近年戲院經營成本上升，故此各大院商均想盡辦法來應付不斷上升的經營開支，方法之一當然是從票價上著手，按著地區及片長收取不同票價。不過，除了開源外，還有節流。其中一個方法，就是以自助售票系統取代傳統的人手售票方法。
其實香港的戲院自助售票系統已發展多時，早於九十年代中期，UA金鐘戲院便曾在入口處擺放一部大小如當年自動櫃員的自助購票機，供觀眾以信用咭購票。然而，由於當時購票系統在設計上未能令觀眾容易購票，加上速度緩慢及使用率偏低，最終只擺放一輪便沒有繼續使用。而目前UA院線在戲院大堂也再沒提供自助售票機，只得以信用咭於網上或電話預訂的出票機。
目前香港四大院線中，僅得百老匯及MCL兩條院線於戲院提供自助購票機。當中MCL的購票系統遠遜於百老匯院線。主要原因在於MCL院線的系統從選擇電影至購票完成的手續繁複，右上看個過程的反應實在太慢，而且使用的界面亦不太好看，例如上映電影太多的話，而在畫面上上落落也不容易。要成功購得一票，隨時要需時超過五分鐘，實在叫部份觀眾難以忍耐。
相比之下，百老匯院的自助購票系統算是較為人性化，過程雖然亦需以同一張信用咭或八達通擦或拍咭兩次，不過卻勝在界面簡潔。觀眾只需依步驟選戲院、電影、日期、時間，便可選位及確認，隨即出票。不過最重要還是其過程每部驟的反應也快，觀眾用起來沒感到太大難度。
其實自助售票系統的本來目的，正是希望可以減少戲院員工於戲院票房售票，令人力源得以更靈活調配。倘若系統用起來麻麻多多，只會帶來更多的查詢，實在得不償失。故此，在設計整套系統較件時，均得要設計到一般觀眾可以輕易購得戲票，相比之下，百老匯院線在這方面的成功，也許是他們不斷改進系統的成果。而換來的結果，就是該等戲院的售票窗口人手大量減少。每到周末，倘若不懂用自助購票的話，恐怕只會排長龍。
然而，目前自動售票系統仍有一個極限，就是未能同時確認會員優惠及積分，還望有關方面日後能顧及這點，讓那些希望享用會員優惠的觀眾也可選用自助售票。
Ryan
Simon: 這真是一大缺點。
Ryan
小黑大王: 網上訂要付手續費的。
Ryan
Dony: 百老匯的是可按入去, 但有講明只可買本院戲票. AMC如何就不清楚了。
Ryan
g: 的確如此。
Ryan
Simon: 又的確幾囉命。
Ryan
比比：我想其實系統可以再改善，但空間未必很大了。
Ryan
bbon99: 恐怕要平衡是否會買錯，這點很難取捨。
Ryan
Simon：排隊對住職員都會咁喎。
Ryan
SFC: 其實自動售票都唔算太多人用才會這樣吧。
Ryan
Simon: 對佢地睇戲是盲目的。
Ryan
SFC: 相信要用到的話，改系統並不容易吧。
Ryan
MM: 百老匯的是有。至於AMC，也許能請各位試到該戲院試用時拍攝一下電郵過來求証好了。
Ryan
Dony: 請先分清楚，這是兩回事。
有無提示標明是一回事。俾唔俾入同俾你睇或揀埋係另一回事。
當然，兩者同時出現聽落十分戇居，但不代不可能。
沒人說過該系統不會有邏輯問題的。
Ryan
Dony: 到底目的何在要問戲院本身，不然怎也找不到答案的。
Ryan
Dony: 先去看看閣下的問題，是在AMC某院用該自助售票系統，讓你可選另一戲院場次及座位後，購不了戲票來。
如果在該戲院看不合心水場次，便不會購票。自助售票系統可預售，要購該院預售的，亦不見得有問題存在。
閣下要談觀點角度無任歡迎，人身攻擊則只會被刪留言。
Ryan
DMH: 可否代為攝圖一下? 電郵過來可以了。
Ryan
Dony: 既然系統不能選購其他戲院戲票時，閣下會否認為該索認不讓觀眾選擇其他戲院會好一點?
Ryan
DMH: 事件反其實反映了整個系統設計要十分周詳，以應付不同觀眾需要。
Simon
百老匯院線個系統最主要有一個問題. 就係買唔到另一間既飛o
小黑大王
online 買就得啦~
Dony
冇錯~~上一次o係同系o既AMC又一城~~想買金鐘d飛~~當我揀好晒地點日期時間座位~~準備碌卡之際~~佢先同我講唔可以買其他戲院o既飛~~
我真係即刻想爆粗………唔可以買你又俾我按入去??仲要係揀好晒地點日期時間座位喎……..唔可以買你又唔一早貼張紙出黎話俾人聽??
浪費晒我d時間排隊 & 按左好耐……最後我憤而不看！
Dony
“佢”先同我講係指部機~~唔係指d職員~~即係我搞好晒部機先話唔買得……
g
如果可以設一部買另外戲院既飛, 咁d觀眾就可以自行排隊啦, 呢d機無非都係想減少人手售票的人龍, 去得果間好多都係想買返果間院既飛, 但方便到買第d院既人都未嘗不可, 但真係要註明, 唔係就浪費左時間排隊喇.
Simon
最攞命係咩都攪掂晒先話唔得, 極大希望, 極大失望o
比比
amc 和百老匯的售票機都有寫明唔可以買其他戲院的!!人地話比你睇係方便你睇下有無位，咁咪可以轉去其他戲院睇，而且段野仲好煩咁，列明無信用卡優惠、無學生等票價….不過真係太大段，邊有人咁有心機睇
我問過職員，要拍2次咭係因為怕d人亂咁按，係唔係都入到sit plan，會拖慢系統!!
bbon99(Good Girl Gone Bad)
另一方面睇，你都去到戲院，點解唔係果度睇埋呢?
要令到戲院可以買到另外一間戲院的戲票，系統會變得複雜，亦易產生買錯飛買唔到飛的問題，鋪設成本亦上升。
自助售票機優點是簡化購票程序，如果自助售票機可以買到其他戲院的戲票，相信觀眾會好奇其他戲院的售票情況，那麼其他觀眾的等候時間會加長，亦令到戲院自助售票機的交易額大大降低。
當然同一間公司同一區有兩至三間戲院，那麼就可以用這個方法購票，如旺角百老匯、百老匯電影中心及百老匯奧運站同於油尖旺區，觀眾若在旺百買不到戲票，如果他可以即時在自助售票機購得百老匯電影中心的戲票，十至十五分鐘步行去亦方便。
Simon
分別只係買唔買到o
其實依家只係睇到其他戲院情況, 都會引致呢個問題, 而使用態度都係關鍵, 我真係見過有人對住部機傾電話: 你嗰邊間戲院邊行仲有位喎…… 嘔血…..
SFC
非常同意, 最憎0的人繁忙時間重係用電話慢慢討論坐咩位. 不過自動售票機真係好方便, 當人手買票那邊有成三四十人在排隊, 自動售票相比之下快好多. 最0岩我呢0的,臨尾先買票的人
Simon
特別係啲情侶或者兩三個可愛教主既物體最攞命, 埋到去先傾睇邊部戲, 幾點, 坐咩位……
SFC
是啊. 不太多人用, 因為不能用信用咭優惠
MM
買唔到另一間戲院既飛原因好簡單，
就係唔想o的客買錯飛，
以為自己買左o個間戲院既戲票~
唔好以為我講笑，
的確香港好多客係咁，
成日買錯飛，
如果個自助售票機可以買到其他戲院，
相信錯飛既機會率十分高~
至於前文有人提及話部機冇 mention 過只可購買本院戲票，
可以咁講，amc 同百老匯既自助售票機係有提及，
當個客選擇戲院既時候係有 mention 呢樣野，
只不過個客有冇睇係一回事~
正如有人都講，
點解會俾人睇到另一間院既售票情況，
係至少俾客知道另一度仲有冇位 etc.，
從而自己考慮係咪去另一度睇~
Dony
冇！我好肯定係冇！
如果真係有~~佢做咩連位都俾我揀埋??係揀埋喎~~唔係齋睇有咩位剩喎……
咁仲唔係仍佢有問題??
Dony
都係o個句~~佢係俾我揀埋位~然後list晒所有detail問我係咪確認要買呢d飛~~之後我按確定~~佢先話唔買得~~
咁樣仲叫做純粹俾人睇??唔該你聽日自己去又一城睇下啦……
Dony
去到o個度就要去o個度睇??你咩理論呀??
你唔俾人買第二日架??
你唔俾時間唔o岩架??
咁搞笑o既你d思考方法…….
DMH
我可以好肯定咁講, 個句好長既野係選擇戲院個版, 但係AMC個system用左白色細font唔顯眼, 不過就算係百老匯個system用黃色同大D既font, 一樣大把人冇睇.
另外, 係佢有個句野既同時, 都真係睇到其他戲院座位情況, 我都唔知點解. 可能係system設計時準備可以買全線戲飛, 但後來又disable左.
Dony
算啦~~你都唔明”睇到”同”揀到”o既分別…….
我好似同緊個外星人講野咁…….
DMH
我明呀, 你見到個座位表, 跟住可以放大, 跟住可以highlight幾個位, 跟住確認, 跟住就話買唔到丫嘛?
我講緊係係呢個畫面之前早幾個畫面已經話左買唔到其他戲院既戲飛, 不過好少人會留意個堆字丫嘛.
咁佢個system 真係design得唔好, 但你話人地冇早D講丫嘛, 咁我咪話其實之前已經講左咁囉．
希望我唔係同緊外星人講野啦.