新增「羅亞波波」去代替「羅亞方舟」… 創意係有，但睇到有d九唔搭八
全套戲最好睇可能係女主角教授同奇既對話，討論緊佢有乜資料阻止人類改過，同埋奪去呢一個機會…
勸各友唔好因為假期搵戲睇所以去睇，真係浪費大家既時間同錢…
shtmank
外語片開畫票房排行榜
(只列出逾二百萬的數字,*者為公眾假期日開畫,**者為周六開畫)
1.蜘蛛俠３
739萬*
2.加勒比海盜魔盜王終極之戰
680萬*
3.哈利波特 : 鳳凰會的密令
361萬
4.盜墓迷城３
348萬
5.蝙蝠俠 ─ 黑夜之神
336萬
6.職業特工隊２
323萬
7.迷失世界 : 侏羅紀公園
311萬
8.功夫熊貓
300萬**
9.蜘蛛俠2
292萬
10.達文西密碼
283萬
11.變形金剛
280萬
12.盜墓迷城２
274萬
13.哈利波特：火盃的考驗
271萬
14.侏羅紀公園3
270萬
15.星球大戰前傳魅影危機
268萬*
16.加勒比海盜：決戰魔盜王
263萬
17.明日之後
259萬*
18.哈利波特：阿茲卡班的逃犯
257萬
19.22世紀殺人網絡２決戰未來
250萬
20.職業特工隊
237萬
21.天煞 : 地球反擊戰
226萬
22.蜘蛛俠
216萬
23.超人強戰回歸
214萬
24.地球停轉日
211萬
25.龍捲風暴
208萬
26.恐龍世紀
208萬
27.殺神特工
207萬
28.哈利波特 ： 神秘的魔法石
205萬
————————————
中西片開畫票房排行榜
(只列出逾三百萬的數字,*者為公眾假期日開畫,**者為周六開畫)
1.蜘蛛俠３
739萬*
2.加勒比海盜魔盜王終極之戰
680萬*
3.功夫
404萬
4.中華英雄
399萬**
5.無間道II
379萬*
6.風雲雄霸天下
370萬**
7.哈利波特 : 鳳凰會的密令
361萬
8.盜墓迷城３
348萬
9.蝙蝠俠 ─ 黑夜之神
336萬
10.職業特工隊２
323萬
11.無間道III終極無間
322萬
12.頭文字Ｄ
312萬
13.迷失世界 : 侏羅紀公園
311萬
14.長江7號
303萬
15.功夫熊貓
300萬**
(數字如有錯漏,敬希指正)
Billy
聯想力好豐富, 配服配服.
小黑大王
呢套片係翻拍 1951 年的同名作品。點解又係翻拍？呢十年荷里活o的編劇死晒？
套戲花了太多錢響奇洛果度，無辦法唔下下都大頭 shot。奇洛又肥o左，連爬過欄河都慢過人…
故事慢，後尾即頭爛o左。明明講佢唔知可唔可以阻止事情發展，又話已經太遲，轉個頭行o左入個波度完場。咁都得？
明明佢有支神奇胎盤素，邊度痕邊度痛甚至死人都係咁摔一摔就 ok！點解最後救番 joseph 同女主角又用超能力迫番o的毒出來呢？明明佢可以用腦電波隔空控制人，點解唔成日用？
套戲講人類只係借用地球做寄居地，但係人類令到個地球死亡，所以佢要派個使者來收回。本來意念都幾好，但係太空泛，又無加強渲染呢一方面o的o野，個個題目都係咁易帶過，捉到鹿都唔識脫角。
最好得一場，就係 will smith 個仔響墳墓果一場喇。呢個小童星真係令人另眼相看。唔記得果套「尋找快樂的故事」好似又係佢？
仲有o的 product placement 好鬼肉酸。
shtmanhk
地球停轉日成為霍士影片在香港有史以來非假期最 高開畫電影,打低鐵達尼號.
比較首四日累積票房(星期日單日票房):
奪寶奇兵之水晶骷髏國 1206萬 (372萬)
街頭超人 1000萬 (297萬)
魔間傳奇 748萬 (204萬)
新鐵金剛之量子殺機 884萬 (243萬)
超人強戰回歸 1134萬 (330萬)
地球停轉日 1056萬 (262萬)
依此推斷,地球停轉日仍甚有可能逾二千萬.
Billy
我都唔覺舊果套有物好睇, 可能個idea在當年算好新奇掛. 以現今的角度來看,舊果套的劇情直頭有d低b.
奇洛支膏唔係萬能, 佢救個警察時都係靠外力(由警車抽電力). 而且d蟲正在侵蝕他們的身體, 當然要清左d蟲先.
奇洛並唔可以用腦電波隔空控制人, 盤問室係靠電線及通訊設備, 直昇機係靠射到他手上的鐳射光束. 個機械人才可remote整停d機械同震低晒d人.
依套唔係動作片, 節奏慢d我覺得ok, 奇洛的表演同以前分別不大, 不竟他演的係冷眼旁觀的外星人,又沒有什麼打鬥動作, 又沒有愛情戲, 表情比較冷淡好合理.
我覺得套戲最大問題係:
1. 營造唔世界未日的恐慌感覺, 如果有個細的光球降落維園, 我估香港人只會去圍觀or拍照留念, 唔會大逃亡lor.
2. 主題唔清晰, 好似講環保, 又好像反戰, 又好似反核…
3. ending, 點解d蟲死晒之後, 全世界d機械/電腦好停晒, 好似51年果套咁暫時停電? or所有野被永久性的破壞 ?? or 拍到尾發覺同戲名唔配合才整多場戲 ???
Hong
照慣例, AA級大片在香港有1000萬保證, 鋪天蓋地宣傳再多1000萬, 然後再看口碑 & 套片實力…
呢套咪俾上年魔間傳奇個走勢稍好 (魔間首個禮拜一收60幾, 地球有80)
Archaon
我反而比較喜歡政府人員帶走女主角的一幕.還有那些金屬蟲的設計也很好.奇洛在黑版寫算式的那一幕也很好
如果你是以看科幻動作片的角度去看可能沒有很多看頭,但如果你細心留意戲裡的細節便會發覺其實拍得不錯,不過未必適今香港人的口味吧!
Archaon
其實我覺得不要太多心.這個主題並非很突出.最起碼那位中國老人家也代表善良.
如果說離普的可以說很多, 例如Diehard 1 的中國人在地下大堂偷小食, Blade 1 中的殭屍說人類是他們的食物(原文是cattle, 畜牲是也)鏡頭內都是中國人…等
但話說回來,成龍較早期的作品也有不少無腦並四肢發達的外國人. 把別的民族符號化相信那裡都有吧!
shtmanhk
魔間傳奇有投名狀同時上映,院數場數比地球停轉日少得.
shtmanhk
魔間首個禮拜一應不是60幾萬,約90萬
shtmanhk
比較首6日累積票房(首星期二單日票房):
奪寶奇兵之水晶骷髏國 1434萬 (123萬)
街頭超人 1299萬 (149萬)
魔間傳奇 944萬 (100萬)
新鐵金剛之量子殺機 1035萬 (65萬)
超人強戰回歸 1424萬 (148萬)
地球停轉日 1248萬 (95萬)
shtmanhk
地球停轉日次周四單日票房僅比新鐵金剛之量子殺機好,但仍比上映日數相同的魔間傳奇多出270萬,
二千萬應無問題,且看最後能否打入08年外語片十大?(現頭十位外語片皆逾二千萬)
比較首8日累積票房(次周四單日票房):
奪寶奇兵之水晶骷髏國 1598萬 (79萬)
街頭超人 1523萬 (97萬)
魔間傳奇 1108萬 (67萬)
新鐵金剛之量子殺機 1140萬 (46萬)
超人強戰回歸 1609萬 (83萬)
地球停轉日 1377萬 (56萬)