數到各院線提供的優惠咭，百老匯的bc VIP會員也算是較早成立的一個，自九十年代末成立至今，新會員及續會年費皆為港幣一百元一年。
然而，這個情況，自本月初開始已經改變了。
上圖所見就是一張關於會員入會費的調整通告。自六月一日起，bc VIP會員入會費已由一百元上調至一百二十元，至於續會費則仍維持一百元正不變。對於要多付廿元的新會員，有關方面則於本月提供一點「甜頭」，就是給新入會會員獲贈新款A4文件夾一套。然而，這類東西的成本多少，大家心裡有數。
是次入會費加幅雖然達百份之二十，不過觀乎戲票近年也上調一成，加上現時當上會員購票時可獲八五折優惠，以每票六十元計算，三張戲票的優惠已是廿七元，完全抵銷了加幅，相比起來，當然仍算是有所「著數」的。
Ryan
董小玥：不知何時連續會也來上調了。
Ryan
小黑大王：這點是必然的。
Ryan
jacky：恐怕不是想吸納對象？
Ryan
P仔：不知是否策略來？係聽起來有點奇怪。
Ryan
peter：是個別電影還是所有電影都停用優惠？
Ryan
小黑大王: 的確如此。
Ryan
bc Member: 其實各種優惠亦十分視乎大家用到幾多，用唔到亦係無用。
Ryan
P仔：還有有個所謂Cafe的優惠，但似乎連假日都無乜人幫襯。
Ryan
P仔: 而且，咖啡質素同樓下Starbucks差一截。
Ryan
KK: 如果唔介意, 都係方法來的.
★董小玥★
幸好，我屬於續會一類…
小黑大王
喜歡入場的朋友入會是有著數的！
jacky
我覺得百老匯會員對學生有少少多餘啦, 學生飛仲平過會員飛, 又冇得計分, 人地UA學生飛買飛有得計分, 係百老匯冇, 儲夠分仲只要係買一送一, 又諸多限制
學生會員作用只限於各種電影節時…
P仔
同意,我都係出黎做野,用唔到學生優惠時先開始加入BC VIP,因為之前都聽有同學加入左後大叫呻笨.
peter
岩岩去ifc 百老匯睇過
o個度正價戲票要八十五大元
而且所有優惠 包括 bc會員八五折 會埋 信用卡九折都停用…..
真係好貴呀……………
小黑大王
應該是個別片商的電影關係。
bc Member
總括而言,百老匯的會員優惠雖然是買一送一, 但相對同期其他戲院的暫停會員贈卷優惠,百老匯變相免費請你睇戲,好過有贈卷用不著看大片,唯有用於二三輪片.
加上百老匯的計分公平,消費金額越多越多積分,相對GRAND CINEMA/MCL不論戲票金額一律加相同之積分,買貴不得不到合理的回報,再者他們的入會費是$160一年,會員購票只得9折,會員加積分系統到今日仍錯誤百出.例如:
買兩張票只加你一張票的積分.
網上查詢購票記錄與實際購票數量不同,積分大多少了,時常需要保留票尾對數.
開業差不多一年,會員系統何時做到完美,會費貴但享不到完美的服務.
因此我推薦入會百老匯會員,優惠平靚正!
P仔
The Grand會員制度直頭垃圾,折扣只限於正價,平日6點前仲貴過周末睇,又同SC/Manhattan優惠完全重疊,食物又話8折但原來套餐唔計,亦遇到你所說的電腦計積分問題,當時又係叫我帶晒D票尾(冇keep到)同佢對,簡直亂來.好彩今次唔駛錢入會,要我到期續會直頭冇可能.
P仔
梗係啦,個Cafe縮左去戲院入口再入的隱蔽角落頭,應該10個觀眾有9.9個都唔知佢既存在
KK
Grand會員購票只能享有9折優惠,反而用Manhattan信用卡則有8折優惠. 這樣看來,入會還有什麼價值,不如去申請信用卡好過.