今天《蘋果日報》報導，周星馳將赴台與台灣的國泰投信公司成立的全球娛樂基金洽談計劃，當中包括將投資放在周星馳新作如新版《西遊記》及下一部功夫片。
然而，這類「食老本」的思維，除了反映周星馳在市場的侷限外，還反映片商對前景缺乏信心的短視。
據報章報導，周星馳的新版西遊記原希望飾演唐僧一角，由其他演員演主角孫悟空。然而，在片商卻強烈要求下，只好做回孫悟空，以挽回觀眾信心。
先談周星馳，其實他近年《長江７號》本想走溫情路線，其實是他在轉營的過程。然而，電影為遷就內地過於傾斜，影響創作及口碑。對於投資者而言，個人王牌失效，只好退而求次，希望周氏重溫他昔日角色，因他們以為這就是票房保證。
可惜的是，這種思維只是故步自封。
台灣片商於九十年代眼見港片興盛曾作大量投資，然而損手爛腳者眾。究其原因之一，就是他們沒看清市場而以為找回像是觀眾喜歡的東西照辦煮碗便有票房。不過，觀眾其實十分精明，上當者已漸漸減少。
翻拍《西遊記》，就如將過往的儲備或信用額再拿出來博一博，不過這種博法，能勝出者不多，反之會令觀眾感覺演員定型生厭，繼而不會再因演員入場，儲備慢慢「陰乾」。而投資者要周氏演孫悟空，更反映了投資者投資的不是周星馳執導之作，只是他演的《西遊記》，也許同時反映他們對周氏執導的電影信心不足。
這個情況下，拍出來的作品，恐怕變成吃力不討好之作。因為電影受落，也許不會歸功於周氏的突破而是他駕輕就熟。反之，效果欠佳便出現他走下坡之說。這類看似「穩陣」的投資，也許最為「搵笨」。
不過，到底這個投資項目，是投資者、周星馳與觀眾的「三贏」還是「三輸」呢？恐怕要看成品才知道了。
Ryan
Joker: 其實周星馳轉營總不能一步登天，《長江7號》只是過程，奈何要找投資者給他另一步不易。
Ryan
眾本無相: 恐怕居功的是劉鎮偉吧。
Ryan
AhcheunG: 這點是當藝人最困難之處，要突破但又怕流失觀眾。
Ryan
Simon: 相信拍出來會十分有趣的。
Ryan
7890: 且看今回他能有多少發揮吧。
Ryan
nbachung：《情癲大聖》？只感到些CG很假。
Ryan
CR: 這份創造力，恐怕是香港現今業界不多。
Ryan
Archaon: 轉營始終是一個過程，行不同的路徑，結果可能相差很遠。
JOKER
突然幻想到流淚的周星馳
想轉型可惜世界並不同意
有沒有其他由演員成功轉型的人？可討論下.
眾本無相
又西遊記? 俾無線同埋日本拍到好爛喇喎!
當年兩集西遊記吸引我的地方唔係周星星, 而係個堆經典對白 (“我估中了開頭，但係估唔到結局..”)同埋 “only you”.
AhcheunG
曾經看過一篇文章關於“長江七號”
他直指周星馳不再搞笑﹐還是周星馳嗎﹖
要轉型不是不好﹐只不過無人會接受。
食老本既問題﹐看看王晶便知。
今時今日拍賭片﹐用回十年前既笑料﹐還行嗎﹖
周星馳做回馬溜﹖以他年紀還行嗎﹖
Simon
呢部戲會唔會係周生自己執導?
如果係佢自己拍翻, 或者會證實左一樣嘢……當年兩部”西遊記”既成功, 應該歸功於周星馳定係劉鎮偉?
呢個問題, 喺兩個各有新作既時候, 總會有人攞出黎傾, 例如之前劉鎮偉既”情癲大聖”o
7890
對上兩套西遊記，似乎是技安的西遊記，而不是周星馳的西遊記。
沒有「駕輕就熟」或者「回塘」的問題，而是他的能力有所局限。個人覺得，真正代表他想法的，可能只是喜劇之王和功夫。
nbachung
ryan..完全唔看好依次周星馳的新版西遊記.
始終當年兩集西遊記太經典了.影響深遠.尤其第2集.太多經典場面對白太好笑又感人了.小弟番看超過5次.
上次劉鎮偉番拍西遊記真失望到極..同一套爛片冇分別.
CR
西遊記O既成功好大程度上同劉鎮偉有關。
不過，現在又的而且確欠缺一套有質素O既喜劇。如果做得有心思應該會有市場。
我諗要做，就唔係要周氏重新投入舊有角色，而係回歸當年O既集體創作模式。
留意，以前o既火花係
周星馳+李力馳+谷德昭
而家係咪時候由呢一班前人去，利用當年o既方法，帶領一班未成氣候o既新人班底呢？
有心做o既人依然有，不過係市場唔buy+唔團結。
再咁落去，電影業只會o係下一個十年死去。
Simon
伙伴關係同港產電影創作真係有好大關係, 諗翻咁多年黎好睇既戲同電影公司, 有邊套無以”兄弟班”或者”師徒”既創作模式? 例如以前”新藝城”, “電影工作室”, “UFO”, “仝人(即係陳嘉上+陳慶喜+阿旦)”, 後嚟既”最佳拍檔”, 到近年”銀河影像”…… 好多好橋都係一班人撞出黎, 先至令部戲有活力, 一言堂之下無可能有好的港產片o
就算係王家衛, 都有杜可風同張叔平啦o 根本依家周生既創作, 同打飛機無乜分別, 一個玩晒……
馬田史高西斯
大製作局限係大d ga la
CR
我反而留意投資者點諗嘢。
要pitch一套戲，首先一定要有selling point。selling point可以係吹出嚟，亦可以有事實根據。
例如，某金牌導演公認戲屎故事屎，無奈佢真係present倒，而且有佢以往嘅戲係票房保証，佢先可以keep 住pitch到戲。
即係話，有時單一創作人/演員會係投資者嘅著眼點。無論創作班底係點都好，無人有牌頭一樣PK。
有一樣野就係，電影圈唔係單單考天才同能力嘅行業，而係有幾PRESENTABLE，又或者你個PRODUCT有幾PRESENTABLE。所以，我哋唔難理解點解周氏早期（1999-2007）可以pitch到，而家（2008）投資者又要佢出番台前。
因為錢作怪。
除非你拍indie，又或者有人引薦，否則你班底有幾強，係唔出名，係阿豬阿狗阿毛嘅話就一樣無人理，see？
在投資者而言，係咪集體創作絕對唔係concern，反而，套戲要provide倒即時嘅return。
講真，pitch一套戲，由頭都尾其實同marketing無乜分別。
CR
有
Mel Gibson
Clint Eastwood
北野武
中國人例子，唔知。
CR
睇錯字，sorry。
以上係成功例子
文少
又炒冷飯﹖多謝啦﹐呢套戲唔好怪我BT算數…
至於CR講D投資者心態﹐呢D咪戇居囉﹐作為投資者最緊要係睇個市場嘛﹐但班友就淨係識得跟風﹑再唔係就炒冷飯﹐咩好橋都拍殘晒啦…你拍爛個市的話﹐就唔好怪人BT你啦﹖講真﹐如果D人再炒落去﹐我真係BT都要睇下影評呀﹐廢Q事徙電…
Paul
爾冬陞 算唔算?
nicnic
姜文都算卦。
好多時又好難話食唔食老本，占士邦同蝙蝠俠都長拍長有，問題係有無新野拍出黎。
初哥阿輝
唔睇咪算囉，唔通你覺得BT人地部戲係至確既？仲可以咁多野講？咩道理？
Simon
劉德華o
“暗戰”之後佢既戲睇得順眼好多o
Simon
就係班投資(機?)者只係睇住現時個市場黎跟風, 攪到咩好橋拍殘晒, 唔好倒果為因o
去到電影製作人嗰邊, 既然投資者都咁hea, 咁自己駛鬼用腦咩, 於是越做越hea…… 做越hea……
Simon
sorry sorry…..睇漏左以為係演出方面轉型 😛
Simon
無錯, 正如妓女都應受到保障, 不應被強姦o
CR
a smart investor would create its own trend. but most of them are dumbass.
like harry potter. perhaps its’ not the best but it created the trend nowadays.
Archaon
其實覺得周星馳的頂峰是少林足球，功夫也不錯，但看出周星馳有點江郎材盡的感覺。整套戲最特出的不是他，而是元華及元秋。要槳爆玩屎玩尿有点走回頭路的感覺。所以長江7號觸蕉也很正常。
轉形是好，但也要觀眾接受才成。食20年前的老本在今天也不容易。
個人認為周星馳要轉型，可以從這方面著首。以前是以主力搞笑>功夫>內容，現在可从功夫>搞笑>內容。這樣也許觀眾比較容易。