一部電影的片名，每每或者有曾改動的情況，有時有些改動不明所以，不過間中亦有錯有錯著的情況，而今天介紹的《韓城攻略》，便是一個錯有錯著的例子。
《韓城攻略》的開拍，明顯是衝著同樣有梁朝偉主演的《東京攻略》收得後，希望將其地點轉換再斬四兩之作。零四年開拍時時選定在韓國拍攝，找來首都漢城，結果最初也順理成章地取名為《漢城攻略》，就連英文片名也叫「Seoul Raiders」，跟《東》片英文片名「Tokyo Raiders」有一脈相承的味道。
不過，後來卻覺得片名好像不夠氣勢，於是易名《韓城攻略》，據聞有找過白龍王為該片片名過目。
可是，這一著現在看來，卻反覺有先見之明。
零五年一月，韓國宣佈將其首都城市漢城改稱為普通話發音跟Seoul相若的首爾，這一個改動，令到《漢城攻略》頓時不能使用，慶幸當時片名已改成《韓城攻略》，不然的話真的不知怎辦。
不過，若果用這來希望帶來好票房的話，《韓城攻略》似乎達不到這點，因為該片最終票房僅得七百多萬，僅為同期收逾千五萬的《喜馬拉亞星》的一半票房。
Ryan
http://news.sina.com.hk/cgi-bin/nw/show.cgi/15/1/1/38977/1.html
早前，南韓政府宣布將「漢城」改名為「首爾」，而梁朝偉、舒淇、任賢齊主演之《韓》片原本片名曾想叫《漢城攻略》，若果不是因導演馬楚成「心頭高」將「漢城」改為「韓城」，將十分麻煩。馬楚成表示：「當初我哋套戲有諗過叫《漢城攻略》，但後來我覺得『漢城』唔夠『韓城』（韓國城市）大，所以，就改咗而家呢個名，若果唔係，而家嘅宣傳都幾麻煩，淨係諗改唔改番做《首爾攻略》都i晒頭，真係一額汗呀！」據悉，該片片名亦曾交予白龍王過目。
來源：2005年1月24日《東方日報》
Ryan
Vincent：現在賀歲片也要看水準了。
Ryan
shtmanhk：賀歲港片哪部唔多？
Ryan
迷逃小書童華安：為動作而動作的結果。
Ryan
obi-den：拿出一大堆換票証不知會否有幫助？
Ryan
歴蘇：《柬京攻略》總會好一點吧。
Ryan
Maple: 畢竟看起來《韓城攻略》像是翻炒，吸引力已差一大截。
Ryan
david：多謝指正。
Ryan
歷蘇：咁比較就無得好講了。
Ryan
easy-film：要粉飾櫥窗的話，手法可以層出不窮的。
Vincent
當年《東京攻略》在賀歲片收二千七百萬，之後《韓城攻略》挾著前作聲勢，同樣有梁朝偉又豪華包裝，卻換來只有七百萬票房。其實此片跟後來的《心想事成》及《雙子神偷》均已可證明今時今日港產賀歲片已不再是票房保證，跟十年前完全是兩回事了。
shtmanhk
喜馬拉亞星收逾千五萬,頗多水份.
迷逃小書童華安
本身已經係舊派設計，即乜都要打，最記得東京攻略有一場，夠膽死可以監時隨手拿Ｄ哥爾夫球棍打爛仔交…
k
錯哂﹗
當年係已經蘊釀緊改名，
電影公司有先見之名，先至將”漢城”改做”韓城”。
關唔關白龍王事我就唔知，但肯定唔係Ryan所講嘅”錯有錯著”囉﹗
obi-den
《喜馬拉亞星》都收過千五萬？真係同齣戲一樣，唔知做乜，令人費解！？
歴蘇
《東京攻略》同《韓城攻略》的確一脈相承, 兩部都係爛片, 又悶。
Maple
《東京攻略》是在下罕有可以一看再看的電影，《韓城》不夠吸引，沒有看。
david
我曾經採訪過導演，事實係︰其實一早知道韓國政府有意將漢城改名做首爾，所以戲名才用「韓城」。
而且套戲係得到韓國政府大力幫助下拍攝，改名咁大件事，電影公司一定知！
歴蘇
小弟個人意見覺得Matrix 3 都好睇過《東京攻略》。 ;P
easy-film
部戲收千五萬, 其實係篤數0者…
當年睇呢套戲仲有買一送一, 大家記唔記得?