近年不少戲院為求增加想收入均想盡方法，當中由安樂經營的旺角百老匯戲院可算是最為進取的一間。排片的戲院與票房掛鈎程度不是以每周作單位，甚至少每日做單位。
結果，每每出現了如上圖的「排片大挪移」情況。
星期四電影開畫時，旺角百老匯戲院安排有二百多座位一院播放《3D心疤狂魔》、二院播放《新鐵金剛之量子殺機》、三院播放《爆粗Band友》、七十個座位的四院主要播放《奪標》，而只得五十七位的五院播放《CIA光碟離奇失竊案》，也許反映了該戲院對各片的票房期望。
可是，事與願違，在戲院票房表現，港片《奪標》的反應卻較次周上映的《新鐵金剛之量子殺機》為佳，而《CIA光碟離奇失竊案》在該院的表現則未如理想。戲院在觀乎周四的入場情況後，於接近周五凌晨時段排出周末場次時，可算來了「大執位」來：先是縮減《CIA》場次至四場，然後將《新鐵金剛之量子殺機》的主力戲院由二院調至四院，再將《奪標》的主力戲院由四院調至二院。雖然晚上八時廿分二院場次仍屬《新》片，可是《奪標》於相近時段連開四、五院作補充。
從上述例子，可見旺角百老匯對於開畫票房極為敏感。不過，要看到周四晚上票房才訂周末場次安排，恐怕排片人士的壓力也相當之大。
Ryan
Hong：有也不出奇。
Ryan
bbon99：相信沒可能放到四院或五院吧。
Ryan
MM：多謝補充。
Ryan
MM：結果整間公司的院線排片人士，相信也受到很大壓力吧。
Ryan
MM: 多謝補充。
Ryan
8914: 難道全間公司各戲院一機走天涯? 😛
Ryan
MM：其實最多裝多部都夠了。
Ryan
F: 旺角百老匯也試過臨時改動午夜場放映電影。
Hong
《新鐵金剛之量子殺機》廢到咁
埋單有冇千八萬呢
bbon99(Gears of War2)
好奇一問:旺角百老匯是否只有一院可以播3D電影﹖若《3D心疤狂魔》票房未如理想，可否變陣改院播放﹖
MM
基本上每間戲院其實都 fix 左邊間院係 for 3D 電影，
好似 AMCPP 主要係 6 院，
若果真係有包場就改o係 5 院~
至於 UA 太古城就 6 院，
好少會轉其他院放，
主要原因係部機轉黎轉去一來唔係咁方便，
二來事先佢地已經 plan 左o個間院有邊幾行係睇唔到 3D 效果而 block 起唔賣，
如果轉去其他院既，
又要重新研究佢地邊o的位唔賣得，
與其係咁既通常都唔會轉院，
寧願 fix 左一間院轉 for 3D 戲~
同埋基本上旺角點轉院，
佢頂多都係轉 1-3院，
但係 1-3 院座位數目都係一樣，
至於 4、5 院座位數目得O個幾十人，
仲要得O個幾行，
以 3D 電影頭幾行睇唔到既情況下，
真係唔知有冇十個位可以賣到，
所以就算套戲票房唔好都唔會轉細院，
頂多 cut 場而已。
MM
其實百老匯有個模式，
就係有時會 hold 起一o的場次唔賣，
等到 firm 套戲有數就放出黎賣。
求其拎又一城為例子
舉例星期四出星期六既 schedule，
可能佢會 hold 起某間院某幾段時間，
到星期五先至 release 出黎~
咁樣至少萬一真係某一套戲多人睇，
都可以加多一兩場、甚至 interlock 幾間院~
其實唔止旺百係就票房敏感，
基本上成個百老匯院線都係咁，
只不過可能有時 hold 左o的場數，
大家又唔會覺得佢有大執位過
MM
排片既應該都係得o個兩個度~
每人負責唔同戲院，
咁其實排又唔係真係太大問題，
同埋主要睇下負責o個間戲院既經理會唔會 bargain 下~
有時排片既出左放映時間，
通常好多時都會有幾個 version 俾經理睇，
等佢地覺得邊個比較適合既就用o個個 version，
如果個經理係真係留意排片同戲院運作，
好多時都會將o的時間略為修改，
即係可能排片既排套戲時間係
12 點、2 點、4 點、6 點、8 點、10 點，
可能會將夜晚場延遲 5 分鐘開場，
等有多少少時間俾 staff 散場 etc..
壓力實會有，
咁講真，有邊份工冇壓力先得架~
8914
OFF TOPIC一句,根據內幕消息,旺角百老匯的數碼放映機原來係AMC Pacific Place個部,難怪今次套3d只得旺角有而金鐘冇,即係現時安樂仍得一部數碼放映機
MM
咁講真，
3D 片又唔會話真係個個星期都有，
從經濟角度黎睇，
真係冇理由間間戲院都裝部機，
話哂部機都好似一部要成過百萬~
以而家咁既時勢，
唔買好過買~
F
有一次係旺角百老匯買了3院戲飛，去到戲院先知改咗時間和院號，問d職員乜事，又答唔到，淨係不斷道歉……睇到d職員咁，亦唔難為他們，接受退款了事，可是這樣卻給顧客留下出爾反爾的壞印象……
這件事至少見到排片人眼光短淺，沒有充足的市場調查，沒有充分理解和照顧客人睇戲的需要，根本是他們失敗，以至朝令夕改。君不見其他院線有經常這樣做？這樣又能對票房有多大影響？那賺多了的收入可以抵消給顧客的負面形象嗎？
有留意這篇文章的朋友，一定發現這不是單一事件，是不是投訴接受，態度照舊？
希望有關人士了解欣賞電影是一件很快樂的事，不單單是消費活動，檢討這樣做會否對愛電影的人造成傷害，盡快改善有關問題。